Við krefjumst réttlætis og heiðarlegra stjórnmála.

Svo raunin er sú að ljóti pólisíski leikurinn var í höndum Hönnu Birnu sjálfrar þegar allt kom til alls.  

Hjá umboðsmanni kemur fram að ef innanríkisráðherrann hefði strax komið fram með rétt svör, hefði málið ekki tekið svona langan tíma. Og þá er það komið í ljós að hún fór langt út fyrir valdsvið sitt.  Hún hefur nú iðrast og beðist afsökunar, en skaðinn er skeður, og ég get ekki séð að hún geti tekið sæti á alþingi eftir að vera opinberuð að því að ljúga úr ræðustól alþingis. 

En það er annað sem hryllir mig.  Lögreglustjórinn fyrrverandi og umboðsmaður alþingis létu ekki kúga sig eða beygja.  Þeir héldu sínu striki af stefnufestu og ábyrgð.  En hvað með önnur mál?  Er þetta algengt í stjórnsýslunni og menn beittir svona þrýstingi í öðrum málum, jafnvel sumir þeirra knúðir til undirgefni í krafti valdsins. 

Mér sýnist því nokkuð ljóst að það þurfi gagngera rannsókn óvilhallra manna á allri stjórnsýslunni, og það nokkur ár aftur í tímann. 

Einnig hefur komið í ljós svikamilla fyrrverandi fjármálaráðherra og alltmúligmanns í fyrrverandi ríkisstjórn, svo sviksamleg að jafnvel Icesave bliknar við þann samanburð. 

Þess vegna þarf að uppvekja landsdóm og rannsaka embættisfærslur fyrrverandi ríkisstjórnar með tilliti til hvernig þeir virðast hafa klúðrað bankamálum landsins og spilað í hendur erlendra fjárfesta.  Mál sem við erum ennþá að súpa seiðið af og verulega íþyngjandi.  

Það er því nær að nota kraftana á Austurvelli til að krefjast í fyrsta lagi afnámi kvótakerfisins, öðru lagi rannsókn á stjórnsýslu landsins og í því þriðja bankamálin verði rannsökuð og kærð til riftunar gjörða Steingríms J. Sigfússonar og ríkisstjórnar hans. 

Rakti lekamálið til fjölskyldutengsla

Smá hringsól í boði Framsóknar.

Stundum getur maður ekki annað en hlegið að stjórnsýslunni. Fyrsta sem ég las í morgun var að Gústaf nokkur Níelsson hafi verið beðin um að taka sæti varamanns í mannréttindaráði Reykjavikurborgar.  Hef svo sem aldrei heyrt á manninn minnst fyrr, en meðfram þessari frétt var birt grein frá honum um skoðun hans á samkynhneigð og innflytjendum. Sú lesning var hvorki falleg né fáguð. 

 

Svo nú keppast allir ráðherrar og ráðamenn flokksins við að lýsa yfir andstyggð sinni á þessari ráðningu og árétta áherslur flokksins á mannréttindi og frelsi. 

Málið er bara hver réð manninn. 

Svo til að kóróna þetta allt þá er þessi Gústaf ekki einu sinni framsóknarmaður heldur sjálfstæðismaður og það svona frekar "vel liðinn" í flokknum og hefur fengið þar allskonar trúnaðarstörf ef satt og rétt er greint frá. 

 

"Gúst­af Ad­olf Ní­els­son, sagn­fræðing­ur og fyrr­ver­andi fram­kvæmda­stjóri þing­flokks Sjálf­stæðis­flokks­ins, var í gær­kvöldi kjör­inn varamaður Fram­sókn­ar og flug­vall­ar­vina í mann­rétt­indaráði Reykja­vík­ur­borg­ar. Gúst­af Ad­olf Ní­els­son. Hlaut Gúst­af Ad­olf 10 greidd at­kvæði.

 Takið eftir 10 atkvæði ekki bara tvö eða þannig. 

„Odd­viti flokks­ins hafði sam­band við mig [í des­em­ber sl.] og spurði hvort ég treysti mér til þess að taka þetta að mér. Þetta kom mér svo­lítið í opna skjöldu því ég er ekki í Fram­sókn­ar­flokkn­um held­ur Sjálf­stæðis­flokkn­um,“ seg­ir Gúst­af Ad­olf og bæt­ir við að odd­vit­an­um hafi hins veg­ar þótt mikið koma til skrifa hans í Morg­un­blaðinu að und­an­förnu og því sett sig í sam­band við hann".

 

 

 

 

 

 

 

 

 

 

 

 

 

 

 

 

 

 

 

 

 

Maðurinn sjálfur kotroskinn og drjúgur með sig. Kveðst vera orðin vinsælasti maðurinn í dag.

 

Á von á að halda sætinu. Gunnar Bragi sagðist ekki vita til þess að Gústaf væri skráður í Framsóknarflokkinn og segist Gústaf alls ekki vera í honum. Ertu í Sjálfstæðisflokknum? „Auðvitað,“ svarar Gústaf en tekur fram að hann sé flugvallarvinur. Hann segist ekki eiga von á öðru en að halda sæti sínu sem varamaður þrátt fyrir þessa ólgu innan Framsóknarflokksins vegna skipan hans. „Ég geri alveg ráð fyrir því að borgarfulltrúarfulltrúar Framsóknarflokksins hafi fullt umboð. Ég veit ekki annað.“

 

En Adam var ekki lengi í Paradís því í hádegisfréttunum bara rétt í þessu kom fram að skipanin hafi verið dregin til baka.  

Sem sagt ein hringferð á borði Framsóknar og kastað út. Ekki sá ég að heyrst hefði neitt í forsætisráðherranum um málið, enda er hann alltaf undarlega langt fjarri þegar krýsumál koma upp í flokknum eða ríkisstjórninni.  Þá liggur hann sennilega undir feldi og hugsar málið djúpt og vel, eða er við hringborð allra aðstoðarmannanna til að leita að sannleikanum.  

 

En ekki veitir okkur almennum borgurum af að fá svona smá farsa í lífið, svona í skammdeginu.  

Blame it on Bakkus.

Björgvini er sannarlega vorkunn, og ég vona innilega að honum takist að komast upp úr sínum áfengisvanda.  En það er ýmislegt sem ekki stenst hjá honum blessuðum.  Í fyrsta lagi vil ég segja að það er enginn afsökun fyrir því sem hann gerði að hann er alkóhólisti.  Ef allir gætu bara komið því yfir á drykkju eða fíniefnaneyslu sem þeir gera, þá væri nú margur maðurinn ekki bak við lás og slá. Í öðru lagi skil ég ekki ef allt var svona upp á borðinu eins og hann segir, af hverju fór hann þá ekki réttu boðleiðina, þ.e. að tala við gjaldkera og sína yfirmenn um að fá fyrirframgreiðslu.  Það hefði verið meiri mannsbragur að því.  

Og svo þessar 14 úttektir á korti sem hann var með frá sveitarfélaginu.  

Ég er auðvitað alveg viss um að hann ætlaði að greiða þetta, en það eru svo margir sem einmitt byrja svoleiðis fá "smálán" og svo aftur og aftur.  Skuldin var jú komin upp í hálfa miljón, og var síðan í október, án þess að hann gerði hreint fyrir sínum dyrum.

Auðvitað átti hann að gera þetta upp við áramót, eða allavega láta vita af skuldinni, nema auðvitað að hann hafi "gleymt" henni eða vonast til að þurfa ekki að standa skil.

Mest er ég samt undrandi á fólki sem afsakar þessa framkomu.  Þeir sem veljast til trúnaðarstarfa eiga að standa undir þeirri ábyrgð sem þeir hafa axlað.  Og við eigum ekki að líða slíkt, því vissulega þarf almenningur í landinu að veita þeim aðhald sem þannig eru.  Þetta á jafnt við í stjórnkerfinu og sveitarstjórnarstiginu.  Um leið og við gefum afslátt þá erum við að segja að svona sé bara allt í lagi, sem það auðvita er ekki.  

Björgvin er ennþá tiltölulega ungur maður, vonandi lærir hann af þessu, stundum þurfa menn að horfast í augu við gjörðir sínar til að gera það.  Hann getur ennþá áunnið sér traust með því að vera grandvar en það er afskaplega erfitt þegar trúnaður hefur verið brotinn.  Ef hann væri valdalaus maður og ekki innarlega í Samfylkingunni (skrifist hvaða flokkur af fjórflokknum sem er)ætti hann sér ekki viðreisnar von, en flokkarnir sá um sína endalaust.  Sem ef til vill verður svo til þess að menn verða kærulausir og siðlausir, vegna þess að þeir þurfa aldrei að bera ábyrgð á gjörðum sínum. 

En ég óska honum góðs bata og betri framkomu í framhaldinu.  Batnandi mönnum er best að lifa.  

Björgvin í áfengismeðferð

Langar eða stuttar boðleiðir.

Elli minn talaði við þá þegar þeir voru að fara uppeftir.  Sögðust ætla að leika sér upp í hlíð til myrkurs þetta var um þrjúleytið. 

Síðan er hringt í mig frá Noregi og spurt hvað sé að gerast. Ég kom af fjöllum. Svo sá ég blikkandi ljós inn allan Seljalandsveg sjúkrabíla og lögregu og hjálparsveitirnar.  

 

 

 

 

 

 

 

 

 

 

 

 

 

En sem betur fer er búið að finna þá og koma á sjúkrahús.  Málið er að það er snarhættulegt ef menn eru að skíða þvert á hliðina, það getur alveg skapað það að snjór falli. 

 

 

 

 

 

 

 

 

 

 

 

 

 

En allt er gott sem endar vel. Sem betur fer er veðrið mjög gott.  Ekki gott að segja af drengjunum ef veðrið hefði verið eins og undanfarið.  

 

 

 

Tveir lentu í snjóflóði

Ein lauflétt á laugardegi. Aldrei að abbast upp á gamlar konur.

Gömul kona er stöðvuð af mótorhjólalögreglu fyrir of hraðan akstur.

Gamla konan: Er eitthvað að hr. lögregluþjónn?

Löggan: Já frú mín, þú ókst allt of hratt!

Gamla konan: Þú segir ekki?

Löggan: Get ég fengið að sjá ökuskírteinið?

Gamla konan: Nei, ég hef það ekki, þið eruð með það.

Löggan: Erum við með það?

Gamla konan: Já þið tókuð það af mér fyrir fjórum árum, fyrir ölvunarakstur.

Löggan: Ég skil, get ég fengið að sjá skráningarskírteinið?

Gamla konan: Nei það getur þú ekki.

Löggan: Af hverju?

Gamla konan: Af því að ég stal bílnum.

Löggan: Ha, stalstu bílnum?

Gamla konan: Já og ég drap eigandann og brytjaði hann niður.

Löggan: ÞÚ GERÐIR HVAÐ?

Gamla konan: Drap hann og búkurinn af honum er niðurbrytjaður í plastpoka í skottinu, ef þú vilt sjá hann.

Lögregluþjónninn horfir smástund rannsakandi á gömlu konuna og kallar að því búnu eftir liðsauka, greinir frá aðstæðum og bíður svo átekta.  5 mínútum síðar koma fimm lögreglubílar á útopnu á svæðið og víkingasveitin undir alvæpni umkringir bílinn. Fyrirliði þeirra kemur að bíl gömlu konunnar.  

Víkingasveitarforinginn:

Gjörðu svo vel að stíga út úr bílnum kona góð!     

Gamla konan stígur út úr bílum: Er eitthvert vandamál ungi maður?

Víkingasveitarforinginn: Lögreglumaðurinn hér á vettvangi segir að þú hafir stolið bílnum og myrt eiganda hans.

Gamla konan: Jæja segir hann að ég hafi stolið bílnum og myrt eigandann? Hann er ekki með öllu mjalla maðurinn.  

Víkingasveitarforinginn: Já hann segir það og að eigandi bílsins sé niðurbrytjaður í skottinu, vildir þú vera svo væn að opna skottið?

Gamla konan opnar skottið, sem reynist galtómt og segir: Og hér er skráningarskírteinið og  ökuskírteinið mitt.

Víkingasveitarforinginn: En lögreglumaðurinn fullyrðir að þú hafir ekki ökuleyfi,  ekkert skráningarskírteini og hafir stolið bílnum og sért með niðurbrytjað líkið af eiganda bílsins í skottinu, getur þú útskýrt það?

Gamla konan: Nei það get ég svo sannarlega ekki, en það kæmi mér ekki á óvart að fíflið héldi því líka fram að ég hafi ekið of hratt.  

 

Icesave og ESB.

Menn fara mikinn vegna yfirlýsinga forystumanna stjórnarflokkanna um að afturkalla ESB umsóknina. Hótanir um að standa vaktina niður á Austurvelli og jafnvel safna undirskriftum. 

Ég spyr bara hvar var þetta fólk þegar ákveðið var að sækja um?

 

Ég hef verið að lesa bókina hennar Margrétar Tryggvadóttur, frábær bók og afar upplýsandi um alþingi og alþingismenn og starfsandann og RÉTTLÆTIÐ þar á bæ. Ráðlegg fólki að kaupa hana og lesa vandlega, því svo sannarlega opnar hún glugga inn í dýragarðinn Alþingi. 

Mig langar til að grípa aðeins niður í bókina hennar og það væri ágætt ef menn hefðu í huga þegar þeir fara að andskotast niður á Austurvelli hvernig sú umsókn gekk fyrir sig.  

Reyndar er þetta ekki alveg í tímaröð en gripið er hér og þar niður í bókina.  

 

´

UM ESB umsóknina.

(Islendingar héldu að þeir fengju flýtimeðferð hjá Evrópusambandinu)

Svo segir Margrét; "Ýmislegt studdi þetta: Í lok janúar hafði t.d. birst frétt á forsíðu breska blaðsins The Guardian þar sem háttsettir heimildamenn blaðsins í Brussel og Reykjavík fullyrtu að Ísland fengi flýtimeðferð hjá Evrópusambandinu til að forða landinu frá efnahagshruni og gæti orðið aðili að sambandinu eftir tvö ár - árið 2011 - ef umsókh bærist á næstu mánuðum".

 

 

"Líkið í lestinni.

Í lok maí bárust okkur fréttir af hinu risamáli sumarþingsins Icesave. Haft hafði verið eftir forsætisráðherra að til stæði að ræða málið í byrjun júní: Heimildarmaður okkar sem hafði samband við Birgittu fullyrti hins vegar að samningurinn væri nánast tilbúinn og til stæði að undirrita hann þegar sendinefn kæmi til landsins í byrjun júní. Við nýgræðingarnir vissum ekkert hvernig við áttum að koma þessum upplýsingum á framfæri og óttuðumst að væru fréttirnar raktar til okkar kæmist upp um heimildarmanninn. Ég spurði Eygló Harðardóttur hvort þau í framsókn heðu eitthvað heyrt en hún kannaðist ekki við það.

Þegar Sigmundur Davíð spurði svo Steingrím um Icesave málið í óundirbúnum fyrirspurnartíma þann 3. júní hvort til stæði að undirrita samkomulag á næstu dögum, sagði Steingrímur að sú væri ekki raunin.

Tveim dögum síðar skrifaði formaður samningarnefndarinnar Svavar Gestsson hins vega undir tilbúinn og flókinn samning sem hafði greinilega ekki fæðst fyrir tveimur dögum".

 

"Næstu daga reyndi stjórnarandstaðan að fá að sjá samninginn en hann fékk enginn að sjá. Einhverjir stjórnarþingmenn sögðu jafnvel að þeim nægði að fá að vita helstu atriði hans og Steingrímur taldi miklu betra að samningurinn væri leyndó því hann væri svo flókinn og mikil hætta á að fólk misskildi hann. Auk þess væri það að kröfu viðsemjenda sem ekki mátti birta samninginn.

Birgitta og Þór áttu fund með aðila úr hollensku samninganefndinni sem var alveg hissa á þingmenn hefðu ekki fengið að sjá samninginn".

 

Síðar segir Margret þegar þingmenn kröfðust þess að fá að sjá samninginn eftir að honum hafði verið lekið til Defenshópsins og ríkisútvarpsins: " Í möppumum tveimur var mikið magn gagna; fundargerðir og bréf sem vísuðu hvert á annað. Það var nokkrum vandkvæðum bundið að lesa þetta saman því framhald gagna í þinghópsmöppunni var gjarnarn að finna í leynimöppunni og öfugt. ekki mátti taka þinghópsmöppuna með sér inn í leyniherbergið því hún var ekki leyni."

 

"Evrópusambandumsóknin. 

Ég skildi þetta ferli á eftirfarandi hátt og veit um fjöldann allann af fólki se skildi þetta á sama hátt fyrir kosningar. Við sækjum um aðild að ESB en þetta eru í raun og veru eins konar könnunarviðræður þar sem við fáum að sjá hvað er í boði en við erum samt eiginlega ekki að sækja um aðild að ESB heldur kanna hvort kröfum okkar verði mætt. Ef okkur líkar illa við þann samning sem okkur verður boðin getum við alltaf afþakkað og haldið áfram þar sem frá var horfið. Við erum sem sagt að fara í könnunnarviðræður því að það er ekki víðtækur meirihluti, hvorki á Alþingi né meðal þjóðarinnar um stuðning við að ganga í Evrópusambandið"

 

Svo segir Margrét: "Það fóru hins vegar að renna á okkur tvær grímur þegar við áttuðum okkur á tengslum Icesave- málsins og ESB umsóknarinnar og þeim mikla hraða sem átti að vera á umsókinni. það átti sem sagt að vera sérstaklega hentugt fyrir okkur að sækja um þegar Svíar væru með forsæti í ESB og því var alls ekki hægt að fara í þjóðaratkvæðagreiðslu um það hvort rétt væri að leggja af stað í þennan leiðangur því það væri of tímafrekt. Eftir á að hygga held ég að það hafi verið stórkostleg mistök að fá ekki samþykki þjóðarinnar fyrir aðildarumsókninni, sér í lagi þar sem annar stjórnarflokkurinn var í raun á móti öllu þessu brölti".

 

Seinna segir: "Sjálfstæðismenn höfðu borið fram breytingartillögu um að þjóðin yrði spurð hvort sækja bæri um aðild".

Og enn skrifar Margrét, á bls. 65. segir svo: "Af samviskusemi las ég mig í gegnum herlegheitin þ.e. (Icesave samninginn) og þegar öllu hafði verið púslað saman var nokkuð ljóst í mínum huga að planið var að Ísland tæki á sig þessar skuldir, gengið í ESB og þar yrði málinu reddað með einhverjum hætti."

 

Eftir að Hreyfingin var á báðum áttum við að samþykkja umsóknina þá segir á bls. 75: "Það sem gerðist auðvitað í kjölfarið - og við höfðum ekki séð fyrir sökum reynsluleysis en var eftir á að hyggja alveg augljóst var að upprunalegu atkvæðagreiðsunni var frestað og farið var að snúa upp á hendur ESB andstæðinga í stjórnarliðinu og fá þá til að greiða atkvæði gegn tvöfaldri þjóðaratkvæðagreiðslu en með þingsályktunartillögu ríkisstjórnarinnar. Nýir þingmenn Vinstri grænna voru sendir einn af öðrum inn til Jóhönnu sem reyndi að tala þá til og einhverjir komu skælandi út. Við höfðum aldrei upplifað nokkuð þessu líkt og ætluðum ekki að trúa því sem væri að gerast.

 

Já svo mörg voru þau orð.  Og ég tek undir með Margréti þetta eru ekki boðleg vinnubrögð.  Og þegar málið er skoðað í þessu ljósi, þ.e. hvernig ESB umsókninni var þvingað upp á fólk með þessum hætti finnst mér eiginlega að menn ættu nú aðeins að hugsa sinn gang um að fara í einhverja herferð niður á Austurvöll og mótmæla eða safna undirskriftum.  Það var ekki unnið að umsókninni með heilindum og raunar með ofbeldi og andstyggilegheitum.  Svo það ætti ekki að vera nein goðgá að hætta þessum viðræðum, það er alltaf hægt að byrja upp á nýtt og þá með samþykki þjóðarinnar ef okkur sýnist svo.  

En þetta er bara hingað og ekki lengra.  

Skuldsett fyrirtæki, skuldsett heimili.

Getur verið, en þarf ekki líka að skoða skuldastöðu heimilanna, með tilliti til þess að heimilin eru jú undirstaða þess að fyrirtæki dafni.  Eða erum við svo heillum horfin að við ætlum enn og aftur að afskrifa skuldir fyrirtækja á kostnað heimilanna.  Er bara ekki komið nóg?

Fyrirtækin of skuldsett

Sunnudagspistill Ólafs

Endilega hlustið á mann sem þekkir og veit allt um kvótakerfið og gæðin. 

http://olafurjonsson.blog.is/blog/olafurjonsson/#entry-1576732

 

Hef því miður ekki lag á að setja myndbandið beint inn en þetta er linkurinn.  

Nú er lag að láta í okkur heyra með kvótakerfið.

Kæru samskoðunar sinnar um kvótakerfið látum rödd okkar hljóma og deilum þessu frábæra myndbandi, og gerumst áskrifendur að síðunni, látum verkin tala og röddina hljóma. 

https://www.facebook.com/soknarhopurinn?notif_t=fbpage_fan_invite

 

 

 

 

 

 

 

 

 Skoðið þetta á fésbókinn og gerist vinir Sóknarhópsins.  

 

Þetta varðar okkur öll. 

Nýr fjölmiðill mitt í öllu fárinu.

Þessi góðu viðbrögð sýna ástandið á fjölmiðlum á Íslandi í dag, og er raunar traustsyfirlýsing á fyrrverandi ritstjórn og efnistöku þeirra DV manna sem hafa horfið á braut frá því blaði. 

Ég er afar ánægð með að heyra þessi viðbrögð og vona að hér sé í bígerð góður og heiðarlegur fjölmiðill með mikilli þátttöku hins almenna borgara.  

Nú þarf bara að gæta þess að græðgisöflin nái ekki að klóra hann til sín og eyðileggja eins og gerst hefur á fleiri fjölmiðlum undanfarna mánuði.  En það byggir fyrst og fremst á heiðarleika og framsýni þeirra sem fara með stjórnun á málefnum Stundarinnar.

Ég óska þeim bara góðs gengis, og ætla mér að styrkja þetta framtak.

 

 

 

 

 

 

 

 

 

 

 

 

 

Áfram krakkar þið getið þetta.

 

 

 

 

 

 

 

 

 

 

 

Ég er afskaplega ánægð með þetta framtak.  

Stundin slær met á Karolina Fund