29.2.2016 | 17:55
Ást er....
Að leyfa hvert öðru að vera til og anda. 'Eg sit hér ein í kotinu og nýt mín vel, meðan elskan mín skrapp til Valensía. Hann bauð mér með, en ég er svoddan kálfur að ég vil bara njóta mín þar sem ég er. Hann vill þvælast hingað og þangað og þá má hann það bara.
Það er búið að vera frekar kalt hér undanfarið, en sólin kemur þó oftast fram allavega um tíma. Við höfum unað okkur vel hér undanfarin mánuð meðan allt er vitlaust heima, en svo hef ég séð Ísafjörð einstaklega fallegan undanfarið í sól og fallegu veðri, ekkert er fallegra en þegar bærinn minn skartar sínu fegursta.
Við höfum svo sem komið víða við, þökk sé Elínu Þóru og Jóni, því þau hafa verið ótrúlega duglega við að fara með okkur um svæðið og sýna okkur, það á eftir að koma síðar með myndum.
En við fórum og heimsóttum Þórdísi og Dúdda um daginn, og það var virkilega gaman.
Þau seldu húsið sem þau áttu í fjöllunum og leiga þetta yndælishús nálægt Torriviega.
Öllu vel fyrirkomið og yndælt hjá þessum vinum mínum
Elín og Þórdís að njóta sín í sólinni.
Elli og Nonni á góðri stund.
Allt í góðu
Og Rúnar Þór Pétursson minn, ég knúsaði karlinn frá okkur báðum.
Flottara en Urðarvegurinn og betra veður hahahaha....
En þegar aðalvandamálið er orðið hvar maður á að snæða næsta dag, þá má segja að allt sé frekar léttvægt. Við förum venjulega út að borða í hádeginu, en eldum eitthvað létt um kvöldið, svo er kveikt á kertum og spjallað, nuddaðar ræt og bara haft það kósí, það er verulega yndælt, þó raunar mér finnist alltaf best að vera heima hjá mér í kúlunni, þá verð ég að viðurkenna að þetta er yndælt og ljúft líf. Vitandi að allt er í góðum málum heima, þökk sé systrum mínum og sérstaklega Ingu Báru og Jóni.
Það er ómetanlegt að eiga góða fjölskyldu. Og svo tilhlökkunin að fara til Austurríkis og Noregs að hitta barnabörnin mín þar áður en við höldum heim í frost og snjó.
En elskurnar eigi notalegt kvöld, það ætla ég að gera, þó elsku karlinn minn sé í Valensía og ég hér í notalegheitum með kertaljós og að leika mér í tölvunni.
Bloggar | Slóð | Facebook | Athugasemdir (0)
25.2.2016 | 09:28
Ekki verður feigum forðað, né ófeigum í hel komið.
Hann hefur ekki verið feigur blessað barnið. Vonandi farnast honum vel í lífinu. En eru það ekki arfavitlaus lög sem gera það að verkum að móðir grípur til þessa hryllilega ráðs að drepa barnið sitt? Held að menn ættu frekar að skoða þann endan en að eltast við foreldrana.
Fannst á akri með fjölda stungusára | |
Tilkynna um óviðeigandi tengingu við frétt |
Bloggar | Breytt s.d. kl. 19:33 | Slóð | Facebook | Athugasemdir (0)
24.2.2016 | 13:58
Smá hugleiðing um stjórnmálafólkið okkar.
Það er mikil gerjun í gangi í pólitíkinni. Ég hef verið að velta fyrir mér forsvarsmönnum flokkanna og hvernig þeir höndla málin.
Tek það fram að þetta er bara mín upplifun af því sem ég les og heyri. Það hafa allir sína kosti og galla, bara spurning um hvernig menn vinna úr málunum.
Bjarni Benediktsson, er örugglega vænsti maður. Hann er stefnufastur og lætur ekki teyma sig eitt eða neitt.
Hann mætti samt stundum aðeins staldra við og hugsa hvort ekki væri betra að gefa eftir.
Hans verstu óvinir í pólitíkinni eru örugglega hans nánustu ættingjar af þeirri ætt sem hann kemur úr. Þar eru valdagráðugir og klókir menn sem vilja græða sem mest og er sennilega nokkuð sama um aðferðirnar, það má sjá á Vafningsmálinu og Borgunarmálinu.
En það er samt eitt sem er verra hjá Fjármálaráðherranum, hann er orðin blindur á báðum augum við að reyna að skila hallalausum fjárlögum, og til að svo megi verða, lokar hann algjörlega augunum fyrir því sem er að gerast í þjóðfélaginu, svo sem eins og í heilbrigðiskerfinu, fátækt öryrkja og aldraðra og félagslegt óréttlæti, meðan þeir sem hærra eru settir fá fjárhæðir í hækkun launa og bónusa allskonar.
75.000 manns hafa nú skrifað undir óskir Kára Stefánssonar um meira framlag til heilbrigðismála. Þá duga ekki tölur, reiknislíkön eða slíkt. Það þarf að laga ástandið.
Held líka að mörgu leyti sé Sigmundur Davíð ágætis drengur, hann hefur sennilega ekki fengið mikinn aga í uppvexti, þar sem hann virðist ekki hafa lokið þeim prófum sem hann stefndi að.
Það segir líka af hverju honum finnst gagnrýni sem á rétt á sér, vera árásir á sig. Hann hefur aldrei fyrr þurft að glíma við slíkt í sínum verndaða heimi.
Mér finnst margt gott sem hann gerir, eins og að vernda gömul hús og vilja staldra aðeins við í þeirri hörmulegu kassavæðingu sem nú er í tísku. Hann vill örugglega gera meira og betur.
Það lá alveg fyrir þegar hann var gerður að forsætisráðherra að hann var brokkgengur í vinnu, það sást vel með því að lesa bókina hennar Margrétar Tryggvadóttur, þar beinlínis var rætt um hve hann mætti seint og illa og fór snemma, þá var hann bara óbreyttur þingmaður.
Ég held nefnilega að það hafi verið unnið að því bak við tjöldin að gera hann að forsætisráðherra, í eignahaldsfélagi Framsóknarflokksins, sem á sennilega upptök sín í Skagafirði, tel nefnilega að Birgitta hafi farið nálægt sannleikanum.
Hann er því ekki alveg sjálfráður um það sem hann gerir. Það sést best á því að hann passar ekki inn í þetta hlutverk. Veit ekki hvort Ólafur Ragnar hafi eitthvað komið þarna að málum, en það gæti alveg verið. Það sem hefur gerst gott í framsóknarflokknum, er að inn komu nýir þingmenn sem njóta trausts eins og Frosti Sigurjónsson, sem reyndar á ekki alveg heima þarna að mínu mati. Hann á ekki heima í baktjaldamakki, þar sem hann er of heiðarlegur fyrir svoleiðis.
Árni Páll Árnason er auðvita líka eðaldrengur, en hann er prinsiplaus að mínu mati, að halda völdum er hans aðal. Hann ólíkt Sigmundi hefur þurft að pota sér þangað sjálfur og jafnvel í óþökk Jóhönnu Sigurðardóttir. Nú er eftir að sjá hvort honum tekst að krafla sig upp aftur með því bréfi sem hann skrifaði og allt varð vitlaust út af Og eftir að hafa reynt að bæði gráta í anda Bjarna og vælupúkast eins og Sigmundur. Kæmi svo sem ekki á óvart að hans yrði saknað einhversstaðar í hópnum. Sérstaklega eftir að hafa verið gerður að blóraböggli, og sérstaklega ef Samfylkingin réttir ekki úr kútnum eftir að hafa skipt um formann. Pólitíkin er nefnilega skrýtin tík og oftast afar vanþakklát.
Katrín Jakobsdóttir er líka eins og öll hin ágætis kona. Hún virðist hafa ákveðnar skoðanir og margir treysta henni.
En það verður að segjast eins og er að hún vílar ekki fyrir sér að svíkja gefin loforð ef á það reynir, líkt og þau Steingrímur gerðu eftir kosningar þegar vinstri stjórnin varð til. Það þarf enginn að segja mér að hún hafi ekki vitað af fyrirætlunum hans og Jóhönnu um að sækja um ESB, þótt hann hafi neitað því kvöldið fyrir kosningar.
Atli Gíslason sagði að þetta hefði verið vitað inn í æðstu stofnunum beggja flokka löngu fyrir kosningar. Það er alltaf gott að hafa tungur tvær og tala sitt með hvorri, og þá verður maður vinsæll og trúverðugur ef ekki reynir á.
Birgitta er flott kona og mér þykir vænt um hana, vegna þess að ég þekkti móður hennar nokkur ár áður en hún yfirgaf okkur. Einlæg og yndisleg manneskja, Birgitta er það líka. Og hún er með prinsippin á hreinu. Hún veit hvað hún vill og fylgir því eftir. En stjórnmál eru bara ekki þannig í eðli sínu. Til að áætlanir fái brautargengi, verður að ræða við grasrótina og stundum að gefa eftir. Þó er gott að hafa sterkar skoðanir og þora að tjá þær.
Ég er til dæmis ekki farin að sjá að það geti gengið upp ef þau fá gott gengi í kosningum, jafnvel þó þau myndi kosningabandalag með flokkum sem óttast að deyja út, ef þau svo ná að mynda ríkisstjórn, að það fólk sem þá er komið með völdin í hendurnar vilji hafa stutt þing og svo kosningar aftur strax.
Einhvað segir mér að þar komi inn mannlegt eðli að halda áfram. Það er bara mannlegt og skiljanlegt.
Birgitta er hvatvís og ég hef grun um að hún vaði stundum áfram, án þess að gera grein fyrir því sem hún er að gera. Það getur verið óþægilegt fyrir samstarfsfólk hennar. En svo sannarlega eru Píratar að gera eftirtektarverða hluti og eiga eftir að marka stórt spor í pólitíkina héðan af. Héðan í frá verður ekki aftur snúið þökk sé þeim.
Ég er viss um að Óttarr Proppé er frábær náungi og hann er örugglega meiri músikant en pólitíkus. Svo það gat aldrei vísað á neitt að hann færi í formann Bjartrar framtíðar.
Hann er of saklaus og heiðarlegur í flokki með reyndum úlfum til að það gengi upp.
Enda er saga þessa skínandi stígs, eins og bróðir minn kallar flokkinn á enda. Þetta varð aldrei annað en brot út úr öðrum flokkum þar sem Guðmundur Steingrímsson vildi fá að vera aðal, en varð eiginlega aldrei neitt annað að því er mér sýnist.
En Óttarr er flottur. Vonandi ná þau að hífa sig upp, það vantar fleira gott og heiðarlegt fólk í pólitíkina.
Sorglegt með Flokk heimilanna, sem græðgin yfirtók til að sölsa undir sig peninga, og stofnendur sitja uppi með sárt ennið. Skil samt ekki af hverju peningagreiðslur voru ekki stöðvaðar, þegar ljóst var að flokkurinn fylgdi ekki þeim reglum sem settar voru. En svona gerast kaupin á Eyrinni. Og að þessu þarf að gæta. Ég get ekki annað en vorkennt Arnþrúði og Pétri hvernig fór fyrir baráttu þeirra fyrir betri heim fyrir heimilin, því ég er viss um að þau voru einlæg og heiðarleg í sinni ætlun.
Helga Þórðardóttir er formaður Dögunar, duglegri manneskju er ekki hægt að fá til að vinna í teymi. Hún lætur ekki mikið yfir sér konan sú, en svo sannarlega er þarna kjarnakona á ferð og á örugglega eftir að gera stóra hluti í framtíðinni.
Hún er helst til hógvær og berst ekki mikið á. Hún þyrfti að vera hávaðasamari og frekari, svo fólk tæki eftir henni og flokknum. Því fólk áttar sig ekki á dyggðum stjórnenda nema þeir sýni vald sitt. Því miður, því oftast og nær, raunar allaf er það besta fólkið sem sýnir hógværð og kurteisi.
Dögun á eftir að vekja athygli og áhuga fólks á næstu mánuðum.
Að lokum ætla ég að nefna einn flokk sem ég veit að hefur verið að vinna heimavinnuna sína, en það er Alþýðufylkingin. Þar er í forsvari Vésteinn Valgarðsson, þeir eru einmitt um þetta leyfi að halda opinberan kynningarfund um sín málefni.
Þetta eru nú bara spekulasjónir um bakgrunn pólitíkusanna okkar. Fjölmiðlar hafa raunar ekki mikinn áhuga á því að skoða mannlega þáttinn bak við þetta fólk okkar og hvað það er sem skapar þeirra ímynd.
Þeir sem eru að gera skoðanakannanir gera ekkert með þau félög sem eru að vinna að framboðum. Þeir einblína bara á þá sem þegar eru á þingi. Það er bara einfaldlega ekki réttlátt, því ef sanngirnis á að gæta þarf að taka alla með sem eru að huga að framboðum.
Nema skoðanakannanirnar séu eingöngu til að skemmta skrattanum, eða að að finna út hverjir gætu verið sigurverarar núverandi stjórnmálaflokka. Það þýðir nákvæmlega ekkert að tala um önnur framboð undir einu heiti og sýna eitt komma eitthvað prósent.
Stundum hef ég grun um að fréttamenn vilji svolítið ráða hverjir hljóta veganestið bæði til pólitísks frama og eins forseta fyrir utan allt annað eins og söngstjörnur og leikara. Þessi þrá þeirra er vond vegna þess að þeir eiga að gæta hlutleysis fyrst og fremst og persónulegir draumar þeirra um stjörnur eiga ekki rétt á sér, þar sem þarf að huga að eru hæfileikar manna til að höndla með vald á hvaða sviði sem það er.
Það er okkur öllum fyrir bestu að allir leiti að bestu kostunum í þeim málum og bestir til þess eru fjölmiðlamenn, en þá eiga þeir líka að vera fyrst og fremst hlutlausir, hlú að því sem vel er gert, og láta annað fara fram hjá garði.
Bloggar | Slóð | Facebook | Athugasemdir (3)
20.2.2016 | 14:53
Markaðurinn í La Marína og heimsókn til Péturs frænda.
Ég er löt við að skrifa hér núna. Ekki það að ég hafi ekki nógan tíma, sennilega of mikinn tíma, þá slugsar maður.
Það er ágætt að vera hér í La Marína, þetta er sagt vera stærsta öldrunarheimili i Evrópu. Hér er mest megnis fólk sem komið er yfir fimmtugt, margir Íslendingar sem eiga hér hús og dvelja hér yfir vetrarmánuðina en fara svo heim yfir sumarið. Hér er líka yngra fólk, en miklu fleiri í eldri kantinum.
Hér er mikið um breta, þeir halda hópinn og spila saman eitthvað sem líkist póló á svæði við La Marínabar. Svo borða þeir sunnudagsmatinn hjá Helenu, sem matreiðir enskan heimilismat fyrir þau við góðan orðstír.
Hér má einnig sjá skandinava. Það er ljúft að vera hér og fólk opið og vingjarnlegt.
Á þriðjudögum hittast íslendingarnir á La Marínabar og fá sér bjór og rauðvín og spjalla, spyrja frétta að heiman og gleðjast.
Á fimmtudögum og sunnudögum er markaður hér rétt hjá, þar er gaman að rölta um og skoða allt sem þar er á boðstólum.
Þar kennir ýmissa grasa, og hér er um að gera að prútta við þessa gaura.
Svo eru hér útsala, og konurnar róta og róta í fata haugunum, sem oft kosta bara eina evru.
Þarna hittum við oftast Auðunn Karlsson og Fríði.
Þessi er líka ísfirðingur, Guðmundur Richter og konan hans Jóhanna minnir mig.
Hér má líka sjá ferfætlinga, þessir voru nýkomnir úr hundahlýðniskóla, urðu að sitja alveg kyrrir meðan "foreldrarnir" fengu sér bjór og rauðvín.
Já hér má finna ýmislegt.
Litið yfir svæðið.
Það er að vísu ekki kafbylur hér og allt í snjó, en hann getur orðið ansi þungbúin himininn.
Og það þarf að búa vel um bílana sína, áður en haldið er heim á leið, svo sólin skemmi ekki lakkið og dekkin.
En oftast er veðrið gott og hægt að fá sér í gogginn úti á balkoni.
Hér eru Elín og Nonni komin í heimsókn, þau ætla að aka okkur til Péturs frænda niður í Torriviega. Hér er auðvitað verið að skoða múrverk sem þarf að laga.
Hér erum við svo komin til frænda.
Þetta er fjölbýlishúsið sem hann býr í á veturna.
Hér eru þessar flottu svalir með útsýni yfir Miðjarðarhafið.
Minn kall nýkomin frá Ástralíu. Flottur hann elsku frændi minn.
Hér er svo íbúðin.
Séð ofan frá svölunum, þarna er verið að byggja nýja verslunarmiðstöð Lidl sem verður opnuð í sumar.
Ég segi oft að Pétur sé stóri bróðir minn, hann var 16. ára þegar ég fæddist, og ekki farin að heimar, og ver mesti stríðnipúki sem ég hef kynnst og hann er það ennþá.
Og ekki er tölvan að rugla hann í ríminu, ótrúlegur þessi töffari.
Við skruppum út í búð og Elli keypti sér nýja sko, hér er hann að henda þeim gömlu i ruslið. Hér er ruslið sorterað, pappír, plast og flöskur og svo almennt rusl.
Hér er mikið um kaktusa af öllum stærðum og gerðum, en líka önnur blóm sem við þekkjum heiman að.
Já það er gaman að skoða blómin hér.
Ekkert smá flottir þessir.
Svo bara þessi venjulegu sumarblóm eins og hjá okkur.
Flottustu og bestu stríðipúkarnir mínir
Áður en haldið var aftur heim til La Marína, fengum við okkur í svanginn.
Þetta var yndislegur tími fyrir okkur þrjú og þökk sé Jóni og Ellu að gera það mögulegt.
Það var auðvitað úr mörgu að velja á matseðlinum. Allur matur er góður hér á Spáni.
Frábær dagur. Eigið góðan dag líka í vetrarríkinu Íslandi
Bloggar | Breytt s.d. kl. 15:38 | Slóð | Facebook | Athugasemdir (0)
12.2.2016 | 21:27
Málefni og fjölmiðlar.
Málefni dagsins og hlutverk fjölmiðla. Um daginn stóð Dögun stjórmálaflokur um réttlæti, sanngirni og lýðræði fyrir, opnum fundi á Norræna húsinu um Tísamálið.
Öllum stjórnmálaflokkum var boðið á fundinn.
Fundarstjóri var Benedikt Erlingsson.
Frumælendur voru Bergþór Magnússon aðalsamningamaður utanríkisráðuneytisins i í Tisa.
Kristinn Hrafnsson starfsmaður Wikileaks á Íslandi.
Gunnar Skúli Ármannsson frá Dögun.
Frosti Sigurjónsson frá Framsóknarflokknum.
Steinunn Þóra Árnadóttir frá Vinstri Grænum.
Arnaraldur Sigurðsson fyrir Pírata.
Þrír stólar voru auðir.
Þeir voru fráteknir fyrir flokka sem ekki höfðu nægilegan áhuga á málinu, eða allavega kusu að sitja heima.
Þetta voru Sjálfstæðisflokkur Samfylking og Björt Framtíð.
Fjölmenni mætti og var fundurinn afar málefnalegur og margar upplýsingar komu fram sem voru áhugaverðar og nýir fletir á málinu.
Eða eins og fulltrúi VG sagði: Það er augsýnilegt af góðri mætingu hér að það er eftirspurn um þessi mál frá samfélaginu.
Því miður var hvergi að sjá neina umfjöllun í fjölmiðlum um fundinn, þó alveg örugglega sé hægt að segja að þessi mál varða alla íslendinga, þó utanríkisráðherra hafi sagt að það þyrfti ekki að ræða þetta á alþingi né fara með umræður um máefni þar. Þetta er frekar sorgleg staða, og ég spyr mig, hvar er áhugi blaðamanna og fjölmiðla á svo alvarlegum umræðum sem einmitt þessi mál eru í dag, og margir hafa varað við afleiðingum af undirritun þessara samninga, sem virðist eiga að skrifa undir áður en alþingi tekur þetta til efnislegrar umræðu synjunar eða samþykktar.
Hér er slóð á fundinn.http://nordichouse.is/is/event/tisa-open-meeting/
En kæru stjórnmálamenn og fjölmiðlamenn, það er hægt að bæta úr þessu. Því næsta laugardag, þann 13. febrúar n.k. verður fundur í Norræna húsinu um Samfélagsbanka.
Frummælendur á þeim fundi eru komnir langt að. Ellen Brown lögfræðingur og rithöfundur frá Bandaríkjunum, sem hefur unnið mikið í þessum málum og Wolfram Morales framkvæmdastjóri sparkassen í Þýskalandi, einnig mun formaður Dögunar, Helga Þórðardóttir tala á fundinum. Fundarstjóri verður Erlingur Ingvarsson.
Nú fer að líða að því að stjórnmálaflokkar fari að undirbúa næstu kosningar, þá er oft talað fögrum rómi um allt sem þeir vilja gera fyrir almenning í landinu. En eitt er að tala og annað að framkvæma.
Stjórnmálaflokkar sem ekki hafa áhuga á að vinna að málefnum sem varða hag alls almennings eru ekki líklegir til að sinna því hlutverki eftir kosningar. Dögun náði ekki manni inn síðast, en fengu þó nægilegt fylgi til að fá fjármagn, því fé hefur verið vel varið í grasrótarstarf, fundi sem þessa tvo og örugglega fleiri, margar ályktanir hafa verið sendar á fjölmiðla út af ýmsum málum og svo reglulega fundi í framkvæmdaráði flokksins.
Það ætti því að vera fjölmiðlum sem virkilega vilja breytingar og fá nýja sýn á málefni tilefni til að fylgjast með Dögun og þeirri góðu starfssemi sem þar fer fram. Endilega að kynna sér málin.
Bloggar | Slóð | Facebook | Athugasemdir (0)
10.2.2016 | 13:42
Maskadagur, samt ekki á Ísafirði, við möskum á bolludaginn.
Heima er maskadagur í dag á flestum stöðum, en ekki á Ísafirði, við höfum alltaf maskað á bolludaginn svo lengi sem ég man. Og í þá daga fékk maður bollu í stað sælgætis. Man einu sinni að ég hafði fengið gamalt sængurver frá ömmu og klippti göt fyrir augu nef og munn. Kom þannig til nágrannana og fékk bollu, og tróð henni í sængurveraklætt andlitið meðan fjölskyldan veltist um í hlátri.
En ég var í öðruvísi maskadag á sunnudaginn, þetta verður ef til vill of langt, en ég bara vildi ekki sleppa meiru úr, því þetta var svo skemmtilegt.
Það var karnival í Torriviega, Jón og Ella buðu okkur að sækja okkur og fara saman á karnivalið. Þau eru alltaf svo yndæl. Við vorum tímanlega á staðnum, en gangan átti að byrja kl. 4.
Það var búið að raða stólum eftir allri götunni.
Já ég er að tala um ALLA götuna
ALlskonar nammivagnar voru komnir á staðinn.
Þar sem við vorum snemma í því, settumst við á torginu þar sem var sól og fengum okkur eitthvað smávegis, rauðvín, bjór, kaffi og sona. En það var frekar kalt í skugganum og vindur.
Blessuð börnin voru auðvitað uppá klædd.
Ég fékk mér stól, hann kostaði3 evrur, það er enn snemmt skrúðgangan byrjaði alveg neðst, svo það var ennþá autt hér fyrir ofan.
Löggan var mætt til að fylgjast með svo allt færi nú vel fram.
En fólkinu fjölgar jafnt og þétt.
Þau voru mörg litlu krílin sem skemmtu sér hið besta.
Þessir piltar seldu aðgang að stólunum.
Jú það er eitthvað farið að bóla á skrúðgöngunni.
Hér er spiderman á ferðinni,örugglega til að hjálpa til.
Jú einhver hlýtur að hafa kallað á hjálp.
Nokkrakr kisur og svo Elín Þóra.
Prinesssur og ofurhetjur á hverju horni.
Og svooo gaman.
En nú kemur skrúðgangan af fullum krafti. Dans músik og leikur.
Og þau voru ekki öll há í loftinu þessar elskur.
En tóku hlutverk sín alvarlega.
Gætu verið blómálfar. og sumir fá að ferðast á afar þægilegan máta.
Aðrir gáfu sér smá tíma til að heilsa ljósmyndaranum.
Og áfram heldur gangan.
Hér eru kunnulegar persónur.
Blóm og fagrar meyjar.
Grimmar nornir voru þarna líka.
Og allskonar sem nöfnum tjáir að nefna.Hef svona grun um að hér séu Hans og gréta.
Ó jú ætli það ekki.
Hér eru svo einhverskonar varðmenn eða hermenn.
Þessi fuglahræða pósaði fyrir mig.
Þessi mamma er frá Hollandi, og passaði stólinn fyrir mig, meðan ég fór og fékk mér bjór.
Hverjar þessar verur eru, veit ég ekki, en ekki eru þær fríðar
Ef til vill býflugur.
OG svo fleiri persónur.
Fleiri persónur frá OZ.
Örugglega einhverskonar álfar.
Og sumir geta ekki setið kyrrir.
Aðrir eiginlega neyðast til að sitja kyrrir.
Lítill fallegur álfur.
Og ennþá minni álfur í allof stórum skóm.
Stráka álfar.
Er ykkur nokkuð farið að leiðast. Mér er allavega farið að kólna.
Þetta eru skógardýr sýnist mér.
Eins og sjá má.
Og ansi hreint liðug skógardýr.
Og svo fá sumir bara að hafa það náðugt.
Of löng ganga fyrir lítil kríli.
Og þá erum við komin að FLintstones.
Sjálfur Fred, þarna.
Með Vilmu og syni.
Betty og Vilma.
Sum eru ekki há í loftinu.
Og sum standa varla út úr hnefa.
En nú er mér orðið kalt svo ég ætla að fara að fikra mig niður götuna og að bílnum.
Þetta er ekki á tölvuöldinni.
Gott að vera búin í göngunni.
Hér er svo oggulítil leðurblaka.
Og píratarnir í Karabíska hafinu.
Ókey Ókey, þó ekki hafi allir sama áhugann, padinn er svo sem alltaf góður.
Rauða millan hvað?
Og gott að vera komin í heila höfn hjá ömmu sín.
Víkingar!
Maður getur nú fylgst með þó maður þurfi að vinna.
Fimm litlar mýs.
Eða bara tvær litla mýs.
Svolítil krúttamús.
Svo má bara sitja á öxlunum á pabba sínum og sjá yfir allt.
Fallegir kroppar.
Enn ein brúðan.
Krúttsprengjur.
Og þessi ekki síður.
Vona að ykkur sé ekki farið að leiðast.
Flott.
Jafnvel ennþá flottari.
Hér eru víkingarnir.
Og enginn hræddur.
Vel vopnaðir og í fullum skrúða.
Úbbs hér er eitthvað kunnuglegt.
Jú ekki ber á öðru Dúddi og Þórdís.
Allt tekið upp auðvitað. Þvílík sýning, þvílík skrúðganga og búningarnir frábærir, þetta er sérlega skemmtilegt. Var á svona Karnival út í New York fyrir langa löngu, en þar voru enginn börn með, en búningar rosalega flottir, mest voru það þó dragdrottningar sem settu svip sinn á gönguna þá.
En ég segi nú bara kæru skrúðgöngumenn og áhorfendur innilega takk fyrir að gefa mér þennan ógleymanlegla dag.
Þegar við svo loks gátum troðið okkur gegnum þvöguna niður að höfn, þá var það fyrsta að finna sér matsölusgað og fá sér eitthvað gott í gogginn.
Gosbrunnur á torginu í Torrievega. Og þessi flotti sófi.
Þessir hvorki dansa né syngja því síður hreyfa sig en jafn glæsilegir fyrir því.
Vona að ykkur hafi ekki leiðst í þessum langa göngutúr, og ekki orðið of kalt. Eigið góðan dag elskurna.
Bloggar | Slóð | Facebook | Athugasemdir (0)
4.2.2016 | 13:03
Smá gönguferð í gær.
Í dag er skýjað og spáð rigningu, við fórum á markaðin í morgun og keyptum okkur fimmlítra rauðvínskút fyrir 7 evrur. Fengum okkur svo rif og fórum með heim og átum.
Elli á Lamarínabar. Þar hittast íslendingar oft á sunnudögum, Helena veitingakonan er íslensk. Þarna hittist fólk gjarnan í hádegismat á sunnudögum. Síðast voru að vísu bara við Elli og Aðunn Karlsson og Fríður.
Ég er að spá í hvaða tré þetta er likist helst furur, er samt ekki viss.
Hér erum við svo komin á "heimilisbarinn. En þangað fórum við oft með Kristínu og Sturla síðast.
Umhverfið hér er svolítið upp og niður alveg frá mjög fallegu og vil hirtu og niður í algjört drasl. En þeir hlaða allstaðar svona gróti kring um plöntur.
Hér býr örugglega mikil blómakona.
Mikið um allskonar þykkblöðunga og kaktusa.
Stofublómin okkar bara svona úti á götu.
Ekki amalegt að hafa svona flott sítrónutré við höndina, þegar þarf að blanda út í drykkina.
Greinilegt að enginn hefur komið hér í nokkur ár þar sem gróðurinn er búin að yfirtaka innganginn.
Hvert hús hefur tvö númer, hátt og lágt. Hér er til dæmis 1064 og 126. Annað númerið tilheyrir sveitarfélaginu en hitt er húsnúmerið, veit ekki af hverju þetta er svona.
Hér sést betur hvernig gróðurinn hefur alveg yfirtekið þetta hús.
Flott götutré.
Byrjað að rökkva og sólin að lækka.
Búin með nokkrar svona ástarþvælur, en það er nóg til af þeim, verst að þær eru allar næstum eins, svo þegar búið er að lesa eina er maður búin með þær allar. En ég er enn birg af krossgátum.
Það er frekar mikið mistur á morgnana, mengun held ég, mér er sagt aðbændurnir séu að brenna akrana sína.
En þeir eru nú ekkert sérstaklega penir,
Þessi mynd var tekin um hádegið í gær, og þar sést að hitinn var nú ekki meiri en 11°
Fórum inn á kaffihús og fengum okkur hádegismat. Það sést ekki á myndinni en þarna fyrir ofan vínflöskurnar er auglýsing fyrir Valentínusardaginn, og þar stendur öðru megin "fyrir hann" og svo hinu megin, þar sem var svona léttara vín "fyrir hana" Mér datt svona í hug orðið feministi
Minn bæði saddur og sæll.
Hér er leikvöllur og skrúðgarður, en hér vex ekki gras, sem er eðlilegt þar sem sjaldan rignir.
Hér sést vel hvernig þeir raða steinum í kringum beðin og trén.
Þetta var í gær, í dag iðaði þetta svæði af allskonar vörum og þjónustu, hér er markaður á fimmtudögum og sunnudögum.
Hér er aftur þessi "fura"
Úbbs! ég sagði ykkur að hér væri mismundandi hreint.
Hér eru svo íbúðir fyrir aldraða og elliheimili, allt tilbúið með lóð og öllu, en svo ekki söguna meir, það er nefnilega minnsta málið að byggja svo þarf að reka heimilin ekki satt?
Lirfur í sjálfsmorðshugleiðingum, þetta var svona 3ja metra löng strolla allar á leið frá gróðrinum út á götu. Þetta er víst frekar leiðinlegt kvikindi, brennir bæði menn og dýr ef þau komast í kast við slíka.
Við Elli í sólbaði hehehe..
Hér eru flest götutrén appelsínutré.
Og líkt og í Mexico er þríburablómið aðal skrautið, enda afskaplega falleg og blómsæl jurt. Bounginvillea.
Þessi eru falleg líka.
Hér hefur einhver plantað niður kryddplöntum.
Appelsínurnar beinlínis flæða niður í garðinn.
Komum svo við hjá Fríði og fengum góðgerðir hjá henni.
Svo var bara ósköp notalegt að koma heim eftir langan göngutúr.
Ljósið í myrkrinu. Eigið góðan dag elskurnar, það má svo sem orna sér við þessar myndir í vetrarhörkunum heima.
Bloggar | Slóð | Facebook | Athugasemdir (10)
1.2.2016 | 18:04
Hvað er samfélagsbanki?
Ég vil endilega taka undir með ágætum kunningja mínum, sem sendir Bjarna opið bréf:
http://blog.pressan.is/gunnarsa/2016/01/31/kaeri-bjarni-ben-2/?fb_comment_id=1010460785685580_1010701962328129&comment_id=1010701962328129#f19ff49aec
Og kynna í leiðinni fund um þetta mál á vegum Dögunar stjórnmálaflokks um Réttlæti, sanngirni og lýðræði.
https://www.facebook.com/photo.php?fbid=10207841288177682&set=gm.966552590086809&type=3&theater
Fiskað í gruggugu vatni | |
Tilkynna um óviðeigandi tengingu við frétt |
Bloggar | Slóð | Facebook | Athugasemdir (3)
Um bloggið
Ásthildur Cesil Þórðardóttir
Tónlistarspilari
Bloggvinir
- prakkarinn
- katrinsnaeholm
- jensgud
- matthildurh
- jenfo
- kiddat
- hronnsig
- katlaa
- katagunn
- kolbrunb
- joiragnars
- birgitta
- holi
- rs1600
- ktomm
- heidathord
- vestfirdir
- steina
- laufeywaage
- maggadora
- lehamzdr
- icekeiko
- isdrottningin
- skaftie
- hneta
- hross
- amman
- johanneliasson
- helgamagg
- zeriaph
- olafia
- jogamagg
- tigercopper
- ellasprella
- zumann
- estro
- sjos
- gmaria
- gudr
- ktedd
- salvor
- bertha
- solisasta
- meistarinn
- baenamaer
- sirrycoach
- annalilja
- komediuleikhusid
- tildators
- hector
- bene
- skelfingmodur
- fifudalur
- xfakureyri
- madddy
- siggith
- antonia
- elina
- rosaadalsteinsdottir
- framtid
- annaragna
- sirri
- thjodarsalin
- bestalitla
- helgatho
- jyderupdrottningin
- hallaj
- ingistef
- gudruntora
- zunzilla
- sisvet
- aevark
- bostoninga
- ace
- drengur
- robbitomm
- faktor
- disag
- ffreykjavik
- ma
- rannveigh
- igg
- robertb
- sgisla
- rafng
- helgi-sigmunds
- lotta
- fullvalda
- heimssyn
- naflaskodun
- johannesthor
- jeg
- huxa
- sigrunzanz
- jodua
- tryggvigunnarhansen
- minos
- saemi7
- blossom
- ansigu
- skagstrendingur
- beggo3
- h2o
- westurfari
- ammadagny
- bjartsynisflokkurinn
- elfarlogi
- esig
- sunna2
- frjalslyndir
- gudlaugbjork
- gp
- hreinn23
- guki
- gustafskulason
- harhar33
- diva73
- huldagar
- kliddi
- axelma
- keli
- bassinn
- jonvalurjensson
- josefsmari
- kuldaboli
- kiddatomm
- ksh
- kristjan9
- mio
- omnivore
- sumri
- samstada-thjodar
- fullveldi
- nafar
- stjornlagathing
- sattekkisatt
- athena
- tikin
- vallyskulad
- vest1
- totibald
- tik
Myndaalbúm
Heimsóknir
Flettingar
- Í dag (2.5.): 4
- Sl. sólarhring: 5
- Sl. viku: 30
- Frá upphafi: 2020871
Annað
- Innlit í dag: 4
- Innlit sl. viku: 29
- Gestir í dag: 4
- IP-tölur í dag: 4
Uppfært á 3 mín. fresti.
Skýringar