Dagurinn í dag.

Nú rignir hann, ég er bara ánægð með það, þar sem útplöntun er í gangi, og ekki auðvelt allstaðar að koma við vökvun.

Þessi mynd var samt tekin í gær, með snæfjallaströndina í baksýn.

Þessi elska er örugglega vinsælasti nágranninn í dag

Ævintýri á gönguför, æskublómin okkar á rölti niður í bæ með fóstrunum. 

Nú eru svona skip daglega í höfinni Sjáið bara skuttogarann stolt sjómannanna í samanburði og Gueen Elisabeth á leiðinni.  En hún leggst varla að hafnarkanti, heldur mun hún lóna úti fyrir.  Glæsilegt og sögufrægt skip sem hún er.

Næst síðasti dagurinn hjá kajaknámskeiðskrökkunum.  Á morgun verður fjallganga og að stökkva í sjóinn.  Aldeilis frábært námskeið fyrir ungmenninn.  Þökk sé kajakklúbbnum og kennurum á námskeiðinu.  En hér er ljósmyndarinn Smári á ferð, til að taka myndir af hópnum.

Þessa er ekki inngangur í geimskip, né einhverskonar ævintýraheims.  Þetta er uppdæling á efni til steypugerðar.  Flott samt.

Já svona blasir við mér núna út um dyrnar. En sólin hún er þarna uppi, og hitar götur og torg.  Það sést vel á því að mikil uppgufun er upp af götum og gangstéttum. 

Og svo er þetta bærileg vökvun fyrir gróðurinn. 

 

Bara svo að þið vitið það....

Þá var veðrið svona kl. 7 í morgun hér á Ísafirði.

 

Hér er svo hún Dagný að ganga úti með hundinn, eða eigum við að segja hjóla ??

Hér voru líka nokkrir ungir menn að leggja hellur í góða veðrinu.

Allt á fullu hér.  En nú verð ég að þjóta aftur.  Sé ykkur seinna elskurnar.

Læri, balabörn og fjögurra laufa smárar. Allt þetta kemur sér vel.

Gærdagurinn var skemmtilegur.  Ég var á fullu í garðinum, og svo hafði ég boðið föður mínum í mat, og svo bættust fleiri og fleiri í hópinn, sem gerði í raun og veru ekkert til, því lærið sem ég keypti mettaði 5 þúsund manns eins og hjá Ésúsi.  Eða ef til vill allavega 7 fullorðna og 6 börn, og samt var afgangur. 

Allir saddir.  Tengdadæturnar elska sósuna mína, svo ég verð sennilega að hafa sósunámskeið fyrir þær.  Þær segjast vera búnar að reyna að elda eins og ég, en ekki tekist hingað til.  heheheh.

Hér sést hvernig kötturinn Brandur fær sér að drekka, hann setur vatnið í loppuna og svolgrar svo í sig. Það er virkilega fyndið.

Hér er eitt stykki balabarn, en þau eru orðin nokkur í kúlunni. 

Væri þetta ekki flott myndastytta við tjörnina ? 

Og svo knús og kossar smjúts

MMM svo er gott að fá sér sopa hjá mömmu. 

Á meðan hjálpar þessi stubbur afa með pappírana, hann er að gata skjölin sem fara svo öll í möppu.

Þessi ungi hafði samt meira gaman af að sulla í tjörninni.

Hmmm hvað ætli hún sé að gera ?

Eða þá þessi stubba ?

Jú þær komust í fjársjóð, marga fjögurra blaða smára hjá ömmu í Kúlu, auðvitað, til hvers annars að eiga norn fyrir ömmu.

Svo verða þeir þurrkaðir og geymdir, slíka fjársjóði má ekki fara illa með eða týna.

Og litla lady Cesil tilbúin til að fara heim. 

Gallerí himinn, í gær.

Svolítið villtur sýnist mér.  En það er að birta til hér núna, var þungbúið og kallt í dag. 

Aumingjans fólkið sem var í þessari rútu, þegar hún ók á risastórt tré, held samt að enginn slys hafi orðið á fólki.

Gott að allt fór vel.

Svona er lífið hér á Ísafirði og á fleiri stöðum. 

 

Vantar ekki upp á að fólk sé upplýst um réttindi sín og skyldur ?

Ég er dauðfegin að heyra að ekkert amar að fólkinu.  En það vakna spurningar um hvort ekki þurfi að gera fólki grein fyrir því að það þarf að láta vita af sér, ef það breytir um ferðaáætlun.   Öll þessi vinna við að leita að fólki sem er svo bara að láta sér líða vel.  Það verður að leggja áherslu á það við erlent fólk að hér upp á Íslandi fer leit mjög snemma af stað, ef fólk kemur ekki fram á réttum stað á réttum tíma.  Það er von að útlendingar átti sig ekki á því, það er sennilega einsdæmi í heiminum að svona vel sé staðið að málum. Og þetta kostar allt saman óheyrilegt fé. 

En gleðilegt er nú samt að svona fór. 

Kajakræðarar fundnir heilir á húfi

líf og fjör á Ísó.

Já þegar ég kom fram í morgun, sá ég að það voru ekki færri en þrjár flugvélar á vellinum.  Við fórum náttúrulega að spá í hvað gæti verið á seiði.  Sérstaklega vegna þess að ein þeirra var þyrla.

Veit ekki hvort það var samhengi í þessu og þessum hér ?

En sá svo á Mbl að hópur kvenna hafði týnst á Grænlandi.  Sem betur fer fundust stúlkurnar og var bjargað, þær voru að hvíla sig hér, áður en haldið var með þær suður.  Þær eru sennilega á leiðinni þangað núna, þar sem vélarnar voru að fara.

En í gær þá blasti við mér fyrsta skemmtiferðarskipið sem ég sé þetta sumarið.

Þetta sem er í baksýn er dalalæða, svokölluð, og er vegna hitamismunar á landi og sjó. Hún náði sér samt ekki á strik.  Læddist bara svona hægt inn og hvarf svo.

Sonur minn kom færandi hendi í gær, með þennan flotta skötusel. 

Undi maðurinn hafði geysimikinn áhuga á fiskinum.

Og gott ef ekki pabbinn líka.

En ég hef aldrei eldað skötusel, svo ég ákvað bara að gera eitthvað upp úr mér. Sonur minn flakaði hann, og tók burtu himnu sem er innan við roðið, hann sagði að það væri mjög mikilvægt að fjarlægja hana, því hún er svo seig.  Ég vissi líka að það má alls ekki steikja eða sjóða skötuselin of mikið, því þá er hætt við að hann verði seigur.

Ég setti olíu á pönnu og setti út í hana Season all, pipar og papriku.  Ég er ekki mikið fyrir sterkan mat, þannig að það má setja meira krydd, eða velta fiskinum upp úr kryddi.  En allavega skar ég firkinn í frekar litla bita, hitaði olíuna vel og snöggsteikti fiskinn.  Setti hann síðan í eldfast mót, setti smávegis af gratínosti, og stífþeytti eggjahvítur setti smá salt út í, og smurði yfir, og svo restina af gratinostinum.  Setti inn í vel heitan ofninn í korter, lækkaði samt hitann strax oní 150 ° .  Síðan setti ég bara á yfirhita, til að fá ostinn fallega brúnan. 

Af hverju er ég að segja frá þessu, jú, þetta var algjört sælgæti, fiskurinn beinlínis bráðnaði upp í manni.  Alveg eins og hann á að gera. 

Svona er stuppurinn þegar hann er reiður, og sullið á mallakút er eftir nána skoðun á "Sköd-sel"

Thí maður lekur.

Best að fara bara í bað. 

En í dag verður bara dundað í garðinum.  Sólin er að brjótast fram.  Það rignir á nóttunni þessa dagana, en svo er sól á daginn, eða hálfskýjað.  Hlýtt og notalegt.

Þessa tók ég fyrr í morgun, en nú hefur létt heldur til.  Vona bara að þið eigið öll sömul góðan dag.

Landhelgisgæslan veitir ísklifrurum aðstoð á Grænlandi

Huggulegt kvöld, sem endar með skothríð í næsta nágrenni.

Jamm sem við hjónin sátum úti í garðskála og "hugguðum" okkur með bjór urðum við vör við að það kom þyrla aðsvífandi, en hún settist ekki á flugvöllinn heldur hélt áfram austur fyrir, við vorum að spá í hvað þetta gæti verið.  Maðurinn minn hélt að það væri verið að vinna að einhverri endurvarpsstöð á Bolafjalli.  En annað átti nú eftir að koma á daginn. 

Þessi er tekin fyrr í kvöld.

Aðeins seinna.

Svo er komið kl. 00.00

Jamm svona kvöldar á Ísafirði.

En við vorum sem sagt að hafa það huggulegt, þegar þyrlan kom.

Brandur var þarna líka. Ertu nú ennþá einu sinni að taka mynd?

Best að láta sem ekkert sé.

Við vorum náttúrulega ekkert að spá meira í þyrluna, fyrr en þulurinn í útvarpinu tilkynnti að sérsveit lögreglunnar hefði verið kölluð út vegna vopnaðs manns í Hnífsdal.

Vá! hér á þessu fallega kvöldi, var einhver, sem við örugglega þekkjum sem hafði dregið upp byssu og hleypt af skoti á konuna sína.  Hvað getur ekki gerst á fallegu sumarkvöldi í litlum bæ úti á ysta nesi ?

En þetta er svo sem ekki í fyrsta sinni sem það gerist í Hnífsdal.

Fyrir allmörgum árum voru nokkir ungir menn að byggja sér hús þar.  Einn þeirra var að snudda fyrir utan húsið sitt, inni voru píparar við vinnu sína. 
Þá bar þar að nágranna mannsins.  Hann var í síðum dökkum frakka.  Þeir heilsuðust.  En svo hneppti sá aðkomni frá sér frakkanum, dró fram byssu ósamsetta.  Hann byrjaði í rólegheitum að setja hana saman.

Hvað ertu að gera ? spurði sá sem var að byggja.

Ég ætla að skjóta þig, sagði hinn sallarólegur, og hélt áfram að setja saman riffilinn. 

Vinurinn starði á aðfarirnar, og í þann mund sem nágranninn setti magasínið í, tók hann viðbragð og hentist inn fyrir dyrnar og lokaði á eftir sér, og í þann mund dundu skotinn á hurðinni. 

Það var uppi fótur og fit inni, og pípararnir og eigandinn þustu út um bakdyrnar. 

Engum varð meint af þessari uppákomu, og vonandi verður heldur ekki þannig núna.  En við erum mitt í tragedíunni.

Vonandi fer samt allt vel.  En þetta er aldeilis uppábrot á huggulegri stund á fallegri sumarnótt.  Say no more.

Sérsveit lögreglunnar kölluð út vegna vopnaðs manns í Hnífsdal

Sól á himni og sól í sálu minni.

Enn einn góður dagur í dag.

Svona var veðrið kl. átta í morgun.

Brosandi morgunin lofar góðu.

Og ekki versnaði veðrið um hádegið.

Seinnipartinn var dásamlegt að setjast út í dyragættina og njóta veðursins.

Stubbur í afaskóm.

Ó mamma mamma gef mér rós í hárið á mér, því tveir litlir strákar eru skotnir í mér, söng hann af fullum hálsi.

Bíllinn er með gleraugu.

en afi ákvað að skreppa smá á kajak.

En ég segi nu bara þvílíkur dýrðardagur þetta var.  Við gróðursettum fullt  af blöntum, í græn svæði í bænum.  Meðan jarðvegurinn er rakur.  Því það er erfitt að koma að vökvun. 

Vonandi hafa allir átt góðan dag.  Annars er bara að láta sig hverfa inn í sólarmyndirnar mínar og upplifa Ísfirskt sumarveður, eins og það gerist best. 

 

Hitt og þetta á góðum degi.

Dagurinn byrjaði fagurlega eins og sjá má hér:

 

Þetta var rétt fyrir átta í morgun. Það var notalega hlýtt líka.  Þó fór að rigna seinnipartinn, sem var mjög gott þar sem við vorum að gróðursetja plöntur.

Nokkuð langt síðan þessar voru gróðursettar, en þær eru á lóðinni hjá mér. 

Hér er svo smá blómaskreyting úr sölunni hjá mér.

En að kajaknámskeiði stubbsins.  

Hann var að æfa hjálp í viðlögum á kajaknámskeiðinu í dag, og æfir sig  her á afa.

Þetta eru sko tilþrif í lagi.

Allt undir kontról...................... eða þannig.

Og svo ræða menn málin.  Hér er verið að tala um skútur og seglastærðir og allskonar svona strákamál. 

Amma og afi sagði hann svo í kvöld, ef ég get hamið mig við að horfa á sjónvarpið núna, þá mun það hjálpa mér í framtíðinni að forðast sígarettureykingar, bjór og brennivín.

Hann er kýr skýr stubburinn minn.

Það má lengi vona.......

Þessi frétt vekur upp meiri spurningar en svör.  Í fyrsta lagi, lögreglan gerði húsleit í húsinu, ef enginn vissi af tilveru stúlkunnar þarna, af hverju var lögreglan að fara inn í húsið.  Eitthvað hlýtur að hafa orðið til þess.  Og svo auðvitað hvað voru þau að gera með 15 ára gamla stelpu í haldi  hjónin ?  Var hún látin skúra gólfin, eða þjóna þeim til sængur ? Og hvers vegna var hún geymd í lokuðu földu herbergi ? Og svo ofan á allt annað, þá voru menn ekki vissir um hvort henni hafði verið haldið nauðugri ?  Hvurskonar frétt er þetta eiginlega.  Mér finnst nú að fréttamennirnir hefðu átt að bíða með að birta fréttina, þangað til að ljóst var hvað var í gangi.  En það hefur greinilega legið mikið á að koma þessu í loftið.  Segi nú ekki margt.  

Unglingsstúlka fannst á lífi eftir að hafa verið saknað í tæpt ár

Einn dagur í einu.

Dagurinn í dag var erfiður, en samt sem áður góður. Byrjaði með að koma fólkinu mínu af stað í vinnu, síðan að fara með stubbinn á kajaknámskeið, sem hann getur ekki beðið eftir að komast á.  Gjörsamlega frábært.

Allskonar farartæki þar á ferð.

Svona leit himininn út í morgun. 

 

En svo byrjaði að rofa til, seinnipartinn, meira að segja gægðist sólin fram aðeins.  Ég fór og eitraði með Round up, milli trjáa sem ég þarf að planta meira inn á milli.

Jamm hér má sjá að hún er að brjótast fram blessunin.

Sumir þurfa að fylgjast með því sem er að gerast hjá Sæfara. 

 

 

 

 

Jamm og nú má sjá hér komið undir kvöld, að það mun verða sól og léttskyjað á morgun.  Sem betur fer.  Þó rigningin sé góð, þá er sólin ennþá betri.

Og ég segi bara góða nótt.