Hin hvíta fegurð vestfirskra fjalla.

Já eins og fram hefur komið þá var veðrið hreint unaðsleg hér i dag.

Byrja samt á stúlkunni minni og nýju náttafötunum, og í nótt þá gistir líka litli Óðinn Freyr hjá ömmu og afa.

En þessi fallegu litir og birta eru eilíf uppspretta gleði fyrir mig.

Og þessi ævintýra heimur er bara ótrúlegur. Súgandafjörðurinn í öllu sínu ævintýraveldi.

Hér sést Botn og Súgandafjörðurinn og fjöllinn, ótrúleg fegurð og hreinleiki.

Og ennþá og aftur.

Ísafjörður í kaldri fegurð.

Elskulegi stubburinn minn, þurfti að fara eitthvað sem hann vildi ekki, og hér er mynd sem sýnir þögul mótmæli, en þetta var samt honum fyrir bestu, hann er bara of ungur til að skilja suma hluti.

Hér er hann svo komin upp á dal, ánægður og sæll.

Já þessi paradís er það sem bíður skíðavikugesta í næstu viku.

Algjörlega meiriháttar

Hin hvíta paradís, sem bíður gesta sinna og fólksins sem er að koma heim á Páskunum.

Athugasemdir

[Guðborg Eyjólfsdóttir, 11.3.2008 kl. 22:55]

Yndislegar myndir eins og venjulega Góða nótt mín kæra

[Kristín Katla Árnadóttir, 11.3.2008 kl. 22:58]

Fallegar Myndir elsku Ásthildur mín. Góða nótt.

[Anna Ólafsdóttir (anno) (IP-tala skráð) 11.3.2008 kl. 23:27]

Fallegar myndir - eins og alltaf -  En ... mig er farið að langa í vor.

[Sigrún Jónsdóttir, 11.3.2008 kl. 23:39]

Ásthildur, þú ættir að fá greitt frá ferðamálaráði Ísafjarðarbæjar!

Hvaða skíðaiðkandi vill ekki heimsækja þessa "snjóaparadís" og lognsléttu firði, eins og þeir birtast okkur á myndunum frá þér?

[Ásthildur Cesil Þórðardóttir, 12.3.2008 kl. 00:02]

Takk Guðborg mín og góða nótt.

Góða nótt elsku Katla mín.

Jamm Anna mín, hver er ekki farin að langa í vorið elskuleg.

Takk elsku Sigrún mín.

[Tiger, 12.3.2008 kl. 03:54]

  Þetta eru endalaust fallegar vetrarmyndir hjá þér Ásthildur. Þær laða sannarlega að og mér finnst frábært að sjá svona kulda- og snjóa myndir. Ljúft er að sjá litlu kútana þína, greinilega gaman í bæði nýjum náttfötum og í æslafullum leik í snjónum.. knús á þig ljúfust í nóttina.

[Ásthildur Cesil Þórðardóttir, 12.3.2008 kl. 08:13]

Takk fyrir þetta Tí Cí minn.  Og knús á þig líka og góðan dag

[Ásdís Sigurðardóttir, 12.3.2008 kl. 10:53]

Ertu nokkurn tíman ein?? 

[Ásthildur Cesil Þórðardóttir, 12.3.2008 kl. 11:12]

Knús á þig líka Hanna Birna mín.

Þetta er góð spurning Ásdís mín.  Hmm. það er sjaldan sem ég er ein með sjálfri mér, en það er líka góður félagsskapur.  En þó ég fari upp í hlíð, eða setjist út á lóð, þá eru í kringum mig verur sem gleðja mig.  Á kvöldin og þegar ég sit við tölvuna þá hef ég ykkur, þið eruð mér hjartfólgin.  Ég fæ líka knús út í búð, og þakkir sem mér þykir mjög vænt um.  Áðan hringdi í mig bláókunnugur maður að þakka mér fyrir jákvæð skrif. 

Meðan ég hef þetta net umhyggju, kærleika og góðra hugsana, og gott fólk sem elskar mig allt í kring um mig, þá er ég aldrei ein.   Ég veit ekki alveg hvað ég hef gert til að verðskulda allt þetta, en ég er svo sannarlega þakklát fyrir það. 

[Elfar Logi Hannesson (IP-tala skráð) 12.3.2008 kl. 12:42]

Já alveg geggjaðar myndir að vanda alltaf spurning um að fanga augnablikið og sjá fegurðina eða er þetta ekki líka bara spurning um að geta sest niður í þögn horfa í kringum sig og sjá þetta allt, held það allur þessi asi fer alveg með fólk og það missir um leið af paradísinni. Já þú ert sannarlega mikil listakona

[Jóhanna Magnúsar- og Völudóttir , 12.3.2008 kl. 12:51]

Fallegar myndirnar!

[Ásthildur Cesil Þórðardóttir, 12.3.2008 kl. 13:01]

Takk Jóhanna mín.

[Þórdís Einarsdóttir, 12.3.2008 kl. 15:07]

Jeiiiii, snjór! Páskar eru bara á Ísafirði. Það eru engir alvöru páskar annars staðar!

Þ 

[Ásthildur Cesil Þórðardóttir, 12.3.2008 kl. 15:14]

ALveg hárrétt Þórdís mín.  Kemur þú vestur ?

[Ólafur Vignir Sigurðsson (IP-tala skráð) 12.3.2008 kl. 17:30]

Takk fyrir yndislegar myndir og frábært blogg, sem er svo nærandi fyrir þá sem elska Ísafjörð.  Það er óafturkræft að hafa fæðst og alist upp að hluta á Ísafirði.  Gaf ævilangan kraft og rætur.

Kveðja.

Óli Vignir 

[Þórdís Einarsdóttir, 13.3.2008 kl. 09:19]

Það er nú ekki alveg ákveðið, kannski ég eyði bara páskunum í að moka skít í hesthúsunum og að fara á hestbak.  Báru myndi nú líka það.

Þetta er líka dáltið löng keyrsla fyrir lítinn dreng.

Þ 

[Ásthildur Cesil Þórðardóttir, 13.3.2008 kl. 11:43]

Já ég er viss um að Báru líkaði það vel, ætli hún fari nú ekki í hesthúsið með Auði Björns og jafn vel Siggu dýra.  Já það er satt þetta er löng keyrsla, enda er rosalega notalegt að vera bara í rólegheitum í hesthúsinu og moka, gefa, kemba og fara á bak. 

[Þórdís Einarsdóttir, 13.3.2008 kl. 14:28]

Ætlar Bára að koma westur?

Þ 

[Ásthildur Cesil Þórðardóttir, 13.3.2008 kl. 14:38]

Já hún kemur heim um Páskana. Ég hlakka mikið til að fá hana og litlu nöfnu mína. Sú litla verður svo eftir hjá mér, ásamt stóru systur sinni.  Ég ætla að hafa þær fram á vorði, og fá aupair, svo Bára mín geti einbeitt sér að lærdómnum og náminu.