Til varnar bændum.

Það haustar að og senn líður að uppskeru bænda, sláturtíð og haustverkum. 

Margir hafa talað illa um bændastéttina undanfarið, sagt þessa stétt manna vera baggi á þjóðfélaginu, tíundað styrki og allskonar illskeyttar athugasemdir og færslur. 

Meira að segja blöðin hafa tekið þátt í þessum óhróðri. 

Í þessum ósmekklega stíl.  Ég hef ekki séð neinn hneykslast á þessari teikningu, en ég hef séð rætin blogg um hana, þar sem menn hlæja að bændastéttinni.

Verstir sýnist mér þeir vera sem vilja endilega komast inn undir væng ESB.  Um leið og bændur snéru til varnar var gefið skotleyfi á þá af þessu fólki. 

Áður fyrr var Reykjavík að mestu byggð upp af fólki sem kom utan af landi, þarna bjuggu samt manneskjur sem áttu sínar rætur þar.  Síðan hafa kynslóðir manna komist á legg sem þekkja ekkert til sveita eða þorpamenningar.  Jafnvel fólk sem samsamar sig öðrum borgum og útlandinu, og vilja bara vera eins og menningin er þar. 

Áður fyrr voru krakkar í höfuðborginni sendir í sveit og lærðu þar að meta, íslenskar sveitahefðir og menningu. Í dag eru börn ekki send í sveit og þar af leiðandi hefur verið skorið á þau tengsl.  Þetta má glögglega sjá á umræðunni um bændur, þar sem þeir sem mest tala illa um stéttina er einmitt fólk í Reykjavík.  Fólk sem talar um torfkofa, lopapeysurlið og dreyfbýlistúttur.  Fólkið sem segir að við getum ekki lifað á Íslandi ef við göngum ekki í ESB.

Samt erum við búin að lifa hér í yfir 1000 ár, oft hokrandi, en svo alveg glimrandi vel, þangað til menn urðu of gírugir og ákváðu að betra væri að taka sér afkomulaun en að vera með í samfélaginu. Margir dönsuðu svo með. 

Það hefur líka sýnt sig að lopapeysur eru eitthvað það vinsælasta sem útlendingar kaupa sér þegar þeir eru hér.  En það er fleira sem þeir hafa lært að meta og taka helst með sér heim.  Til dæmis lambakjöt, smjör, harðfisk og margt fleira.

En að myndinni, þetta er ömurleg mynd og sýnir þvílíka lítilsvirðingu við það fólk sem vinnur í sveita síns andlitis til að afla okkur fæðunnar sem við neytum.  Hvergi er hreinna kjöt, eða betra grænmeti og ávextir. Og það væri hægt að rækta miklu meira, ef til dæmis rafmagn væri lækkað og tekið tillit til þess að gera mönnum kleyft að byggja betri og stærri gróðurhús.  Það eru fluttar inn allskonar vörur sem hægt væri að rækta hér fyrir milljarða, þar er flutningskostnaður ekki svo lítill.  Þarna er því sannarlega matarhola sem hægt væri að nýta sér okkur öllum til hagsbóta.

Og þegar verið er að tala um matarverð á landbúnaðarvörum má segja að  bændur fá ekki mikið fyrir sinn snúð, það eru aftur á móti milliliðir, svona svipað og L.Í.Ú. sem mergsjúga samfélagið.  Á sama hátt og sægreifar fengu nýtingarréttinn á sjávarauðlindinn gefins, hafa sláturleyfishafar komið því svo að örfá sláturhús eru á öllu landinu.

Sláturdýr eru því flutt landshorna á milli, á algjörlega óforsvaranlegan hátt.  Sannkallað dýraníð.  Ég sendi landlbúnaðarráðherra bréf um þetta atriði þegar verið að að fara í gegnum verndun dýranna, en það bréf hefur örugglega verið sett undir stól. 

Ekki bara er þeim þjappað inn í tveggja hæða flutningabíla, heldur þar á ofan í aftanívagn á tveimur hæðum.  Svo er ekið með þennan "farangur" yfir fleiri sauðfjárveikivarnargirðingar, með drullu og hland lekandi niður milli hólfa.  Stoppað jafnvel við vegasjoppur og aðrir bændur stjáklandi í kring til að forvitnast. Af hverju í ósköpunum er þetta leyft?  Gamlar kýr settar inn í svona grindarvagna vanar að vera í hlýju fjósi, sendar út í kulda og jafnvel hret.  Hvar er umhyggjan fyrir dýrunum?

Hér áður þegar sláturhús voru hér á þessu svæði ekki bara eitt heldur fleiri, var hægt að kaupa bæði skrokka og aðrar afurðir beint frá sláturhúsinu.  Þá voru dilkarnir flokkaðir í það að minnsta kosti 14 flokka.  Og verðin eftir því.  Þegar kjötið hefur svo farið gegnum sláturhús og vinnslur er enginn flokkur til.  Allt selt á sama verði, og vei þeim sem heldur að þar sér eitthvert milliverð.  En mér skilst að verðin séu fellt niður til bændanna á 0 kjöti og fleiru.  Þeir fá ekki fyrir sinn snúð það sem vinnslan fær.

Það er mín bjargfasta trú að með því að leyfa meiri heimaslátrun, og gera bændum kleyft undir eftirliti dýralækna auðvitað að selja sínar eigin vörur, eða stilla saman strengi og sameinast um slíka bændamarkaði, myndi kjötverðið lækka.  Þar myndi myndast heilbrigð samkeppni um besta og ódýrasta kjötið.  Fyrir utan að fólk gæti fengið afurðir sem nú er erfitt að fá eins og vélundu og vambir.

En það er allstaðar sami klíkuskapurinn og stjórnvöld þora ekki að taka á honum, eða eru of invinkluð í klíkurnar til að gera neitt í málinu. 

Ég hef trú á bændum og ég kaupi íslenskt. 

Og ég á marga vini erlendis, þeir eru á sama máli og ég með íslenskan landbúnað.  Og meira að segja flestir þeirra vilja sneiða fram hjá Reykjavík, þar sem þeir segja hana vera smáborg með alla lesti stórborgar. Sel það ekki dýrar en ég keypti.

Ég þekki líka marga bændur, frábært fólk og traustara en margur malarbúinn sem heldur að það sé hallærislegt að vera stoltur af landinu sínu.  Og vilja hag þess sem bestan. 

Best væri auðvitað að við sameinuðum krafta okkar við að leiða landið út úr því ástandi sem misvitrir businessmenn hafa leitt okkur í með dyggri aðstoð misviturra stjórnmálamanna.

En eins og staðan er í dag og eins og sumir veitast að bændastéttinni sé ég ekki að það sé hægt.  Málið er að töffararnir sem þykjast vera klárari en aðrir, eru oftar en ekki litlar pissidúkkur þegar til alvörunnar kemur.  Þá er gott að hafa staðfastar drenglundaðar dreyfðbýlistúttur sem þora að taka á málunum. 

 Eitt að lokum þegar ég hef dvalið vikur eða mánuði erlendis, og keypt í matinn á hverjum degi í verslunum, er ég orðin svo leið á því endalaust sama kjöti sem boðið er upp á að ég dansa fyrir framan kjötborðið í Samkaupum á Ísafirði yfir úrvalinu sem þar er og kjötvinnslumaðurinn er einstaklega flottur í að vera með allskonar rétti ofan á beina úrvalið.

Ísland það er landið mitt og ég er stollt af því og þeim sem það yrkja.

Athugasemdir

[Þórir Kjartansson, 28.8.2011 kl. 18:16]

Góður og þarfur pistill Ásthildur.  Og einu skulum við líka halda til haga. Þegar og ef að mönnum tekst að gera út af við landbúnaðinn mun okkur ekki lengur standa til boða ódýrt innflutt kjöt.  Kaupahéðnarnir þarna úti kunna alveg sitt fag.  Hvernig er líka með þá sem harðast gagnrýna styrkjakerfi landbúnaðarins?  Hvar taka þeir sín laun og eru þeir í raun og veru að vinna fyrir kaupinu sínu?   Ekki er ég sannfærður um það.

[Ásthildur Cesil Þórðardóttir, 28.8.2011 kl. 18:34]

Takk fyrir innlitið Þórir.  Já það er næsta víst að við myndum þurfa að borga vel með innfluttu kjöti ef enginn væri framleiðslan hér.  Og er það ekki þannig að hver einasta þjóð þarf að geta framfleytt sér á neyðartímum?  Það getur allt gerst í firringu nútímans.  Það þarf ekki mikið til að allar aðkomuleiðir til landsins yrðu stöðvaðar.  Eitt gos á ákveðnum stað myndi gera út um flugsamgöngur tímabundið. 

[Axel Jóhann Hallgrímsson, 28.8.2011 kl. 19:54]

Takk kærlega. 

[Anna Maria Sverrisdottir (IP-tala skráð) 28.8.2011 kl. 20:00]

Ég held að fólk sé aldeilis ekki að tala illa um eða vilja bændum neitt illt, þvert á móti vill fólk breyta rándýru og snældubliluðu landbúnaðarkerfi sem við töpum öll á. Bændur verða fæstir ríkir af þessu kerfi sem er við líði, það er þeim ekki til hagsbóta frekar en öðrum. Ég þekki fáa ríka sauðfjárbændur, mér sýnist þeir allir nánast hokra. Samt er framleiðsluvara þeirra þegar hún kemur til neytenda fáránlega dýr. Hugsaðu um það Ásthildur að við borgum ekki bara kílóverðið við afgreiðslukassann heldur einhverja hrikalega summu ofaná þetta sama kíló með sköttunum okkar. Ég veit ekki hvert allir þessir peningar fara. Allavega ríða bændur almennt ekki feitu hrossi frá þessu kerfi. Það verður einfaldlega að endurskoða þetta og þá til hagsbóta fyrir m.a. bændur.

[Erla Magna Alexandersdóttir, 28.8.2011 kl. 20:13]

Eg er sammála síðasta ræðumanni- held að bændur seu ekki ríkir.

 Þeir vinna mikið- eru eins og útgerðarmenn búnir að leggja í stórar  og dyrar framkvæmdir- sem þeir komast ekki svo auðveldlega fr.a.

 Þeir skapa mörgum vinnu- það er ekki tekið með í reikningskúngstum þeirra sem ekki nenna að vera bændur en vilja selja kjöt af einhveru sem er flutt inn.

 Það er blaðamönnum til skammar- að þeir skuli snúa baki  við sínu landi- verði þeim að góðu- þeir gætu kannski fengið undanþágu fyrir innfluttu hormónakjöti ?

[Ásthildur Cesil Þórðardóttir, 28.8.2011 kl. 20:26]

Anna María mín, ég var að lesa komment á Eyjunni nýlega vegna kúrsins hans Sigmundar Ernis, og þar voru þung orð sem féllu um afætur, bitlingaþega og ég veit ekki hvað finn þetta bara ekki núna, hefði átt að taka þessa saman.  Þetta er ekki spurning um hvort bændur séu ríkir, heldur þetta attetjute að þeir eigi sér varla tilverurétt.  Þeir eru einmitt ekki ríkir því ofan á það sem þeir fá leggjast svo allskonar álögur frá seljendum, sem fá meira fyrir sinn snúð fyrir að rétta matvöruna yfir borðið, heldur en bóndinn fær fyrir allt sitt strit.

Já hér má örugglega taka til hendinni og skoða upp á nýtt, hvernig bæta má aðstöðu bænda, ein leiðin er sú að gefa þeim frálsari taum með heimaslátrun og vinnslu sinna eigin afurða.  Það er svo í Noregi, þar sameinast bændur um svona sláturhús á hjólum, sem eru hönnuð sem sláturhús, vinnslusalur og frysting allt í sama gámnum.  Og ekki er EES samningurinn að þvælast fyrir norðmönnum, ef það er afsökunin hér. 

Ég vil heldur borga aðeins meira fyrir íslenskt kjöt en eitthvað sýkla og hormónakjöt annarsstaðar frá.  Það er mín meining.

Sammála því Erla mín, þessi áróður um innflutning var runnin undan rifjum þeirra sem vilja endilega fá að flytja inn hrávörur annarsstaðar frá.  Ég er algjörlega andvíg því.

[Helga (IP-tala skráð) 28.8.2011 kl. 22:53]

Les bloggið þitt reglulega og hef gaman af. Hef að vísu ekki séð mig knúna til að "kommenta" á þau hingað til en hef eina brennandi spurningu á vörum gagnvart útflutningi landbúnaðarafurða og eins hvað afurðarstöðvar eru að taka í sinn hlut. Öfunda svo sem ekki bændur af því sem þeir fá. Mínar efasemdir eru sérstaklega þær að það sé engan vegin rétt að leifa útflutning á lambakjöti þegar innflutningur er ekki leyfður. Sérstaklega er mér þá í huga það sem afurðarstöðvarnar taka í sinn hlut. Mér finnst hreinlega að það ætti að setja þak á það sem þær geta tekið til sín! Niðurstaða mín er sú að ef við leyfum ekki innflutning á þessu kjöti þá eigum við ekki að leyfa sölu á því erlendis og hvað þá að borga með því!

[Haraldur Haraldsson, 29.8.2011 kl. 00:14]

Takk kærlega mikið sammála Ásthildur/Kveðja

[Ásthildur Cesil Þórðardóttir, 29.8.2011 kl. 09:48]

Takk Haraldur minn og kveðja til þín líka.

Helga takk fyrir mig  Ég er sammála því að það eigi að setja þak á álagningu milliliða, ef það er hægt.  Hins vegar ef bændum yrði leyft að setju upp sláturhús annað hvort sjálfir eða í sameiningu í kring um landið, þá myndu milliliðir verða skikkaðir til að lækka sína álagningu.  Það er einmitt þess vegna sem ég tel að upphaflega hafi þeir viljað einoka slátrun.  Enginn maður hefur dáið af því að borða heimaslátraðan mat.  Ég til dæmis ólst upp á kjöti sem var slátrað heima í skúr við húsið mitt, þar sem bæði pabbi og afi höfðu kindur.  Þar var nýtt allt sem hægt var að nýta af kindinni til matar og svo var gert allstaðar í kring um mig á Stakkanesinu.  Aldrei kom upp nein vandamál með hreinlæti eða heilbrigði kjötsins. 

Og ég er sammála þér auðvitað á ekki að flytja út kjöt ef það þarf þar á ofan að borga með því.  En þar er ekki við bændur að sakast, því þessi sláturhús voru nú einu sinni byggð með útflutning í huga á sínum tíma stöðluð fyrir kröfur erlendis frá.

[Sigurður Baldursson, 29.8.2011 kl. 09:54]

Takk fyrir góða grein Ásthildur. Það er tími til kominn að upplýsa  fólk um verðmyndun á landbúnaðarvörum hérlendis. Það er að segja hvað hver milliliður fær í sinn hlut og ég tala nú ekki um verslunina sjálfa sem hæst grætur.  Það slær mig alltaf sagan um kartöflubóndann í Eyjafirði sem seldi sínar kartöflur í Bónus á Akureyri. Hann fyllti sjálfur á kartöflurnar og eini kostnaður verslunarinnar var aðstaðan undir kartöflurnar og vinna kasssadömunar  við að renna pokanum yfir strikalesaran. Samt sem áður tók verslunin meira í sinn hlut heldur en bóndinn fékk greitt. Ég held að þetta sé ekki einsdæmi um álagningu í verslunum þó að um lágvöruverðs verslanir sé að ræða.   

[Ásthildur Cesil Þórðardóttir, 29.8.2011 kl. 10:14]

Takk fyrir innlitið Sigurður, já það þarf að upplýsa fólk um það sem raunverulega gerist í verðmyndun á landbúnaðarvörum.  Að rakka niður bændur fyrir okur er bara einfaldlega rangt.  Þeir fá minnst fyrir sinn snúð, en mesta vinnan hvílir þó á þeim. 

[Árni Gunnarsson, 29.8.2011 kl. 10:18]

Takk fyrir þetta Ásthildur mín. Það er ósköp lítilfjörleg heimssýn sem tekur ævinlega mið af kassaverði í stórmarkaði þegar pólitískar ályktanir eru dregnar.

Vissulega gætum við lagfært heimilisbókhaldið tímabundið með því að opna fyrir innflutning landbúnaðarvara, Anna María en ábatinn er ekki endilega að sama skapi varanlegur.

Þessu máttu skila til bóndans, (allt í góðu)

En ég sé þróun íslensks landbúnaðar tengjast eflingu viðskiptalíkansins: "Beint frá býli" í æ meira mæli. 

Þessu er ekki skotið fram til höfuðs þér Sigurður Baldursson því þarna er um tvo ólíka markaði að tefla sem vel geta þrifist hvor með öðrum.

[Ásthildur Cesil Þórðardóttir, 29.8.2011 kl. 10:48]

Takk fyrir innlitið Árni, ég er sammála því að því fyrr sem bændum gefst færi á að selja sjálfir afurðir sínar því betra fyrir almenning í þessu landi. 

[Ásdís Sigurðardóttir, 29.8.2011 kl. 10:52]

Hörkugrein hjá þér Ásthildur, mættu sem flestir lesa hana, væri ekki ráð að birta hana í bændablaðinu?  kveðja vestur

[Helgi Rúnar Jónsson (IP-tala skráð) 29.8.2011 kl. 11:15]

"Áður fyrr voru krakkar í höfuðborginni sendir í sveit og lærðu þar að meta, íslenskar sveitahefðir og menningu."...Ég vona að þú sért ekki að tala um Breiðuvík í þessu sambandi...??

[Helgi Rúnar Jónsson (IP-tala skráð) 29.8.2011 kl. 12:12]

Svo skil ég ekki þessa viðkvæmni gagnvart þessari teikningu. Mér finnst þetta vera best teiknaða myndin af Davíð Oddssyni til þessa, og það er nú alveg vitað hvaða hug hann hefur til ESB.

[Ásthildur Cesil Þórðardóttir, 29.8.2011 kl. 12:17]

Takk Ásdís mín. Þeim er velkomið að birta hana. 

Helgi hvernig dettur þér í hug að ég sé að tala um Breiðuvík?  Börn voru sent á sveitaheimili, oftast til ættingja eða fólks sem foreldrar þekktu til. 

Með myndina þetta er svona dulbúinn niðurlæging, svona eitt af því taginu sem er notað til að hafa áhrif á undirmeðvitundina. 

Get nú reyndar ekki annað en hlegið að athugasemdinni um Davíð, svona þegar þú segir það

[Vilhjálmur Stefánsson, 29.8.2011 kl. 14:08]

Ásthildur þökk fyrir þinn pistil ég er sammála þér,nei Bændur eru ekki ríkir ég þekki það alin upp í Sveit.Áthildur ég er komin úr minni Bjarmalandsför slapp Pípí?

[Ásthildur Cesil Þórðardóttir, 29.8.2011 kl. 15:10]

Já hann er hér ennþá.  Var að ná í hann niður á götu.  Fékk að sofa inn í nótt af öryggisástæðum.

[Vilhjálmur Stefánsson, 29.8.2011 kl. 16:22]

Mikið er ég feginn ég hélt að ég hefði myrt aðalhúsdýr þitt,hafði smá semvisku en hún er að alla vafnæði ekki til þegar ég næ mér í soðið vestur í Djúp..

[Ásthildur Cesil Þórðardóttir, 29.8.2011 kl. 16:38]

Hehehe aðalhúsdýrið mitt er í öruggu skjóli, eina sem ég óttst er að hann er svo sækinn í veginn og sést svo illa að einhver keyri á hann, það væri nú ljóta. 

[Ásthildur Cesil Þórðardóttir, 29.8.2011 kl. 17:24]

Ég vil svo þakka landsamtökum bænda fyrir hlý orð í minn garð.  Og óska þeim alls velfarnaðar.  Þeir mega vita að það er fullt af fólki sem stendur með þeim í þeirra baráttu. Og alla vega mín helsta ósk er sú að samtök þeirra taki sig saman og krefjist þess að þeir fái leyfi til að reisa sín eigin sláturhús og geti gert að sínum afurðum sjálfir, og selt á mörkuðum eða beint frá býli.  Hygg að margir muni standa með þeim í þeim átökum. 

Þessi skömtun til þeirra um hvað 200 kíló? sem hver bóndi má taka út úr sláturhúsinu til eigin nota á lágmarks sláturverði er bara hlægileg. 

[Kidda, 29.8.2011 kl. 18:30]

Ekki get ég séð að það Davíð sé á teikningunni, sé ekki betur en að það sé Gaddaffi vonandi fyrrum forseti Lýbíu.

Er alveg 100% sammála því sem þu skrifar eins og svo oft áður.

[Ásthildur Cesil Þórðardóttir, 29.8.2011 kl. 18:40]

Já Kidda mín víst er það Gaddafi, ég held að þessi athugasemd Helga hafi átt að vera grín.  Svo má segja að þegar málefnin þrjóta þá er gripið til þess að afvegaleiða umræðuna.  Þannig er það nú bara. Takk fyrir innlitið.

[kallpungur, 30.8.2011 kl. 11:57]

Það er kominn tími til að taka upp hanskann fyrir bændur, og máttu eiga þakkir fyrir. Hinsvegar eru eru ekki margir sem átta sig á því að reglugerðir um sláturhús og muffinsbakstur getum við þakkað EES samningnum. Menn eru seinir að fatta það að ESB er mjög duglegt við að setja reglugerðir sem hugnast helst hinum svokölluðu milliliðum. Milliliðir milli bænda og neytenda í ESB eru að stórum hluta fjölþjóðlegir matvælarisar sem hafa sent lobbyista sína til Brussel, þar sem þeir vinna hörðum höndum að því að hafa áhrif á embættismennina sem setja lögin. Stjórnkerfið getur lítið gert hér, vegna reglugerða um slátrun og sláturhús og EES reglugerðum getum við ekki haggað enn sem komið er.

[Ásthildur Cesil Þórðardóttir, 30.8.2011 kl. 12:30]

Þetta getur verið satt og rétt.  En eru Norðmenn ekki líka í EES? Þeir eru með svona ferðasláturhús, sem bændur sameinast um að koma sér upp.  Ég held að íslensk stjórnvöld bindi sig of mikið við reglugerðir sem koma frá EES, best væri að reyna að fá undanþágur, það ætti að vera auðvelt, ef haft er í huga mannúð með meðferð dýranna. Þá á ég við flutning þeirra landshorna á milli við hrikalegar aðstæður.  Annars legg ég til að bændur láti á það reyna hvort þeir verða stoppaðir af með svona aðstöðu.  Ég skal vera fyrsta manneskja til að versla við heimamenn okkar bændur ef þeir fara út í svona aðgerðir.

[Jón Ríkharðsson, 30.8.2011 kl. 14:56]

Flottur pistill hjá þér Ásthildur, bændur eru eiginlega, að mínu mati, sameiningartákn íslensku þjóðarinar.

Íslenskar landbúnaðarvörur eru í algjörum sérflokki og ég kaupi aldrei útlent kjöt og ekki heldur útlenskt grænmeti.

Þótt ég þurfi að eyða fleiri krónum í íslenskar landbúnaðarafurðir, þá geri ég það vegna þess að þær eru bráðhollar og heilnæmar.

Ef bændur þurrkast út, þá deyr mikilvægur hluti þjóðararfsins og slíkt má ekki gerast.

Já ég er sannur íslendingur og elska allt sem íslenskt er, en mér líkar líka prýðisvel við allar vestrænar þjóðir, svona til að ergja ekki hina ofurviðkvæmu ESB sinna, sem væla eins og stungnir grísir ef eitthvað er hóstað á móti þeim.

[Jón Ríkharðsson, 30.8.2011 kl. 14:57]

Af því að mér var kennt að ergja aldrei fólk að ástæðulausu og til að forðast misskilning, þá ber ég raunverulega virðingu fyrir öllum þjóðum, en ég elska þær ekki á sama hátt og mína eigin þjóð.

[Ásthildur Cesil Þórðardóttir, 30.8.2011 kl. 17:03]

Nákvæmlega Jón, einangrunnarsinnar eru einmitt þeir sem vilja einblína á ESB, þegar allur heimurinn stendur okkur opin.  Og ég elska Ísland meira en nokkuð annað land, en mér þykir vænt um mörg önnur lönd og sérstaklega fólk sem þar býr og eru góðir vinir og kunningjar mínir. Og þá erum við að tala um tugi landa en ekki bara eitt eða tvö.

[Jón Ríkharðsson, 30.8.2011 kl. 19:01]

Já, já, Ásthildur mín, við elskum auðvitað allan heiminn eins og hann leggur sig, en Ísland er auðvitað númer eitt hjá okkur.

Stundum minna ESB sinnar mig á Bjart í Sumarhúsum. Hann sá ekkert nema heiðarbýlið sitt og ESB sinnarnir sjá ekkert nema sambandið sitt.

Ef Bjartur væri raunveruleg persóna og á lífi í dag, þá væri hann örugglega í Samfylkingunni að berjast fyrir ESB aðild.

[Ásthildur Cesil Þórðardóttir, 30.8.2011 kl. 20:24]

Já ætli það ekki bara.

[Sólrún (IP-tala skráð) 30.8.2011 kl. 21:28]

"Kaupapólk" ESB verður sýnilegra með hverjum deginum enda ekki að furða  því að á fjárlögum Bandalagsins munu hafa verið eyrnamerktir 3 miljarðar króna sem "Kynningarefni" fyrir inngöngu Íslands.Sem betur fer sýnist mér þetta lið vera þannig í framgöngu sinni að það muni sjá um að dæma sig sjálft svo sem Þórólfur Natthíasson og Guðmundur Steingrímsson sem dæmi .  Af ávöxtumunm skuluð þið þekkja þá...

[Ásthildur Cesil Þórðardóttir, 30.8.2011 kl. 22:16]

Já svo sannarlega Sólrún, af ávöxtunum skuluð þér þekkja þá.  Orð að sönnu.

[Halldór Björgvin Jóhannsson, 31.8.2011 kl. 10:17]

Hinsvegar eru eru ekki margir sem átta sig á því að reglugerðir um sláturhús og muffinsbakstur getum við þakkað EES samningnum. Menn eru seinir að fatta það að ESB er mjög duglegt við að setja reglugerðir sem hugnast helst hinum svokölluðu milliliðum.

Þetta er einmitt það sem er grátbroslegt í öllu skítkastinu á bændur að það er ekkert að þessu þeim sjálfum að kenna, það eru milliliðirnir sem eru að taka allan aurinn og að flytja út, ekki bændur, eina ástæðan fyrir þeirri úthúðun sem bændastéttin er að fá er út af því að þeir eru á mót ESB.

[Ásthildur Cesil Þórðardóttir, 31.8.2011 kl. 10:25]

Takk fyrir innlitið Halldór.  

Já mikið rétt. Ég var að lesa Bændablaðið í morgun og rakst þá á þessa grein;

http://bondi.is/lisalib/getfile.aspx?itemid=4814 Herferð gegn landbúnaðinum í landinu.  Nákvæmlega það sem ég var að tala um. 

[Halldór Björgvin Jóhannsson, 31.8.2011 kl. 11:18]

Takk fyrir þessa ábendingu Ásthildur, þarna er grein sem þarf klárlega að lesa vel yfir.

Það er einnig spes hvað fjölmiðlar eru búnir að blása upp kjötskort á landinu, ég veit ekki með aðra en ég hef ekki átt í neinum vandræðum með að ná mér í kjöt, það eru hugsanlega hlutir eins og nautalundir ásamt hakkefni sem er smá skortur á en ekkert sem hefur ekki reddast, hvað varðar skort á lambakjöti þá hef ég ekki tekið eftir því, heyrði samt þá sögu að sláturfélögin væru að geyma eitthvað inni á frosti hjá sér til að hækka verðið, þ.e.a.s búa til skort á markaði (sel það ekki dýrara en ég keypti það samt).

Ég hvet fólk sem hefur áhuga á að lesa aðeins meira um þessi mál að lesa eftirfarandi pistla.

http://timinn.is/uppljostrarinn/threfoeld_hagfraedivilla_%C3%BEorolfs.aspx

http://www.visir.is/hafa-ber-thad-sem-rettara-reynist/article/2011708199993