Við verðum aldrei söm og áður, tel ég.

Evrópa og vesturlönd í heild eru í uppnámi yfir því hryllilega sem gerðist í Noregi.  Ég get alveg séð fyrir mér að þessi atburður hafi jafnvel ennþá meiri áhrif en 911 á sínum tíma.  Það er vegna þess að í þessu dæmi er maðurinn "einn af okkur". Þá er ég að meina að menn búast alltaf við öllu illu af múslimum, oftast að ósekju. En allt í einu rennur sannleikurinn upp fyrir fólki, það leynast hryðjuverkamenn allstaðar.  Hingað til hafa menn viljað halda því fram að hryðjuverkamenn séu dökkir á hörund og frá arabalöndunum.  Þó þeir séu fæddir og uppaldir í vestrænum löndum.  Það er jafnvel þannig að þeir eru sakfelldir vegna þess hvaðan þeir eru upprunnir.  Eins og árásirnar í neðanjarðarlestunum í London, þar sem næsta öruggt er að sökinni var klínt á menn sem ekkert höfðu gert af sér en voru af réttum lit og burði og að því að mér er sagt búið að fylgjast með af lögreglu til að sakfella, vegna þess að það þurfti eitthvað að gerast til að hræða fólk.  Og þeir gerðir að glæpamönnum af yfirvöldum.

Nú allt í einu standa menn frammi fyrir því að þessi maður er hvorki dökkur á hörund eða múslimi, heldur norðmaður, alinn upp í lýðræðisríki og eflaust við gott uppeldi... eða þannig.

Las einhversstaðar að faðir hans hefði tekið þetta afar nærri sér, og ég hugsa að móðirin sé sömu skoðunar.  Það hlýtur að vera hræðileg upplifun að komast að því að þau hafa alið upp hrottafenginn siðleysingja sem vílar ekki fyrir sér að drepa unglinga og alla sem hann kom í nálægð við, og kunna ekki einu sinni að skammast sín; þetta varð að gera, er haft eftir honum. 

Fólk hér er að rífast um hvort hann var hægri eða vinstri öfgamaður, nasisti eða what ever.  Málið er að hann var manneskja eins og við hin, sem ákvað eftir umgengni við samskonar öfgamenn eins og hann er sjálfur að hann yrði að "hreinsa til"  En hann er bara ekki einn í þessu eftir því sem upplýsingar liggja fyrir um, ef þetta reynist rétt að þarna sé á ferð teymi sem hafi svona hugmyndafræði.  Og þá er að spyrja; hvað gera ráðamenn heimsins?  Þeir eru fljótir að dæma hryðjuverkamenn Islam og taka á slíku.  Munu þeir gera slíkt hið sama um þessa vitfyrringa? Eða verður fundinn afsökun.  Það er nefnilega ekki sama hver er, hræsnin er slík í okkar samfélögum því miður.

Það er ekki hægt að ímynda sér hvað gekk þarna á, og sérstaklega af hverju lögreglan var svona sein að taka við sér, að það voru almennir borgarar sem flýttu sér á vettvang til að bjarga fólki eins og þeir gátu. En langt á annan klukkutíma tók fyrir lögreglu að stoppa ódæðið.  Hvar var 112, eða hafa norðmenn ekkert slíkt neyðarkerfi? Allt þetta fólk hlýtur að hafa haft gemsa og getað hringt í neyðarlínuna.  Þetta hlýtur að verða þungamiðjan í rannsókninni þegar moldviðrinu lýkur. 

En ég sé á umræðunni hér að fólk er skekið, ekki bara vegna þessa hryllilega ódæðis, heldur fyrst og fremst vegna þess að þarna er um að ræða atburð sem er við bæjardyrnar hjá okkur.  Og umræðan er farin að snúast um hvenær gerist svona atburður hér hjá okkur. Fólk er farið að skoða allskonar blogg og skrif í því ljósi að nú geti þessi eða hinn allt í einu tekið sig til og byrjað að drepa fólk. Tortryggni og öfgaskrif á alla kanta fara sem heitur vindur um spjall og bloggheima. 

Málið er að þetta hefur sáralítið með hægri eða vinstri öfar að ræða, heldur upplifun einstaklinga um hvernig málin hafa þróast.  Í þessu tilfelli er um að ræða áhyggjur af eftirgefni í innflytjendamálum.  og ótta um að múslimar ætli að taka yfir hinn vestræna heim.  En þessi maður ræðst samt ekki á múslima, heldur telur hann sig vera að ráðast að rót vandans, þeim sem hafa stefnuna á þessa tilslökun við önnur trúarbrögð og siði. 

Þetta er farið að sjást hér líka, því ég man ekki betur en í ákveðnum skólum á höfðuborgarsvæðinu sé hætt að hafa svínakjöt á matseðlinum.  Þarna held ég að við þurfum að staldra aðeins við. 

Þó ég sé manneskja sem er afar umburðarlynd gagnvart innflytjendum, og hef sjálf tekið að mér að hjálpa fólki að flytja hingað frá öðrum löndum, þá segi ég að þegar fólk flytur til annara landa, þá á maður að tileinka sér þá siði og reglur sem gilda á nýja staðnum.  Það er ekki hægt að koma og ætla sér að vera áfram eins og allt var í gamla landinu. Auðvitað eiga menn að fá að stunda sína trú, og hafa sína siði, innan síns heimilis.  En ekki að heimta að samfélagið lagi sig að þeirra siðum.  Eins og að banna að svínakjöt sé á boðstólum í mötuneytum skólanna.  Mér finnst það rétt að konur frá austurlöndum fái að hafa sínar slæður í friði, og ekkert meira um það að segja.  En ég skil líka þegar yfirvöld í vestrænum ríkjum banna búrkur og slíkan búnað.  Of mikið umburðarlyndi skapar vandamál heima fyrir.  Það er bara staðreynd sem ráðamenn þurfa að taka tillit til.  Og ef Stoltenberg ætlar að auka enn á eftirgjöf fyrir innflytendur eins og hann boðaði, þá hygg ég að hann sé að kveikja bál sem mun loga skært.  Þó er ég ekki að segja að hann eigi að fara á hinn veginn.  Við erum öll á þessari jörð og eigum eins og hægt er að reyna að vinna saman.  En það þarf þá líka að vera á báða bóga. 

Ég er með sársauka í hjartanu eftir þennan atburð og held að við verðum aldrei söm, að hugsa sér að nokkur maður geti fengið af sér að fara og drepa saklaust fólk, unglinga, skjóta og skjóta meðan eitthvað hreyfist er svo brenglað að það er erfitt að ímynda sér hvað gerist í kollinum á slíkum manni. Hann virðist þó hafa þyrmt þeim sem komust í augnkontakt við hann, þannig að ekki er hann algjörlega samviskulaus.

Ég vorkenni foreldrum hans og fjölskyldu.  Vorkenni konunni hans og ef hann á börn, því þetta mun líklega bitna alvarlega á þeim.  En  ef þetta hefðu verið múslimar þá hefðu upphafist "réttlætingarmorð" á innflytjendum því menn með skoðanir eins og þessi Anders hefðu ugglaust talið það "heiðursmorð" að "hefna" fyrir morðin.  Engum dettur í hug að viðhafa slíkt núna af því að maðurinn var óvart hvítur norðmaður.  Svona er nú hugsunarhátturinn og "réttlætið"hjá okkur. 

Ég hef oft hugsað um það hvenær eitthvað slíkt myndi gerast hér.  Það gæti allt eins verið, þegar fólk er búið að missa allt sitt og horfir upp á allt það ranglæti sem er hér, þar sem ríka fólkið sleppur endalaust meðan verið er að murka lífið úr þeim sem hafa barist fyrir sínu og tapað.  Það gæti allt eins gerst og þá er voðinn vís.  Þetta held ég að sé líka ástæðan fyrir uppnámi landsmanna við þessa hryllilegu uppákomu.  Því allt í einu gerir fólk sér grein fyrir hve stutt er í villimennskuna í okkur, hvaða lit sem við berum hvaða stöðu sem við erum í og hversu "þróuð" við eigum að vera. 

Ég held að þessi atburður eigi eftir að marka þau spor í hinum vestræna heimi, sem hafi meiri breytingar í för með sér en 911.  segi það enn og aftur.  Því það var talið hryðjuverkaárás Alqaita sem ég er svo sem ekkert sannfærð um.  En allavega var það miklu fjær okkur en nákvæmlega þessi atburður í Noregi.  

Það á ekki eftir að leggja þyngri byrðir á flugfarþega eða herða eftirlit við ferðamenn.  En svo sannarlega munu yfirvöld hins vestræna heims stíga varlegar til jarðar og hugsa sinn gang betur.  Og almenningur sem allt í einu vaknaði upp við vondan draum, verður meðvitaðri um að við getum átt óvini sem eru bara nágrannar eða bara næsti maður út í bæ.  Rétt eins og margar aðrar þjóðir hafa þurft að upplifa, svona var þetta í Króatíu og Serbíu, þegar Kosovodeilan stóð sem hæst.  Fólk sem þekktist og voru nágrannar urðu allt í einu hatursóvinir, og fólk sem var í blönduðum hjónaböndum fékk nokkra klukkutíma til að koma sér burt, áður en hermenn komu og hreinlega drápu það. 

Maðurinn er villidýr, við teljum okkur siðmenntuð og æðri dýrunum.  En ég get alveg fullyrt að margir mennskir eru miklu neðar í þróunninni en dýr merkurinnar.  Í raun og veru ætti jörðin að losa sig við þessa plágu sem mannskepnan er.  Því hún er alltof oft allstaðar til óþurftar.  Það er ef til vill það sem við sjáum byrjunina á núna, með öllum þessum jarðskjálftum, eldgosum og skriðuföllum og náttúruhamförum.  Kannski er jörðin bara að losa sig við versta sníkjudýrið. 

En eitt er víst við verðum aldrei söm eftir þennan atburð.  Hvar sem við erum, og þar sem við höfum talið okkur örugg, rétt eins og fólkið á Úteyju. 

Þessari byssu gæti allt eins verið beint að mér eða þér, óþægileg tilfinning ekki satt?

Ætlaði að sprengja fleiri hús

Athugasemdir

[Axel Jóhann Hallgrímsson, 25.7.2011 kl. 07:58]

Holl lesning.

[Dísa (IP-tala skráð) 25.7.2011 kl. 09:35]

Þetta er skelfilegt.

[Ásthildur Cesil Þórðardóttir, 25.7.2011 kl. 09:49]

Já svo sannarlega Dísa mín svo sannarlega. 

Takk Axel. 

[Finnur Ari (IP-tala skráð) 25.7.2011 kl. 11:25]

Hvað heldur þú að lögreglan hafi stoppað marga svona brjálæðinga víðs vegar um heim??

Hvað hafa síðan margir komist upp með að láta til skarar skríða. Bara í vestur Evrópu hafa á síðustu 5 árum yfir hundrað manns verið drepnir í Evrópu af svona klikkhausum. Þá er ég að tala um fyrir utan hryðjuverkaárásir sem skipulagðir hópar standa fyrir, en þá fer talan vel yfir 300 manns og þúsundir særðir.

Þetta er ekkert nýtt. Eina ástæðan fyrir því að þetta fór svona, var seinagangur lögreglunnar, því miður, brjálæðingarnir voru bara ekki nógu skipulagðir annars hefðu þeir líklega drepið miklu fleiri. Sorglegt, en svona er þetta bara.

Ótrúlegt að lesa fréttir um þetta, að almennir borgarar hafi verið áræðnari en lögregla og her að bjarga fólkinu.

[Davíð (IP-tala skráð) 25.7.2011 kl. 11:27]

Sæl Ásthildur, fín grein hjá þér og öllum eflaust holl lesning einsog Axel segir. En í sambandi við hversu langan tíma tók lögregluna að fara á staðinn voru nokkrar ástæður fyrir. Í fyrsta lagi var allt tiltækt lögreglulið kallað til Osló, líka frá nágrannabæjum Óslóar (ég var sjálfur staddur rétt norðan við Oslo á þessum tíma) meira að segja voru menn kallaðir úr sumarfríum til, því það var tilkynnt um amk 2 aðrar sprengjur í Osló og var verið að leita að þeim. Eitt elsta herbragð í bókinni sem þessi blessaði geðsjúklingur beitti og tókst það vel því miður, að dreifa athyglinni frá því öðru sem stóð til að gera, því á sama tíma og var verið að leita í Osló var hann á leið til Utoya. Þar fyrir utan að enginn á von á neinu svona og skyldi engan undra.

Svo þegar þetta kemur upp með Utoya þá gekk lögreglunni frekar illa að komast þangað á bílum, vegna mikils straums af bílum útúr borginni. Þeir fóru með eina þyrlu þangað sem varð frá að hverfa til að byrja með vegna þoku, en svo þegar henni létti vegna þess að maðurinn skaut á þá. Og skal það tekið fram að lögreglan er bara með litla þyrlu ætlaða til umferðareftirlits en ekki til flutninga. Svo það var nánast engin lögregla á vakt neins staðar nálægt Utoya þegar það kom upp, sem var án efa planað af þessum geðsjúklingi.

Það að manneskja geti framið svona verknað og svona ískalt og óhikað, óháð litarhætti, trúarbrögðum, þjóðerni eða stjórnmálaskoðunum er með öllu óskiljanlegt. Að svona illska sé til gagnvart náunganum er sorglegt.

Það hljómar allt sem svo núna að allt verði gert til að koma í veg fyrir opin réttarhöld, til að koma í veg fyrir að hann komi sínu á framfæri. En þessi réttarhöld áttu eflaust að verða hans ræðustóll fyrir heimsbyggðina til að koma sínum boðskap á framfæri.

Það er mikil sorg í loftinu í Noregi og maður finnur mikið fyrir því, þetta hefur mikil áhrif á alla og fólk tekur mikið inná sig. Það var gott sem Stoltenberg sagði að þessu yrði svarað með auknu lýðræði.

[Finnur Ari (IP-tala skráð) 25.7.2011 kl. 11:39]

Ég las síðan þessa grein.

Ef að svona "heiðursmorð" hefðu verið framin í Evrópu, þá væri fjandinn löngu laus. Þessi árás beindist ekki gegn múslimum, eða útlendingum. Ekki á neinn hátt. Þú gefur þér eitthvað, sem hefur þó komið í ljós að fær ekki staðist. Come on.....wake up and smell the coffee, og á það um marga!!!!!

Ef við ætlum á annað borð að tala um almenna borgara vera fremja svona ódæði, þá eru dæmin nóg t.d. á fjórða áratugnum voru hundruðir almennra borgara ef ekki þúsundir(ekki brjálæðingar harðastjórar), beinlínis í því að myrða almenna borgara á Spáni, þeir voru ekki nokkrir heldur tókst þeim að myrða tugþúsundir borgara á undrastuttum tíma. Þetta sama fólk barðist síðan í spænsku borgarastyrjöldinni, og er af mörgum talið hetjur.

[Kidda, 25.7.2011 kl. 11:40]

Þetta er holl lesning. Sem betur fer er búið að ákveða að réttarhöldin verði lokuð, þessi klikkhaus fær ekki að ná sínum vilja fram að hafa réttarhöldin opin.

[Finnur Ari (IP-tala skráð) 25.7.2011 kl. 11:51]

Davíð,

Ég er ekki að álasa lögrelunni. Aftur á móti er þessi tími(1,5 klst), sem tók þá óhugnanlega langur. Reyndar er spurning hversu mikil tálbeita þetta var. Á þessum tíma þegar útkallið kom, þá var búið að kalla herinn og allar varasveitir lögrelunnar. Allir voru í viðbragðsstöðu!!! Rykið var að mestu sest í Osló.

Þessi staður er ekki í meira en 15 mín fjarlægð frá miðborg Oslóar á forgangsljósum. Það er ekki meira. Tekur þyrlu líklega 7-8 mín að fara frá miðborginni. Varðandi að það hafi verið þoka, það virtist nú ekki vera mikil þoka, og stundum brýtur nú nauðsyn reglur. Menn vissu nákvæmlega hvað var í gangi þarna, vegna allra símtalana sem bárust, eflaust. Þessi tími sem það tók að yfirbuga manninn er algjörlega óskiljanlegur!!

[Ásthildur Cesil Þórðardóttir, 25.7.2011 kl. 12:41]

Takk fyrir innlitið öll.  Já það sem stingur mig mest í augun í öllu þessu er seinagangur lögreglunnar.  Er ekki svona 112 kerfi í Noregi?  Það fyrsta sem fólk gerir er að hringja í slíkt númer. 

Finnur Ari heiðursmorð, ekki eins og þau sem ég talaði um heldur heiðursmorð á ungum stúlkum er því miður staðreynd á norðurlöndum og ekkert langt síðan slíkt gerðist.  Og ég er alveg viss um að ef þetta hefði verið litaður maður hefðu hnakkar og nýnasistar farið af stað.

Davíð takk fyrir innlitið, ég skil vel að þarna hafi verið einhverjir erfiðleikar hjá lögreglu, en eins og Finnur bendir á, þá voru allir í viðbragðsstöðu þegar bæði lögregla og her.  Þetta er alveg ótrúlega langur tími sem líður, það kom einhversstaðar fram að lögreglubátur hefði bilað á leiðinni.  Var þá bara einn bátur?  Þetta sýnir bara að norðmenn hafa verið algjörlega sofandi gagnvart því sem þarna kom upp.  Það hlýtur að vera rannsakað af hverju þessi seinagangur varð, til að hægt sé að endurskipuleggja einmitt þennan þátt. 

Ég get vel skilið að norðmenn séu í sárum, það eru allir hér líka slegnir yfir þessu.  Þessi hræðilegi atburður er allof nálægt okkur. 

[Ásthildur Cesil Þórðardóttir, 25.7.2011 kl. 12:42]

Já Kidda mín sem betur fer, það hefði orðið óþolandi ef honum hefði verið leyft að tjá sínar siðspilltu skoðanir yfir alheim.  Alltaf nóg af siðlausu tilfinningalausu fólki sem vill leika hetju og þarf bara hvatningu.

[Davíð (IP-tala skráð) 25.7.2011 kl. 13:12]

Auðvitað er þetta langur tími já, en athugið þetta var nákvæmlega planið hjá manninum að dreifa athyglinni að Osló til að fá tíma óáreittur í eyjunni. Fyrir utan álagið á öllu kerfinu hvort sem er lögregla, slökkvilið, sjúkraliðar og neyðarlína eftir þessa sprengingu sem var all svakalega öflug, og var verið að leita að fleirum strax á eftir. Fólk er svo fljótt að dæma allt bara útfrá einhverju sem það les án þess að þekkja nokkuð til alltaf. Það var ekkert bara allir kallaðir til viðbragðsstöðu, einsog ég sagði hér að ofan að þá var allt tiltækt lið á vakt sem í fríi og her kallaður til Oslo útaf sprengjunni og til að leita að 2 öðrum sem hafði verið tilkynnt um.

Til að keyra frá Oslo til Utoya þarf að taka E18 til Sandvika og þaðan E16 til Utstranda sem er um 40km og tekur á góðum degi í lítilli traffík amk 40 mínútur. Þarna var svo mikill straumur útúr borginni að vopnaða sérsveitin sem send var komust frekar hægt áfram. Svo þegar á staðinn er komið á eftir að fara með bát út í eyjuna sem er ca 600m frá landi.

Það er rosalega auðvelt að benda á hitt og þetta úr fjarlægð svona eftir á. Þetta verður allt saman rannsakað nánar og þá fáum við öll að vita nákvæmlega hvernig þetta var allt saman. Svo ættum við ekki bara að vera aðeins róleg með fingrabendingar og ásakanir þar til við vitum meira? Vonum bara að þessum manni verði hent á bak við luktar dyr það sem eftir er hans ævi og komi sínum boðskap aldrei á framfæri.

[Finnur Ari (IP-tala skráð) 25.7.2011 kl. 13:14]

Samt varðandi 11.september.

Persónulega þá er hann nú furðu nálægt mér. Ég átti heima í Bandaríkjunum(skiptinemi) þegar "fyrri" hryðjuverkaárásin var gerð á World trade center, þ.e. 1993. Þá létust sex manns og nokkuð margir slösuðust. Síðan seinna um árið fór maður í skoðunarferð þangað, og þó að við höfum bara verið skólakrakkar þá man ég að það var leitað vel á öllum. S.s. plottið nær þá allt aftur að því.

Þessi atburður er verk snarklikkaðs manns. Málið er hins vegar að þau hryðjuverk sem hafa verið framinn í hinum vestræna heimi eru líka verk snarklikkaðra manna, þó að þau séu skiplögð af hópum. Hins vegar eiga menn það til að réttlæta þau fullmikið. Málið er að maðurinn getur alltaf réttlæt hlutina fyrir sjálfum sér, hvernig sem hann fer að því. Þannig, að því leyti getur hann verið villidýr, en svo langt í frá eins og dýr merkurinnar.....!!! Ekki verri eða betri, bara öðruvísi.

Netheimar eru náttúrlega fullir af þannig fólki, og er virkileg leitun að fólki, sem getur tjáð sig á hófstilltan hátt. Við mannfólkið þurfum að fara temja okkur meiri ábyrgð. Það er hins vegar ekki létt í heimi þar sem eigingirnin tröllríður öllu, og þá í víðum skilningi þess orðs.

[Ásthildur Cesil Þórðardóttir, 25.7.2011 kl. 15:19]

Takk fyrir innlegg þitt Davíð, þetta sem þú nefnir hefur ekki komið fram í fréttum hér, og hafandi verið úti í Noregi í fyrra, þá veit ég að vegir utan Oslóar eru nánast einbreiðir og hlykkjóttir fyrir utan jarðgönginn.  Ég er ekki að dæma, ég er að spekulera til að fá svör, af hverju svo langan tíma tók að koma lögreglunni á staðinn, og þá má aftur spyrja hvað með hermennina.  Hvað er það yrði ráðist á Noreg af óvinveittu ríki?  Eru þá enginn tæki og tól til að flytja hermenn á staðinn?  Þetta er dálítið léttvæg afsökun að mínu mati, og margs sem þarf að spyrja, þó ég skilji það sem þú ert að segja, og viðurkenni vandamálið, þá er það bara ekki nóg.

Finnur sammála niðurlagi þínu.  Árásin á Worl Trade var líka villimennska svipuð þessari.  Sá maður var einfaldlega tekinn af lífi.  Þó ég sé á móti dauðarefsingum þá verð ég að viðurkenna að sumir eru svo gegnum vondir og hættulegir samfélaginu, að það hlýtur að vera krafa um að þeir verði látnir hverfa fyrir fullt og allt.

[Óskar Helgi Helgason (IP-tala skráð) 25.7.2011 kl. 21:05]

Heil og sæl Ásthildur Cesil; æfinlega  - líka sem og, þínir ágætu gestir, aðrir !

Sem betur fer; þrátt fyrir annmarka okkar sundur tætta stjórnkerfis, tilheyrum við Norður- Ameríku, Ásthildur mín.

Sjá þú Spán; eftir daga Francós Ríkismarskálks, er þar eitt gleggstu dæma, um sundrung og upplausnina, í okkar gömlu nágranna álfu; Evrópu.

Norðmenn hefðu mögulega; með styrkri Hersjórn - og tilheyrandi eftirliti, getað komið í veg fyrir, að þessi vitfirringur, sem um ræðir, kæmist nokkru sinni, á kreik.

Gufuhátt; hvítflibba stjórnarfarsins, þekkjum við svo vel, hér heima fyrir - en að því viðbættu, búa Norðmenn einnig, við afkáralegt gerfi- Konung dæmis - fyrirbrigðis, sem er einvörðungu til skrauts, á tyllidögum.

Allt annað; hefði verið upp á tening, hefðu þeir verið / og væru, með styrka Herstjórn, í Osló.

Hvort; þeir dragi réttan lærdóm af, hinum skelfilega Föstudegi s.l., á svo eftir að koma í ljós.

Með beztu kveðjum; sem jafnan, úr Árnesþingi /

Óskar Helgi Helgason 

[Ásthildur Cesil Þórðardóttir, 25.7.2011 kl. 21:20]

Takk fyrir innlitið Óskar minn.  Já ég hélt að Norsk yfirvöld væru betur í stakk búinn til að takast á við svona uppákomur.  Því miður brást margt og þarna eru bæði lögregla og her, en dugði ekki til.  Það hlýtur að verða rannsóknarefni þegar bylgjur sorgar og reiði lægja að rannsaka hvað fór úrskeiðis hjá lögreglu og heryfirvöldum.  Þetta er ekki ásættanlegt, aldeilis ekki. 

[Mosi (IP-tala skráð) 26.7.2011 kl. 14:58]

Ásthildur hverjir myrtu þá saklausa fólkið í London?

[Ásthildur Cesil Þórðardóttir, 27.7.2011 kl. 13:57]

Það verður sennilega aldrei upplýst, því það var ekkert leitað að neinum morðingjum, þessir láu vel við höggi og voru drepnir á staðnum. 

[Mosi (IP-tala skráð) 27.7.2011 kl. 14:30]

Við vitum öll að þeir sem drápu fólkið sprengdu sig í loft upp.

[Ásthildur Cesil Þórðardóttir, 27.7.2011 kl. 17:59]

Nei ekki allir, þeir voru skotnir á flótta af lögreglu.