Atlögu ríkisstjórnarinnar að L.Í. Ú. hrundið.... ekki satt?

Það eina í þessu er að það er ánægjulegt að ríkisstjórninni skyldi ekki takast að festa þetta kerfi í 20 ár eða meira.  En að Sjálfstæðisflokkurinn hafi bjargað íslendingum frá einhverju er rakið bull.  Þetta er grímulaus hagsmunagæzla fyrir L.Í.Ú.  og ekkert annað.  Vona að fólk átti sig á því.

Nú þarf að láta til skarar skríða og byrja upp á nýtt að þróa sjávarútvegsstefnu fólksins í landinu en ekki endalausa þjónkun við þá sem telja sig eiga þjóðarauðlindina, dyggilega studdir af Sjálfstæðisflokknum.  Hér þarf að hugsa algjörlega upp á nýtt.  Það þarf að koma fjórflokknum frá völdum ef við ætlum að geta lifað hér sæmilega í landinu er það orðið lífsnauðsyn að koma nýjum öflum að.   Og svo bara kosningar og gefið upp á nýtt.  Það var nefnilega vitlaust gefið.  

Bæti hér við áskorun til stjórnvalda frá Dögun.                           

ÁSKORUN TIL STJÓRNVALDA

Hleð...

Áskorun til stjórnvalda

Við undirrituð skorum á Alþingi að láta fara fram þjóðaratkvæðagreiðslu um framtíðarfyrirkomulag við stjórn fiskveiða. Verði Alþingi ekki við þessari áskorun verður hún ásamt undiskriftum okkar færð forseta Íslands sem áskorun um að synja staðfestingar nýjum lögum um stjórn fiskveiða. Áskorun þessi tekur aðeins til nýrra laga um stjórn fiskveiða en ekki til laga um auðlindagjald.

2825 hafa skrifað undir

Fyrirvari: Undirskriftalistinn verður borinn saman við þjóðskrá áður en til afhendingar kemur svo fjarlæga megi þau nöfn og kennitölur sem ekki er að finna í þjóðskrá. Ef þú vilt gá hvort nafn þitt hefur verið skráð getur þú sent ábyrgðaraðila tölvupóst.

- GREINARGERÐ -

Með nýjum lögum um stjórn fiskveiða er núverandi handhöfum aflaheimilda tryggður forgangur, sem stenst ekki jafnræðisákvæði stjórnarskrárinnar, til að minnsta kosti 20 ára. Auk þess stenst það engan veginn nýja stjórnarskrá sem stjórnlagaráð hefur samið. Núverandi stjórnarmeirihluti lofaði fyrir síðustu kosningar að breyta stjórnkerfi fiskveiða þannig að jafnræði yrði tryggt. Það frumvarp sem liggur fyrir Alþingi gengur í þveröfuga átt (657. mál, þskj. 1052, 140. löggjafarþing) (http://www.althingi.is/altext/140/s/1052.html).

Fyrir síðustu alþingiskosningar, í apríl 2009, voru báðir ríkisstjórnarflokkarnir, Samfylking og VG, á einu máli um að fiskveiðistjórnunarkerfið væri svo ranglátt að það yrði að leggja niður í núverandi mynd og taka upp nýtt kerfi. Lofuðu báðir flokkar að taka tillit til ályktunar mannréttindanefndar SÞ sem átaldi ójafnræði milli borgara í aðgengi að auðlindinni og að ekki gengi að úthluta henni sjálfkrafa til sömu aðila ár eftir ár. Fjölmiðlar eru hvattir til þess að ganga eftir þessum loforðum.

Báðir stjórnarflokkarnir lögðu til 20 ára aðlögunarferli fyrir núverandi kvótahafa og kvótinn, sem þannig kæmi til úthlutunar, yrði leigður á almennum uppboðsmarkaði, beint af ríkinu. Báðir stjórnarflokkarnir einsettu sér að tryggja þjóðareign fiskimiðanna, bæði í raun og að lögum. Sömuleiðis átöldu báðir flokkarnir kvótaframsalið sem leitt hefur til gífurlegrar byggðaröskunar. Við þetta má bæta að eitt af 100 daga markmiðum ríkisstjórnarinnar voru frjálsar handfæraveiðar.

Í nýju frumvarpi ríkisstjórnarinnar um stjórn fiskveiða nær ekkert þessara markmiða fram að ganga. Þvert á móti er núverandi kerfi fest enn frekar í sessi og jafnvel ýtt undir væntingar kvótahafa um bótarétt við breytingar síðar.

Þá vantar inn í frumvarpið að hagsmunir og samkeppnisstaða fiskvinnslu án útgerða séu tryggð til jafns við fiskvinnslu með útgerð.

Skorum við því á ríkisstjórnina að halda þá sátt sem hún gerði við þjóðina í aðdraganda þingkosninga 2009 og í stjórnarsáttmála í kjölfarið. Þjóðin mun aldrei sættast á efni fyrirliggjandi kvótafrumvarps (þskj. 1052 — 657. mál, 140. löggjafarþing).

Að öðrum kosti er forseti Íslands með áskorun hér að ofan hvattur til þess að synja frumvarpinu staðfestingar þannig að þjóðin skeri úr - enda á þjóðin rétt á því að útkljá þetta mál, sem deilt hefur verið um í á þriðja áratug.

Ábyrgðaraðilar:
Dögun – samtök um réttlæti sanngirni og lýðræði
Samtök íslenskra fiskimanna
Samtök fiskframleiðenda og útflytjenda

Yfirlýsing frá Sjálfstæðisflokknum

Til hamingju með afmælið Elli minn.

Til hamingju með afmælið ljúfurinn minn.  Vonandi áttu góðan dag í dag þarna úti í Osló.  Synd að það skuli bara vera íslenskt sumar hjá þér, þegar við höfum svona ljómandi gott veður hér

En svona er þetta elskan mín.  Allavega innilega til hamingju með daginn elskulegur knús og kram

Áægtt að eldast svona saman.

Frú forsætisráðherra.

Ég heyrði af tilviljun  - eða kom inn í viðtal við Jóhönnu Sigurðardóttur, veit ekki um hvað var rætt sennilega ESB, en þessi setning hennar glymur enn í huga mínum: Eða hún var eitthvað á þá leið: "ESB sinnar munu halda ótrauðir áfram ferlinu og taka upp Evru."

Nú vill svo til Jóhanna Sigurðardóttir að þú ert ráðin forsætisráðherra allrar þjóðarinnar ekki bara klíkubræðra og systra.  Ríkisstjórn þín nýtur um það bil 10% fylgis landsmanna sennilega einkum og sér í lagi vegna ESB ferlisins.   Það sýnir ótvírætt stuðningur landsmanna við Ólaf Ragnar í komandi forsetakosningum.

 Þú hafðir sögulegt tækifæri til að fylkja þjóðinni saman í upphafi þegar þið tókuð við. En þú kaust að fara aðra leið, sem sagt þá að skipa þjóðinni í tvær andstæðar og hatrammar fylkingar með því að þvinga Vinstri græna með þér í að sækja um aðild að ESB.  Þetta voru mistök sem munu lengi fylgja þér og flokknum þínum og hefur nú þegar rústað samstarfsflokknum. 

Og þessi ummæli þín sem ég heyrði er finn svo hvergi og ekki eru tiltæk neinsstaðar og hef ekki séð neinn leggja út af erum mér virkilegt umhugsunarefni, ESB sinnar munu halda ótrauðir áfram ferlinu og taka upp evru, hvernig sem þetta annars var orðað man ekki nákvæmlega en einhvernveginn svona heyrði ég þetta, hafa valdið mér þvílíku hugarangri. Því þarna opinberaðist fyrir mér hvernig núverandi forsætisráðherra hugsar.  Hún er ekki að taka tillit til þjóðarvilja eða skynsemi, heldur gengur henni það eitt til að troða okkur inn í ESB hvað sem tautar og raular.

Ef þú hefur ekki náð því frú forsætisráðherra þá er um það bil 10% stuðningur við þessa ríkisstjórn, Samfylking og Vg í frjálsu falli og yfir 70% landamanna á móti inngöngu í ESB. Þó er stofnun á ykkar vegum svokölluð Evrópurstofa farandi um landið maður á mann að reyna að tæla fólk til fylgilags við Evrópursambandið, sem er í raun og veru ólöglegt en ekkert gert við af einhverjum ótrúlegum ástæðum.

Með öðrum orðum þá segi ég bara veistu hvað lýðræði snýst um?  Hvort heldur þú að þú búir í lýðræðissamfélagi eða einræðisríki? Það væri gott að fá svar við þeirri spurningu.

Og ef þú telur þig vilja búa í lýðræði, hvar er þá lýðræðishyggja þín?  Eða ertu algjörlega heillum horfinn í forræðishyggjunni?

Og ofan á allt þetta er Evrópusambandið í dag ein rjúkandi rúst, og þó þú haldir í barnaskap að þetta vandamál vari stutt, þá deila önnur ríki í Evrópu ekki því trausti með þér, enda eru þau flest að undirbúa hrun, m.a. með því að sanka að sér gjaldmiðli sem er hlálega evran, því ef þetta allt fer á hausinn þá hrynur hún líka eins og spilaborg. Örvænting er greinilega í fjölmiðlum erlendum um þessi mál, en þar sem sagt er, að þú skiljir ekki erlend tungumál og sennilega lest ekki fjölmiðla þá fer þetta greinilega fram  hjá þér og þínum ráðgjöfum.

Það sem ég held að hafi gerst er þetta; Ég er viss um að í upphafi hefur þú viljað vel og unnið að því að leiðrétta aðstöðu alþýðunnar, viljað koma á jafnræði, en einhversstaðar á leiðinni gleymdir þú þessu.  Það sýnir glataða skjaldborgin, glataða hugsunin um fólkið í landinu, þar sem einungis hefur verið unnið að aðstoð við banka og fjármagnsöfl og annað því tengt. 

Síðan með slímsetu á alþingi í um það bil 30 ár hefur þú farið svo langt frá almenningi í landinu að þú getur engan veginn samsamað þig þeim, það er vont og sorglegt.  Því ég hugsaði einmitt þegar þú og Steingrímur komust til valda að þó ég hefði ekki veitt ykkur mitt atkvæði, þá væruð þið þrátt fyrir allt besti kosturinn.  En Guð minn góður hvað það var langt í frá. 

Þið hafið fallið í hverja gryfjuna af annari.  Allt sem þið hafið lagt upp með hefur misheppnast, vegna slugsháttar og vanþekkingar.  Meira að segja er framboð Þóru Arnórsdóttur að springa í andlitið á ykkur. Vorkenni dálitið Þóru sem fór út í þetta af ykkar hvötum, góð stúlka og taldi að hér væri sigurinn vís með Samfylkinguna á bak við sig. 

Mistök á mistök ofan hafa gjörsamlega fyrrt ykkur allri virðingu almennings, það er einungis fámenn klíka í kring um ykkur sem ennþá trúir á málstaðinn og að þið virkilega séuð að vinna að málum alþýðunnar, þegar flestir eru búnir að sjá í gegnum þetta allt.

Það sorglega er að þið eruð að spila þessu öllu upp í fangið á Framsókn og Sjálfstæðisflokknum, sem flestir óttast að verði sigurverar í næstu kosningum, sem er í raun og veru synd, því hér þarf virkilega að stokka upp og endurraða.  Koma ykkur slímsetunum burtu frá alþingi, ykkur í Samfylkingunni, VG, Framsókn og Sjálfstæðisflokki, og þá er ég ekki að tala um flokkana beint heldur þeim sem tróna þar á toppnum og eru löngu búnir að koma sér upp kerfi til að halda völdum og með sínar gömlu kreddur, sínar gömlu klíkur og allt sem því fylgir.

Almenningur er löngu búin að fá upp í kok af ykkur, en er hræddur um að ef einn klíkuflokkurinn fer komi bara sá næsti inn. 

Þetta er sorglegt, á sama tíma og aðrir nýjir flokkar hafa myndað framboð til að takast á við einmitt þetta.  Ég nefni Hægri Græna, Dögun, Samstöðu og það eru fleiri þarna úti sem munu koma fram.

Þess vegna skora ég á íslenskan almenning að gefa ykkur frí og þora að veita þessum nýju framboðum brautargengi.  Þora að kjósa eitthvað annað en þennan fjórflokk sem telur sig eiga svæðið og gerir allt sem hann getur til að drepa niður önnur framboð.

Ég vil líka biðja þig um að gera okkur þann greiða að fara til Ólafs Ragnars Grímssonar núverandi og vonandi áframhaldandi forseta og biðjast lausnar fyrir þig og þitt ráðuneyti svo við getum kosið um þau ágreiningsmál sem þú og þitt fólk hefur sett á oddinn og eru svo sannarlega ekki þjóðarvilji. Og í Guðs bænum ekki hreykja þér af því að þú og þínir klíkuvinir geti farið ótrauðir áfram í aðlögunarviðræðum við Evrópusambandi með jafnmikinn minnihluta og í óþökk þjóðarinnar og raun ber vitni. Sýndu okkur smá virðingu og réttsýni PLEASE.

Schengen og sakarvottorð.

Það þarf ekki mikið að velta fyrir sér þessu máli, það getur rúmast í tveimur orðum Schengen og sakarvottorð.  Ég man ekki hvert menn ætluðu þegar Frjálslyndi flokkurinn vildi að menn sýndu sakarvottorð við komuna til landsins.  Þeir voru verstu rasistar.  En nú sitjum við uppi með glæpasamtök sem hafa hreiðrað um sig víða, sumstaðar í smærri stöðum hefur maður heyrt að lögreglan þori ekki að taka á sprúttsölu og slíku.   Við sitjum uppi með pólskar mafíur, rússneskar, litháenskar og einstaka rúmena sem slæðast hingar til að ná sér í léttfenginn aur.

Tek það samt fram svo ég verði nú ekki sökuð um að vera rasisti, fasisti eða kommunisti að ég þekki marga pólverja, letta, litháa var með eina sem aupair í nokkra mánuði, og það er allt saman gott fólk.  En því miður þá eru glæpasamtök í þessum löndum ansi sterk.  Og þeir láta berast á til dæmir í Varsjá, vorum við að borða með pólskum vini okkar á matsölustað þegar einn gaur kom leðurklæddur á silfurgljáandi mótórhjóli, nú skulum við koma sagði hann þetta er glæpagengi, Sáum síðan svartan bíl með lituðum glerjum, ekki líta við sagði hann er þarna er annarskonar mafíósi.  Þeir taka að sér að vakta veitingastaði og þvinga veitingamenn til að "þiggja" þjónustuna ef það er ekki gert, er ljóst að búllan lifir ekki lengi.

Þetta ástand virðist smátt og smátt vera að færast hingað af því við erum svo innilega saklaus fyrir öllu sem erlent er. 

Glæpasamtök á bak við úraránið

Sumar 2012.

Já góða veðrið er komið aftur.  Hinga komu hollensk hjón að forvitnast í gær.  Þau voru ótrúlega vinaleg af hollendingum að vera, þeir eru frekar svona alvarlegir flestir.  En sem sagt þau fengu að taka myndir og svo tók ég mynd af þeim sitjandi fyrir framan húsið mitt.  Þau voru alsæl.  Konan sagði mér að hún hefði hringt í móður sína, og sú er í sumarfríi í Hollandi og er fullklædd í úlpu og vetlinga sökum kulda.  Dóttirin sagði henn þá að hún hefði verið að fá sér kaffi í sólinni á Ísafirði og hló mikið.

Og rétt í því kom ísbíllinn, hann bílstjórinn þekkir mig orðið og er svo viss um að ég kaupi ís að hann bara stoppar og kemur svo út.  Ég kaupi allaf af honum ís, mér finnst þetta alveg frábært að geta keypt ís si sona í Ísbíl. Nágrannarnir voru líka tilbúnir, þar voru börnin einmitt stödd með sín barnabörn svo það var fjör.

Sólin skín og þá lyftist brúnin. Veit að það rigndi í Osló í gær og var hálfskýjað í dag.

Pernillan mín er upp á sitt fegursta núna þessi elska.

Nína líka falleg.

Upp klifra Nelly Moser og Villa De lyon, en þessi klukka var mér færð í fyrra af nágrannakonu minni. Hún er líka falleg.

Jamm það er voða notalegt eftir vinnudaginn að setjast út fyrir kúlu og fá sér smá rauðvín.

Hér er reyndar búið að vera mikill umgangur unglinga. Flottir krakkar, og stundum fá þau að sofa.

Þetta er hrefnukjöt sem drengurinn er að maula hér.

Svo er Daníel minn komin líka, hann er aldeilis flottur.

Þeir voru að fara í bíó i kvöld.

Það er blómlegt í kring um mig núna, og þó ég segi sjálf frá þá held ég að fáir hafi jafnflottar Hengipetóníur þetta árið og ég. 

En nú þarf ég sennilega að færa blómin aftur út, ég þorði ekki annað en að bera þau öll inn fyrir kuldasúpuna sem skall á umdaginn.

En ég held að sumarið sé komið til að vera.  

Ha!!

Eru margir á landsbyggðinni sem sýna kvótafrumvörpum ríkisstjórnarinnar samstöðu?  Ekki hef ég orðið vör við það.  Hins vegar blöskrar fólki á landsbyggðinni frekja og yfirgangur L.Í.Ú.

Fólk úti á landi rétt eins og í Reykjavík gerir sér grein fyrir hverslags slys þessi frumvörp ríkisstjórnarinar eru og að binda þessi ósköp í 20 ár er hreinlega út úr kú.  Þessi frumvörp eiga ekkert sameiginlegt með kosningaloforðum um nýtt fiskveiðikerfi. 

Á Austurvelli var ekki verið að sýna ríkisstjórninni samstöðu svo langt í frá.  Þarna var fólk sem vildi fyrst og fremst mótmæla eins og ég sagði ofbeldi L.Í.Ú.  En er að öllu leyti ósátt við ríkisstjórnina. 

Sumir búa sér líka til stað og stund.

„Ekki bara latte-fólk“

Ég ætla að hafa lokaorðin - nei þessu er lokið.

Jamm þetta var eins og fyrir mér jafnspennandi og Júróvisjón.  Búin að hlakka til í allann dag að setjast niður og hlusta.

Vil reyndar taka undir orð Herdísar um að raunar átti Rúv ekki að fjalla um forsetakosningarnar þá meina ég á rás2 í undanfari þessarar sjónvarpsumræðu, sem var raunar ágæt.

Það kom í ljós eftir að síðasti frambjóðandinn hafði tjáð sig á rás2, þar var raunar marg tekið fram af gefnu tilefni að það hefði verið varpað hlutkesti ... eða þannig um röð frambjóðenda.

Þegar kom að síðasta ræðumanni þá gjörsamlega misstu sérfræðingarnir sig í lofi sínu um Þóru.  Og þau vörðu mestum tíma sínum í að koma höggi á Ólaf Ragnar, það var sum sé meira rætt um hann í þættinum um Þóru en hana sjálfa og hennar frammistöðu.

Já hún er svo fersk með svo nýjar hugmyndir og svo jákvæð bla bla bla.  Manneskja sem lýsti því sjálf yfir að hún væri sennilega formfastasti og afturhaldssamasti forsetaframbjóðandinn.  Já einmitt.  Þvílíkt og annað eins.

En í kvöld fylgdist ég svo með af áhuga. 

Herdís kom vel út, hún er flott kona og falleg.  Heillandi bros og greinilega kona reynslu og ákveðni. 

Þóra virkaði á mig eins og svona smáleikrit.  Já segja sumir ekki nema von komandi frá þér.  En mér er ekki illa við Þóru hún er vissulega flott kona og falleg.  En það er einhvernveginn eins og allt í kring um hana sé svona gerfi.  Ég get ekki að því gert.

Hannes var ótrúlega óbilgjarn í garð forsetans og notað mikið af sínum tíma til að hnjóða í hann.  Og vitnaði mikið í Þóru, hann er búið spil eftir kvöldið í kvöld. Þú getur aldrei unnið með því að upphefja sjálfan þig á kostnað annara.

Andra var flott, hún kom svo sannarlega vel út úr þessu viðtali.  Skelegg og ákveðin, eins og ég hef sagt þá er það mitt álit að baráttan standi milli hennar og Ólafs Ragnars.

Ólafur Ragnar varð fyrir ótrúlegri árás ekki bara frá ýmsum mótframbjóðendum heldur líka stjórnendum, sér í lagi Margrétar, sem notaði öll tækifæri til að reyna að koma honum illa.   Hvað varð um hlutleysi stjórnanda?

Hann komst samt vel frá sínu og stóð upp úr að mínu mati hvað málefni varðaði.

Ari Trausti rétt eins og Hannes notaði öll sín spjót til að vega að Ólafi, það var honum til hnjóðs, og mark my words hans 9% munu ekki hækka eins og hann hélt fram heldur rýrna talsvert.  Íslendingar vilja ekki svona málflutning.  Að reyna að upphefja sjálfan sig á því að reyna að niðurlægja aðra. 

Það fyndna var að allt sem meðframbjóðendur Ólafs sögðu var til þess fallið að sýna fram á að hann hefur svo virkilega gert rétt undir það síðasta.

Þegar fólk segir að ég sé hans málpípa númer eitt.  Það er það svolítið fyndið, því enginn var brjálaðri en ég þegar hann var kosin fyrst.  'Eg var stödd hjá Bárði Gríms vini okkar hjóna og hann getur alveg vitnað um að ég var brjáluð.  Ég hafði nákvæmlega sömu skoðanir á honum og svo margir sem ég hef lesið eftir.

En málið er líka að ég vil meta fólk eftir því sem það gerir en ekki eftir því sem það segir.  Og núna á þessum viðkvæmu tímum ekki síst með ríkisstjórn sem er yfirfull af hroka og illdeilum og við vitum aldrei hvað muni gera, þá þarf einhvern þarna sem setur þeim skorður.  Það getur forsetinn gert með því að vísa málum til þjóðarinnar. Hann er sá öryggisventill sem við þurfum nákvæmlega núna.

Sem sagt eftir þessar umræður tel ég að Ólafur hafi tryggt sér sigur, næst á eftir honum komi svo Andra og þvínæst Herdís. En þetta er bara mitt álit. 

Reyndar held ég að Þóra hafi klúðrað bigtime með því að ætla að eiga síðasta orðið eftir að umræðum var lokið og reyndar gott hjá Margréti að gefa það ekki eftir.  Enda gat hún ekki annað.

Fleiri myndir veitingar og gestir.

Jæja þá er taka tvö, þurfti að kaupa meira pláss, ákvað loks að lesa mér til hehehe...

Hér er gallinn, bráðsniðugt fyrir handhagar ömmur og mömmur, og örugglega afar hlýr.

En hér erum við niður í Tjöruhúsi, þjóðverjarnir vinir mínir komnir og þá er bara að bregða sér inn og smakka fiskinn góða hans Magga Hauks.

Birgit, Stefan, Britt dóttir þeirra móðir og faðir Stefans.  Þau voru svo sannarlega heppin með veður.

Skál vinir

Og maturinn olli ekki vonbrigðum, enda átti ég ekki von á því.

En svo kom dálítið skemmtilegt upp á. Þarna kom hljómlistarfólk og gerði sig klár til að spila músik.

Svona ábót á góðan mat.

Þetta var algjörlega óvænt. Þau voru á leið til Hólmavíkur að spila, þegar bíllinn bilaði og þau urðu "stökk" á Ísafirði, þeim datt þá það þjóðráð í hug að fá að spila fyrir mat.  Og auðvitað voru Maggi og Ranka til í það, enda flippuð eins og fleiri.

Og sannarlega nutum við tónlistarinnar, allt efni frumsamið og flott. Það kom í ljós að þau eru þjóðverjar.

En það átti eftir að koma ennþá meira skemmtilegt í ljós.

Á næsta borði voru ítalskir ferðamenn, ljósmyndarar með meiru.

Þeir höfðu líka áhuga á tónlistinni eins og við.

Þar sem ég hafði ætlað að bjóða þjóðverjunum mínum upp á te í kúlu, ákvað ég að bjóða þessum þjóðverjum líka.

Af rælni bauð ég ítölunum líka, en ekki frökkum sem sátu við næsta borð.

Þetta er Birgit með dóttur sinni Britt.

En áfram með söguna, haldið ekki að listamennirnir búi bara rétt hjá fólkinu mínu í Dietlingen. Þannig að þar myndaðist strax kontakt.

En ekki bara það heldur kom í ljós að einn af tónlistarmönnunum er líka ítali svo þar urðu líka góðir fundir. Þau voru líka í vandræðum með hvar þau ættu að tjalda, svo ég sagði að það væri lítið mál að tjalda upp á lóðinni hjá mér, sem þau þáðu með þökkum.

Þetta var ósköp notalegt kvöld í góðum félagsskap.

Daginn eftir bauð ég svo vinum mínum í mat, sunnudagslæri, sem þau elska þ.e. fjölskyldan vinir mínir, mamman vildi ekki smakka lambakjötið var viss um að það væri ullarbragðslæri Svo hún fékk svín og var ánægð með það.

Og Britt er búin að semja lag, hún er að vinna að því og var m.a. að taka myndir fyrir myndband til dæmis í Skálavík og Bolungarvík. Hún er afar dugleg stúlka og hæfileikarík. Hún leikur á öll hljóðfæri og syngur sjálf. Hún söng lagið sitt fyrir mig og það var virkilega flott.

En ég fékk líka pakka niður í Tjöruhúsi, það var búið að segja mér af pakkanum en ekki hver sendi mér hann. Það kom mér því verulega þægilega á óvart að fá þennan pakka frá elsku Eirný minni, sem var heimagangur hjá mér þegar hún og bára voru stelpur. Vænt þótti mér þó um undirskriftina, til Íju aka mömmu.

Takk elsku Eirný mín.  Hún er búin að búa í mörg ár úti í Edinborg og hefur rekið þar veisluþjónustu, nú er hún komin heim og komin með þetta fína fyrir tæki  Búrið, nú á ég eftir að skoða þetta allt saman og smakka.

Elsku Eirný mín innilega takk fyrir mig.

Myndir og matur sitt á hvað.

Það er búið að vera ótrúlega gott veður hér í marga daga.  Það er reyndar sól enn í dag, en kaldur norðan vindur.  Hlýtt þó í sólinni.

Ég er búin að vera afar upptekin að vökva blómin mín svo þau ofþorni ekki, það er bara ansi mikil vinna get ég sagt ykkur.

Ég gaf mér þó tíma þarsíðasta föstudag til að fara niður á torg með kryddplöntur og kál til að kveikja í ísfirðingum um vorið. Það var ágætt veðrið gott og þó þetta væri ekki mikið auglýst þá var það bara gaman.

Fólk naut sín í sólinni og margir komu að heilsa upp á mig og skoða hvað væri í boði.

Þessi unga stúlka kom frá Bolungarvík, en hún er dóttir Eddu Borg tónlistarmanns og barnabarn Óla Kitt fyrrverandi bæjarstjóra í Víkinni, hér er amma hennar með henni til stuðnings. En hún er að selja töskur saumaðar úr fánaefni, flottar töskur af mörgum gerðum. Mjög þægilegar bæði haldatöskur og axlatöskur, sumar í litlum veskjum hentugar í veskið til að fara í innkaupabúðina. Sniðug hugmynd.

Bærinn minn að sumarlagi.

Dóra systir mín bauð mér kvöld eitt að borða niður í Húsið sem er nýr veitingastaður, sumir sátu bara úti í góða veðrinu.

Þetta er virkilega skemmtilegur og notalegur staður í miðjum bænum, með sína fiskisúpu sem er einstök og svo heimabakaðar kökur af bestu gerð. Maturinn smakkaðist afar vel en ég fékk mér kótilettur.

Hér er Íja systir með myndavélina segir systir mín. hehehehe...

Mæli alveg með Húsinu bæði til að borða og bara sitja og fá sér öllara.

Svo öllum að óvörum (mér) droppaði vinkona mín þýsk Birgit inn úr dyrunum alveg óvænt, þau voru þá komin í sumarhúsið sitt til dvalar í nokkra daga. Og það var yndislegt að hitta þau.

Þetta eru fiskarnir hans Júlla míns niður við Tjöruhúsið, en þangað buðu þau okkur í mat. Þeirra uppáhaldsstaður.

Hér er geimveran hans, að vísu vantar á hana hálsklútinn, vonandi er hann samt einhversstaðar til ennþá.

Það má segja að Tjöruhúsið veitingastaður sé orðin heimsþekktur, enda flykkjast útlendingar þangað til að borða splunkunýjan fisk steiktan af Magga og Rönku og þeirra fólki.

Ein lítil hnáta og móðir hennar, en það er gallinn sem ég er að spá í. Þetta toppar allt hlýr og þægilegur galli.

O jæja ég get víst ekki sett inn fleiri myndir í bili.  Búin með kvótann sennilega, er vonandi rætist úr því, er húin að hafa samband við stjórnendur.  Svo þetta verður að duga í bili, var með flotta mynd að litlu dúllunni í sínum prjónaða galla frá hendi mömmunnar.  En meira síðar.

Eigið gott kvöld elskurnar

Uppákoma í fyrirhuguðum forsetaviðræðum.

Fyrirhuguðum segi ég, það er þetta fór allt niður í ræsið þegar þau lásu upp ákvörðun sína og gengu út.   

Mér fannst þetta flott viðbrögð hjá Andreu, Ara Trausta og Hannesi.  Þau stóðu keik og létu ekki fara svona með sig.  Ég sá á Herdísi að hún var reið, það skemmdi svolítið fyrir henni, en það er afskaplega skiljanlegt að hún hafi verið reið.  Ólafur og Þóra hefðu átt að ganga út líka að mínu mati.

Þessi útsending var einfaldlega ein sú mesta lágkúra sem ég hef séð í einum miðli.  Bæði voru spyrjandi og stjórnandi afskaplega klunnaleg og hún argasti dóni að mínu mati. 

Það var líka ljótt að sjá einn frambjóðandan með allskonar svipbrigði og hrokatilbrigði ekki til sóma verð ég að segja.

En skömmin er öll miðilsins sjálfs og ég ég væri í áskrift hefði ég sagt henni upp núna. 

Var um örþrifaráð að ræða