Af styrkjum, ölmusu og mútum.

Ég er nú eiginlega alveg sammála því.  Það eru mörg lönd sem þurfa miklu meira á styrkjum og ölmusu að halda en við.  Þetta eru eiginlega að mínu mati mútur til að gera okkur leiðitamari til að ganga inn í ESB.  Þetta með gulrótina og asnann.

Það er bara skammarlegt af löndum mínum að þiggja svona ölmusu í okkar annars ríka landi, þegar svo margir aðrir þurfa miklu fremur á þessum peningum að halda.  Þetta fé kemur örugglega í góðar þarfir annarsstaðar.

Finnst óþarfi að styrkja Ísland

Mikilhæfur leiðtogi.

Mikið hefur verið rætt um leiðtogahæfileika fráfarandi forsætisráðherra og stór orði látin falla.

Ég ætla mér ekki að fara ofan í þá sauma.  En það vill svo til að ég hef ákveðnar skoðanir á því hvað telst mikilhæfur leiðtogi.

Ég hef í gegnum tíðina í yfir 30 ár verið með mismargt fólk undir minni stjórn, svo ég þekki svolítið til þess hvað það er sem þarf til að vera góður stjórnandi. 

Í fyrsta lagi þarf góður stjórnandi að geta sett sig inn í aðstæður og málefni sem eru á hans könnu.

Hann þarf að geta samsamað sig því sem undirmenn hans eru að spá og vilja, og skilja og skynja hvað þeir eru að hugsa.

Hann þarf að vera nógu "stór" til að setja sig í spor undirmanna sinna ALLRA og vera mannasættir. 

Hann þarf að vega og meta og treysta sínum undirmönnum. Fá þá til að vinna með sér en ekki á móti.

Taka fyrir ákveðin mál ræða þau við alla aðila með og á móti, og fá fram kosti og galla. 

Þora að taka tillögum frá þeim sem eru á öðru máli. 

Fyrst og fremst að laða fram að besta í öllum sem að málum koma, og fá fólk til að vinna með sér.

Besti stjórnandinn er í raun og veru sá sem er ósýnilegur en hefur alla þræði í hendi sér.

Gefur undirmönnum sínum hugmyndir og treystir þeim síðan til að vinna úr þeim.

Standa svo með þeim ef þeir gera mistök og reyna að bæta þar úr.

Þetta virðist flókið, en það er það bara alls ekki.  Ef stjórnandinn er nógu ákveðin og sjálfsöruggur.  Þorir að taka hlutunum eins og þeir eru og gera gott úr því sem aflaga fer með því að ræða málin og halda friðinn.

Það er mikill munur á því að stjórna með hógværð og friði og fá undirmenn til að fylgja sér, eða vera frekjudós sem með hótunum fær sínu framgengt.  Þarna er himin og haf sem aðskilur mikilhæfan leiðtoga og þann sem lætur stjórnast af frekju, einþykkju og þröngsýni á allar aðrar skoðanir en hans sjálfs. 

Það er bara þannig sem alla tíð hefur verið á okkar vitorði að oflof er í raun og veru háð.  Ef þú virkilega villt manneskju vel og vilt þakka henni góð störf sem hún hefur framkvæmt að þínu mati, þá áttu að spara stóru orðin, og tala af raunsæi.  Þakka fyrir það sem vel er gert en ekki lofa í hástert einhverju sem alls ekki fær staðist.

Það eru í raun og veru ekki margir mikilhæfir leiðtogar hvorki hér á landi né annarsstaðar, þeir hafa þó verið til eins og Ghandi, Mandela, Martin Luther King, Jón Sigurðsson og slíkir, þeirra nöfn lifa með mannskepnunni alla tíð eins og segir: deyja frændur, deyja vinir en góður orðstýr deyr aldregi hverjum sér góðan getur. 

Ýmsar myndir og skemmtilegheit.

Ég er viss um að elskulegir lesendur mínir sem vilja fá myndir og sögur séu alveg að gefast upp á mér.  Þannig að nú ætla ég að setja inn nokkrar myndir af því sem ég hef verið að bralla undanfarið.

Stubbarnir mínir hafa fundið sér góðan stað hátt upp í hillu á fataskápnum

En mér var svo boðið á Gumma kvöld, vinur okkar hjóna sem nú er dáinn Guðmundur Thoroddsen sem hefði orðið sextugur núna.  Konan hans Elísabet Gunnarsdóttir arkitekt bauð mér að vera með í kvöldveislu honum til heiðurs sem ég þáði með þökkum.

Þarna voru margir samankomnir til að heiðra þennan yndislega listamann og lífskúnstner sem fór allof fljótt. Hér má sá Áslaugu Ragnars píanóleikara sem var hér stödd tilfælligsvis, en hún býr og starfar erlendis.

Það var virkilega gaman að vera þarna, og góður matur framborin af Elísabetu og hennar sonum og vinum. Frábær alveg. Enda er Elísabet annálaður kokkur og skemmtilegur veisluhaldari.

Synirnir voru í uppvarta og þarna ríkti gleðín ein.

Systkini Guðmundar voru líka mætt, og voru hrókur alls fagnaðar.

Snillingurinn Villi Valli og Magnús Reynir voru líka meðal gesta.

Veislustjórinn bróðir Guðmundar var hrókur alls fagnaðar.

Guðný Hartman ein af mínum elstu og yndislegustu vinkonum gegnum tíðina, sérstaklega gegnum Litla Leikklúbbinn.

Kempan og rithöfundurinn Finnbogi Hermannsson í góðum félagsskap.

Það var yndisleg stemning þetta kvöld alveg í anda Guðmundar og Elísabetar.

Tveir grallarar og viskubrunnar Maggi Reynir og Finnbogi það kemur enginn að tómum kofa hjá þessum tveimur.

Og hér var fólk á öllum aldri og allir sem einn maður.

Systkinin þau voru frábær þetta kvöld.

Sigríður Dúna var skólasystir Guðmundar á sínum tíma og sagði okkur skemmtilegar uppákomur sem þau tóku þátt í í sínu unggæði, afar skemmtilegar frásögur og hjartnæmar.

Finnbogi sagði frá sinni viðkynningu af þeim hjónum, en þau leigðu RUVVest aðstöðu í húsi sínu þar sem hann var útvarpsstjóri.

En Sigríður Dúna hafði ekki lokið máli sínu

á þeirra skóla árum hafði Guðmundur gefið henni þetta malverk af gefnu tilefni og hún hafði geymt það öll þessi ár, og þetta kvöld færði hún sonum hans málverkið við mikinn fögnuð gesta. Málverkið geymir þá sögu vel.

Og drengirnir voru himinlifandi yfir þessar óvæntu gjöf úr fortíð föður þeirra. Þegar maður missir foreldri svona ungur, þá verða allar svona minningar svo vel þegnar og þakklátar.

Yndislegir drengir og hafa alltaf haft sína tengingu á Ísafjörð þó þeir hafi farið með móður sinni um heiminn. Einmitt þess vegna elsku Elísabet er svo gott að vita að þú ert komin heim aftur

Og hér voru sagðar skemmtilega fjölskyldu sögun. Sumar frá þeim tíma þegar Elli minn og Guðmundur fóru í þriggja mánaða siglingu um suður Ameríku, Argentínu, Úrugvay og fleiri slíkra. Þeir lentu til dæmis í ógurlegum hremmingum í ofsaveðri á leiðinni til milli landa þarna, og um stund leit út fyrir að skútan væri að farast. Þá stóð Elli minn upp og hóf upp raust sína og söng Simba sjómann af öllum kröftum. Gumma var þetta svo minnisstætt að hann sagði systur sinni frá þessu og fannst mikið til um. En hún er að spá í að koma þessu í bók, sem ég vona að verði af.  Svo sannarlega þarf saga þetta yndislega drengs og lífskúnstners að koma fram.

Elísabet eiginkonan helt líka góða ræðu og lagði mikla áherslu á að Guðmundur hafi verið mikill gleðimaður, og þess vegna væri þetta gleðikvöld í hans minningu. Hún var mín stoð og stytta þegar þeir karlarnir okkar voru burtu á fjórða mánuð yfir jól og áramót. Þá var gott að eiga þjáningarsystur til að styðja sig við.

Já svo sannarlega vera þetta gleðikvöld og ég er viss um að Guðmundur var þarna með okkur að gleðjast.

Og synirnir eru aldeilis lagtækir á hljóðfærin.

Enda ekkert skrýtið að hljóðfærin værudregin fram með svona hljómlistamenn innan handar.

Og auðvitað stóðst ég ekki málið og tók nokkur lög.

Tvær flottar saman og vel þekktar.

Og stóri bróðir lét ekki sitt eftir liggja.

Innilega takk fyrir migTakk fyrir frábært kvöld.

Nú er haustið komið og það getur verið afar fallegt rétt eins og í dag til dæmis.

Þó ekki sjái mikið á gróðri ennþá.

Stundum er veðrið dulafullt.

Decorareynirinn minn er komin í haustlitina.

Frábært að hafa svona fegurð fyrir augunum.

Yndislegt. Nýpurnar af hjónarósinni og fleirum.

Sorbus Decora er rosalega flott tré. Ég hef sáð fyrir honum og sett niður upp í hlíðinni fyrir ofan mig.

Og hingað rata börnin smá og njóta sín.

Og þessa tvo stráka vantar ennþá heimili, þeir eru yndislegir ég vildi gjarnan hafa þá áfram, en það dugar ekki með fjórar kisur. Best væri ef einhver vildi taka þá báða, þeir eru aldir upp í miklum kærleika foreldrana og eru algjör keludýs og svo fallegir. algjörlega heilbrigðir enda í umsjón dýralæknisins að hluta til.

Móður ást.

Eigið góðan dag elskurnar. Við skulum muna að þrátt fyrir ömurlega aðkomu stjórnmálanna að okkur þjóðinni, þá er samt margt svo fallegt til og okkur ber að hlú að því og taka þátt í þeim kærleika og umhyggju fyrir hvort öðru. Við getum nefnilega gert alveg heilmikið bara í daglega lífinu með ást og umhyggju.

Vertu sæl Jóhanna forsætis.

Það var alveg komin tími til að Jóhanna hætti. Sennilega hefur verið lagt að henni að gera svo.  Það er búið að gefa það í skyn nokkrum sinnum.  Mig minnir að Össur hafi rætt um að skipta þyrfti um manninn í brúnni, Árni Páll hafði líka gefið eitthvað í skyn, en þorði ekki að segja hlutina hreint út.

Viðbrögð Dags áðan voru þannig að það lá við að ég kúgaðist.  Hann ætti að muna að oflof er háð.

Verð að segja það að viðbrögðin eru eins og minningargrein þar sem sá sem látinn er verður að engli með vængi, þó hann væri breyskur í lifanda lífi.

Stuðningsmenn hennar vilja halda, sem von er að hennar verði minnst sem eins markverðasta leiðtoga íslandssögunnar.  En ætli annað komi nú ekki í ljós þegar sagan verður skoðuð, þar kemur fljótlega upp í hugan ýmsar klúðursminningar.  Bæði ráðningar, brot á jafnréttislögum, yfirlýsingar um hve allt er gott á landinu og yfirlýsingar forystumanns ASÍ um hið gagnstæða, ýmsar vandræðakosningar sumar dæmdar ógildar, og svo marg og margt.

Ég get auðvitað viðurkennt að ég bar mikið traust til Jóhönnu í upphafi þegar þau Steingrímur tóku að sér að stýra landinu gegnum brotsjó.  Þó minn flokkur dytti út, hugsaði ég með mér að þarna væri þó fólk sem myndi vera rétta fólkið til að stjórna landinu gegnum þann ólgusjó. 
En þau höfðu ekki lengi verið í stjórnarráðinu þegar Jóhönnu hafði tekist að kjúfa þjóðina algjörlega í herðar niður með því að setja aðaláhersluna á ESB, þegar hún og Steingrímur höfðu alla burði til að verða vinsælasta stjórn allra tíma, vegna þess að fólk virkilega treysti á þau.  Og síðast en ekki síst hvar er SKJALDBORGIN?

Adam var ekki lengi í Paradís.  Það kom í ljós að ekki bara Jóhanna klauf þjóðina, heldur var blautri tusku slegið framan í bæði stuðningsmenn Steingríms og okkur sem að vís kaus þá ekki, en treystum samt til að standa við loforðin.  Þá kom nefnilega í ljós að alla kosningabaráttuna höfðu þau Jóhanna myndað með sér bandalag um að SÆKJA UM AÐILD AÐ ESB.

Síðan hefur hvert klúðrir rekið annað, ekki tekið á neinum málum, bara skipaðar nefndir, ráð, eða hlutirnir voru í vinnslu.  Aldrei tekið fast á neinum málum.  Og í raun og veru í stað þess að virkilega hlú að því sem næst þeim stóð, eyddu þau allri sinni orku í innlimunina í ESB.

Nú þegar líður að lokum starfstíma hennar, þá verður starfstími hennar skoðaður og sagan mun dæma.  Og þegar hún talar um hrunið eins og hún hafi þar hvergi nærri komið. 

En ég vil samt óska henni allra heilla í sínu prívat lífi og óska henni þess að hún njóti samvista við sína fjölskyldu og verði hamingjusöm.  En að hún hafi verið mikilhæfur leiðtogi er í besta falli hlægilegt.

Jóhanna ætlar að hætta

Þegar fólk afneitar sannleikanum.

Já já og tunglið er úr osti ekki satt?

Gallar á kerfinu hafa verið lagfærðir

Ég hef verið að velta mér upp úr þessu Skýrr máli og fundið minn sannleika í því, tek það fram að það er einungis um mitt prívat mat að gera.

Ég er að hugsa um að fara í mína smá rannsóknarvinnu í huganum um þetta stærsta mál í dag, nota litlu gráu sellurnar rétt eins og Poiroit hennar Agötu.

Ef við förum aftur í byrjunina þegar ákveðið var að setja upp nýtt tölvukerfi, þá komu tveir aðilar til greina, Nýherji og Skýrr.  þegar málin eru skoðuð þá voru menn þarna innanborðs sem höfðu unnið í Skýrr um lengri eða skemmri tíma og voru involveraðir í það fyrirtæki.  Það var að mínu mati þess vegna ákveðið að taka tilboði þess fyrirtækis þó ljóst mætti verða að Nýherji var með betri lausnir.  Ég er viss um að þessa menn gunaði ekki að þetta ætti eftir að ganga svona langt.

Þarna brást Geir og ríkisstjórn hans þjóðinni.  Það var í hans ábyrgð að skoða hvort þessi mál væru í lagi, ef til vill var eitthvað af þessu fólki vel tengt inn í Framsókn eða Sjálfstæðsflokk.  Það kom meira að segja upp sú staða að menn vildu rannsaka þessi mál, en því var hafnað af hverju?

Síðan kemur í ljós að þetta kerfi er ekki að virka, og gefur meira að segja ríkisstjarfsmönnum tækifæri á að grauta í bæði sínum reikningum og annara.  Reikningar eru tví borgaðir og ekkert gert í málinu.

Svo er sett á stofn rannsóknarnefnd.  Af hverju?  Jú ríkisstjórnin og þingið gera sér grein fyrir að þarna er eitthvað sem betur má fara.

Árið 2010 eru Sjálfstæðismenn farnir að hafa áhyggjur af þessu, þegar reikningarnir eru orðnir fjallháir.

Þeir fara að spyrjast fyrir um skýrsluna, en FÁ ENGINN VIÐBRÖGÐ. 

Hvorki þeir né ríkisstjórnin gerir neitt í málinu.  Auðvitað vissu þeir af yfirkeyrslunni.  Það hlýtur að koma fram í ársreikningum bruðlið með fjármálin til þessa kerfis.  Fjármálaráðherra hlýtur að hafa vitað af þessu og margir fleiri.

Svo líður að kosningum.  Ríkisstjórnin sér fram á að tapa stórt.  Yfirlýsingar Jóhönnu og Steingríms um að þau vilji alls ekki starfa með Sjálfstæðisflokknum eru gefnar.

Með þessa vitneskju í farteskinu er ákveðið að koma höggi á Sjáfstæðsflokkinn.  Björn Valur eða Steingrímur fá skyrslunar í hendur, þeir lofa sennilega Sveini griðum og fá skýrsluna í hendur sem skýrir linkuna við að víkja honum og staðfesta hans um að hann segi ekki af sér.

Nú má segja að allir hafi klúðrað þessu máli big time, því það er ljóst að ekki bara er yfirmaður ríkisendurskoðunar, heldur eru bræður hans þarna líka, annar hefur unnið hjá SKýrr og hinn í Fjármálaráðuneytinu. Og þetta eru EKKI TALIN HAGSMUNATENGSL. 

Nú kemur ef til vill ógeðslegasri parturinn af þessu.  Í stað þess að formaður fárlaganefndar fari með skýrsluna beint á fund í Fjárlaganefnd og þau kalli inn á teppið Svein Arason eins og rétt hefði verið að gera.  Kemur Björn skýrslunni til Kastljóss.  Ég var nefnilega að furða mig á hve hann var undirgefinn og alvarlegur, hefur sennilega skammast sín smá. 

Þetta var beinlínis gert til að koma höggi á andstæðinginn.  Sem vissulega hafði klúðað málunum vel og vendilega í þeim spillingafasa sem þeim er eiginlegt.  En allan þennan tíma hafa þeir sem hafa vasast í fjármálum ríkisins vitað af þessu, og ekkert gert.

Þess vegna laug Björn Valur að mínu mati, þegar hann sagði við fréttamann að menn gætu ekki brugðist við einhverju sem þeir  vissu ekki um.  Þess vegna kallaði Vigdís þetta þýfi.

Allt þetta mál er bara ógeðslegt, ég hálf vorkenni karlgreyinu honum Sveini fyrir að þurfa að standa þarna og svara spurningum, hann gerði það þó og þarf kjark til.  Sérstaklega þegar maður þarf að svara fyrir eigin vanrækslu og vanhæfni.  Það verður að virða honum til vorkunnar.

En hitt hvernig sem á það er litið er svo ómerkilegt að engu tali tekur.  Allt þetta fólk frá Sjálfstæðisflokki sem ennþá situr og allir þeir sem hafa verið í ríkisstjórnum síðana eiga skilyrðislaust að taka pokann sinn og hætta ef ekki strax þá að sækjast ekki eftir endurkjöri.

Þessi upphæð er nefnilega sú SEM VANTAR TIL TÆKJAKAUPA Á HEILLBRIGÐISSTOFNUNUM LANDSINS.  þessi upphæð sem stjórnvöld hafa kosið að líta framhjá árum saman þó þeim væri vel ljóst í hvað stefndi. 

Síðan á að rifta samningunum við Skýrr, og sekta þá um stórfé, þeir geta svo sem gefið þessa fjárhæð til spítala í tækjakaup ef þeir vilja halda andlitinu. 

En í raun og veru ég hef grun um að svona hafi þetta verið þó ég hafi ekkert fyrir mér í því annað en tilfinninguna og viðbrögðin.  En eru það svona ráðamenn úr öllum flokkum þ.e. fjórflokknum sem við viljum láta sýsla með hagi okkar?  Menn sem eru ekki meira þroskaðir og ábyrgðarfyllri en þetta.  Að geta látið allt danka af því að það er A. óþægilegt.  B. til að nota sem keyri í kosningabaráttu?  Spyr sú sem ekki veit.  

Vil svo að lokum taka fram að ég er mjög ánægð með að Kastljósið skyldi koma þessu til okkar almennings.  Skil reyndar betur af hverju þeir gátu verið svona ákveðnir ef sterkir aðilar stóðu að baki "Lekanum". 

Og ég bið þá að hugsa um það ef slíkur leki kemur frá almenningi að þeir verði jafn frábærir í að koma því til skila til þjóðarinnar. 

Við erum nefnilega alltaf að vonast eftir betra og heilbrigðara Íslandi.  Og þess  vegna er ágætt að hafa í huga að heildardæmið er ekki bara að hengja Formann ríkisendurskoðunar heldur er þetta ferli af vanhæfni, spillingu og kosningabaráttu og allt þar á milli. 

Eigið góðan dag.

Einbjörn tvíbjörn og þríbjörn voru bræður.

Heyrði ég rétt í Útvarpinu áðan, eru bræður hans beggja megin borðs, annar í fjármálaráðuneytinu og hinn hjá Skýrr?? Og hann sá ekkert athugavert við það manngreyið, hann þarf að fara í endurhæfingu i siðfræði er ég hef heyrt rétt. En ég trúi varla mínum eigin eyrum ef satt skal segja.

Og svo er strax byrjað að þjarka á þinginu, þau fara AÐ RÍFAST UM KEISARANS SKEGG  Í STAÐ ÞESS AÐ TAKA Á MÁLUNUM.  Auðvitað á að krefjast opinberrar rannsóknar á þessu máli frá upphafi.  Manni dettur ýmislegt í hug ef bræðurnir hafa verið þarna annar í Fjármálaráðuneytinu og hinn hjá Skýrr, þá fer myndinn svolítið að skýrast í mínum kolli allavega. 

Við verðum að krefjast þetta að þetta verði rannsakað.

Kemur niður á traustinu

Andskotinn hafi það bara.

Hvert þó í þreyfandi.  http://www.ruv.is/sarpurinn/kastljos/24092012-0 Ef þetta er ekki skandall aldarinnar þá veit ég ekki hvað.  Og er þetta eina dæmið um bruðl og óráðssíu í kerfinu? Spyr sú sem ekki veit.  Og hvernig í fjandanum stendur á því að það tekur öll þessi ár að komast til botns í málinu?  Er það af því að enginn vill taka af skarið?.  Það er dálítið langur vegur frá 160 milljónum í fjögur þúsund milljónir.  Þetta mál þarf að rippa upp og skera, og kanna hvort þetta sé einsdæmi eða hvort þetta er viðtekin venja ráðamanna að bruðla svona eftirlitslaust með peningana okkar.  Það er von að það sé ekki hægt að sinna nauðsynlegu viðhaldi á velferðarkerfinu ef þetta er það sem viðgengst.

Og mér er fjandans sama um hvort þetta er leiðangur vegna komandi kosninga eða "tilviljun"  Þetta getum við hreinlega ekki sætt okkur við.

Við verðum að KREFJAST ÞESS AÐ FARI FRAM ALLSHERJAR ÚTTEKT Á STJÓRNSÝSLUNNI OG LEITA ÞAR Í ÖLLUM SKÚMASKOTUM.  Ég vil reyndar þakka Ríkisútvarpinu fyrir að vekja máls á þessu, en betur má ef duga skal.  Hér þarf að velta hverjum steini.

Kæru kjósendur þetta er bara óþolandi hvernig ráðamenn ganga um peningana okkar eins og þeir geti bara gert það sem þeim listir.  Þjónað sínum gyllisvínum á kostnað heimilanna og fólksins í landinu.  Nú er mál að allt komi upp á borðið.  Við hljótum að gera ráðið rannsóknarnefnd - sjálf - sem rannsakar algjörlega öll verk ríkisstjórna síðastliðinn 20 ár eða svo,  við söfnum bara fé og ráðum sjálf fólk til að skoða málin ofan í kjölin.  Þetta er komið nóg.  Hvar í flokki sem við erum, þá er þetta bara ekki ásættanlegt.  Og svo með málin til HAAG ef ekki vill betur til.

Að ruslast um í Vín... er gaman.

Vínarborg er með þeim skemmtilegri borgum að mínu mati.  Aðrar borgir sem ég held upp á eru Kaupmannahöfn, Amsterdam New york - Manhattan.  Allar þessar borgir eiga það sameiginlegt að það er auðvelt að rata góð samgöngutæki og lifandi borgir með fullt af matsölustöðum og vínveitingarstöðum þær eru lifandi alveg meðan maður er að ruslast um fram eftir.

Vín er sérlega skemmtileg að því leyti að í fyrsta lagi getur maður farið um hana á helstu svæði með neðanjarðarlestinni, og það er afskaplega auðvelt að rata. Hún hefur upp á svo margt að bjóða bæði sögulega séð og svo í fegurð bæði hvað varðar skemmtileg svæði eins og bakka Dónár, arkitektúr, að blanda saman gömlum og nýjum byggingum svo vel fer, og bara vinaleg að öllu leyti.

Við Elli skruppum til Vínar og gistum hjá vinkonu minni Christínu yfir nótt, áttum virkilega skemmtilegan tíma.

Christíne er eftir skilgreiningu íslendinga Íslandsvinur, því hún kemur hingað eins oft og hún getur, reynir að koma á hverju ári. Og elskar Ísland íslenska náttúru og fólkið sem hér býr.

Hér erum við að fara niður á Stefansplatz, sem er hjarta Vínar, þar er dómkirkjan og miðbærinn.

Já hér erum við sem sagt að fá okkur morgunverð.

Þetta er mín uppáhalds búð í Vín, steinabúðin sem er rétt við Mary HilferstraBe. Kaupi alltaf einhverja steina þar.

Christine býr í gömlum hluta Vínar, í bokk sem er reyndar frekar gömul, byggð um 1920, í þá daga var ekki rennandi vatn í hverri íbúð, heldur voru svona vaskar frammi á gangi á hverri hæð, þangað sem fólk þurfti að sækja sér vatn.

Hér sýnir Christine mér plöntu sem hún er að rækta sem heitir Djöflaplanda eða eitthvað álíka.

En sem sagt dóttir mín þurfti að bregða sér til Vínar, því hún var að taka Buddatrú, við ætluðum að fara út að borða með Christíne og ákváðum að fara á góðan veitingastað sem er uppi á hæð yfir Vín. Ég hef að vísu komið þar áður, en þangað lá leiðin, hér erum við á rauða dreglinum.

Man ekki hvað veitingastaðurinn heitir, en hann er meiriháttar og margt þar til skemmtunar, og þarna er setið úti meðan nógu hlýtt er, og ef mönnum er kalt þá er hægt að fá teppi yfir sig.

Við röltum þarna um og skemmtum okkur vel. Þetta er eins og inn í stofu.

Allt gert til að fólk geti skemmt sér og notið þess að vara til.

Mæli með þessum stað ef fólk vill gera eitthvað spes í Vín, bara hafa samband og ég skal grafa upp nafnið

Þó veðrið væri gott hér uppi, þá var dálítil þokumóða yfir Vín. En hér er gott útsýni yvir borgina, og þetta stóra hús er spítali.

Svo var farið að fíflast, hér er rammi sem hægt er að taka myndir í hehehe.

Já eins og um mynd í ramma væri að ræða.

Og þá var bara að skemmta sér ærlega.

Hehehehe Christina you did´t thint I would show this.

En hingað komum við fyrst og fremst til að smakka hina einu og sönnu Viener Snitzhel sem er algjört ÆÐI.

Borð fyrir tvo...

Bára mín og Christine góðar vinkonum sem ég reyndar kynnti hvora fyrir annari.

Á tröllaslóðum... eða þannig.

Sem sagt steinrunnið tröll...

Jamm það er svipur með þeim

Þannig að það er ekki bara matur heldur heimikil skemmtun að fara á þennan veitingastað.

Og feðginin skoða Vína ofan frá sem er bara gott útsýni yfir borgina.

En eins og ég sagði fór dóttir mín til Vínar til að taka Búdda trú það var falleg athöfn og ég er afskaplega ánægð með hana að hafa valið sér þetta fallegu iðkun. Hér eru vinir hennar Samúel frá Israel og móðir hans sem er nýflutt hingað frá Tel Aviv þau eru bæði búddatrúar yndislegt fólk.

Samúel sagði mér að iðkendur þessa sama trúfélags eru um 3oo hér á landi og þar af tvær systur hér á Ísafirði sem ég reyndar þekki vel, flottar stelpur. En höllin sem þau keyptu undir trúariðkun sína er höll einnar prinsessu af Habsborgaraættinni, hún var kölluð rauða prinsessan vegna þess að að hún giftist af ást, manni sem ekki var konungborin. Þess vegna þurfti hún að vera utangarð hjá þessu liði, og hefur sennilega bara verið hamingjusamari en aðrir sem þurftu að giftast innbyrðis eða einhverjum sem þeim var ætlaður. Ég hef reyndar aðeins mantrað með þeim og það algjörlega virkar. 

Hér er þessi elska mín eftir athöfnina sem var eins og ég sagði afar falleg, ásamt öðrum sem voru líka að taka trúna.

En að öðru, meðan ég var í Austurríki ríkti hitabylgja sem fór allt upp undir 40°, það var því afar heitt.

Hér innan við fimm mínútna akstur frá heimili Báru er þetta vatn, sem margir koma til að baða sig í og synda, meira að segja alla leið frá Vín.

Hér er svo sannarlega hægt að eyða deginum, hafa með sér nesti eða bara fá sér mat eða vín á veitingastað sem er hér.

Og börnin nutu sín svo sannarlega

Og amma vildi líka passa guttan litla

Frábær staður og mikið sóttur.

Og svo var komin tími til að fara heim, það endar alltaf þannig. En mikið getur lífð verið yndælt.

Þó ég hefi ekki sýnt mikið frá Vínarferðinni þá nutum við Elli okkar, við vorum að ruslast bara tvö, Christína þurfti að vinna að verkefni, svo við fórum í miðbæinn og röltum milli veitingastaða og skemmtum okkur vel, þegar við svo komum heim til hennar, beið okkar uppbúið rúm, með sælgæti á koddanum eins og á flottum veitingastöðum og rauðvínsflaska og tvö glös, arineldur logaði og allt var óskaplega rómó.  Tank you my dear Christine my friend, we both love you very much.

Evra Össurar eða íslenska krónan?

Össur segir... maðurinn sem sagði að hann hefði ekki hundsvit á fjármálum, minnir að það hafi verið þegar hann seldi bréfin sín á afar "heppilegum" tíma.  Já hann vill meina að Evran sé sterkari en dollar, það getur svo sem vel verið rétt en er það nóg?

Þessa dagana er mikið rætt um gjaldmiðilsmál og umsókn Ísland um ESB, menn verði að klára málið og svo framvegis.  Aðrir vilja leyfa fólki að kjósa núna um hvort halda eigi áfram eða ekki.  Sem mér lýst reyndar betur á.

En það er nokkuð ljóst hvort sem menn vilja viðurkenna það eða ekki, að kosningarnar í vor munu snúast um umsókn um ESB.  Þeir sem halda að stjórnarskrármálið setji einhvern þunga á kosningar eru í villu.  Það virðist enginn hafa áhuga á því máli af fólki sem ég umgengst.  Það má segja að sé synd, vegna þess að mikið hefur verið í lagt og margt gott komið fram.  En eins og ég hef sagt áður og segi enn, stjórnvöldum er ekki treystandi í því máli, og því fer sem fer.  Langflestir sem yfirleitt munu mæta munu kjósa nei.  Þannig er komið fyrir forystumönnum þjóðarinnar að þeim er ekki treyst fyrir nokkrum sköpuðum hlut lengur. 

Ég rakst á erindi sem Gunnar Tómasson hélt í Grasrótarmiðstöðinni um daginn, afar fróðlegt og gott erindi. En Gunnar Tómasson er einn þeirra manna sem ég legg mikið traust á, vegna reynslu sinnar og hversu vel gerður maðurinn er, heiðarlegur í hvívetna.

Hann var beðin að halda erindi um hvernig væri hægt að bjarga Íslandi og hvort það væri æskilegt að taka upp evru og ganga í ESB.

Hér er erindið, ég hef ekki fengið leyfi hjá Gunnari, en vona að ég megi setja það hér inn vegna þess að þarna talar maður með reynslu og þekkingu um málefni sem hann þekkir vel til.

http://youtu.be/4ILvVmPkeHQ Ráðlegg fólki að leggja við hlustir.  Hann úrskýrir afar vel hvað hann er að tala um og færir fyrir því rök.

Nú þegar kosningaslagurinn er að byrja er rétt að ýta því að fólki að hlusta á menn og málefni, en ekki síður að skoða hvað viðkomandi hafa gert og sagt s.l. þrjú ár. Það er nefnilega oft þannig með stjórnmálamenn, þeir láta gamminn geisa í fjögur ár, en á einhverjum tímapunkti þegar nálgast kosningar verða þeir allt í einu svo vitrir, vinnusamir og vita allar lausnir. Elska kjósendur af lífi og sál og vilja allt fyrir þá gera. Það þarf líka að þora að breyta til, refsa sínum mönnum eitt kjörtímabil, það þarf ekki meira, ef stjórnmálamenn sjá að þeim verður raunverulega refsað fyrir frammistöðuna, þá læra þeir fljótt. Því stólarnir heilla mikið, sérstaklega þessir bólstruðu upphleyptu ráðherrastólar og það er afar erfitt að standa upp úr þeim svona óforvarendis.

Spurningin er bara viljum við réttlæti, jöfnuð, lýðræði og útrýmingu spillingar eins og hægt er?  ekkert af þessu er til í dag, en með því að gefa fjórflokknum frí, má ef til vill koma góðum þjóðhagslegum framfaramálum betur áfram með nýju fólki og venjulegu fólki eins og bara mér og þér.  Það fólk sem hefur hrærst í pólitíkinni mörg ár tala nú ekki um áratugi, eru löngu komnir langt frá hjörðinni og hafa reyndar engan áhuga á hvað hún er að hugsa og vona.   

Össur: Evran sterkari en dollar