Myndir.

20.11.2008 | 23:03

Þá er það myndirnar fyrir svefninn. Vona að þið hafið ekki haldið að ég væri alveg heillum horfinn. En stundum þarf maður að gera eitthvað róttækt, þegar manni finnst að sér kreppt, og réttlætiskendinni sýnd vanvirðing.

En á þessum tíma eru veðrabrigði, og sérstaklega litabrigðin afskaplega falleg hér á okkar hjara veraldar, sem mér þykir svo undur vænt um.

Veðrið var nokkuð úfið í gær, en það var stillt og kalt í morgunn.

Sólin litar ský og himininn.

Og setur mjúka birtu yfir allt.

En birtan dvín, og nú nær sólin ekki til mín lengur. En hún heilsar alltaf á Snæfjallaströndinni.

Hér er verið að prófa hengingarólina, þetta kemur í staðinn fyrir frönsku fallöxina Tounge

Það meira að segja lafir einhver í henni nú þegar.

Þú dagsins bláa birta.

svo björt við sjávarströnd.

Þú fríða rósin fyrsta

Sem frostsins kalda hönd.

Nú hefur meðan húmar,

heft í klakabönd.

Ég lít til þín með lotning,

lífis mín færðu hrós.

veturs dýra drottning.

djásnið hvíta rós.

Jamm datt þetta svona í hug, þegar ég var að setja þessar fallegu myndir inn. InLove

En ég leit inn á sýninguna hans Júlla í dag. ég held að síðasti dagurinn hjá honum sé á morgun.

Það er gaman að skoða þetta, og hann hefur alltaf skipt út nokkrum verkum milli vikna.

Heart

Úlfurinn er mjög stoltur af pabba sínum, enda má hann alveg vera það.

Svei mér þá þessi gefur Venus frá Willendal ekkert eftir. LoL

Ég held að það megi segja að hann á gjafir á verði við allra hæfi.

Hulk búin að ná sér í kerlingu.

Ég held að þetta sé einsdæmi á Íslandi allavega. Sérlega flott.

Svo er tími komin á morgunverð, áður er farið er í leikskólann. Á morgun er náttfatadagur á skólanum hjá þeim.

Og stubburinn minn straujar sjálfur á sig Taikwon do búninginn. Við þurftum að hitta aðstoðarskólastjórann í morgun. Það var svona fundur um ýmislegt sem kom upp á eins og vill verða. Það var í sambandi við enskukennarann og Úlf. Þegar búið var að fara yfir málin, var hann spurður hvort hann vildi segja eitthvað að lokum; Jú, ég hugsa, sagði hann; að málið sé að verkefnin séu of létt fyrir mig, í enskunni. Það er enginn áskorun í þeim, ég vil fá þyngri verkefni. Heart ég get sagt ykkur að aldrei hefði mér dottið í hug að biðja kennarana um erfiðari verkefni. En ég var bara stolt af mínum.

Og ég segi bara góða nótt og knús á ykkur öll. Takk fyrir allar góðu kveðjurnar í dag. Heart

Flokkur: Bloggar | Breytt s.d. kl. 23:07 | Facebook

Athugasemdir

Falleg saga af myndarlegum og skynsömum dreng. - Fallegt að sjá hann strauja búninginn sinn. - Alveg eru þetta líka magnaðar myndir hjá þér Ásthildur frá sýningu sonar þíns, þakka þér fyrir að lofa okkur að sjá snilldar handbragð listamannsins. Og litlu ömmustelpurnar blómstra hjá afa og ömmu. Kær kveðja til þín. - Og við krefjumst kosninga í vor. -

Lilja Guðrún Þorvaldsdóttir, 20.11.2008 kl. 23:13

Ekki spurning Lilja mín, ekki spurning. Takk fyrir mig.

Ásthildur Cesil Þórðardóttir, 20.11.2008 kl. 23:18

Þið eruð öll listamenn, í ljóðagerð, skúlptúrum og í athöfnum daglegs lífs.

Takk fyrir mig og knús á alla í Kærleikskúlu

Sigrún Jónsdóttir, 20.11.2008 kl. 23:39

Sæl og blessuð

Flottar myndir að vanda, Júlli og Úlfurinn eru flottastir.

Guð veri með ykkur þarna á Hjara Veraldar.

Kveðja frá Hjara Veraldar.

Rósa Aðalsteinsdóttir, 20.11.2008 kl. 23:46

Flott hjá Úlfi. Það þurfa að vera nógu krefjandi verkefni fyrir krakkana, annars fer þeim að leiðast. Og falleg listaverkin hans Júlla. Þú getur sko vel verið stolt af ungunum þínum og sjálfri þér líka, sterka baráttukona! Knús á ykkur

Sigrún Þorbjörnsdóttir, 21.11.2008 kl. 00:20

Sé að Úlfurinn er búinn að læra margt af frænda sínum eins og t.d að bera virðingu fyrir búningnum sínum :)

kveðja í kúluna :)

Tinna tengdó (IP-tala skráð) 21.11.2008 kl. 00:30

Ég elska frostrósir..elska reyndar allar myndirnar þínar.

Ég tek ofan fyrir Úlfi.Dugmikill strákur þar á ferð.

Ég er búin að raða steinlystaverkunum í huganum í garðinn minn.tröppurna og pallinn.Sérstaklega finnst mér steinbíturinn velgerður og falllegur.

Knús í bláa byrtu.

Solla Guðjóns, 21.11.2008 kl. 08:59

Takk Sigrún mín, frá Suðureyri

Takk Rósa mín

Takk Sigrún mín, næstum tengdó. Já ég er stolt af mínum mönnum. FLottastir

Knús á þig Tinna mín, jamm hann er alltaf að læra meira og meira, meira í dag en í gær

Takk og knús Búkolla mín

Takk Solla mín. Já þessi listaverk passa örugglega vel í garða, hvað er betra en grjóti í svoleiðis.

Ásthildur Cesil Þórðardóttir, 21.11.2008 kl. 09:25

Alltaf jafn yndislegt að kíkja til þín og ég seigji það satt að þú mátt vera stolt af syni þínum og barnabörnum, Úlfur er alveg meiriháttar strákur, það sér maður á skrifum þínum og ekkert smá duglegur.

Knús í kúluna

Helga skjol, 21.11.2008 kl. 09:25

Þegar ég sá myndina af hengingarólinni - og myndatextann um frönsku fallöxina, kom í hug mér mynd af ákveðinni konu sem ég þekki, sem reiddi upp öxi, til að að höggva sakamenn, - kvöld eftir kvöld fyrir rúmum 26 árum.

Sýningin hans Júlla er góð, ég sá hana 8.nóv. Ég er hrikalega stolt af því að hafa verið fyrst til að kaupa af honum listaverk, - og að hafa hvatt hann á þeirri braut. Áfram Júlli .

Laufey B Waage, 21.11.2008 kl. 09:34

Jenný Anna Baldursdóttir, 21.11.2008 kl. 09:58

Klár strákur hann Úlfur. Ekki allir myndu geta staðið svona fyrir sínu og fáir myndu biðja um þyngri verkefni. Greinilegt að hann þarf áskoranir í lífinu og skorast ekki undan. Líkur ömmu sinni

, 21.11.2008 kl. 09:59