Hvurju ertu nú búin að koma af stað Jenný !

Las það í Fréttablaðinu nú rétt í þessu.  Ellý búin að læsa blogginu sínu.  Það er ekki nokkur spurning sko, það er þér að kenna, það stendur nefnilega líka í blaðinu að þú hafir sett fram spurningu um hvort hún væri ekki komin heldur langt í lýsingunum, og urðu fjörugar umræður á blogginu hennar Jennýjar. 

Jamm maður trúir nú öllu sem stendur í blöðunum, og aumingja Ellý varð svo sjokkeruð að hún sagði bara lok lok og lær og allt í stáli.  Nú verða menn bara að bíta í það súra að fá lykil til að komast inn.

Ég segi nú ekki margt.  Það er alls ekki víst að allir fái lykil í hendurnar hjá henni Ellý.  Og þar með minnkar heimagangurinn hjá henni allverulega. 

Þetta er nú bara sett inn sem grín.

Athugasemdir

[Ásdís Sigurðardóttir, 31.8.2007 kl. 12:29]

Já, maður er nú bara sáttur við Jennsluna sína núna, búin að koma því til leiðar að dónafyrirsagnirnar eru nú læstar 

[Hrönn Sigurðardóttir, 31.8.2007 kl. 12:54]

Veit ekki hvort mig langar nokkuð í þann lykil............

[Ásthildur Cesil Þórðardóttir, 31.8.2007 kl. 13:11]

Já það er spurning.  Ég þarf ekki lykil að sögunum hennar, ég hef ekki lesið eina einustu. 

[Kristín Katla Árnadóttir, 31.8.2007 kl. 13:22]

Ég las í byrjun en ekki lengur.

[Jenný Anna Baldursdóttir, 31.8.2007 kl. 13:46]

Ég trúi því ekki eitt andartak að þetta hafi með mig að gera stelpur mínar.  Það eru fleiri en ég búnir að blogga um bloggið hennar Ellýjar.  Það er auðvitað leiðinlegt ef hún er hætt að blogga en ég hef enga trú á því

[Kolbrún Baldursdóttir, 31.8.2007 kl. 13:50]

Ég hef aldrei lesið neitt af skrifum hennar en hún getur vel verið góður penni og þess vegna efnilegur rithöfundur.

[Ásthildur Cesil Þórðardóttir, 31.8.2007 kl. 14:11]

Hún er sem betur fer ekki hætt að blogga, heldur hefur hún læst blogginu, svo þeir sem vilja lesa verða að fá lykil, stikkorð.  Ég var nú bara að djóka, en þetta leit svona út í Fréttablaðinu.  Hefurðu ekki lesið það ?

[Jens Guð, 31.8.2007 kl. 22:42]

  Þegar ég byrjaði að blogga þá var blogg Ellýar jafnan með næst flest innlit á eftir bloggi Sigmars í Kastljósi.  Ég kíkti á blogg Ellýar.  Las nokkrar færslur.  Þær höfðuðu ekki til mín.  Þetta voru erótískar örsögur.  Ekki alveg mín bjórdós.  Síðan hef ég ekki kíkt á þetta hjá henni.

  Stelpan er ágætlega ritfær.  Það vantar ekki.  Enda man ég eftir henni sem blaðakonu hjá DV og fleiri blöðum.  Gott ef hún ritstýrði ekki Birtu eða einhverju öðru tímariti.

  Að mér skilst af færslu Jennýar og fleiri þá virðist mér sem örsögur Ellýar hafi þróast yfir í það að verða sífellt klæmnari og sóðalegri.  Mér dettur í hug - þetta er ágiskun - að ritstjóri blog.is hafi talið örsögurnar vera komnar út á grátt svæði - eða hreinlega porno.  Meðal annars með hliðsjón af því að óþroskuð börn lesa blogg.  Þetta hafi því verið neyðarráðstöfun.    

[Ásthildur Cesil Þórðardóttir, 31.8.2007 kl. 22:50]

Já það gæti alveg verið.  Ég veit ekki af hverju þetta þróaðist svona hjá henni.  En svona er þetta bara.  Við förum alltaf lengra og lengra þangað til við um komin of langt.  En hún snýr ef til vill aftur og byrjar að blogga venjuleg skrif. 

[Ásthildur Cesil Þórðardóttir, 1.9.2007 kl. 20:23]

Jamm það má segja að hún hafi gert það hvort sem það var nú ætlunin eða ekki

[Solla Guðjóns, 3.9.2007 kl. 20:29]

hef aldrei kít á bloggið hennar og hva er ég orðin of sein

[Ásthildur Cesil Þórðardóttir, 3.9.2007 kl. 20:37]

Jamm hehehe nema að þú fáir lykil.