Ég væri sennilega ekki til.

Hér var pólskur bílstjóri að biðja um vinnu, sagði maðurinn við mig.  Svo heppilega vill til að það er laust starf fyrir bílstjóra.  Sonur hans er að vinna hérna, og hann langar til að sameina fjölskylduna.

 

Við fórum svo í laugina með stubbinn um kvöldið.  Og þá hittist svoleiðis að þessi hamingjusama fjölskylda var það saman kominn afinn, amman, pabbinn og mamman og börnin.  Þau léku sér glaðlega í boltaleik.  Greinilega ánægð með að geta verið saman.

Þá leitaði hugur minn til annara afa og amma, sem eiga ekki sjens á að koma hingað ekki einu sinni í heimsókn.  Vegna reglugerðafargans, sem sýnist vera gert til að varna þeim komuna.  Og það er bara vegna þess að þau búa annars staðar á jarðarkúlunni. 

Gott fólk sem á hér ættingja og vini.  En fær ekki einu sinni að koma og dvelja hjá sínum nánustu um stundarsakir.  Og ég varð reið inn í mér.  Alls ekki  út í glaðværu pólverjana, því ég samgladdist þeim innilega.  Heldur að við skulum gera svona upp á milli fólks eftir búsetu. 

Ég er ákveðin í að gera mitt til að fá þessu breytt.  Og ég ætla mér að gera það gegnum það afl sem ég hef ítök í.  Aflið sem hefur byrjað umræðuna um aðbúnað og réttindi innflytjenda, Frjálslynda flokkinn.  Og ég ætla ekki að hætta að ræða um þetta, fyrr en fólk áttar sig á því, að við verðum að breyta þessu.  Landið fer ekki á hvolf, þó við tökum mannsæmandi á móti aðstandendum nýrra íslendinga, sem hafa kosið að setjast hér að.  En það er okkur til skammar hvernig við högum okkur í þessum málum. 

 

Tek það fram að þessi litli snáði og systir hans, eru barnabörn mín.  Þau eru íslendingar, en ef þessi lög hefðu verið í gildi þegar pabbi þeirra kom hingað.....  Þá væri  Það væri eins og með bréfið hans afa, Ef afi hefði ekki skrifað bréfið og amma svarað bænum hans í vil.............

Athugasemdir

[Katrín Snæhólm Baldursdóttir, 25.3.2007 kl. 11:28]

Æ elsku Cesil mín. Ég skil svo vel að þér skuli líða svona yfir þessu óréttlæti. Vona að breytingar náist í gegn...og fólkið geti verið með fólkinu sínu þar sem því líður vel og hefur tækifæri til að lifa og starfa. En breytingar liggja í loftinu og fyrr en nokkurn grunar munu þeir sem hafa haldið mannréttindum niðri og farið gegn hag fólksins verða afhjúpaðir og allir munu sjá hvað er hvað. Nývöknuð augu mannsins......

[Ásthildur Cesil Þórðardóttir, 25.3.2007 kl. 11:42]

Takk fyrir stelpur mínar.  Það er alveg rétt hjá ykkur, maður á bara að vera jákvæður og horfa til þess er koma skal.

[Jenný Anna Baldursdóttir, 25.3.2007 kl. 11:43]

Gangi þér vel í baráttunni Ásthildur og ég hef þrusutrú á að þú látir verkin tala.

[Kristín Katla Árnadóttir, 25.3.2007 kl. 13:06]

Gangi þér vel Ásthildur mín

[Ásthildur Cesil Þórðardóttir, 25.3.2007 kl. 13:52]

Takk stelpur.  Það verða þrjú mál sem lagt verður áhersla á hjá Frjálslyndum í vor, og eitt af þeim er einmitt innflytjendamálin.  Og ég veit að þar verður þetta skoðað sérstaklega.  Einnig lélegur aðbúnaður verka- og iðnaðarmanna sem koma hingað til að vinna og hafa enginn réttindi.  Það þarf einhvernveginn að taka þessi mál föstum tökum og laga það sem er himinhrópandi ranglátt.

[Jón Steinar Ragnarsson, 25.3.2007 kl. 14:51]

Þetta er absúrd. 'Eg trúi því að þetta blessist allt fyrir rest ef maður á yfirleitt að trúa á mannkyn.  Orð eru til alls fyrst og raunverulegar dæmisögur eru sterkasta baráttuvopnið.

[Ásthildur Cesil Þórðardóttir, 25.3.2007 kl. 16:29]

Já orð eru til alls fyrst Jón Steinar minn.  Vonandi verður hægt að leiðrétta þetta misræmi.  Og að það hafi allir sama rétt til að heimsækja landið okkar fagra. 

[Ásdís Sigurðardóttir, 25.3.2007 kl. 17:50]

ÉG er alveg viss um að heimurinn er betri af því þú ert til og vinnur að góðum málum, gangi þér vel og ég tek undir, það ættu ekki að vera til nein lög sem banna samgang fjölskyldna

[Ásthildur Cesil Þórðardóttir, 25.3.2007 kl. 17:59]

Æ takk elsku Ásdís mín.  Þetta var fallega sagt.