Pizzur, fjölskyldukvöld og kúlulíf.

Við hittumst hér í kúlunni tengdadæturnar og börnin til að baka og borða saman pizzur í gærkveldi.  Það var mikið fjör og mikið gaman.  Enda kúlan sneisafull af börnum og konum.  Drengirnir mínir eru allir flognir burt einn til himins hinir til Noregs. 

Það er ósköp vinalegt að hafa allan hópinn svona í kring um sig.  Svo fara þau öll til Noregs eftir áramótin.  Þá verður hálf tómlegt hjá ömmu sín.

Sumir eru samt sem áður áhyggjulausir, á nýjum græjum og svoleiðis.  Zorró er líka alveg sama.

Aðrir gera smátilraunir með hvaða áhrif lampaljós hefur á gospilludjús.

Svo er bara ferlega flott að djöflast í ömmuholu.  Og þar er enginn aldurshöft á.

Brandi finnst notalegt að láta dýralækninn klappa sér.

Annars er hann að tékka á Aloavera plöntunni hann lagðist nefnilega ofan á hana um daginn og fylgist nú með hvernig henni reiðir af.

Það er búið að hnoða deigið og nú er beðið eftir að að hefi sig og verði tilbúið.  Matta er aðalbotngerðamanneskjan í hópnum.

Ég vil líka gospilludjús....

Þú fékkst stærri bolla en ég....

Svo þarf maður knús.

Og ef þið haldið að við séum ekki "professional" í pizzugerðinni, þá skjátlast ykkur.

Það eru allir að flækjast fyrir hver öðrum, en það er líka bara allt í lagi.  Enginn er samt fyrir öðrum... þannig.

Allt að koma fyrstu pizzurnar komnar inn í ofnana.

Nammi namm...

Og meira nammi namm.

Halló pabbi ég veit að þú skoðar myndirnar og fylgist með

ég get alveg sagt ykkur það að hann Júlli minn hefði notið sín hér í gærkveldi, þetta var hans uppáhald að vera innan um fólkið sitt.

Það var ekkert smá sem var bakað, og borðað af pizzum í gær á þessu heimili.

Amma taktu mynd!

Taktu líka mynd af mér amma!

Okkur báðum. 

Reyndar misreiknuðum við okkur í tíma í morgun.  Þegar stelpurnar vöknuðu héldum við að klukkan væri bara fimm, og reyndum að koma þeim til að sofa aðeins lengur.  Skildum ekkert í því hvað þær voru hressar og kátar, svo kom í ljós að klukkan var sjö, og þeirra tími að vakna. 

Og núna er bara notalegheit í kúlu.  Afi les amma í tölvunni og stelpurnar að lita.  Úlfur og Daníel sem er hjá okkur þessa dagana eru að baka laufabrauð hjá frænku hans Daníels.  Úti er fallegt veður.

eins og sjá má.

En ég óska ykkur öllum góðrar helgi.  Og megi hún vera ykkur öllum gleðileg.  Það skiptir svo miklu máli að vera jákvæður og hugsa fallega.  Og þannig fær maður allar fallegu hugsanirnar tífalt til baka, og fyrir það er ég óendanlega þakklát. 

Athugasemdir

[Jón Steinar Ragnarsson, 21.11.2009 kl. 13:29]

Góða helgi sömuleiðis Ía mín.  Þú ert ekki á flæðiskeri stödd með þennan félagskap.

[Ásthildur Cesil Þórðardóttir, 21.11.2009 kl. 13:34]

Nei Jón Steinar minn aldeilis ekki.

[Ásdís Sigurðardóttir, 21.11.2009 kl. 14:20]

Hafðu það gott Ía mín, fallegt mannlífið hjá þér að vanda.

[Guðrún Emilía Guðnadóttir, 21.11.2009 kl. 14:20]

Takk elskuleg, það er bara yndislegt að skoða myndirnar þínar
Kærleik ti þín og þinna
Milla

[Ragnheiður , 21.11.2009 kl. 15:38]

kærleiksknús til þín elskuleg

[Hrönn Sigurðardóttir, 21.11.2009 kl. 16:14]

Ekkert smá flott pizzugerðarkonan.

Knús í kúlu

[Kidda (IP-tala skráð) 21.11.2009 kl. 17:21]

Knús í pizzukúluna

[Jenný Stefanía Jensdóttir, 21.11.2009 kl. 19:14]

Þú ert rík kona, vonandi áttar þú þig á því Ásthildur  (ertu kölluð Ía?)

[Jóhann Elíasson, 21.11.2009 kl. 21:49]

Alltaf er hann Brandur jafn glæsilegur og vinalegur.

[Dísa (IP-tala skráð) 21.11.2009 kl. 23:07]

Það hefur heldur betur verið fjör hjá ykkur. Það er svo gaman að safna saman liðinu og hjálpast að. Eldamennskanmiklu skemmtilegri með fleiri höndum og allir geta valið álegg. Þú ert yndisleg.

[, 21.11.2009 kl. 23:24]

Skemmtilegt   Knússending á leiðinni í kúluna

[Ásthildur Cesil Þórðardóttir, 22.11.2009 kl. 12:10]

Takk öll.  Knús til ykkar allra.

Jenný mín, ég er kölluð Íja af vinum og vandamönnum, frá barnæsku minni  þar á meðal er Jón Steinar og Dísa sem skrifa hér.  Sagan er sú að þegar ég var lítil átti ég svona snjóbuxur með bandi undir sólann, og svo auðvitað stígvél eða bússur.  Ég hafði gaman af því þegar ég fór úr þessari múndeingu að labba með þær um gólfið og sagði; hérna kemur Íja labbandi, ég byrjaði sem sagt að kalla sjálfa mig Íju, sem er örugglega afbökun af "ég".  Þetta festist svo við mig og eins og ég sagði, er ég þekkt undir þessu nafni af fólkinu sem er í kring um mig.   Ég setti líka sjálf joðið inn í nafnið.  Fannst það vera flottara en bara Ía.  Þar fyrir utan var ég í 50 ár að berjast við að fá nafnið mitt Cesil rétt skráð hjá þjóðskrá.  Þeir skrifuðu það Secil, sem minnti mig á stencil, eða bréfabunka.  Það var ekki fyrr en fyrir svona þremur árum síðan, eftir að ég hafði sent mynd af legsteini afa míns sem ég heiti eftir og var skrifaður Hjalti Cesilíus, að þeir leiðréttu þetta.  Svo nafn er eitthvað sem ég á í vandræðum með.  Enda eina Ásthildur Cesil Þórðardóttir í öllum heiminum.   Palli hvað?

[Dísa (IP-tala skráð) 22.11.2009 kl. 13:21]

Ætli vinátta okkar sé ekki litlu styttri upphaf gælunafnsins . Allavega man ég aldrei eftir tilverunni án þín, og mamma og amma þín duglegar að hittast með okkur. Ég slæ þér þó við með gælunafnið, því ég fékk það klukkutíma gömul þegar frændsystkin mín hittust í búð á Ísafirði og annað sagði hinu að Dísa væri komin. Ekki þurfti frekari skýringar svo sjálfsagt þótti að ég fengi nafn ömmu. Hitt eigum við sameiginlegt að vera einar um okkar nöfn, og enginn draumur.

[Ásthildur Cesil Þórðardóttir, 22.11.2009 kl. 15:03]

Já það var gaman þegar við vorum litlar, þetta var eiginlega eins og ein sveit, og allir foreldrar báru ábyrgð á krökkunum í kring um sig.  Það var skemmtilegt og við lifðum við mikið öryggi.  Eitthvað sem maður skal þakka fyrir og hefur eflaust fleytt okkur langt í tilverunni. 

[JEG, 22.11.2009 kl. 15:35]

Helgarkvitt og kveðja úr sveitinni :)

[Jóhanna Magnúsdóttir, 22.11.2009 kl. 17:03]

Alltaf gaman að fá að fylgjast með þínu ríkidæmi í mannflórunni Ásthildur (Íja).  Ég er einmitt kölluð Jóga af vinum og ættingjum og stundum þegar ég kynni mig í síma og segi Jóhanna, veit fólk ekkert hver ég er fyrr en ég segi: "Þetta er Jóga" .. 

Knús og kveðja í kúluna - ég verð nú bara hungruð af því að horfa á alla þessa pizzugerð! 

[Ásthildur Cesil Þórðardóttir, 22.11.2009 kl. 17:28]

Knús JEG mín.

Já Jóhanna mín svona er þetta bara.  En ég var búin að sjá kommentið þitt og það gladdi mig.  Knús elskuleg mín.

[Elísabet Markúsdóttir (IP-tala skráð) 22.11.2009 kl. 22:34]

Hæ elskan... knúsaðu þitt fólk frá mér... frábærar myndir eins og alltaf  Ég er alveg viss um að Júlli var þarna með ykkur... hann missir sko ekki af svona veislu

p.s. takk fyrir skilaboðin, endilega vertu í sambandi ef þú vilt að ég komi fötunum til skila á Krýsuvík

[Laufey B Waage, 23.11.2009 kl. 09:41]

Ég hef fundið svo til með þér. Ekki nóg með að eitt af þínum börnum skuli flogið til himna, heldur öll hin til annara landa. En það hlýtur að gleðja þig að öll barnabörnin og tengdadæturnar skuli vera svona nálægt þér.

[Ragna Birgisdóttir (IP-tala skráð) 23.11.2009 kl. 12:25]

[Ásthildur Cesil Þórðardóttir, 23.11.2009 kl. 13:32]

Geri það Beta mín og gangi ykkur báðum vel.

Ég er glöð með það Laufey mín.  Að vísu fara þau svo öll eftir áramótin einhverntímann þ.e. fjölskyldur sona minna.  Skottin mín verða þó hér áfram og Úlfurinn og Alejandra og börnin hans Rolando.  Svo ég verð ekki á flæðiskeri stödd.

Knús á móti Ragna mín.

[lady, 23.11.2009 kl. 23:56]

gangið þér vel það sem þú ert að takast á við vonandi áttu eftir að finna friðin núna veit ég afhverju þó tókst mig af blogginu . en það er bara í góðu

[Skafti Elíasson, 27.11.2009 kl. 20:15]

Já mamma ég er alltaf að fylgjast með blogginu þínu,,, bara svo þú vitir :)