Fögur er fjallasýnin og sólin kemur í heimsókn.

Sólin kom í heimsókn til mín í dag í fyrsta skipti síðan í nóvember.  Ég nennti ekki að baka pönnsur í dag, en geri það örugglega á morgun.

Klár í leikskólann.

Ef það skyldi nú rigna

Þessar myndir voru teknar í gær.

Það er þessi blái litur.

Suðureyri, það er búið að fylla upp í hluta lónsins, og nú er verið að ganga frá grunnum fyrir húsin sem þjóðverjarnir dvelja í þegar þeir koma til að veiða fisk.

Ísafjörður í vetrarlitunum.

Kubbinn í rómantísku umvafi.

En sumsé sólin kom til mín í dag og gladdi mig.

Þetta er yndisleg sjón. Ég þurfti að vísu að fara heim í morgun, ég var lasin, en þetta lífgaði vel upp hjá mér.

Svona smá hugarróarmyndir handa ykkur fyrir svefninn elskurnar.

Og ég segi bara góða nótt.

Athugasemdir

[, 27.1.2009 kl. 21:36]

Til hamingju með sólina  Vona að þér batni fljótt

[Ragnhildur Jónsdóttir, 27.1.2009 kl. 21:39]

Alltaf jafnfallegt þarna undir fjöllunum. Náðirðu þér í pest? vona að þér batni fljótt. Hlýtur að vera stór stund að fá sólina aftur

[Dísa (IP-tala skráð) 27.1.2009 kl. 21:50]

Gott að sólin er farin að skína á þig aftur. Vona að þú hressist fljótt. Fer og fæ mér pönnsur á föstudaginn ásamt fleiri ísfirðingum, hef aldrei náð með tærnar þar sem mamma hafði hælana í pönnukökubakstri. Enda ekki auðvelt.

[Sigrún Þorbjörnsdóttir, 27.1.2009 kl. 22:36]

Fallegar myndir, takk fyrir þær. Gaman að sólin sé farin að skína á ykkur aftur. Sniðugur siður með pönnukökurnar  Mig langar nú bara í pönnsur núna  Vonandi hressistu fljótt. Knús í sólarkúlu

[Rósa Aðalsteinsdóttir, 27.1.2009 kl. 22:45]

Sæl og blessuð

Flottar myndir eins og venjulega. Dásamlegt að sólin er byrjuð að láta sjá sig hjá ykkur.

Guð veri með þér og þínum.

Sólskinskveðjur/Rósa

[Jenný Anna Baldursdóttir, 28.1.2009 kl. 01:33]

Til hamingju með sólina.

[Sigrún Jónsdóttir, 28.1.2009 kl. 14:21]

Til hamingju með sólarkomu Ísfirðingar  Ég veit að það er eitthvað lengra í sólarkaffi Súgfirðinga.  Mamma var vön að baka rjómabollur og fl. fyrir sólarkaffið, sem haldið er í Félagsheimilinu heima fyrsta sunnudag eftir að sólin sést á Suðureyrar odda.  Ljúfar minningar og mikil birta því tengt

Góðan bata Ásthildur mín og farðu vel með þig