Smáhugleiðing, spilamennska og Karlakórinn Ernir á góðri stundu.

Mér líður hálfeinkennilega þessa daga.  Ég er áhyggjufull og reið, en líka er einhver ákveðin ánægjutilfinning, hún á rætur sínar að rekja til mótmælanna.  Mér líður vel með fundinn sem ég fór á, og fundinn sem ég horfði á í sjónvarpinu, aðdáun mín er mikil á því fólki sem ber hita og þunga af þessu öllu saman, sem leggur á sig að semja tilfinningaþrungnar ræður, og flyta þær með þvílíkum sóma, á Herði Torfa, sem er einn af þeim fáu íslendingum sem er algjörlega sjálfs sín herra, hefur alla tíð staðið af sér allar tilraunir til að vera einhverjum háður.  Það þarf einhvern slíkan til að halda utan um þetta allt saman.  Og Hörður hefur gert það með þvílíkum sóma að eftir verður tekið. 

Ég veit ekki hvað framtíðin ber í skauti sér, hvort upp úr þessu verður stofnuð stjórnmálahreyfing, þá vona ég bara að það fari ekki fyrir því eins og Íslandshreyfingunni, þar sem safnaðist saman einstaklingar sem höfðu fyrst og fremst eigin frama að leiðarljósi.  Hún endaði svo í 2% fylgi.  Það kostar mikla vinnu að stofna stjórnmálaflokk.  En vonandi breytist þjóðfélagið okkar eftir þennan skell, og hér komi til meira réttlæti, meiri jöfnuður og betra samfélag.  Spilltir stjórnmálamenn, embættismenn og atvinnurekendur fái pokann sinn.  Og við sjáum fram á nýja daga, með réttlæti, firði og góðæri í stað gróðæris. Samfélag, þar sem fólki skilur að það er öllum betra að eiga nóg en ekki of mikið.  Að náttúra landsins er auðlind sem er óbætanleg.  Að fiskimiðinn okkar eru sameign þjóðarinnar, og tækifæri fólksins í dreyfðum byggðum til að hafa ofan í sig og á.  Að nafnli alheimsins er ekki stórborg, sem sogar allt til sín.  Heldur er betra fyrir sálarlífið að búa á smærri stöðum, vera stórir fiskar í litlum tjörnum, en ekki litlir fiskar í stórri. 

Ég er sammála því að við þurfum að breyta hugsunarhætti fólksins.  Það er svo lengi búið að segja okkur að svart sé hvítt og hvítt sé svart, að við vitum ekki lengur hverju við eigum að trúa.  Þeirri lygi þarf að ljúka hér og nú.  Þess vegna er mikilvægt að það fólk sem nú situr sem fastast á valdastóli skilji það sem við erum að reyna að segja þeim.  Við viljum að þeir hverfi brott, og nýtt fólk með nýjar hugsanir setjist þar í þeirra stað.  En við skulum líka muna að lýðræðið er einungis virkt, ef við pössum upp á það.  Tökum þátt, og látum stjórnendur vita og finna að við líðum ekki lygi og ótrúverðugleika.  Lýðræðið kostar, það kostar fyrirhöfnina að taka þátt í samfélaginu.  Sú þátttaka er ekki trúarbrögð, heldur eftirlit með þeim sem við veljum okkur til forsvars.  Því vissulega er vald vandmeðfarið, og auðvelt að misstíga sig ef aðhalds er ekki gætt.  Látum þetta okkur að kenningu verða. Því vissulega ber fólkið í landinu þá ábyrgð að hafa kosið yfir sig sama fólkið ár eftir ár, án þess að það hafi gefið minnstu ástæðu til að treysta því.  Við verðum að fylgjast með, og refsa eða umbuna, ef við virkilega viljum lýðræði. 

En þetta er búið að vera notalegur sunnudagur, afi er farin í sund með stærri börnin, en sú litla skottan mér er hjá ömmu sinni. 

Hanna Sól og afi spiluðu Veiðimann.

Það finnst Hönnu Sól gaman.

Þetta er nýjasta listaverkið hans Júlla, steinnál.

Ef til vill hægt að sauma sláturkepp með henni þessari.

en við hjónin fórum á skemmtikvöld með Karlakórnum Erni á föstudaginn.  Það var mjög skemmtilegt, það var myndakvöld frá Ungverjalandsferðinni.  Og auðvitað var boðið upp á ungverska gúllassúpu.

Hér er kokkurinn, hann er líka kórfélagi.

Það mættu langflestir félagar kórsins ásamt betri helmingum.

Og gúllassúpan bragðaðist afar vel.

Og ánægjan lýsti sér af andlitum kórfélaganna.

Kórfélagar skemmtu okkur svo.

Mugipapa var veislustjóri og hann tók líka lagið. 

Hjónin í Botni létu ekki sitt eftir liggja.

Og enn var tekið lagið.

Og það var sungið..... af innlifun.

Og svo söng allur hópurinn saman.

Og við dáðumst auðvitað af.

Já þetta var skemmtilegt kvöld, þið eruð flottastir. 

Takk fyrir skemmtilegt kvöld.   

Athugasemdir

[Elín Helgadóttir, 16.11.2008 kl. 15:21]

Er Elías í karlakórnum Ernir ?

[Ásthildur Cesil Þórðardóttir, 16.11.2008 kl. 15:25]

Já Ella mín. 

[Helga Magnúsdóttir, 16.11.2008 kl. 15:27]

Rosalega er ég sammála þér. Það þarf hugarfarsbreytingu hjá öllum og þeir sem sitja sem límdir fari að haska sér burt. Þeir eiga nú ekki rétt á neinum smáræðis eftirlaunum.l

[Sigrún Jónsdóttir, 16.11.2008 kl. 16:41]

Takk fyrir færslu og myndir Ásthildur mín.  Ég er þér svoooo sammála

[Huld S. Ringsted, 16.11.2008 kl. 19:44]

[Þorsteinn Árnason (IP-tala skráð) 16.11.2008 kl. 19:45]

Sammála þér, stið þig í þvi sem þú ert  að gera, við þekkjum þetta með stofnun flokks, það virðast endalaus vonbrygði en þó koma sætir sigrar svona inn á milli sem halda við trúnni á að þetta sé hægt. Bestu kveðjur til ykkar kúlubúar Steini Árna

[Rósa Aðalsteinsdóttir, 16.11.2008 kl. 20:39]

Sæl kæra Ásthildur

Nýtt fólk í stjórnarstörf fyrir nýtt Ísland.

Hlakka til þegar þú segir okkur frá öllum blessunum í lífi þínu. Það verður ekki vandi fyrir þig. 1. Maki, 2 - ? börn, (Eru þau 4?) 5- ? barnabörn. 10 blessanir þá upptaldar.

Hræðilegt að láta Alþjóðabankann stjórna sér. Við eigum í raun ekkert að borga skuldir fyrir fáeina menn.

Við verðum samt að halda í vonina að þetta fari allt vel en ekki illa eins og allsstaðar þar sem Alþjóðabankinn og hans stjórnendur hafa verið með fingraförin sín.

Vertu Guði falin

Kær kveðja/Rósa

[Rósa Aðalsteinsdóttir, 16.11.2008 kl. 21:37]

Christian Glitter by www.christianglitter.com

[Ásdís Sigurðardóttir, 16.11.2008 kl. 21:46]

Alltaf sama fjörið hjá þér elskan.  Það hrærist líka margt í mér en ég finn svona góða tilfinningu hvíla undir. Eigið góða viku

[Laufey B Waage, 16.11.2008 kl. 22:06]

Góður pistill Ía mín.

[Sigrún Þorbjörnsdóttir, 16.11.2008 kl. 22:18]

Vá, eins gott að ég er búin að taka slátur. Hefði orðið handlama af þessari nál  Flottur hann Júlli. Þú mátt gjarnan skila kærri kveðju til hans frá mér. Ég segi bara "ditto" á pistilinn þinn, gæti ekki verið meira sammála. Knús í kúlu

[Steingrímur Helgason, 16.11.2008 kl. 23:53]

Þú segjir það allt, & segjir það hlýlega.

Alltaf fer maður einhverju ríkari frá pistlum þínum.

[Ásthildur Cesil Þórðardóttir, 17.11.2008 kl. 00:24]

Takk öll sömul.

mín er ánægjan elsku Steingrímur minn

Hehehee Sigrún mín, já þessi nál myndi gera hvern þann handlama sem þyrfti að sauma með henni, en flott er hún  Strákurinn er ótrúlega flottur að finna steina sem eru snilldin ein.

Takk Laufey min.

Sömuleiðis Ásdís mín elskuleg.

Knús á þig Rósa mín ég skal taka mér tíma til að segja þér frá áherslunum í lífi mínu. 

Steini minn Árna alltaf gaman að sjá þig hér, knúsaðu frúna frá mér.

Knús Huld mín

Knús Ruslana mín

Takk Sigrún mín, við erum sko flottastar að vestan

Nákvæmlega Helga mín, það þarf að taka á þessu eftirlaunafrumvarpi ekki seinna en í gær.