Vorboðarnir í garðskálanum mínum, og hið daglega veður.

Jamm, hér er rigningarsuddi, en samt ágætis veður, ef maður klæðir sig samkvæmt því.  Upp í gróðurhúsi spítast litlir grænir angar upp úr moldinni, og aðrar eðalplöntur eruklipptar niður í græðlinga, til að fjölga sér og verðar stórar og miklar.

Frekar hráslagalegt að sjá, en ekki eins kalt og það lítur út fyrir að vera.

Páskarósin mín í blóma, og verður fram yfir páska, hún stendur lengi í blóma og er svo falleg, svo er önnur úti í garði, og hún blómstrar aðeins seinna, svo ég fæ tvöfalda ánægju af henni.

Þessi fallega prímúla brosir móti manni, og silfurkamburinn er fallegur rammi utan um hana.

Hér er önnur falleg prímúla, og hér má sjá brumin á prunus Triloba. rósamandlan mín, og fremst er stamminn á Sakurakirsuberjatrénu, þar eru brumin líka alveg að koma út.   Kirsuberjatréð er líka með þroskuð brum og perutréð líka, svo þetta er allt að koma.

Þessi minirós er alltaf jafn falleg, hún hefur staðið allan veturinn í blóma.

Bergflettan og larsaklukkan taka sig líka vel út á þessum tíma.

Blómakveðjur frá Ísó.

Athugasemdir

[Kristín Katla Árnadóttir, 19.2.2008 kl. 11:00]

Mér hlýnar bara við að sjá öll þessi fallegu blóm.

[Kidda (IP-tala skráð) 19.2.2008 kl. 12:08]

Mér hlýnar að innan að sjá blómin, það þýðir fyrir mig að það styttist í vorið.

Krókusarnir mínir eru sumir komnir vel upp úr moldinni.

Knús

[Jóhann Elíasson, 19.2.2008 kl. 12:37]

Það hlýtur að vera alveg meiriháttar að koma inn í blómahafið hjá þér úr snjónum og slabbinu og maður finnur ekki jafn mikið fyrir vetrinum.  Án þess að þekkja það, held ég, að "kúlan" þín sé með notalegri stöðum sem hægt er að hugsa sér.

[Ásthildur Cesil Þórðardóttir, 19.2.2008 kl. 12:40]

Jóhann mín, það er mitt álit líka, og nú bráðum fer í hönd yndislegasti tíminn, þegar allt fer að blómstra.  Og þá er tími til að fara að grilla þar. 

Já Kidda mín það styttist í vorið. 

Gott að gleðja þig Katla mín. 

[Ragnhildur Jónsdóttir, 19.2.2008 kl. 13:25]

Dásamlegt! Nú byggi ég sko gróðurhús í sumar, þetta er málið til að halda sönsum á þessum dimma drungalega tíma!  Takk kærlega fyrir að senda okkur þessi yndislegu Náttúrubros

[Magnús Geir Guðmundsson, 19.2.2008 kl. 13:54]

Vorar já snemma í ár, spaka Ásthildur?

Gott ef svo verður, en mætti reyndar já halda að vorið væri nú þegar komið hérna nyrðra, yndislegt sl. tvö daga. Veturinn gufaði bara upp á um þremur dögum!

[Ásthildur Cesil Þórðardóttir, 19.2.2008 kl. 14:21]

Ragnhildur mín, það jafnast ekkert á við garðskála, til að stytta veturinn.  Hjá mér styttist hann um meira en 4 mánuði.  Ótrúlegt alveg.  Kirsuberjatréð hjá mér blómgast um sama leyti og í Kaupmannahöfn. 

Magnús minn, ég held að vorið sé ekkert langt undan, þó von sé á hreti núna, þá finnst mér að þetta standi stutt, og smátt og smátt þokast vorið inn í hjörtun og sinnið, og svo að lokum líka um okkar ískalda Frón. 

[Solla Guðjóns, 19.2.2008 kl. 14:41]

Frábærlega falllegur gróður í kúlunni þinni og ekki er gaðurinn úti síðri.Það sá ég í sumar sem leið.

Rósaknús á þig.

[Ásthildur Cesil Þórðardóttir, 19.2.2008 kl. 14:58]

Knús á þig líka Solla mín

[Þorkell Sigurjónsson, 19.2.2008 kl. 23:56]

Blóm fiðrildi og fuglar eru mitt uppá hald.  Horfið á blómin og sjáið hversu stórkostleg þau eru. Þakka þér fyrir því nú fer ég sáttur og í mikilli hugarró í háttinn.  Kveðja.

[Ásthildur Cesil Þórðardóttir, 20.2.2008 kl. 09:28]

Takk fyrir þessi orð Þorkell minn.