Nú er að sjá.

Í dag sendi fjölskyldan mín frá El Salvador umsókn um íslenskan ríkisborgararétt.  Sonurinn Rolando er búin að vera hér í 7 ár þann 13 desember.  En foreldrar hans og Alejandra litla hafa verið hér í 7 ár í maí á næsta ári.  Það var eftir ráðleggingum Össurar Skarphéðinssonar, sem þau sendu inn umsókn núna, vegna þeirrar stöðu sem Alejandra litla er í.  Þar sem hún hefur þurft að sækja um dvalarleyfi á 6. mánaða fresti.  Össur hefur fjallað um þetta mál á bloggi sínu, og ég átti við hann samtal, þar sem hann hafði fullan skilning á aðstöðu fjölskyldunnar.  Og ég veit líka að í þessum málum er Össur með hjartað á réttum stað.

Helgi Seljan hringdi í mig um daginn svona til að leita frétta, hvort útlendingastofa hefði haft eitthvað samband eftir þáttinn. En nei það hefur hún ekki gert.

Nú er að sjá hvað gerist.  Verður þeim hafnað ? Eða fá þau íslenskan ríkisborgararétt. 

Þau eru nýbúin að kaupa sér íbúð í blokk, og eru búin að koma sér vel fyrir.  Hvað gerist ? Ég lofa að þið fáið að fylgjast með.

Alejandra, Isabel og Hanna Sól.

Alejandra og amman.

Þau eru trúað fólk, og þetta er blessunin sem þau hafa valið til að skreyta nýja heimilið.

Ég veit hvernig ég mun bregðast við.

Athugasemdir

[Huld S. Ringsted, 25.9.2007 kl. 23:31]

Vonandi gengur þetta vel hjá þeim

[Merlin, 25.9.2007 kl. 23:39]

Æ ég ætla að vona að þetta gangi vel

[Steingrímur Helgason, 25.9.2007 kl. 23:41]

Það er nóg til af plássi fyrir gott fólk í okkar góða landi.  Bestu óskir.

S.

[Ásthildur Cesil Þórðardóttir, 25.9.2007 kl. 23:46]

Takk ég veit að mínu fólki er mikils virði að vita að fólk stendur með þeim. 

[kidda, 26.9.2007 kl. 00:24]

Vonandi gengur þetta vel

[Jenný Anna Baldursdóttir, 26.9.2007 kl. 00:38]

Við fylgjumst með - af áhuga.  Það geturðu verið viss um Ásthildur mín

[Ásthildur Cesil Þórðardóttir, 26.9.2007 kl. 00:51]

Takk

[Gló Magnaða, 26.9.2007 kl. 08:23]

Já þetta verður spennandi. Nú kemur í ljós hvort skipti máli að vera tengdadóttir ráðherra eða ekki.

[Ásthildur Cesil Þórðardóttir, 26.9.2007 kl. 08:35]

Já ég leyfi ykkur að fylgjast með þessu máli.

[Kristín Katla Árnadóttir, 26.9.2007 kl. 08:48]

Já vonandi gengur vel

[Matthildur Ágústa Helgadóttir Jónudóttir, 26.9.2007 kl. 09:24]

Ég trú ekki öðru en þau fái ríkisborgararétt. 

Ef ekki þá er eitthvað mikið að kerfinu hjá okkur og þá þurfum við að berjast fyrir því að kerfinu verði breytt.