Huggulegt kvöld, sem endar með skothríð í næsta nágrenni.

Jamm sem við hjónin sátum úti í garðskála og "hugguðum" okkur með bjór urðum við vör við að það kom þyrla aðsvífandi, en hún settist ekki á flugvöllinn heldur hélt áfram austur fyrir, við vorum að spá í hvað þetta gæti verið.  Maðurinn minn hélt að það væri verið að vinna að einhverri endurvarpsstöð á Bolafjalli.  En annað átti nú eftir að koma á daginn. 

Þessi er tekin fyrr í kvöld.

Aðeins seinna.

Svo er komið kl. 00.00

Jamm svona kvöldar á Ísafirði.

En við vorum sem sagt að hafa það huggulegt, þegar þyrlan kom.

Brandur var þarna líka. Ertu nú ennþá einu sinni að taka mynd?

Best að láta sem ekkert sé.

Við vorum náttúrulega ekkert að spá meira í þyrluna, fyrr en þulurinn í útvarpinu tilkynnti að sérsveit lögreglunnar hefði verið kölluð út vegna vopnaðs manns í Hnífsdal.

Vá! hér á þessu fallega kvöldi, var einhver, sem við örugglega þekkjum sem hafði dregið upp byssu og hleypt af skoti á konuna sína.  Hvað getur ekki gerst á fallegu sumarkvöldi í litlum bæ úti á ysta nesi ?

En þetta er svo sem ekki í fyrsta sinni sem það gerist í Hnífsdal.

Fyrir allmörgum árum voru nokkir ungir menn að byggja sér hús þar.  Einn þeirra var að snudda fyrir utan húsið sitt, inni voru píparar við vinnu sína. 
Þá bar þar að nágranna mannsins.  Hann var í síðum dökkum frakka.  Þeir heilsuðust.  En svo hneppti sá aðkomni frá sér frakkanum, dró fram byssu ósamsetta.  Hann byrjaði í rólegheitum að setja hana saman.

Hvað ertu að gera ? spurði sá sem var að byggja.

Ég ætla að skjóta þig, sagði hinn sallarólegur, og hélt áfram að setja saman riffilinn. 

Vinurinn starði á aðfarirnar, og í þann mund sem nágranninn setti magasínið í, tók hann viðbragð og hentist inn fyrir dyrnar og lokaði á eftir sér, og í þann mund dundu skotinn á hurðinni. 

Það var uppi fótur og fit inni, og pípararnir og eigandinn þustu út um bakdyrnar. 

Engum varð meint af þessari uppákomu, og vonandi verður heldur ekki þannig núna.  En við erum mitt í tragedíunni.

Vonandi fer samt allt vel.  En þetta er aldeilis uppábrot á huggulegri stund á fallegri sumarnótt.  Say no more.

Sérsveit lögreglunnar kölluð út vegna vopnaðs manns í Hnífsdal

Athugasemdir

[Guðrún María Óskarsdóttir., 9.6.2007 kl. 02:11]

Já almáttugur Cesil maður vonar það besta.

kv.gmaria.

[Ásthildur Cesil Þórðardóttir, 9.6.2007 kl. 02:31]

Já Gmaría mín, svo sannarlega

[Ragnheiður , 9.6.2007 kl. 08:53]

Jesús, þetta er alveg skelfilegt að lesa ! Vonandi er allt í lagi með alla málsaðila

[Ásthildur Cesil Þórðardóttir, 9.6.2007 kl. 09:51]

Já það virðist vera að lögreglan hafi getað talað manninn til.  En þetta er samt harmleikur, því hvað svo? hvað verður um traust eftir svona uppákomu ?  Ég óska þessu fólki alls góðs, þetta eru bæði geðþekkar og góðar manneskjur.  Það hlýtur eitthvað skammhlaup að hafa gripið manninn.  Því þetta er rólegheitamaður.  En sem sagt, sendi þeim bara samúð mína og óskir um að allt fari vel.

[Hrönn Sigurðardóttir, 9.6.2007 kl. 11:18]

Mikið fallegar myndir. Það kvöldar fallega hjá þér

[Kristín Katla Árnadóttir, 9.6.2007 kl. 11:21]

 Þetta er mikil harmleikur  vonandi  að þetta gangi vel.

[Jenný Anna Baldursdóttir, 9.6.2007 kl. 11:44]

Þvílíkur kontrast Ásthildur.  Þið í allri fegurðinni og svo ljótleikinn sem myndbirtist hinum megin við fjallið.  Byssur og önnur morðtól eiga ekki að vera innan seilingar fyrir fólk.  Hvað um það, himininn er dásamlegur og það ert þú líka.

[Ásthildur Cesil Þórðardóttir, 9.6.2007 kl. 13:14]

Takk fyrir mig. 

En það hefur komið fram að maðurinn var mjög ölvaður og gisti fangageymslur lögreglunnar í nótt. Maður veit svo sem ekki hvað verður næst hjá honum blessuðum.  Það verða örugglega þung spor til konunnar.  En hann kom sjálfviljugur úr, eftir að sérsveitarmenn töluðu við hann.  Þeir eru örugglega sérþjálfaðir líka til að tala fólk til.  Gott hjá þeim.

[Jens Guð, 9.6.2007 kl. 21:19]

  Fólk getur tekið upp á ýmsu þegar það hefur setið lengi að sumbli.  Menn ættu hinsvegar að geyma skotvopn í það kyrfilega læstum hirslum að þau séu ekki auðsótt í fylleríum.

  Flottar myndirnar að vanda og sú efsta er "æði". 

[Anna Ólafsdóttir (anno) (IP-tala skráð) 9.6.2007 kl. 21:29]

Úff bara!! Þetta er nú meiri tragidían! Þetta er skýrt dæmi um það sem kallað er stundum ofnæmi fyrir alkóhóli, það þegar menn/konur nánast verða nánast dímonískir þegar áfengið er komið í visst magn í blóðinu. Alltaf jafnsorglegt að herya um svona, þarna er fjölskylda í kringum þennan einstakling.

En að öðru - ég elska þessa mynd af honum Brandi

[Halla Rut , 9.6.2007 kl. 21:51]

Fallegar myndir og greinilega mjög "kósý" hjá ykkur. Maður fyllist bara friði.

[Ásthildur Cesil Þórðardóttir, 10.6.2007 kl. 01:40]

Jamm Jens minn stórhættulegt að hafa skotvopn svona við hendina, sem betur fer er ekkert slíkt í mínu húsi.  Og takk þetta er bara ísfirska lognið og lita brigðin. 

HEhehe Anna mín Brandur er frábær köttur, hann eltir mann eins og hundur, og svo spjallar hann við mann eins og köttur við mann, alveg makalaus.

Jamm Halla mín ég get lofað þér að það er sko kósý í kúlunni.