Blóm, álfar og ástarjátningar.

Þetta er búin að vera mikill atdagur hjá mér.  Og loksins get ég sest niður og aðeins slakað á.  Við erum á fullu að verðmerkja og setja allt í sölubúning.  Það besta við allt er að fólkið sem kemur er svo glatt og yndislegt.  Því líður vel að koma til okkar, og fá sumarið í æð.  Í gær komu kvenfélagskonur úr Bolungarvík og fengu blóm til að selja.  Þær sögðu að það hefði gengið rosalega vel, og allir ánægðir með blómin.  Gott að vita kvenfélagskonurnar á Flateyri ætla líka að vera með sölu í næstu viku.  Lífga svolítið upp á móralin segja þær.  Ég er ánægð með að blómin mín fari til þeirra sem þurfa uppörfun, það er heilmikill kærleikur settur í hverja plöntu skal ég segja ykkur.  Sá kærleikur skilar sér svo til þeirra sem fá plönturnar mínar. 

 En ég tók nokkrar myndir í kvöld, þegar ég var að koma heim af því að ég var með vélina á mér.  Er að taka myndir af fjölæringunum sem eru í sölu.  þarf að taka myndir þegar þær eru upp á sitt besta, skarta sínu fegursta eins og fegurðardrottningar.  Svo fólk sjái hvað þau eru í raun og veru falleg.

Svona til dæmis.

Snemma beygist krókur.............. eða seint sennilega í þessu tilfelli. 

Segiði svo að blómálfar séu ekki til.  Þessi var að spila Strauss til dæmis. 

Jamm kirsuberin farin að stækka.  Nammi namm. Þetta er náttúrulega verk býflugnanna, vinflugu minna sem ég bjargaði upp úr tjörninni hvað eftir annað í vor.  Núna eru það geitungadrottningarnar, stórar og pattaralegar sem þarf að veiða upp úr tjörninni.

Þessi brostu líka við mér, enda er ég búin að annast þau frá upphafi lífs þeirra. 

Svona var veðrið klukkan sjö.

Þessi aftur á móti er svolítið duló, en hún er samt tekinn út um dyrnar hjá mér. 

Ég var satt að segja búin að taka myndir af Óshlíðinni í dag, þegar ég sótti blómin frá kvenfélagskonunum, myndaði alla hættulegu staðina.  En svo komst ég að því að kortið var ekki í myndavélinni   'Eg er svolítið utan við mig á þessum síðustu og verstu.

Ein smá gamansaga í lokin.  Ég fór líka inn á flugvöll í dag og hitti þar ágætan kunningja minn, við spjöllum oft og mikið saman.  Þetta er hann Sófi, ekki eins og maður situr í, heldur situr hjá og spjallar.

Hvernig hefurðu það? spurði ég.

Alveg ágætt, svaraði hann, og þó heimurinn myndi endasteypast myndi maður samt segja það sagði hann

Já sagði ég, þannig er það bara.

Ég gleymi aldrei, sagði hann besta tilsvari sem ég hef nokkurntímann heyrt.

Nú ! sagði ég.

Já þetta var á balli, og Elli maðurinn þinn og vinnufélagi hans sátu á spjalli, komnir í glas. 

Þá sagði félaginn; Hvernig geturðu búið með henni Ásthildi ?

Veistu sagði maðurinn minn; ég elska hana eins og hún er, ég er ekkert viss um að ég myndi vilja búa með henni ef hún breyttist.

Frábært svar, ég er alveg sammála því, og ég segi nú bara, hver fær betra hrós frá maka sínum.

Hann hefur reyndar aldrei sagt mér frá þessu sjálfur. 

 

En nú er tíminn til að fara blogghringinn, enginn beinlínis að ónáða mig.  Sjáumst !

Athugasemdir

[Kristín Katla Árnadóttir, 31.5.2007 kl. 21:09]

Fallegar myndir þú ert svo mikil blóma kona Ásthildur mín. Skemmtileg sagan þín.

[Hrönn Sigurðardóttir, 31.5.2007 kl. 21:30]

Rosalega fallegar þessar gulu....

....hvað heita þær?

[Heiða Þórðar, 31.5.2007 kl. 21:35]

Fallegar myndir elskan

[Jenný Anna Baldursdóttir, 31.5.2007 kl. 21:44]

Rosalega fallegar myndir.  En heyrðu afhverju ertu að bjarga geitungadrottningunum, ætlarðu að láta stinga þig illilega?  Úff!  Love u

[Ásthildur Cesil Þórðardóttir, 31.5.2007 kl. 22:55]

Skál Arna mín

Takk Kristín Katla mín.

Hrönn mín þetta er Trollius eða gullhnappur.

Takk Heiða beib

Ég bjarga öllu sem hægt er að bjarga upp úr tjörninni minni .................................................. nema lúsunum og húsflugunni, svo þú sérð að ég er sannur rasisti eins og Frjálslyndir eru skammaðir fyrir.  En í alvöru eiga ekki allir rétt á því að lifa ? og drottningin  hún er að skapa veröld með allskonar þjónum og þernum og hermönnum.  Nei hún stingur mig ekki, því ég er bjargvætturinn  Enda stinga þeir ekki nema að verða fyrir áreiti.  Fyrr en ef til vill í ágúst.  En hugsaðu þér ef húln er búin að verpa og allir litlu ungarnir bíða eftir því að hún komi heim með æti.  Heill heimur bara þurrkaður út.  Ekki vildi ég láta einhverja kerlingu þurrka út mína veröld af því að hún væri sannfærð um að ég myndi stinga hana með nál.   Við þurfum að hugsa glópalt ekki satt.  Ekki bara lókalt.  Allt skiptir máli.  Ég hef innprenað mínum börnum og barnabörnum að aldrei drepa neitt dýr að tilefnislausu.  Ég drep samt lýs og spunamaura, plús arfa, njóla, kerfil og fífla  Þannig að ég er skynheilög hvað þetta varðar.

[Saumakonan, 31.5.2007 kl. 23:49]

Eins og ávallt áður... frábærar myndir      Verð staðráðnari með hverjum deginum að til vesturs skal halda í sumar einhverntíma hehehe      Bóndinn skilur ekkert í þessari vesturþrá minni þar sem það er hann sem á ættirnar að rekja þaðan en ekki ég...    ég sagðist nú bara vera boðin í kaffi í kúluhúsið svo þangað yrði ég að fara!

[Ásthildur Cesil Þórðardóttir, 31.5.2007 kl. 23:52]

Hann Ella mín

Hehehe Saumakona hvað sagði bóndinn við því

[Ásdís Sigurðardóttir, 1.6.2007 kl. 00:16]

Blóm getur myrkri í dagsljós breytt, það er ég sannfærð um. Ég er viss um að það styttist í vesturför mína, núna þegar ég hef eitthvað að stefna að, nefnilega að hitta þig.

[Ásthildur Cesil Þórðardóttir, 1.6.2007 kl. 01:07]

Já elskulega Ásdís mín, við munum hafa það gott saman.

[Hrönn Sigurðardóttir, 1.6.2007 kl. 07:10]

Gullhnappur.......

......heitir líka fallegu nafni

[Ásthildur Cesil Þórðardóttir, 1.6.2007 kl. 07:53]

Já á íslensku, en á latínu heitir hann Trollíus, sem er eitthvað meira svona glannalegt

[Anna Benkovic Mikaelsdóttir, 1.6.2007 kl. 10:16]

...en hvað þú átt flottann eiginmann!  Fyrir 20 árum var ég í trúarbókmenntum og þar sat með okkur roskin kona. Hennar hugsun var oft svo á skjön við okkar og rómantísk.  Einhvern tíma er hún að lísa merkum manni, og bætir svo við að hannhafi einnig verið mikill elskhugi.  Við unga fólkið skelltum upp úr! Þá bætir mín við....konunnar sinnar!...AUÐVITAÐ!

[Ásthildur Cesil Þórðardóttir, 1.6.2007 kl. 12:40]

[Margrét St Hafsteinsdóttir, 1.6.2007 kl. 18:51]

Skemmtilegur pistill hjá þér og flottar myndir.........og þú átt flottann mann

[Ásthildur Cesil Þórðardóttir, 1.6.2007 kl. 20:28]

Já hann er sko flottur þessi.  Enda hef ég nokkrum sinnum þurft að slíta hann af konum sem vilja endilega ná í hann.   En ég er ef til vill þannig að ég þarf að berjast fyrir því sem ég vil.  

[Ásthildur Cesil Þórðardóttir, 2.6.2007 kl. 00:02]

Takk mín elskuleg. Já ég verð að viðurkenna að mér fannst þetta ferlega flott svar. Hins vegar á ég eftir að taka vinnufélagann í nefið  Og hafa gaman af, því geg ég lofað.

[Steinunn Helga Sigurðardóttir, 2.6.2007 kl. 07:32]

falleg saga um ástina, í sinni sönnu mynd, líka fallegar myndir

ljós til þín frá mér

steina 

[Ásthildur Cesil Þórðardóttir, 2.6.2007 kl. 10:46]

Takk Steinunn mín, ljósin þín eru mér mikilsvirði.