Virðing og upphefð. Slíkt er ekki hægt að kaupa sér, hlýtur alltaf að þurfa að vera áunninn.

Já aldeilis stóruppákoma. Ég get ekki betur séð en að margir hneykslist á tiltækinu.  Við skulum líka hafa í huga að það var einmtt Sigmundur Davíð sem skipaði Guðna Ágústsson formann orðunefndar. 

 

"Sigmundur Davíð Gunnlaugsson, forsætisráðherra, hefur skipað Guðna Ágústsson, fyrrverandi formann Framsóknarflokksins og ráðherra, sem nýjan formann orðunefndar. Hann tekur við af Helgu Jónsdóttur".

Ég verð bara að segja að ég er löngu hætt að hneykslast á forystumönnum og pólitískum toppum landsins í dag, þeir eru eins og hver upp úr rassgatinu á öðrum, og halda í sinni einfeldni að við fylgjumst ekki með, eða vitum ekki betur.  

Ég er farin að spekulera hversu langt þeir ætla að ganga og halda sig komast upp með það.

 

 "Forsætisráðherra Íslands, Sigmundur Davíð Gunnlaugsson, var sæmdur æðsta heiðursmerki sem íslenska ríkið veitir íslenskum eða erlendum borgara fyrir utan þjóðhöfðingja; stórkross Hinnar íslensku fálkaorðu. Stjarna stórkrossriddara fálkaorðunnar ásamt rósettu. Stórkrossinn Stjarna stórkrossriddara fálkaorðunnar ásamt rósettu. Fjölmiðlar fengu ekki að vita af athöfninni og þá er ekki vitað hvort hún hafi farið fram á Bessastöðum líkt og venja er. Einu upplýsingarnar um þessa afhendingu er að finna á undirsíðu embættis forseta Íslands á veraldarvefnum en þar kemur fram að Sigmundur Davíð hafi verið sæmdur stórkrossinum laugardaginn 13. desember".

 

Eitthvað hafa þeir nú skammast sín blessaðir að láta ekki fjölmiðla vita, það hefur hríslast ónot niður bakið á þeim af tilhugsuninni um beinskeytta blaðamenn, spyrjandi óþægilegra spurninga svo sem um fyrir hvað Sigmundur fær orðuna?  

En íslensk þjóðarsál er seinþreytt til vandræða og lætur svo sem ekki mikið í sér heyra opinberlega, en þetta fólk má alveg vita að menn hugsa sitt.  

Að skreyta sig með fjöðrum sem maður hefur ekki unnið til, gefur engum upphefð, heldur þvert á móti.  Ég held að þessar orður, sem reyndar eru löngu gengnar út sér vegna vals á orðuhöfum mörgum hverjum, séu löngu komnar yfir síðasta söludag.  Það er ekki lengur upphefð sem vekur aðdáun almennings, heldur miklu fremur er fyrirlitning sú tilfinning sem heltekur mann þegar hugsað er út í þessa hluti.  Allir þurfa nefnilega að vinna sér inn virðingu og álit, hún verður hvorki keypt með gulli né prjáli.  

En mér finnst allof margir ráðamenn séu ennþá litlir karlar í stórustrákaleik, af því þeir geta það á okkar kostnað.  

Virðing hefur ekkert með það að gera, hvorki án kross né með. En vonandi er Sigmundur Davíð glaður með krossinn sinn, hætt er samt við að hann hafi einhverja smáónotatilfinningu þegar hann setur hann upp.  En það er auðvitað bara hans mál. 

Sigmundur sæmdur fálkaorðu

Athugasemdir

[Erla Magna Alexandersdóttir, 25.12.2014 kl. 20:09]

Valdamenn stela opinberum sjóðum- oflauna menn sem kunna ekkert og gera ekker- níðast á veikum gömlum og örkumla-vinnufært fólk neitar að vinna á smánalaunum- sjúkir fá svo baggann og útgjöldin- er hægt að nálgast meira það lægsta þrep sem þjóðnyðingar hafa sett á liðnum öldum ? Islans- ríki hinna ríku !!!!

[Ásthildur Cesil Þórðardóttir, 25.12.2014 kl. 21:12]

Já við gætum öll haft það svo gott ef kökunni væri skipt jafnar. 

[Jörundur Þórðarson, 25.12.2014 kl. 23:05]

Ég tel að þetta sé ósönn frétt. Í fyrsta lagi eru orðuveitingar til íslendinga aðeins tvisvar á ári; 1.jan og 17.júní. Handboltalandsliðið fékk orðuna á öðrum tíma en þá var enda tilefnið ærið. Í öðru lagi eru engar fréttir af þessum gjörningi á fréttasíðu forsetaskrifstofu. Eina sem styður fréttina er síðan:  http://www.forseti.is/Falkaordan/Falkaordan2014/ sem hér er vísað í. Getur verið að tölvuinnbrot valdi þessari tilkynningu? DV vísar í þessa síðu og mbl og RÚV vísa í DV. 

[Ásthildur Cesil Þórðardóttir, 25.12.2014 kl. 23:47]

Sé þessi frétt ósönn þá er það mjög skrýtið því hún hefur ekki verð borin til baka, og meira að segja talsmaður Sigmundar búin að kommentera á fréttina, Hér: Ekkert leyndó í gangi; http://www.dv.is/frettir/2014/12/25/orduveiting-sigmundar-davids-ekkert-leyndo-i-gangi/

[Vilhjálmur Stefánsson, 26.12.2014 kl. 00:52]

Var ekki Glæpaspírurnar og Mafían Norður í Skagafirði sem kom með tilögu Til Guðna ´agústssons af þeirra Aðalskoffí fengi éssa orðu..það verður ekki langt að bíða að hann verði kominn með Stípu á Á Axlirnar...............

[Gunnar Th. Gunnarsson, 26.12.2014 kl. 08:45]

Formaður orðunefndar hefur ekki vald til að ákveða hverjir fá orðu og hverjir ekki. Samsæris og spillingarkenningarnar um þetta mál eru bjánalegar.

Það er hefð fyrir því að forsætisráðherrar fái þessa orðu og allir hafa þeir fengið tilnenfningu, utan þriggja. Einn afþakkaði af því hann var í fýlu út í forsetann.

[Þórunn Jónsdóttir (IP-tala skráð) 26.12.2014 kl. 11:26]

Það verður fróðlegt að fylgjast með áramótaskaupinu núna - ,,vitringarnir þrír að laumupokast bak við tjöld að fikta við fálkaorðu og ríkiskassa ! - Annars bara gleðilega hátíð Íja mín og Elli - og gangi vel með lagfæringar á yndislega skálanum ykkar!

[Ásthildur Cesil Þórðardóttir, 26.12.2014 kl. 12:38]

Vilhjálmur það getur alveg verð að kaupfélagsstjórinn fyrir norðan hafi lagt þetta til, hann ræður víst öllu í Framsóknarflokknum, að því sagan segir alla vega. 

Gunnar, þú þarft ekkert að verja þetta.  Það skiptir nákvæmlega engu hver lagði þetta til eða í hvaða hefð þetta er, gjörðin er skrípaleikur frá A til Ö. og merkingarlaust þegar ljóst er að þetta er bara viðtekin venja að "aðla" forystusauðina hvort sem þeir hafa unnið til þess eða ekki.  Þess vegna er þetta skraut þeim til háðungar sem hana bera.  Þó verð ég að votta Jóhönnu virðingu mína fyrir að hafan þessari "upphefð". 

Tóta mín, já segðu, þetta verður fróðlegt skaup, þau voru komið með fullt prógramm, en gerðu samt ráð fyrir að geta troðið atriði inn ef eitthvað slíkt kæmi upp á, og ég held að þetta sé einmitt eitthvað sem þau geta gert sér mat úr.  

[Gunnar Th. Gunnarsson, 26.12.2014 kl. 17:42]

 "...þegar ljóst er að þetta er bara viðtekin venja að "aðla" forystusauðina..."

Það er engin "aðlaður" á Íslandi. Og hvernig er þetta merkingarlaust? Ef það er venja að veita forsætisráðherra orðu og SDG fær eina slíka, verður það þá merkingarlaust í hans tilfelli eða ertu bara að segja að þú viljir ekki að forsætisráðherrar fái orðu? Það er valid sjónarmið en þyrfti þá að koma fram.

Eina sem ég sé í þessum heiftúðugu viðbrögðum hjá þér o.fl. í þessu máli er andúð á einstaklingnum sem fékk orðuna að þessu sinni. 

[Ásthildur Cesil Þórðardóttir, 26.12.2014 kl. 18:58]

Þetta með að vera aðlaður var háð.  og með því að þetta sé viðtekinn venja að aðla ákveðna aðila eins og forsætsráðherra, gerir þessa orðu merkingarlausa í mínum augum.  Enmitt mér finnst að menn eigi ekki undir neinum kringumstæðum að fá orðu, nema að hafa til hennar unnið.  Og mér finnst þessir forsætisráðherrar ekki hafa gert neitt til þess að ávinna sér slíka orðu.  

Nei ég hef enga sérstaka andúð á Sigmundi Davíð, en ég hef andstyggð á sumu af því sem hann hefur gert, eins og að skrópa á þingi í miðri fjármálaumræðunni til að fara með konuna í fertugsafmæli til útlanda, að nota síðasta daginn í embætti dómsmálaráðherra til að færa lögreglustjóraembættið í sitt kjördæmi, Fyrir að þyggja orðu sem hann hefur ekki unnið til og sérstaklega úr hendi manns sem hann sjálfur setti í embætti formanns orðunefndar.  Það er meira en ég man það ekki núna nákvæmlega.  Ég er alþýðumanneskja alinn upp af fólki sem barðist til álna af eigin rammleik og sá sínum börnum farborða með elju sinni og dugnaði.  Þau hefðu mörgum sinnum frekar átt að fá orðu en þessir forsætisráðherrar sem höfðu það eitt til sinnar upphefðar að geta platað sig í kosningum til æðstu metorða og maður sér ekki alveg að það sé á neinn hátt áunnið með dugnaði og þrautseigju.  

Svo ég blæs á það að ég hafi andúð á einstaklingum, ég vil bara að fólk fái umbun fyrir vel unninn störf en ekki upphefð sem þeir hafa fengið í arf frá flokknum sínum.  

[Ásthildur Cesil Þórðardóttir, 26.12.2014 kl. 19:01]

Fyrir utan að þið sem svona talið eruð hluti af vandamáli landsins, þvi þið virðist ekki gera neinar kröfur á að menn standi sig í því að vinna að hagsmunum þjóðarinnar og kjósið sífellt yfir okkur klíku og vinabræðralag sem viðheldur fátækt og auðn.  Þið ættuð að skammast ykkar. 

[Margrét (IP-tala skráð) 26.12.2014 kl. 20:11]

Síðasta færslan þín Áshildur er akkurat það sem fólkið í landinu er að segja og eins og Gunnar og fleyri hér á Blogginu rembast eins og Rjúpan við staurinn að réttlæta þennan gjörnig og aðrar gjörðir hjarðarinnar er þeim sjálfum til skammar. Allt það er sem kallast Spin-docktors á útlensku eru einnmit þessir halelúja skrifarar. Halda þeir að fólkið sjái ekki í gegnum svona skrif. Æ ég bara vorkenni þeim ræflunum að þurfa að Halelúja svona alltaf. 

[Ásthildur Cesil Þórðardóttir, 26.12.2014 kl. 21:00]

Já Margrét mín, þetta hlýtur að vera þreytandi að þurfa endalaust að verja eitthvað sem er í raun erfitt að verja.  

[Gunnar Th. Gunnarsson, 26.12.2014 kl. 22:31]

Starfsmenn fyrirtækja og félagasamtaka, íþróttafélaga ofl. fá stundum eitthvert bling, medalíur, gullúr o.s.f.v., fyrir vel unnin störf, langan starfsaldur og þess háttar. Er það í lagi.... þín vegna?

[Ásthildur Cesil Þórðardóttir, 26.12.2014 kl. 23:19]

Já fyrir vel unninn störf, langan starfsaldur og þess háttar, auðvitað.  Það er bara allt annar handleggur en að menn fá bara svona fyrir hefð eitthvað glingur til að hengja utan á sig bara af því að þeir hafa verið kosnir á þing og þannig æxlast í pólitískum hráskinnaleik að þeir eru dubbaðir upp í forsætisráðherra, eins og Halldór Ásgrímsson forðum, sem aldrei skyldi verið hafa.  

Það er bara ekkert sambærilegt sjáðu til minn ágæti. 

[Gunnar Th. Gunnarsson, 26.12.2014 kl. 23:34]

Þú segir í upphafi pistilsins:

"Við skulum líka hafa í huga að það var einmtt Sigmundur Davíð sem skipaði Guðna Ágústsson formann orðunefndar."

Heldur þú virkilega að form. orðunefndar ráði því hver fær orðu og að SDG hafi komið Guðna í formennskuna til að tryggja sér orðu? Eru búin að sjá tilkynningu forsetaembættisins vegna þessa máls?

Ég vitna í athugasemd Baldurs Hermannsonar á fb-síðu hans:

"... erlendis er stundum greint á milli "order" og "decoration", sú orða sem Sigmundur hlaut er ekki veitt vegna tiltekins afreks eða frammistöðu, heldur fyrir að hafa náð tilteknum áfanga, þe forsætisráðherra (eða handhafi forsetavalds) og myndi því flokkast undir decoration fremur en order."

Og einnig:

"Stúdentshúfan er dæmi um decoration. Í keppnisíþróttum fá 3 efstu gjarnan medalíur ... decorations. Það er voðalega naivt að pirra sig á þessu, ef satt skal segja."

Ég er sammála þessu.

[Ásthildur Cesil Þórðardóttir, 27.12.2014 kl. 00:25]

Mikið barn ert þú Gunnar ef þú heldur að þetta sé allt svona slétt og fellt.  Gerir þú þér enga grein fyrir því hvernig hlutirnir ganga fyrir sig.  Það þarf engan kjána til að átta sig á því hverng þetta fólk vinnur.  

Stúdentshúfan er tákn um að þú hafir staðið þig á prófi, svo er líka um medalíur afreksmanna.  Þessi medalía er ekki vegna góðrar frammistöðu heldur vegna hefðar í þessu tilfelli.  Í raun og veru er mér alveg sama hvort Sigmundur eða einhverjir slíkir fái þessar orður, en miðað við það sem komið hefur fram þá segi ég bara enn og aftur, þetta er enginn upphefð heldur klapp á öxlina af klíkubræðrum sem hafa komið sér upp kerfi til þess að orðuveita hvort öðrum.  

[Gunnar Th. Gunnarsson, 27.12.2014 kl. 04:23]

Nú er komið í ljós að ALLIR forsætisráðherrar, frá upphafi orðuveitinga árið 1921, hafa fengið fálkaorðuna. Þess vegna fellur samsæriskenning þín um SDG og Guðna, eins og skotin gæs. 

"Handhafar forsetavalds, forsætisráðherra, forseti alþingis og forseti hæstaréttar, fá orðuna vegna embætta sinna, þeim er í sjálfsvald sett hvort þeir taka við henni.", segir Björn Bjarnason á bloggsvæði sínu.

Hver ástæðan var fyrir því að þeir feðgar Steingrímur og Hermann og kratarnir Jóhanna og Benedikt Gröndal, neituðu að taka við orðunni, er erfitt að segja. Mér dettur helst í hug að þegar sósíalistahjörtun í krötunum voru ung og ör, og hugurinn vildi kúka á kerfið, hafi það skilið eftir svo djúp för í ferilskránni, að þau gátu sóma síns vegna ekki látið forsetann skreyta sig með skröltandi glingri. Allra síst Jóhanna, úr hendi höfuð óvinar síns. 

Ég skora á ykkur að lesa pistil Björns. Hann rekur mjög vel studd sjónarmið í dagbókinni :

Föstudagur 26. 12. 14

http://www.bjorn.is/

[Margrét (IP-tala skráð) 27.12.2014 kl. 10:33]

Og enn rembist Rjúpan við Staurinn en uppsker hlátur í huga okkar almennings. Gunnar minn hættu nú þú getur haft þínar skoðanir en þarft ekki að þröngva þinum uppá aðra. Amen og Halelúja eftir efninu.

[Gunnar Th. Gunnarsson, 27.12.2014 kl. 10:55]

Margrét, talar þú fyrir hönd almennings í þessu máli. Er einhver almenningur að hlæja með þér? Finnst þér þetta þroskuð röksemd hjá þér?

 Ég er ekki að þröngva skoðunum upp á neinn en þú vilt hins vegar þagga í mér með yfirlæti.

Það er ein leið.