Jæja stelpur mínar þá er það næsta mál á dagskrá ! Kom svo...

Elskulegu, glæsilegu, blóðheitu, íslensku konur, þið lögðuð upp í orustu með þó nokkur merarhjörtu í buxum með bindi, sem eru í lykilstöðum í þjóðfélaginu og unnu góðan sigur, til hamingju með það.

 

En ég hefði viljað sjá önnur mál þarna á oddinum, svo sem eins og;

Lækkun okurvaxta og þjónustugjalda bankanna, afnám vöru-  og aðflutningsgjalda ríkisins, lækkun skatta og hækkun skattleysismarka, nú eða  ósk um betri aðbúnað örykja og aldraðra, þyngingu á dómum í nauðgunar, barnaníðs og heimilisofbeldismálum, eða ósk um stofnun lokaðrar meðferðarstofnunar fyrir langt leidda fíkla, eða bara aðstoð við Birgisstúlkur og Breiðuvíkurdrengi..... en   þið unnuð glæsilegan sigur og sýnduð að þetta er hægt.  Svo hvað á að taka fyrir næst ?

Athugasemdir

[Matthildur Ágústa Helgadóttir Jónudóttir, 23.2.2007 kl. 09:40]

Ágæta Ásthildur

Sömuleiðis takk.  Ég veit ekki betur en feministar hafi verið að berjast fyrir mörgu sem þú nefnir sér í lagi því sem snýr að konum.   

[Davíð Halldór Lúðvíksson (IP-tala skráð) 23.2.2007 kl. 09:47]

Málfrelsinu var innpakkað í langdræga eldflaug og ásakir drepnir án þess að vita af því hvað þá geta varið sig!

[Ásthildur Cesil Þórðardóttir, 23.2.2007 kl. 09:52]

Matthildur mín er ég er að tala um tilhlaup og skot í mark.  Eins og núna.  Það er greinilega hægt. 

[Matthildur Ágústa Helgadóttir Jónudóttir, 23.2.2007 kl. 10:35]

Já Ásthildur þetta var skot í mark og ég fagna þessari niðurstöðu, árangurinn náðist líkast til af því að svo margir voru sammála feministum í þessu máli.  Ég man í fljótu bragði ekki eftir svona þverpólitískri samstöðu  áður.  Kannski er von um að það gerist aftur.

[Ásthildur Cesil Þórðardóttir, 23.2.2007 kl. 11:13]

Já það má kalla þetta samstöðu eða hvað sem er.  En landið logar af ágreiningi reyndar.  Ég er voða hlutlaus í þessu.  Vildi samt að þarna hefði verið tekist á um mál sem káfaði (hehehe ) meira upp á okkar daglega líf.  Eins og ég talaði um hér áðan. 

[Örvar Þór Kristjánsson, 23.2.2007 kl. 12:31]

Sæl

Þarna nefnir þú verðug málefni sem vert er að berjast fyrir.  Mitt hjartans mál eru  þyngingar á dómum í nauðgunar, barnaníðs og heimilisofbeldismálum.

Margir voru sammála feministum í þessu máli og ber að virða að við höfum misjafnar skoðanir.  Þó er það staðreynd að öfgafullir feministar hafa farið offari í þessu máli og komið óorði á hina raunverulega feminista sem berjast fyrir jafnrétti. 

Verður forvitnilegt að sjá hvort það verða eftirmál af þessu umdeilda máli.

[Ásthildur Cesil Þórðardóttir, 23.2.2007 kl. 12:51]

Já ég einhvernveginn óttast að svo verði.  Þetta hverfur nefnilega ekki.  Heldur á svona til að gerjast og gjosa svo upp aftur.  En við skulum vona það besta.