Brynjar Níelsson og "frekjan"

Vá Brynjar Níelsson hvar liggur frekjan?  Hún getur allt eins legið hjá þér.  http://eyjan.pressan.is/frettir/2013/05/15/er-eg-a . Þú hefðir átt að skoða stöðu þína áður en þú sóttist eftir þeirri "upphefð" að gerast alþingismaður.  Þú hefur sjálfur líkt þér við Björn Val, ætli þú sért ekki á svipuðum kaliber?  Annars er "upphefð" manna á alþingi ekki mikil, skal ég segja þér, hún er í frosti eins og er, og er mest megnis alþingismönnum sjálfum að kenna og hvernig þeir hafa höndlað "upphefðina" og málefni þjóðarinnar. 

En ef til vill þarft þú sjálfur að komast á námskeið í lítillæti og þjónustu við þjóðina, því það er það sem alþingismenn eiga að sinna, að vera þjónar landsmanna, en ekki einhverjir yfirboðarar sem ota sínum tota. 

Ég er nefnilega alveg á því að almenningur sé búin að fá upp í kok af svona stjörnustælum elítunnar sem heldur að bara að komast á alþingi sé greið leið að upphefð og kjötkötlum.  Ég vona innilega að okkur muni takast að breyta þessu og hafa ykkur í aðhaldi ef þið ætlið ykkur að svíkja enn og einn ganginn þjóðina um það sem hún á rétt á. 

Það hefur sýnt sig að við verðum sjálf að fara að taka málin í okkar hendur og veita ykkur það aðhald sem þarf, en það er að sýna ykkur að ykkur mun ekki líðast að hugsa fyrst og fremst um eigin hag, og láta þjóðina reka á reiðanum.  Það er komið nóg af frekjudósum þá er EKKI að finna meðal almennings, það má finna þá meðal þeirra sem setjast á alþingi og segjast oftast í orði en ekki á borði vilja þjóna þjóð sinni. 

Ég held að miklu fleiri en ég séu komnir með upp í kok af pólitíkusum og pólitík sem engu eirir sem heitir sameiginleg virkni alþýðunnar.

En

Athugasemdir

[Gunnar Heiðarsson, 15.5.2013 kl. 19:00]

Sæl Ásthildur.

Brynjar virðist ekki gera sér grein fyrir því hvernig lýðræðið virkar. Það sem hann kallar "ofstækisfullt trúarfólk" er meirihluti kjósenda. Þjóðin sjálf. Ef þetta er hugur Brynjars til þjóðarinnar átti hann auðvitað aldrei að bjóða sig fram til þjónustu fyrir þessa "ofstækisfullu og trúgjörnu" þjóð. En hann á enn einn möguleika eftir, hann getur afsalað sér þingsetu.

Varðandi þá skoðun hans að betra væri ef þetta væri frekja í þjóðinni og að það sé afsakanlegra, þá lítur hann auðvitað næst sjálfum sér. Það er skiljanlegt að maður sem virðist ekki geta drepið niður penna, eða slegið á lyklaborð, án þess að fram komi yfirgengileg frekja, telji þann ókost vera illskárri. Þeir eru ekki margir pistlarnir sem þessi maður hefur sent frá sér um pólitík, bæði í undanfara kosninganna og einnig eftir þær. Þessir fáu pistlar hans hafa þó flestir vakið athygli, ekki fyrir einhverja speki, heldur óvandaðann málflutning gegn þeim sem eru honum ósammála og þar er stæðsti hluti þjóðarinnar. Skrif hans eru flest lituð af frekju og minnir frekar á málflutning fimm ára krakka en fullorðins manns.

Það væri þjóðinni til heilla ef Brynjar afsalaði sér þingsætinu og vissulega yrði það einnig honum sjálfum til hins betra. Það er hætt við að sálarlíf aumingja mannsins verði orðið bágborið eftir fjögurra ára setu á Alþingi.

[Ásthildur Cesil Þórðardóttir, 15.5.2013 kl. 20:23]

Gunnar já ég held að þessi ágæti maður ætti að íhuga þá tilllögu þína að draga þingmennsku sína til baka, hann hefur ekki sýnt neina góða eiginleika til að verða góður þjónn þjóðarinnar, og sennilega þjénar hann miklu meira af sínum lögfræðistörfum, þeir hafa alla vasa fulla sú ágæta stétt, og græða á tá og fingri, ofar en ekki með hörku og óbilgirni. 

[Anna Sigríður Guðmundsdóttir, 15.5.2013 kl. 22:45]

Áshildur. Ég gleymi aldrei því sem Brynjar Níelsson sagði um Guðmundar og Geirfinnsmálið í Silfrinu hans Egils.

Honum þótti ekki veigamikið að taka upp það dómsmorðs-mál!!!

Þessi Brynjar Níelsson minnir mig á hýenuna sem bauð sig fram í Bandaríkjunum gegn sitjandi forseta; Obama. Hvert hræsni-skítakornið á fætur öðru komu frá þeirri skrýtnu skrúfu, sem sagðist ætla að gera betur en sitjandi forseti. Sem betur fer vann Obama í forsetakosningunum.

En þessi Brynjar vann víst, á einhvern undarlegan hátt í alþingiskosningunum á Íslandi? Og hann skal svo sannarlega þurfa að upplifa raunverulegt aðhald almennings, eins og allir aðrir sem tala fyrir ofbeldi á varnarlausum utangarðsmönnum/konum!!!

M.b.kv.

[Ásthildur Cesil Þórðardóttir, 16.5.2013 kl. 00:03]

Já Anna mín, við þurfum að veita þessum mönnum aðhald svo sannarlega.  Okkar viðkvæmu einstaklingar þurfa á því að halda að við höldum vöku okkar og látum ekki fólk eins og Brynjar Níelsson né neinn annan niðurlægja þau.  

[Jens Guð, 16.5.2013 kl. 00:06]

  Mikið er ég sammála þessum pistli þínum. 

[Ásthildur Cesil Þórðardóttir, 16.5.2013 kl. 00:09]

Takk Jens minn.