Vilhjálmur Óli Valsson - mottumars.

Mestu hetjur mannkyns eru þær sem taka með æðruleysi því sem að höndum ber. Sætta sig við það sem koma skal.  Og gefa þar með öðrum gleði og framtíðarsýn. 

Vilhjálmur Óli Valsson er einn af þessum hvunndagshetjum.  Bara að hlusta á hann í viðtali í dag, hvernig hann bar sig og það sem hann hafði fram að færa snart mig inn að hjartarótum. 

Vissulega er engin von úti fyrr en kallið kemur, og alltaf geta gerst kraftaverk.  Þannig er bara lífið. 

En þetta æðruleysi og geðprýði fyllir mann einhvernveginn trú á mannkynið og það góða í okkur öllum.

Um leið og ég óska þér til hamingju með þennan verðskuldaða sigur Vilhjálmur Óli, sem raunar segir allt sem segja þarf um þig og stuðningsnetið þitt, það kemur ekki af sjálfu sér, heldur af því hvernig þú sjálfur hefur komið fram, þá sendi ég þér virðingu mína og góðar óskir um að þú og þín fjölskylda geti notið lífsins eins og hægt er meðan kostur er. 

Ég lýsi þig hér með mína hetju í dag.  Takk fyrir að vera til.

„Síðasti séns fyrir mig að taka þátt“

Athugasemdir

[Jóna Kolbrún Garðarsdóttir, 23.3.2013 kl. 01:41]

Sammála

[JEG, 24.3.2013 kl. 10:42]

Vel mælt.
Það þarf sterk bein til að takast á við svona.

[Ásthildur Cesil Þórðardóttir, 24.3.2013 kl. 11:46]

Takk báðar, þá það þarf bæði kjark og æðruleysi til að geta tekið svona sjúkdómi af svona mikilli reisn.