Vor í kúlu og vor í sinni.

Það er komið vor í kúluna mína.  Það er yndisleg tilfinning og lyftir manni upp úr skammdegisdrunganum.

Nektarrínan mín farin að bruma heilmikið.

Jólarósin mín búin að brosa til mín síðan á jólunum.

Páskarósin ætlar að vera tilbúin á páskunum.

Krusinn hlær með öllum sínum gulu kollum, glaður yfir að vera til.

Og Pernillan mín er að byrja vorið líka, hún blómstrar svona þrisvar yfir sumarið þessi elska.

En ég var veðurteppt fyrir sunnan um daginn í nokkra daga, og gisti hjá bróður mínum og mágkonu. Yndislegur tími, við höfum ekki átt svona góðar stundir lengi.

Langt síðan við bróðir minn höfum spjallað svona mikið saman og rifjað upp gömlu góðu dagana, barnæskuna og allt fólkið sem við höfum verið samferða langan eða stuttann tíma. Það er ómetanlegt að gefa sér tíma fyrir þá sem maður elskar.

Ég var eins og blóm í eggi, og það var hreinlega dekrað við mig, takk elsku Badda mín og Nonni.

Og Nonni er eins og allir karlkyns í ættinni aðalkokkurinn á sínu heimili

Og mágkona mín sat ekki auðum höndum, þessar fallegu flíkur var hún að prjóna og hekla.

Fallegt fyrir falleg börn.

Athugasemdir

[Dísa (IP-tala skráð) 14.2.2013 kl. 20:34]

Flottar blómamyndirnar þínar eins og alltaf . Gaman að sjá Nonna, kannast við svona spjallstundir, skrapp vestur fyrir fáum árum og hitti svo á að Árný var í burtu og Snorri í fríi og við og Óðinn töluðum meira og minna í tvo daga um gamla daga. Það var frábært .

[Ásthildur Cesil Þórðardóttir, 14.2.2013 kl. 22:21]

Já Dísa mín, ég held að við gefum okkur aldrei nógan tíma til að tala við þessar elskur, erum meira svona systrasamband.  Nonni er líka svo asskoti skemmtilegur, og man svo margt. 

[Laufey B Waage, 14.2.2013 kl. 23:19]

Þetta er alveg ótrúlegt - og Þorrinn sjálfur á dagatalinu ;)

[Ásthildur Cesil Þórðardóttir, 15.2.2013 kl. 00:04]

Já Laufey mín, og ég með syninum eina að æfa fyrir þorrablótið, hann er sko flottur strákurinn þinn.