Hinn nýji formaður Samfylkingar - jafnaðarmannaflokks Íslands.

6.2.2013 | 18:12

Hinn nýji formaður Samfylkingar - jafnaðarmannaflokks Íslands.

Sigurviss Árni Páll.

Já blessaður karlinn, hann kom sá og sigraði á landsfundi Samfylkingar. Hann hélt svo sína sigurræðu eins og vera ber. Þar sem hann talar mikið um frið og að koma á nýjum stjórnarháttum og breyta gömlu hjólförunum. Ég er viss um að hann meinti hvert orð, það verður ekki af honum tekið. Svo þvert ofan á það sem hann ætlaði sér er hann nú kallaður friðarhöfðinginn og það honum til háðungar. Hann gaf þarna skotleyfi á sjálfan sig með því að vera svo barnalegur að halda að hann gæti bara si sona breytt úr laufi í Spaða með einni sigurræðu. Hann sagði að nú væri bara að snúa bökum saman og vinna saman að því að taka á vandamálum Íslands og sameinast um að leysa þau vandamál.

Málið er bara að hans lausn á lausn á vandamálum Íslands eru þau ein að ganga inn í ESB. Hann þekkir enga aðra leið og mun tala eingöngu fyrir henni ef marka má það sem hann hefur látið út úr sér í allskonar viðtölum undanfarið.

Hann gleymdi bara í sigurvímu sinni, að Samfylkingiin bæði sú litla og stóra eru einu flokkarnir með það á dagskrá eitt mála að halda áfram inn í ESB. Allir hinir flokkarnir vilja annað hvort slíta viðræðum, eða fá kosningu um hvort íslendingar vilja ganga þarna inn. Sem er eina raunhæfa leiðin til að meta hvort íslendingar eru reiðubúnir til þessa eða ekki. Þetta skynja aðrir flokkar, svo sem eins og Sjálfstæðisflokkur, Framsókn,Hægri grænir, meira að segja VG er á þeirri línu, þó þau dansi beggja meginn og beri alltaf klæðin á báðum öxlum. Dögun er frekar klofin í þessu máli, en flestir eru þó á því að þjóðaratkvæðagreiðsla um málið sé það eina rétta, enda kennir sá flokkur sig við farmboð um sanngirni, réttlæti og lýðræði, og vill hlusta á grasrótina og það sem þjóðin vill sjálf á hvorn veginn sem er. Nýr flokkur í bígerð er svo Alþýðufylkingin sem er eins og flestir alfarið á móti ESB.

En víkjum nú að friðarhöfðinganum.

Hann sem sagt sigraði í formannskjöri með miklum glæsibrag. Flestir sem eitthvað fylgjast með vita að hann var ekki kandidat Jóhönnu, það var Guðbjartur, meira að segja voru margir í ríkisstjórn búnir að lýsa yfir stuðningi við Guðbjart.

Það var því ljóst að klíkan var ekki ánægð. Enda hefur komið á daginn að hann ræður ekki við ástandið, þvert ofan á yfirlýsingar um að hann ætlaði að skoða málin og hrókera.

Las DV í morgun, þar er ein fyrirsögnin á forsíðu: Sagður gefa skotleyfi á Jóhönnu. Inn í blaðinu er svo fyrirsögnin: Ólga vegna Árna Páls, stefnuræðan mælist misvel fyrir, litlar líkur á ráðherrastól strax.

Þó þetta sé auðvitað ekki vottfest, né staðfest, þá er nokkuð ljóst að blaðamenn sérstaklega á DV leggja sig fram um að hlusta á þá sem eru innanbúðar og vilja tjá sig um óvinsæl mál.

Þegar lesið er milli línanna kemur í ljós ákveðin saga. Sum sé sú að Jóhanna og hennar lið hafi ekki verið par ánægð með frammistöðu nýkjörins formanns, enda talaði hann niður störf þeirra og gerði lítið úr þeim.

Hann taldi sig hafa umboð til að skáka Jóhönnu úr forsætisráðherrastóli og taka hennar stað. En komst að því að formaður í stjórnmálaflokki þó í ríkisstjórn sé, hefur ekkert vald til að rótera ríkisstjórn nema með samvinnu við ríkisstjórnina sjálfa.

Það er líka ljóst að þó svo Jóhanna hefði gefið eftir sætið sitt (sem mér finnst ekki í hennar anda) Þá hefði upphafist valdabrölt milli flokkanna tveggja og VG hefðu ekki sætt sig við slík býtti, þeir hefðu þá jafnvel gert tilkall til forsætisráðherrastólsins.

Þannig er nú komið fyrir friðarhöfðingjanum, hann er fastur í pitti sem hann stökk ofan í sjálfviljugur.

Það er nefnilega svo að ef þú vilt frið, þá byrjar þú ekki á því hella olíu á eld, eða ætlast til að allir hlýði því sem þú trúir á. Friður felst nefnilega einmitt í ákveðnu lítillæti, og að hlusta og gera málamiðlanir.

Það er einmitt það sem Árni Páll þarf nú að læra meðan hann býður eftir upphefðinni, að átta sig á að það er ekki nóg að hafa vissu fyrir einhverju, og telja að það sé hin eina og sanna vissa. Heldur þarf heilmikið af lítillæti, umburðarlyndi fyrir skoðunum annara og að læra að hlusta á hvað aðrir vilja.

En vonandi fer hann í sjálfshugleiðingu og naflaskoðun, en festist ekki í því að það sem hann vill sé nafli alheimsins og það sé það eina rétta.

En sennilega þarf hann að lúta í dufti fyrir drottningu sinni, því hún er bæði viljaföst og ákveðin kona sem lætur sitt ekki svo auðveldlega af hendi.

	„Ekki ástæða til breytinga á ríkisstjórn“
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

20.jan lýsti stóran hluta íslenzku þjóðarinnar skyni skroppinn - hverja var hann að tala um jú þá sem væru ekki honum sammála um ESB.

Fólk mun sjá það hve kjánaleget þetta er þegar formaður annars stjórnarflokksins situr út þingsal sem óbreyttur þingmaður og fyrrv. formaður situr í forstætisráðherrastórlum.

EN þeir verða að ávkeða þetta sjálfir.

Óðinn Þórisson, 6.2.2013 kl. 18:23

Já þeir verða að ákveða þetta sjálfir, en þetta er óneitanlega pattstaða fyrir Samfylkinguna og líka VG. Svo er að sjá hvernig málin þróast.

Ásthildur Cesil Þórðardóttir, 6.2.2013 kl. 18:31

Er ég að lesa vitlaust í þetta? Mér finnst eins og að ÁPÁ sé bara að leyfa Jóhönnu að sprikla í snörunni í óvinsælustu ríkisstjórn allra tíma og passa sig á því að ekkert af óþverranum verði smurt í fötin hans.

Þegar það er sagt þá er ég alveg sammála þér Ásthildur; ÁPÁ gerir bara eins og aðrir í þessum flokki og það er byrja og enda allar setningar á ESB en að skila að öðru leyti auðu.

En ég fagna því gríðarlega að hann skuli hafa unnið í formannskjörinu. Hann er þrátt fyrir allt holdgervingur þjónustulundarinnar við fjármálaelítuna og árásarinnar á heimili landsmanna. Sá sósublettur verður ekki skrúbbaður svo auðveldlega úr skyrtunni. Það þýðir í mínum heimi að hann er ekki líklegur til þess að sanka að sér fylgi.

Seiken (IP-tala skráð) 6.2.2013 kl. 19:57

Vona að þú hafir rétt fyrir þér með þetta síðastaa Seiken. En málið er að það heyrðist svona í upphafi að Árni Páll sæktist eftir stólnum, en málið er að hann hefur ekki verið í þeirri aðstöðu að hrókera í ríkisstjórninni það voru að mínu mati karlagrobb til að gera sig gildandi, eða eins og smárakki geltandi á rottweiler..eða þannig. Ég er alveg viss um að hann hefði hlaupið til ef hann hefði fengið smávink.

Ásthildur Cesil Þórðardóttir, 6.2.2013 kl. 20:29

Ok. skil þig. Ég viss ekki að hann hefði verið að reyna að koma sér þarna inn af fúsum og frjálsum vilja.

Seiken (IP-tala skráð) 6.2.2013 kl. 21:04

Já kóngur vill sigla en byr mun ráða.

Ásthildur Cesil Þórðardóttir, 6.2.2013 kl. 21:37

Samt dálítið skrýtin ósk. Að stökkva um borð í norræna helfararfleyjið 80 dögum fyrir kosningar er trúlega jafn líklegt til vinsælda og ætla að fara að markaðssetja Icesave innlánsreikninga í Hollandi.

Seiken (IP-tala skráð) 6.2.2013 kl. 21:57

Jamm, en ég verð að segja það, að mínu mati er Árni Páll ekki bjartasta tólið í skúffunni. Hann er örugglega eldhugi, en fer oftast fram úr sjálfum sér þegar kemur að þeim málum sem honum eru hugstæð. Þess vegna fer hann fram með þeim hætti sem hann gerir, það er ekki af illmennsku eða djúphugsun heldur hrifni á því sem hann heldur að hann fái áorkað. Hann er nú búinn að fá aðeins smjörþefinn af því sem er í farvatninu fyrir menn eins og hann. Hann er enginn kjáni, en hann skortir samt vit til að vinna úr þeirri ábyrgð sem hann hefur fengið. Þetta er bara mitt álit og tekið af hvernig hann hefur komið fram og talað hingað til. Í raun og veru vildi ég óska að menn fengju leyfi til að vera þeir sjálfir í meira mæli, og fengju tækifæri til að sýna sig alveg, svo fólk geti gert sér grein fyrir hverjum þeir eigi að treysta og hverjum ekki. Ég myndi ekki treysta Árna Páli fyrir horn, ég hélt að ég gæti treyst Jóhönnu og einnig Steingrími en svo fór þó að þeim er hvorugt treystandi. Það hafa verið ákveðin vonbrigði, þó ég hafi ekki kosið þau síðast, þá áleit ég að þrátt fyrir allt væru þau þó það besta í stöðunni, bæði réttlát og hreinskiptin og fylgin sér. Annað hefur svo komið í ljós, því svik annara stjórnmálamanna blikna hreinlega við svik þessara skötuhjúa.

Ásthildur Cesil Þórðardóttir, 6.2.2013 kl. 23:56

Mér finnst alltaf svo gaman að horfa á Árna Pál tala, það er eins og hann sé að æfa sig fyrir framan spegil. Hann talar allskonar tæknimál, sem ég efast um að hann skilji. Lærðar ræður sem aðrir hafa samið, hann er bara páfagaukur sem þylur upp annarra manna orð

Jóna Kolbrún Garðarsdóttir, 7.2.2013 kl. 01:01

Eg er alveg sammála ykkur her á undan og kappinn umræddi gaf út þá yfirlysingu opinberlega i morgun að honum syndist best að raska ekki Jóhönnu eða rikisstjórn vegna þess hvað stutt væri i kostningar ,enda væri hann ekki að sækjast eftir neinu :(( .Það væri þó óumdeilanlegt að formaðurinn væri sa sem reði og skipuleggði starf flokks og fólks ...svo mörg voru þau orð ! AMEN eftir efninu !....En betri finnst mer þó orð Dags B Eggertssonar i aðdragana kostninga um formann SF ,..þegar hann sagðist styðja Guðbjart i formanninn og fretta maður spurði af hverju ? ju sagði Dagur ,eg se Guðbjart sem gamlann stöðugann Volvo sem seiglast en Árni Páll er eins og kappakstursbill á fullu gasi sem keyrir allt hvað af tekur þannig að i þriðju beygju ,.,,,ja !!!.....Þær verða sjálfsagt ekki mikið fleiri áður en SF verður til i enduminningum og annálum Landsins

rhansen (IP-tala skráð) 7.2.2013 kl. 01:26

Þetta verður fróðlegt að sjá, hvað Árni Páll gerir. Grun hef ég um að hann eigi eftir að byltast svo mjög að á endanum verði hann pikkfastur í sínum eigin snörum og línum. Enda ekki gott að verða valdalaus formaður í óvinsælli ríkisstjórn 3 mánuðum fyrir kosningar, fá engu breytt en sitja uppi með alla skömmina.

En í þessum pistli greini ég líka aðra tóna!

Voru hinir skynsamari menn þessa lands ekki búnir að komast að því að það væri engan pakka að kíkja í? Þetta væru ekki aðildarviðræður, heldur aðlögunarviðræður sem væru umboðslausar og bæri því að slíta strax?

Þó þú Ásthildur mín ágæta skrifir í orði um Árna Pál þá sé ég ekki betur en þarna sértu að reyna að skrifa þig frá óbragði málamiðlananna í Dögun sjálfri!

sbr: "Dögun er frekar klofin í þessu máli, en flestir eru þó á því að þjóðaratkvæðagreiðsla um málið sé það eina rétta, enda kennir sá flokkur sig við farmboð um sanngirni, réttlæti og lýðræði, og vill hlusta á grasrótina og það sem þjóðin vill sjálf á hvorn veginn sem er."

og svo:

"Það er nefnilega svo að ef þú vilt frið, þá byrjar þú ekki á því hella olíu á eld, eða ætlast til að allir hlýði því sem þú trúir á. Friður felst nefnilega einmitt í ákveðnu lítillæti, og að hlusta og gera málamiðlanir.

Það er einmitt það sem .......þarf nú að læra ...... að átta sig á að það er ekki nóg að hafa vissu fyrir einhverju, og telja að það sé hin eina og sanna vissa. Heldur þarf heilmikið af lítillæti, umburðarlyndi fyrir skoðunum annara og að læra að hlusta á hvað aðrir vilja.

En vonandi fer ......í sjálfshugleiðingu og naflaskoðun, en festist ekki í því að það sem ..... vill sé nafli alheimsins og það sé það eina rétta. "

Þetta er auðvitað smá stríðni í mér en er hægt að gera málamiðlanir um rétt gagnvart röngu?

Var Lilja Mósesdóttir kanski með "réttu" nálgunina í efnahagsmálunum, en hafnaði "málamiðlunum" af því hún vissi að þær eyðilegðu lausnina?

Ég er aðeins að reyna að fækka aukakílóunum, þar þarf ákveðna sýn á markmiðið og ekkert er eins víst með að eyðileggja vandfenginn árangur eins og MÁLAMIÐLANIRNAR.

Maður spyr sig! :-)

Bjarni Gunnlaugur (IP-tala skráð) 7.2.2013 kl. 08:28

Veistu Jóna Kolbrún þetta er rétt hjá þér. Hann er alltaf eins og hann sé búinn að æfa sig fyrir framan spegilinn, meira að segja brosið er æft. Þetta skynjar fólk.

rhansen gaman að rifja upp þessi orð Dags B. Segir alveg það sem við erum að tala um. Hann fer fram úr sjálfum sér hann Árni Páll.

Takk fyrir ábendingarnar Bjarni, þú leggur mér orð í munn, því ég segi:

Allir hinir flokkarnir vilja annað hvort slíta viðræðum, eða fá kosningu um hvort íslendingar vilja ganga þarna inn. Sem er eina raunhæfa leiðin til að meta hvort íslendingar eru reiðubúnir til þessa eða ekki. Þetta skynja aðrir flokkar, svo sem eins og Sjálfstæðisflokkur, Framsókn,Hægri grænir, meira að segja VG er á þeirri línu, þó þau dansi beggja meginn og beri alltaf klæðin á báðum öxlum. Dögun er frekar klofin í þessu máli, en flestir eru þó á því að þjóðaratkvæðagreiðsla um málið sé það eina rétta, enda kennir sá flokkur sig við farmboð um sanngirni, réttlæti og lýðræði, og vill hlusta á grasrótina og það sem þjóðin vill sjálf á hvorn veginn sem er. Nýr flokkur í bígerð er svo Alþýðufylkingin sem er eins og flestir alfarið á móti ESB.

Þetta er bara staðreynd sem marg oft hefur komið fram, allir aðrir flokkarn en Samfylkingarnar vilja kjósa um áframhaldandi viðræður.

Segi ennfremur: sbr: "Dögun er frekar klofin í þessu máli, en flestir eru þó á því að þjóðaratkvæðagreiðsla um málið sé það eina rétta, enda kennir sá flokkur sig við farmboð um sanngirni, réttlæti og lýðræði, og vill hlusta á grasrótina og það sem þjóðin vill sjálf á hvorn veginn sem er."

Ég er þarna að segja hvernig í pottinn er búið í Dögun. Þetta mál er ekki svo mikið á dagskrá þar, en það er yfirlýst stefna í framboðinu að vilji meirihluti þjóðárinnar kjósa um málið þá verði orðið við því. Þetta er ekki sagt með óbragði, heldur af veruleikanum eins og hann er. Og það sýnir einmitt umburðarlyndi og friðarvilja að gera ekki ágreining um þetta mál, hversu mikið í mun mér er að halda mig sem lengst frá ESB. En það er einmitt vegna þess að ég, sem hef starfað með mörgum þarna, bæði mikið og vel og svo ágætlega öðrum til að átta mig á því að þó skiptar séu skoðanir á þessu máli, þá mun alltaf vilji fólksins í landinu verða ofaná. Það er svo langt frá því að nokkur í þessum hópi vilji troða fólki inn í sambandið. Þó einhverjir (fáir) hafi þá trú að okkur sé best borgið þar, þá er það samt sem áður þannig að leiðarljósið er lýðræðið sanngirnin og réttlætið.

Þarna er ég að fara málamiðlunarleiðina og friðarleiðina, og treysti mínu fólki vel til að taka tillit til þjóðarvilja.

Þar liggur grundvallar munurinn á mér og Árna.

Mér sýnist það hafa komið í ljós að Lilja hafði einmitt réttu nálgunina í efnahagsmálum, en því miður eins og þú segir hafnaði málamiðlun, ef til vill einmitt vegna þess að sú málamiðlun hefði ekki skilað þeim árangri sem hún lagði upp með. Það er sorglegt þegar fulltrúar þjóðarinnar hlusta ekki á það fólk sem hefur þekkingu á málefninu. Lilja er nefnilega hagfræðingur meðan Jóhanna er flugfreyja og Steingrímur jarðfræðingur.

FLott þetta í restina. Stundum geta málamiðlanir verið verri leið. En það verður að ræða þær og yfirvega.

Eins og ég benti á í upphafi þá hefur það marg komið fram allstaðar sem Árni Páll hefur upphafið raust sína að hann sér enga aðra leið til bjargar Íslandi en að ganga í ESB. Þetta er marg yfirlýst, hann talar niður gjaldmiðilinn, talar niður þjóðina og talar niður landið sitt. Svo vill hann fá umboð þessa sama fólks til að vera í forystunni.

Það gengur einfaldlega ekki upp að mínu mati.

Ásthildur Cesil Þórðardóttir, 7.2.2013 kl. 10:25

Ég er bara algjörlega sammála flestu því sem kemur fram hér að ofan, manni líður pínu eins og maðurinn líti á sjálfan sig sem nýjan Messías og sé að bjarga lýðnum. úff fari hann og veri

Ásdís Sigurðardóttir, 7.2.2013 kl. 11:41

Kanski að þarna sé kominn hinn sterki leiðtogi þeirra kratanna?

Það væri ásættanleg málamiðlun af minni hálfu að fá þó að kjósa um þessa aðildarumsókn í síðasta lagi í vor, en látum svo vera og Guð láti gott á vita og allt það!

Bjarni Gunnlaugur (IP-tala skráð) 7.2.2013 kl. 11:56

Eiinmitt manni dettur ósjálfrátt Messías í hug. Eða ég fer í ljós þrisvar í viku......

Já ef til vill það mun tíminn einn leiða í ljós Bjarni takk fyrir skemmtileg orðaskipti.

Ásthildur Cesil Þórðardóttir, 7.2.2013 kl. 12:17

Er sammála ykkur, Bjarni G og Ásthildur, að í sumum málum koma málamiðlanir ekki til greina. Til dæmis varðandi ESB aðild - annað hvort verður hún eða ekki. Engin málamiðlun í boði þar.

Annars líst mér vel á Árna Pál sem einstakling, hann býður af sér góðan þokka. Verst að hann er krati og ESB sinni...

Kolbrún Hilmars, 7.2.2013 kl. 13:09

Já Kolbrún ég er nokkuð viss um að Árni Páll er "besta skinn" og vill vel, en ég hugsa stundum hvort hann sé ef til vill ekki sérlega vel gefinn Þá ég ekki við að hann sé heimskur, heldur að honum gangi ekki vel að leggja saman tvo og tvo og fá út fjóra. Hann er of einsleitur í þessu ESB dekri sínu og fer svo oft fram úr sjálfum sér.

Ásthildur Cesil Þórðardóttir, 7.2.2013 kl. 13:21

Ég segi eins og Kolbrún, "verst að hann er Krati "

Ásdís Sigurðardóttir, 7.2.2013 kl. 17:16

Vertu bara fegin Ásdís mín, ég er viss um að hann mun ekki komast voðalega langt sem pólitíkus. Hann er að mínu mati of grunnhygginn, þó hann vilji örugglega vel, það dugar bara ekki til, ef þú hefur svona einhlíta sýn á lífið og tilveruna.

Ásthildur Cesil Þórðardóttir, 7.2.2013 kl. 17:48

Æ, það er alveg rétt hjá þér.