Leikritið sem leikið er á Íslandi í dag.

Að mínu mati er landsleikrit í gangi.  Það er þungur áróður frá hendi þeirra sem vilja ofurselja landið inn í ESB.  Það er líka mitt mat að þetta beri vott um örvæntingu.  Örvæntingu ESBforkólfanna, um að það gangi illa að kristna þjóðina til fylgilags.  Þar er sennilega ástæðan að þeir þola ekki að þessi útkjálka þjóð dragi þá á asnaeyrunum, og vilji ekki inn í fyrirheitna landið.  Það er EKKI UMHYGGJA FYRIR LANDI OG ÞÓÐ SEM ÞAR RÆÐUR FERÐ.  heldur einhverskonar ótti um að ef þessi litla þjóð afneitar batteríinu, muni fleiri koma á eftir, eins og Bretland til dæmis, sem virðist tvístígandi um hvað skuli gera.  Fólkið vill út, en forystumenn þora ekki, eða eru undir þrýstingi Merkel og fleiri ráðstjórnarmanna.

Örvænting utanríkisráðherra og forystu Samfylkingarinnar, sem sjá fyrir sér að komist ekki hreyfing á málið þeim til hagsbóta, muni flokkurinn bíða afhroð í næstu kosningum.

Örvænting VG er af öðrum toga.  Þeim er lífsspursmál að þæfa málið og kæfa það fyrir kosningar, til að eiga sér líf eftir þær. 

Rúvdæmið er mér til umhugsunar.  Er þar um að ræða fé sem sett er inn í stofnunina, annað hvort beint eða sem kostun, af þeim peningum sem nú streyma inn í landið frá ESB í allskonar ímyndunarferli, fyrir innlimun.  Þar er hver sjórafturinn dreginn fram af öðrum frá Sambandinu til að telja okkur trú um hvað það sé nú gott við kjötkatla ESB. 

Sérstaklega sker í augun endalaus áróður í Speglinum og kvöldfréttum ríkisútvarpsins, með Sigrúnu Davíðsdóttur í fararbroddi. 

Svo er svoköllu Evrópustofa með allskonar uppátæki og gylliboð. 

Ég vona innilega að almenningur láti ekki blekkja sig.  Því hér er einungis um blákaldan útspekuleraðan áróður að ræða, með hræðslu og gylliloforðum. En ekki umhyggju fyrir landi og þjóð.

Gylliboðum um að hér muni drjúpa smjör af hverju strái á landsbyggðinni ef við bara segjum já.

Við eigum sem sagt að leggjast í eymd og volæði og láta sambandið hugsa um okkur og fyrir okkur.

Þess vegna er þetta leikrit sett á svið.  Það er sýnt á ýmsum stöðum, af ýmsum aðilum, sem hafa það eitt að leiðarljósi að gabba þjóðina inn í gyllt búr, sem mun gleypa okkur að fullu og öllu.

Það er verið að tala um "kynningu" á þessu sambandi, hvenær er það kölluð kynning, þegar einhliða áróður er viðhafður.  Ekki kostir og gallar.  Nei almáttugur það gæti verið hættulegt að við fengjum smjörþefinn af þeim ágöllum sem eru á þessari vegferð.

Já utanríkisráðherra gerist nú vígreifur og talar hátt og mikið, "Guðsgjöf fyrir landsbyggðina"  kallar hann þetta.  Hann er nefnilega búin að átta sig á því að andstaðan er mest á landsbyggðinni, þar sem menn þekkja til landbúnaðar og sjávarútvegs á eigin skinni, og vilja ekki yfirtöku erlendra aðila á þeim gæðum sem við eigum þar.

Það er búið að kristna flesta prófessora og lattelepjandi sértrúarsöfnuði í 101 Reykjavík, sem ekkert vita um hvað heldur þessu landi í rauninni á floti.  Margir halda að peningarnir verði til í Kringlum og Smáralindum, eða með froðufé.

Við getum náð okkur á strik, við þurfum bara stjórnvöld sem vilja byggja upp samfélagið á eigin forsendum, við erum stolt fólk, og við viljum ekki ölmusu.  Við viljum fá að bretta upp ermar og vinna okkur út úr vandanum á eigin forsendum, en ekki undir fölskum "verndarvæng" yfirráðaseggja sem sá hvað þetta land hefur upp á að bjóða í allskonar gersemum sem hér eru hjá fámennri þjóð.

Ég vona innilega að einhvern daginn verði Össur Skarphéðinsson og fleiri ráðamenn dregnir fyrir dómstóla og dæmdir sem landráðamenn, samkvæmt stjórnarskrá þar sem segir að hver sá sem vinnur að því að leggja landið undir erlend yfirráð sé landráðamaður. 

Ég á flest mín börn og barnabörn erlendis. Mín heitasta ósk er sú að þau geti komið heim og átt hér gott líf. Það gerist ekki nema við fáum stjórnvöld sem setja fólk í forgang. Ekki banka, ekki fjármagn, ekki eigin sjálfsmynd. Forystu sem skynjar að það er fólkið í landinu, heimilin og fjölskyldurnar sem er mesta auðlindin sem landið á. Það gerum við ekki með því að flýja inn á faðm stórveldis, sem sífellt sækist eftir meiri yfirráðum yfir þeim þjóðum sem gangast undir ægivaldið, allt undir yfirskyni lýðræðis og umhyggju fyrir þjóðum, svo kjánalega sem það nú hljómar þegar við lítum yfir sviðið og sjáum ekkert nema fátækt og örvæntingu þeirra þjóða sem verst standa innan ESB.   Allar góðar vættir forði okkur frá slíkum helfaðmlögum.

Tafarleikir Jóns tefja fyrir

Athugasemdir

[Erla Magna Alexandersdóttir, 19.12.2012 kl. 18:26]

Við- almenningur í þessu landi- erum í sömu stöðu og dr. Zhivavgo-  við skiljum ekki enn að það er stríð - það er eignaupptaka- það er verið að taka af okkur sjálfstæðið---asssssk. fífl-- og þvímiður- þrælsótti við útlendinga ! Erum við hætt við að vera sjálfstæð eða ????

[Ásthildur Cesil Þórðardóttir, 19.12.2012 kl. 18:28]

Sumir allavega, og því miður einmitt það fólk sem hefur komist til valda með svikum og loforðabrölti.  Vonandi fær þetta fólk dóma fyrir landráð.

[Anna Benkovic Mikaelsdóttir, 19.12.2012 kl. 19:41]

Ég treysti ekki stjórnmálamönnum og embættismönnum fyrir neinu eftir 2008.

Vil sjálf fá upplýsta umræðu og tel sjálfsagt að allir skynsamir kven/karlmenn vilji það, enda grundvöllur lýðræðis. Ekkert bjölluat, við segjum bara "nei" ef díllinn er slæmur. Allt að vinna og engu að tapa með að klára viðræður. 

[Bjarni Gunnlaugur (IP-tala skráð) 19.12.2012 kl. 19:44]

"..þar sem segir að hver sá sem vinnur að því að leggja landið undir erlend yfirráð sé landráðamaður."

Það er svolítið pínlegt þetta með landráðin.  Oft er farið í kringum málið eins og heitan graut, reynt að tækla það með segja fólk svo æst á móti ESB að það er veifandi landráðaásökum sem sé jafnvel dæmi um rökþrot í andstöðunni. 

Samt er stjórnarskráin bísna afdráttarlaus í þessu.  Kanski finnst mönnum stjórnarskráin úrelt og vitlaus í ýmsum atriðum en það breytir ekki því að hún ER og það BER að fara eftir henni.  

Stjórnarskráin beinlínis bannar athæfi Össurar og félaga, enda var reynt að milda þetta ákvæði í tillögu að nýrri.

Samviskan bítur.

Þó það.

[Rafn Guðmundsson, 19.12.2012 kl. 20:31]

það má líta á þetta sem leikrit - ég er samt ekki að sjá sama leikritið eins og þú greinilega - ég fór á leikritið og langar að sjá það til enda - því miður eru samt of margir sem vilja stoppa það strax.

og svo er eitt (allavega) rangt hjá þér þarna - við erum að sækja um aðild - esb er ekki að sækja um að við komum til þeirra

[Ásthildur Cesil Þórðardóttir, 19.12.2012 kl. 23:10]

Málið er að það er enginn pakki að kíkja í.  Það er nóg að skoða Maastrictsáttmálann til að sjá hvað er í boði.  Það er nokkuð ljóst af orðum umboðsmanna ESB að það eru engar varanlegar undanþágur í boði.  Regluverk ESB gildir ofar íslenskum lögum þegar við erum komin inn.  Fólki gengur dálítið erfiðlega að skilja að það er verið að draga okkur á asnaeyrum hvað þetta varðar.  Samningarnir eru þannig að við einfaldlega samþykkjum allar tilskipanir ESB, það er ekkert annað í boði.  Og nú eru nokkur lönd að bíta í það súra, að þau eru verr stödd en áður eftir að hafa gengið inn. 

En vonandi verður þessi upplaust sem er að verða, sýnilegri og að lokum sundra þessu yfirráðaferli yfir Evrópu sem er að gerast fyrir framan augun á okkur, þar sem öflugari ríkin Þýskaland og Frakkland eru með vaxandi þunga að sölsa undir sig frelsi annara landa.  Og þetta er almenningur búin að sjá í þessum löndum, og nú eru menn byrjaðir að berjast á móti, þ.e. almenningur í löndunum, þó stjórnmálamenn reyni allt til að halda í völdin og skríða á hnjánum fyrir Brusselvaldinu.

Það mun aukast verulega á næstunni, svo jafnvel þursarnir hér heima fara að átta sig á alvöru málsins.  Hér er ekki um jafnræðisbandalag þjóða að ræða, heldur grímulausar yfirráðatilraunir. 

[Bragi, 19.12.2012 kl. 23:38]

Eina vitið er að setja þetta á ís.

1. Tíminn sem hefur farið í umsóknarferlið sem annars hefði verið hægt að nota til að laga til hér innanlands eftir hrunið er gríðarlega mikill.

2. Flestir þeir hlutir sem þarf að laga í nr. 1 að ofan eru hlutir sem þarf að laga áður en kæmi til aðildar að Sambandinu.

3. Miklar og hraðar breytingar eiga sér stað á meginlandinu sem stendur. Enginn veit hvort og hvað evran verður eftir 1-2 ár, auk þess sem enginn veit hvernig Sambandið verður þá.

Því væri það eingöngu til hagsbóta fyrir okkur að setja þetta á ís.

Nema auðvitað ef mótaðilinn bregst illa við slíku og útiloki frekari aðlögunarviðræður síðar meir, veit ekki hvernig það virkar.

[Helga Kristjánsdóttir, 19.12.2012 kl. 23:43]

Já,er trúboðið ekki að herða á núna,halda þeim sem trúðu með því að birtast þeim ,því fleiri og fleiri eru að ganga af trúnni. Það besta væri að við gætum sameinast um einn flokk, nei ekki misskilja,en það verður þá að hafa það. Gætum við það,færum við ekki að klúðra því eftir sigur.NEI! Það gera nýjar áherslur,þar sem fólk talar saman,í litlum hópum, stórum og engum líðst að hafa rangt við,en skoðunum sínum geta allir flíkað;Hvort byggja á sjúkrahús,virkja,laga/breyta fiskveiðum og landbúnaði.

[Ásthildur Cesil Þórðardóttir, 19.12.2012 kl. 23:59]

Mér nægir ekki að setja þetta mál á Ís Bragi, ég vil að viðræðum verði hætt í bili, það má endurskoða það mál, þegar ljóst verður hverslags samband þetta verður á endanum, og þá verði ekki byrjað á umsóknarferli fyrr en þjóðín hefur sagt sitt álit á því hvort hún hafi áhuga á að hefja viðræður. 

[Anna Sigríður Guðmundsdóttir, 20.12.2012 kl. 02:00]

Áshildur. Það eru víða brotalamir, eins og þú bendir réttilega á.

Össur Skarphéðinsson og fleiri fullyrtu það fyrir síðustu alþingiskosningar að Ísland kæmist fljótt og greiðalega í "fyrirheitna" ESB-" viðskipta-friðarbandalagið"! Gleymdu þessir Evrópu-spámenn stjórnvalda heimsbankanna ekki aðalatriðinu, sem er: traust/trúverðugleiki/friður/náungakærleikur?

Ég hef trú á Össuri sem kærleiksríkum friðarsinna. ESB-veldið valdi Össur í embættið vegna þessara góðu kosta hans. Þeir kunna að velja sér fórnarlömb þarna í Brussel-fílabeinsturninum. Aðferðirnar sem þeir nota við veiðarnar eru tæplega fyrir viðkvæmra.

Össur gleymdi alveg, eða hafði ekki leyfi til að segja sinni þjóð frá því að Ísland getur ekki gengið í ESB án þess að breyta stjórnarskránni.

Þegar fólk segir mér ósatt (vísvitandi eða óvart), þá hætti ég að treysta því.

Traust verður fólk að ávinna sér. Traust verður aldrei keypt á pólitískum svikabanka-torgum heimsins.

Kauphallir eru hættulegustu gróðrarstíur bankaspillingar og blekkinga.

M.b.kv.

[Björn Emilsson, 20.12.2012 kl. 03:33]

Jóhönnu stjórninner er að takast ætlunarverk sitt, þe að koma Islandi inní ESB. Takist henni að breyta stjórnarskránni verður kleift tilræðið

[Ásthildur Cesil Þórðardóttir, 20.12.2012 kl. 09:24]

Það getur vel verið Anna Sigríður mín að Össur sé kærleiksríkur friðarsinni, það er eflaust rétt hjá þér.  En um leið er hann rammfalskur, því enginn með hreina samvisku gæti farið bak við þjóð sína jafn auðvirðilega og hann hefur gert í þessu ESB máli.  Þar sem hann er löngu hættur að hugsa um það sem var samþykkt á alþingi, og áfram skal málið keyrt hvort sem þjóðin vill eða ekki.

Björn minn, ég hef ekki sama skilning á 111 greininni og þú.  Hún er að mínu mati trygging fyrir því að illa gefin stjórn eða landsölumenn geti ekki gefið landið frá okkur, heldur þarf þjóðaratkvæðagreiðslu til. 

[jóhanna (IP-tala skráð) 20.12.2012 kl. 11:50]

Ég á afar erfitt með að sjá fyrir mér Össur sem einhvern frið elskandi engil. En allir verða fá að hafa sínar skoðanir. En mér dettur nú í hug gamla máltækið: "Mér verður nú bumbult af hráa mörnum"...Össur friðarengill.... Halló!! Allir hestarnir heima?

[Ásthildur Cesil Þórðardóttir, 20.12.2012 kl. 12:16]

Verðum við ekki alltaf pínu væmin svona rétt fyrir jólin Jóhanna mín. 

[Kolbrún Hilmars, 20.12.2012 kl. 14:13]

Ég treysti ekki 111. greininni.  Fyrstu tvær málsgreinarnar eru ótækar.  Sú fyrsta heimilar, en sú næsta krefst almennrar lagagerðar til þess að heimila.

Þriðja málsgreinin er þó af einhverju viti - en hún hefði ein og sér dugað í nýrri stjórnarskrá.

[Ásthildur Cesil Þórðardóttir, 20.12.2012 kl. 15:49]

Skil þig svo sem vel, við erum orðin svo hvekkt á þeirri stjórnsýslu sem viðhöfð hefur verið.  Það er ekki hægt að treysta stjórnvöldum fram fyrir tærnar á sér, því miður og með því eyðileggjast mörg góð mál, bara vegna þess hve við erum orðin þreytt á lygi og baktjaldamakki.

[Jens Guð, 20.12.2012 kl. 22:41]

  Baktjaldamakk,  slóttugheit og allur pakkinn.  Þetta er ekki áhyggjuefni.  Yfirgnæfandi meirhluti landsmanna er ekkert á þeirri línu að fara í Evrópusambandið.  Það er alveg klárt.  Það skiptir engu máli hvað kemur út úr pakkanum.  Við, yfirngnæfandi meirihluti landsmanna,  erum ekkert að samþykkja inngöngu í ESB.  Samfylkingin má sprikkla í afgerandi minnihluta.  Línur eru hreinar.  Ísland er ekkert á leið inn í ESB.  Það verður aldrei.     

[Ásthildur Cesil Þórðardóttir, 21.12.2012 kl. 00:15]

Mæl þú manna heilastur Jens minn.

[Anna Sigríður Guðmundsdóttir, 21.12.2012 kl. 00:42]

Evrópusambandið er ráðvillt og breytilegt, frá degi til dags.

Ef einhver kýs um eitthvað í dag, þá breytir Evrópusambandið reglunum á morgun, og ógildir kosningavilja almennenning innan ESB.

Það er engu líkara en að sumir trúi því, að Össur Skarphéðinsson ráði pólitísku ferli á Íslandi! Eru virkilega einhverjir sem trúa því að einhver einn maður ráði þessu pólitíska ferli á Íslandi?

Það eru kjósendur sem ráða pólitíska ferlinu á Íslandi, en ekki mataðar, herteknar og pólitískt skipulögðu flokkaklíkurnar skattborgara-styrktu.

Enginn flokkur hefur hingað til sannfært mig um að honum sé treystandi.

Ekki einu sinni Dögun.

Dögun byrjaði á því að reyna að blekkja almenning á fundinum síðastliðinn vetur. Blekkingar eru dæmdar til að mistakast í réttlætisbaráttunni lýðræðislegu! Það sem okkur vantaði mest var heiðarlegt og traustvekjandi framboð, og Dögun byrjaði á að bregðast trausti almennings, með einhverjum yfirlýsingum um að þau vildu klára að kíkja í stríðs-kúgunarpakka aðlögunar-veiðikló ESB.

M.b.kv.

[Ásthildur Cesil Þórðardóttir, 21.12.2012 kl. 00:55]

Anna Sigríður Dögun sem stjórnmálaafl hefur ekki gefið út neinar slíkar yfirlýsingar.  Enda hefur það mál ekki verið gert upp innan flokksins.  Flest það fólk í Dögun sem í kring um mig eru, eru eindregnir andstæðingar ESB líkt og ég.  Ég hefði viljað að það væri tekist á um þetta mál innan flokksins, og hef tilkynnt mínu samstarfsfólki það.  En þar sem þau vilja hafa þetta opið eins og er, þá verður það svo.  Ég ætla ekki að verja það fólk sem vill inn í ESB, eða kíkja í pakkan, ég hef líka sagt þeim það fullum fetum.  Það sem ég aftur á móti veit er að langflestir þarna sem ég þekki til, sem eru þó nokkuð margir í forystunni eru jafn miklir andstæðingar ESB og ég er.  Þarna eru líka innanborðs fólk framarlega í flokknum sem vinna með Attack hópnum sem starfar um alla Evrópu að mótmælum við núverandi ástandi ESB. 

Málið er það að fyrir mér er þetta eina aflið sem á möguleika á að hnekkja þeirri spillingu og valdagræðgi sem tröllríður fjórflokknum.  Þess vegna vil ég leggja mitt af mörkum með þessu framboði.  Þarna er líka fólk fyrir utan mína félaga eins og Gunnar Tómasson sem ég virði afar mikið.  Gunnar hefur starfað með AGS og fleiri alþjóðastofnunum og veit algjörlega hvað hann syngur. Hann vill ekki aðild.

En þetta mun allt koma í ljós.  Nú eru málefnin að skýrast eins og sjávarútvegsstefnan og nú með það að Dögun vill ekki nýtt háskólasjúkrahús, heldur hlú að starfsfólki og sjúkrastofnunum kring um landið, sem er alveg í mínum anda.  Og það á eftir að koma fram fleira sem er í vinnslu.  Það hefur nefnilega farið fram afar mikil vinna af þeirri grasrót sem starfar í Dögun.  Vinna sem er að skila sér núna smátt og smátt.  Síðan þegar fólk sér hverjir eru þar í framboði, er ég viss um að fólk mun allavega skoða málefni Dögunar áður en það kastar því stjórnmálaafli burtu.

Málin eru nefnilega ekki alltaf beint strik.  Heldur krókóttur vegur, en meðan það fólk sem er í flokknum er heiðarlegt gagnvart sjálfum sér og öðrum, þá er það vel þess virði að skoða hvað þau hafa fram að færa.

[Anna Sigríður Guðmundsdóttir, 21.12.2012 kl. 11:37]

Áshildur. Það er óskandi að heiðarlegt og hreinskilið fólk ráði för í Dögun. Ég er sammála þér að það er margt heiðarlegt fólk í þeirri breiðfylkingu. Gunnar Tómasson veit meir en flestir aðrir, um bellibrögð stjórnmálanna. Ég hef eins og þú, trú á honum til góðra verka.

Ef Jóhannes Björn Lúðvíksson, Gunnar Tómasson og Andrea Gylfadóttir skipa efstu sætin hjá þessu framboði, þá fer ég að treysta því betur. Ég held að þessi þrjú láti ekki mútur og blekkingar-brögð bankaelítunnar stjórna sér. Svo þarf ungt, heiðarlegt, þroskað og nútíma-framtíðar-víðsýnt fólk með þeim, sem þekkir betur til í tækni og netheimum en margir af okkur gamlingjunum. Hver kynslóð hefur nauðsynlega þekkingu og visku.

Þegar allir leggjast á eitt, og gera sitt besta, þá er hægt að skapa öfluga heild. Þannig þarf þessi þjóð að vinna. Stjórnmálaflokkar sundra samstöðu og skaða velferð þjóða.

M.b.kv. 

[Ásthildur Cesil Þórðardóttir, 21.12.2012 kl. 12:31]

Tek fyllilega undir þetta með þér Anna Sigríður.

[Anna Sigríður Guðmundsdóttir, 21.12.2012 kl. 14:34]

Ég biðst afsökunar á villunni í síðustu athugasemd, ég meinti auðvitað Andreu Jóhönnu Ólafsdóttur en ekki Andreu Gylfadóttur

Þarna hefur listamanna-engillinn verið að hvísla einhverjum mikilvægum skilaboðum að mér

M.b.kv.

[Ásthildur Cesil Þórðardóttir, 21.12.2012 kl. 16:21]

Veistu´! ég las þetta sem Andreu Ólafsdóttur.