Frí frá störfum!

Þau eiga að vera ákærð fyrir morð að mínu mati,  þannig er það bara.

Útvarpsfólkið í leyfi frá störfum

Athugasemdir

[Pétur (IP-tala skráð) 7.12.2012 kl. 21:38]

Sammála. Það ætti að reka þau og síðan dæma til að greiða háar skaðabætur til fjölskyldu Jacintu. Ég er búinn að fá upp í kok af samvizkulausu fjölmiðlafólki sem skemmtir sér á kostnað annarra.

[Steini (IP-tala skráð) 7.12.2012 kl. 21:43]

Það er svona þegar tungurnar eru iðnari við að skrölta í skoltunum en höfuðið að hugsa. Þá fáum við svona blogg. Þannig er það bara.

[Edda Björk Ármannsdóttir (IP-tala skráð) 7.12.2012 kl. 21:54]

Sammála þér Ásthildur. Hvenær ætlar fólk að átta sig á því að grín og stríðni yfir ákveðnum mörkum á að vera flokkað sem glæpur. Þetta er ekkert annað en morð af gáleysi. Menn fara í fangelsi fyrir að skjóta og keyra niður fólk jafnvel þótt það hafi verið "óvart". Þetta var svo forkastanleg vangá að það er ekki óvart lengur. 

 -  Afhverju eru það bara brot á kynfærum og peningum sem teljast glæpir?  Gott og vel allur líkamin er frekar helgur en ég vona svo sannarlega að fólk vakni bráðum og fari að krefjast þess að dómstólar skilji að árásir á sálarlíf fólks eru dauðans alvara.  Boycott Australia!

[Ingibjörg Axelma Axelsdóttir, 8.12.2012 kl. 00:23]

Ég er nú ekki alveg sammála því að það eiga sækja þessa einstaklinga til saka. Ég tel það fullvíst að þessi aumingja kona hafi átt eitthvað bágt áður en þetta gerðist.

Hinsvegar er ég sammála því að þetta grín var algjör óþarfi, og gekk fulllangt, en var samt af þeim toganum að það hefði auðveldlega verið hægt að sjá í gegnum það.

Þetta er mjög leiðinlegt mál sem HUGSANLEGA kostaði manneskju lífið, hvort þetta var það sem fékk hana út í sjálfsmorðshugleiðingar eða hvort þetta var eitthvað sem ýtti henni örfáa sentimetra sem voru eftir.

Ég er ekki að réttlæta þetta grín, alls ekki. En ef við sækjum þau til saka, hvar stoppar það? Eigum við að sækja fólk til saka sem stóð í rifrildi við tiltekna manneskju sem svo svipti sig lífið í kjölfarið? Eigum við að sækja dónalegu viðskiptavinina sem skipta við búðina á horninu, ef að afgreiðslustúlkan sviptir sig lífi eftir vinnudag?

Þetta fólk er mjög líklega búið að missa vinnuna, og þarf að lifa með þessari vitneskju alla sína ævi. Það er alveg nógu mikil refsing.

[Ingibjörg Axelma Axelsdóttir, 8.12.2012 kl. 01:00]

Edda, en hvar eigum við að draga línuna nákvæmnlega?

Hver á að vera dómarinn um það hvenær grín gengur of langt? Hver dæmir um það að þetta sé ekki grín lengur, heldur glæpur?

Finnst líka svolítið djúpt í árina tekið að ætla að boycotta Ástralíu fyrir þetta.

[Hrönn Sigurðardóttir, 8.12.2012 kl. 07:09]

Ég er sammála Ingibjörgu Axelmu - það hlýtur eitthvað að hafa verið að hjá konuskinninu fyrir. Það kemur fram í fréttinni að hún var ekki áminnt fyrir atvikið né var henni vikið úr starfi og einhversstaðar las ég að íbúar Konungshallarinnar hefðu litið á þetta sem léttvægt grín.

Þetta er samt sem áður afskaplega sorglegt fyrir alla sem hlut eiga að máli. Það hvarflar ekki að mér að draga úr því.

[Jón Bjarni Steinsson (IP-tala skráð) 8.12.2012 kl. 09:21]

ÞAð hlýtur að liggja í augum uppi að fólk hlýtur að vera viðkvæmt fyrir þegar það tekur líf sitt eftir svona... í 999 af 1000 skiptum gerist það ekki.. Eins og komið hefur fram var hún ekki ávítt í starfi og konungsfjölskyldan sjálf tók þetta ekki alvarlega (skárra væri það nú)

Hvernig svona blogg verður til í kjölfar svona skil ég ekki, hvaða hagnaði ætli höfundur haldi að það skili að sækja fólk til saka fyrir morð vegna þessa? Bíður það kannski upp á það að fólk í andlegu ójafnvægi ákveði það að taka eigið líf haldandi það að einhver sem gerði eitthvað eða það taldi hafa gert eitthvað á sinn hlut fái í kjölfarið að sitja í fangelsi vegna morðs á þeim?

Það er oft betra að hugsa fyrst og skrifa svo.. það á vel við hér

[Ásthildur Cesil Þórðardóttir, 8.12.2012 kl. 11:32]

Ef ég þarf ráðleggingar um hvernig ég vil skrifa, skal ég hafa samband Jón Bjarni, annars skaltu bara halda þig annarsstaðar.

Hér eruð þið að segja að stúlkan hafi verið eitthvað veik fyrir.  Það getur svo sem vel verið, en það kom fram í frétt að hún var vel liðin í starfi og fyrirmyndar starfskraftur.  Þannig að hún hefur alveg getað plumað sig í lífinu. 

Það er bara þannig að þessi hrekkur varð til þess að hún tók sitt eigið líf.  Í fyrra blogginu var ég að tala um annann hrekk hann var í lyftu.  Þá beindist hugur minn að því hvað ef?  Hvað ef fólk sem beitt er þannig hrekk er hjartveikt, eða með lyftufóbíu?  Þegar ég svo las þessa frétt og tala nú ekki um samtalið milli fréttamannanna hvernig þeir hlóu og skemmtu sér yfir trikkinu, varð ég reið.  Og ég stend við það sem ég segi.  Hvar á að setja mörkin spyrð þú Ingibjörg mín?

Það er nú málið, þegar eitthvað svona gerist, á að rannsaka það sem sakamál.  Enda var parið að afla sér upplýsinga um prinsessuna á ólöglegan hátt, með því að ljúga til um hver þau voru.  Síðan setja þau þetta í loftið.  Það hefur væntanlega ekki hvarflað að þeim að sú sem fyrir þessu varð gæti átt erfitt með að vera plötuð svona.  Það skipti nefnilega engu máli, hvað gerðist með hana.

Jæja þau hlæja væntanlega ekki lengur.  Og vonandi verður þetta tilefni til að þessi tíska sem virðist vera að ryðja sér til rúms, falli í grýttan jarðveg.  En þau eiga sök á mannsláti, og þá skiptir hreinlega engu máli hversu sterk hún hefur verið andlega.  Sumt fólk er líka sérlega viðkvæmt fyrir sjálfu sér og á erfitt með að verða fyrir svona.  Sumum svo að það getur verið óbærilegt, og það var það í þessu tilfelli. 

[Jón Bjarni Steinsson (IP-tala skráð) 8.12.2012 kl. 11:42]

Það breytir því ekki Ásthildur, að það að fara lögsækja fólk fyrir morð vegna svona hluta bíður, eins ég benti á.. upp á það að andlega vanheilt fólk sjái í því tækifæri (jafnvel án raunverulegrar ástæðu) til þess að taka eigið líf ef það heldur að með því geti það "hefnt" sín á þeim sem hafa gert þeim eitthvað..

Þetta er einfaldlega afar slæm hugmynd hjá þér Ásthildur

[Jón Bjarni Steinsson (IP-tala skráð) 8.12.2012 kl. 11:44]

Fyrir utan það að forsenda þess að kæra fólk fyrir morð er ásetningur eða vítavert gáleysi... slíkt er ekki fyrir hendi hér.. það getur enginn reiknað með því að símahrekkur verði til þess að fólk fremji sjálfsmorð

[Ingibjörg Axelma Axelsdóttir, 8.12.2012 kl. 11:55]

Þau eru svo sannarlega sek um það að villa á sér heimildir á þeim forsendum að fá persónulegar upplýsingar um aðra manneskju. Það þrætir enginn fyrir það.

En þau eru ekki sek um morð.

Ef við ætlum í alvörunni að fara að opna fyrir það að fólk verði sekt um morð að einstaklingar svipti sig lífið í kjölfar samskipta við það, þá verði það ósköp dauf lína sem farið verður eftir sem ylli því að dómar færu bara eftir geðþótta þeirra sem dæmdu.

Af að barn reynir að bregða afa sínum, sem í kjölfarið fær hjartaáfall og deyr: á að sækja barnið til saka?

Ef að hjón rífast annaðhvort þeirra (sem er andlega vanheilt), ætli svo sannarlega að kenna maka sínum lexíu og fer og hengir sig, á að sækja hinn makann til saka?

Ef að sjúklingur tekur viljandi of stórann skammt af lyfjum sínum, sem það verður að taka samkvæmt læknisráði, á þá að sækja lækninn sem skrifaði upp á lyfin til saka?

Ef að einstaklingur kemur með byssuleyfi í byssuverslun og fær byssu frá búðareiganda og skýtur sig svo með henni, á að sækja byssusalann til saka?

Ef að einstaklingur segi kærasta/kærustu sinni upp, og hann/hún sviptir sig lífið í kjölfarið, á að sækja einstaklinginn til saka?

Það er ekki hægt að draga nein mörk í þessu. Tilfinningar fólks eru svo mismunandi, að ef við ætluðum að fara svo varlega að við myndum engan særa þá myndum við læsa okkur inni í húsi og aftengja símann og internetið.

Ég tel nokkuð víst að þetta mál, og sú umfjöllun sem það hefur hlotið, eigi eftir að vekja fólk til umhugsunar.

[Ásthildur Cesil Þórðardóttir, 8.12.2012 kl. 12:13]

Morð af gáleysi eru til, og það hefur verið dæmt í slíkum málum.  Þ.e. þegar einstaklingar ætla ekki að bana, heldur gerist það óvænt. Ég sé ekki að þetta mál snúi neitt öðruvísi en svo.

Þú er svolítið að bera saman epli og appelsínur Ingibjörg mín.  Ég sé til dæmis stóran mun á því hvort barn bregður afa sínum, eða einhver segir kærustunni upp, eða að fólk í vinnunni, ákveður að hafa rangt við, og það verður til þess að manneskja týnir lífi. 

Jón Bjarni, þér finnst hugmynd mín slæm, þér er frjálst að hafa þá skoðun, en ég álít öðru vísi, og finnst það fyllilega þess virði að ræða þessi mál, sérstaklega til að vekja athygli á svona hrekkjum og skaðanum sem þeir geta valdið.   

[Ingibjörg Axelma Axelsdóttir, 8.12.2012 kl. 12:21]

Hvernig getur símaat verið túlkað sem morð af gáleysi?

Eigum við þá að kæra alla krakkana sem stunda símaat? Þeir eru nú ófáir.

Staðreyndin er bara sú Ásthildur að fólk sviptir sig ekki lífi ef það er í jafnvægi. Það er ekkert sem bendir til þess að umhverfi hennar hafi breyst svo til muna eftir þetta símtal að hún hafi farið í einhvern sjúklegan þunglyndisspíral. Það er ekki hægt að kæra fólk fyrir andlega vanheilir einstaklingar svipti sig lífi.

Auk þess var hún ekki beinlínis "hrekkt". Enda er þetta ekki sá hjúkrunarfræðingur og gaf upp persónulegar upplýsingar hertogaynjunnar.

[Thordur Sigfridsson (IP-tala skráð) 8.12.2012 kl. 12:40]

Ingibjörg, það er nú gott að þér þyki þetta allt í lagi þar sem að fórnarlambið hafi örugglega verið andlega vanheil.

Það að hún hafi verið blekkt til að láta af hendi trúnaðarupplýsingar sem að hún hefur lagt eið við að láta ekki af hendi finnst þér greinilega allt í lagi líka, ég býst þá við að sá læknir eða hjúkrunarkona sem að mundi gefa blaðamanni upplýsingar um sjúkrasögu þína eða þinna nánustu ætti að fá klapp á bakið frá þér ekki satt (svo að það væri nú alveg öruggt að viðkomandi liði ekki illaeftir að hafa verið plataður.

Það er kannski of djúpt í árina tekið að ásaka þau um morð, en alveg lágmark finnst mér að þau sé rekin með skít og skömm og fái ekki að koma nálægt útvarpi aftur.

Hvernig þú færð það út að hún hafi ekki verið hrekkt skil ég aftur á móti enganvegin.

[Ingibjörg Axelma Axelsdóttir, 8.12.2012 kl. 12:48]

Thordur:

1. Andlega heilt fólk fremur ekki sjálfsmorð. Það segir sig sjálft.

2. Hún lét ekki af hendi neinar persónulegar upplýsingar. Það var annar hjúkrunarfræðingur.

3. Ég fæ það út að hún hafi ekki verið hrekkt vegna þess að hún var að svara í síma þar sem ritari var ekki til staðar, og gaf í kjölfarið samband við annan hjúkrunarfræðing.

[Ásthildur Cesil Þórðardóttir, 8.12.2012 kl. 13:03]

Ingibjörg þetta er hreinlega ekki rétt fullyring hjá þér.  Fullfrískt fólk getur í augnabliks ástandi framið sjálfsmorð.  Það er líka skrýtið að segja að hún hafi ekki sýnt neinn þunglyndisspíral, vegna þess að þetta gerist um svipað leyti, útvörpunin og hrekkurinn. 

Og hvað sem það var sem fékk hana til þess að gera það sem hún gerði, þá var sú augnabliks ákvörðun tekinn vegna þessa máls.  Og hvort sem um trúnaðarupplýsingar var að ræða eða ekki, þá er greinilegt að hún hefur litið svo á að hún væri að bregðast skyldum sínum. 

[jóhanna (IP-tala skráð) 8.12.2012 kl. 13:04]

Hjartanlega er ég sammála þér Ásthildur.

Það er mikill vandi að vinna við fjölmilðum við fréttamennsku o.þ.u.l.

Fólk við þessi störf í dag framkvæma hluti og segja næstum hvað sem er til að öðlast hlustun og/eða áhorfun

hjá neytendum. Innihaldið skiftir ekki meginmáli, Þetta fjölmiðlafólk hikar ekki við að leggja atvinnu fólks í rúst.(hjúkrunarkonan braut þagnarskyldu.) Bara það, hefur farið illa í hana. Svo er enginn til frásagnar hvernig sjúkrahússtjórn hefði brugðist við því sem gerðist. Þótt eftir hennar andlát segi þeir engir eftirmálar hafi orðið. "Það er jú krúnuerfingi á leiðinni í heiminn". Svo enginn þarf að fara í grafgötur um það að eftirmáli hefði orðið ef hjúkrunarfræðingurinn hefði ekki tekið sitt líf. Ég spyr bara: "Hvenær drepur maður mann?" Kveðja.

[Ingibjörg Axelma Axelsdóttir, 8.12.2012 kl. 13:23]

http://en.wikipedia.org/wiki/Suicide

Andlega heil manneskja hefði ekki dottið ofan í þunglyndisspíral, það er einmitt málið Ásthildur. Andlega heilt fólk hefur yfirleitt verkfærin til að díla við svona lagað.

Helstu vísbendingar þess að hún hafi ekki verið andlega heil, er einmitt hversu hratt hugsanir hennar fóru að snúast um sjálfsvíg. Andlega heilli manneskju hefði aldrei komið það til hugar.

Hún brást engum skyldum. Yfirmenn hennar voru búnir að gera henni það ljóst. Eina sem hún gerðist sek um var símtalsflutningur. Andlega heil manneskja hefði séð það.

Það var ekki búið að reka hana, skamma hana, ávíta eða veita áminningu, og það kvartaði enginn. Heldur er það fullyrt að hjúkrunarkonurnar tvær hafi fengið fullan stuðning frá kongungsfjölskyldunni, forsvarsmönnum þeirra, samstarfsfólki og yfirmönnum.

Jóhanna: Hún brást engri þagnarskyldu. Þetta er ekki sama konan og gaf útvarpsmönnunum upplýsingar í símann. Hún svaraði í símann og flutti símtalið yfir á annan.

[Ásthildur Cesil Þórðardóttir, 8.12.2012 kl. 13:54]

Þetta er ein skilgreining, ég hef lesið aðra, þó svo ég geti ekki fundið hana hér og nú, en það er þannig að fólk, fullheilbrigt fólk getur snappað skyndilega undir Það er enginn að tala um fangelsun eða skaðabótamál, heldur að þau verði látin sjá að svona hrekkir eru ekki það sem koma skal, og að þeir geta haft alvarlega hluti í för með sér.  Svo voru þau auk þess að veiða upp fréttir af manneskju sem ekki vildi fara í fjölmiðla.  Þetta var því ekki saklaus hrekkur, eins og sumir vilja vera láta.  Heldur meðvituð fölsun til að fá fréttir, sem þau hefðu annars ekki fengið. 

[Ásthildur Cesil Þórðardóttir, 8.12.2012 kl. 13:55]

Takk Jóhanna, já það er nú einmitt spurningin hér, hvenær drepur maður mann.    Það virðast ekki allir vera sammála um það.  Þó liggur ein kona í valnum.

[Ingibjörg Axelma Axelsdóttir, 8.12.2012 kl. 13:57]

Eins og ég sagði, þá þrætir enginn fyrir (og þá sérstaklega ekki ég) að þau villtu svo sannarlega á sér heimildir á forsendum upplýsingaöflunnar. Ég sé ekkert að því að þau fái viðeigandi refsingu fyrir það.

En ég békenni ekki að það eigi að refsa þeim fyrir morð.

[Ásthildur Cesil Þórðardóttir, 8.12.2012 kl. 15:11]

Nei Ingibjörg þú hefur komið því á framfæri.  Ég segi aftur á móti að það sem gerðist var hættulegur leikur, og morð í ógáti getur það kallast.   Það sem gerðist var afskaplega alvarlegt og sorglegt og óafturkræft.  Þá er ég að hugsa til ættingja konunnar og hvort hún hafi átt börn og jafnvel aldraða foreldra.   Það hefur enginn leyfi til að leika sér svona á línunni. 

[Ásthildur Cesil Þórðardóttir, 8.12.2012 kl. 16:06]

Nú hefur komið í ljós að konan á tvö börn, sem gerir málið ennþá sorglegra. 

[jóhanna (IP-tala skráð) 8.12.2012 kl. 17:01]

I.A. Axelsd. kl.13:57

Eins og ég heyrði samtalið, þá fór hún ekki eftir settum reglum.

Ertu virkilega svo trúgjörn að halda hún hefði haft starfið áfram á Þessu sjúkrahúsi (Royal hospital) Þú hlýtur að geta skilið það, að mikið er sagt þegar reyna á að komast hjá "hneyksli." Ég finn til með börnum hennar og fjölskyldu. Jú þetta er sko "morð" reyndar í ógáti, og ekki er sannanlegt hvort sem konan hefur verið andlega heil eða ekki. Margur hefur nú brotnað andlega undir minna álagi en þessu. Verða að athlægi fyrir 60 milljón manna þjóð.

sem skiftir engu máli í þessu sambandi. Svona vinnubrögð eiga ekki að líðast hjá fjölmiðlum. Þeir svífast einskis í fjölmiðlafárinu í dag. Fólk sem gerir svona hluti hvort sem það í vinnu eða ekki, á að vera dæmt fyri svona brot. Nota bene, Stuðning frá kóngafólki, yfirmönnum og starfsliði fékk hún eftir dauðann..... Kveðja.

[Ingibjörg Axelma Axelsdóttir, 8.12.2012 kl. 18:08]

Já, ég trúi því heilshugar. Vegna þess að hún braut engar reglur.

Hversu mörg símtöl heldur þú að spítalinn fái frá ættingjum sem eru að spyrjast fyrir um fjölskyldumeðlimi sína?

Það eru nú bara þrjár vikur síðan ég þurfti að hringja inná heilbrigðisstofnun Ísafjarðar til þess að spyrjast fyrir um fjölskyldumeðlim. Þá svaraði akkúrat hjúkka í símann, ég sagðist vilja fá fréttir varðandi vissan aðila og hún gaf mér strax samband við hjúkrunarfræðinginn sem sá um viðkomandi fjölskyldumeðlim.

Ég hefði geta talað með eins fáránlegri rödd og ég gæti gert mér upp og ég hefði samt fengið samband.

Svo hún braut engar reglur. Hún var að sinna starfi ritara þessa nótt, og gaf samband til viðkomandi hjúkrunarfræðings líkt og vaninn er. Þetta eru stöðluð vinnubrögð og braut hún því ekki af sér, og líka löngu komin tilkynning um það.

Það þrætir enginn fyrir það að þetta sé afskaplega sorglegt fyrir fjölskyldu hennar, ég er ekki svo köld að fara að halda öðru fram.

Hinsvegar er það ansi fáránlegt að ætla að þessir útvarpsmenn hafi gerst sekir um morð af gáleysi.

http://www.bbc.co.uk/news/uk-20645838

Hérna er upprunalega fréttin.

Konan sem tók eigið líf er ekki sú sama og gaf upp persónu upplýsingar. Og því braut hún engar reglur.

[Ásthildur Cesil Þórðardóttir, 8.12.2012 kl. 19:06]

Eins og Jóhanna bendir á, þá tóku bæði sjúkrahúsið og konungsfjölskyldan þá ákvörðun að gera ekki neitt í málinu eftir að konan var látin.  Og eins og hún segir er þetta viðkvæmt mál, eðlinu samkvæmt og allt gert til að láta ekki moldina rjúka í logninu.  Það segir samt ekkert um það sem gæti hafa gerst ef konan hefði ekki tekið þá hrikalegu ákvörðun sem hún tók. 

Mér kæmi ekki á óvart ef þessi skötuhjú yrðu ákærð fyrir manndráp af gáleysi eftir allt írafárið sem hefur fylgt á eftir.  Það sýnist benda allt í þá átt. 

[DoctorE (IP-tala skráð) 8.12.2012 kl. 21:00]

Það er hrein fásinna að ákæra þau fyrir morð, ef það væri gert þá endum við öll í steininum Ásthildur. Það gæti einhver tekið bloggið þitt inn á sig þegar þú talar um aðra heima og einhverjar andaverur, sjálfsmorð af hræðslu og þú ákærð fyrir morð/manndráp af gáleysi. Nice
Það gat ekki nokkur maður séð það fyrir að þessi kona myndi fremja sjálfsmorð vegna þessa.

[Ingibjörg Axelma Axelsdóttir, 8.12.2012 kl. 21:16]

Nákvæmnlega DoctorE.

Konan gerði ekkert rangt af sér. Hún gaf ekki upp neinar upplýsingar, heldur bara beindi símtalinu annað.

Ef hún framdi sjálfsmorð vegna þess að hún var undir þeim áhrifum að hún væri í einhversskonar vandræðum þá er það ekki þessu fólki að kenna.

Þeirra glæpur var einstaklega slappur brandari, og að villa á sér heimildir.

[jóhanna (IP-tala skráð) 8.12.2012 kl. 22:25]

Auðvitað verða þessir starfsmenn ákærðir. Ef ekki fyrir morð, þá fyrir vítavert gáleysi í starfi. Vonandi koma þau aldrei nálægt fjölmiðlum framar. Framvinda mála í dag í Bretlandi bendir í þá átt að eitthvað verður gert í þessum málum, til að koma í veg fyrir endurtekningu á svona atburðum. Svei-attan... Kveðja.

[DoctorE (IP-tala skráð) 8.12.2012 kl. 22:47]

Það er hugsanlegt að þeir verið ákærðir fyrir ósæmilega hegðun eða eitthvað slíkt, fólk á jú að fá að vera í friði á sjúkrahúsum

[Axel Jóhann Hallgrímsson, 9.12.2012 kl. 01:26]

Aðalatriðið er að þeir sem stunda svona grátt gaman dragi lærdóm af þessari sorgarsögu allri.

[Ásthildur Cesil Þórðardóttir, 9.12.2012 kl. 09:29]

Það er auðvitað aðalatriðið að þeir og allir aðrir dragi lærdóm af þessu sorglega máli.

[Jón Bjarni Steinsson (IP-tala skráð) 9.12.2012 kl. 11:18]

Ég er að spá... ef annað þessa útvarpsfólks fremur sjálfsmorð í kjölfar allrar þeirra neikvæðu umræðu sem það hefur orðið fyrir (t.d. eins og þetta blogg)

Hver ætti að svara til saka fyrir það Ásthildur...? Alla þá sem eru sama sinnis og þú?

[Jón Bjarni Steinsson (IP-tala skráð) 9.12.2012 kl. 11:19]

"allir þeir" átti þetta að vera þarna í síðustu setningunni

[Ásthildur Cesil Þórðardóttir, 9.12.2012 kl. 12:53]

Það er nú dálítið erfitt að snúa þessu dæmi svona við.  Í tilfellinu á undan er verið að ræða um gerðir tveggja einstaklinga.  Ef aftur á móti það gerðist að annað hvort þessara einstaklinga tæki sitt eigið líf í kjölfar umræðnanna, þá er það nokkuð ljós að það verður ekki vegna bloggfærslu kerlingar uppi á Íslandi, heldur vegna þess að það eru að koma fordæmingar allstaðar frá, eftir þennan hræðilega atburð, m.a. sjúkrahúsið sem um var rætt. 

Veit annars ekki alveg hvað þú átt við með þessu, ef þú ert að reyna að koma inn hjá mér sektarkennd vegna skrifa minna, þá er það borin von.  Ég hef mína skoðun á þessum einstaklingum og skammast mín hreint ekkert fyrir þá skoðun.  Þannig  er það bara. 

[Pétur (IP-tala skráð) 9.12.2012 kl. 13:14]

Það er algjörlega út í hött að staðhæfa að Jacintha hafi verið vanheil. Þið vitið ekkert um það og eruð með sleggjudóma í hennar garð. Hins vegar var hún ættuð frá Indlandi, þar sem aðrar reglur gilda um, hvað sé álitið svik við skyldustörf og ærumissir. Augsýnilega hefur þetta atvik verið svona þungbært fyrir konuna vegna indverskra hefða.

Hins vegar er ekki hægt að ákæra Mel og Michael fyrir morð, þar eð það var ekki framið manndráp af ásetningi, frekar af gáleysi eins og Ásthildur bendir á. En það er hægt að reka þau varanlega og ráða þau ekki aftur á sjónvarpsstöð. Hægt er að dæma þau til að greiða skaðabætur ef King Edward's Hospital og fjölskylda Jacinthu fara í mál.  Eins og ég hef fyrr skrifað, þá er ég búinn að fá upp í kok afsamvizkulausu fjölmiðlafólki sem skemmtir sér á kostnað annarra án nokkurrar hugsunar um afleiðingarnar. Þáttastjórnenndur og ritstjórar hafa talsvert vald í þjóðfélaginu og það er óásættanlegt að þetta vald sé misnotað, þótt það sé iðulega gert, bæði hérlendis og erlendis.

[Ásthildur Cesil Þórðardóttir, 9.12.2012 kl. 14:59]

Ég var einmitt að hugsa það sama, þegar ég sá myndina af henni.  Það upplýsir ýmislegt að mínu mati, eins og þú bendir á Pétur, að hún hafi brotna verr vegna hverra manna hún er og hvernig reglur tilda í því þjóðfélagi sem hún er sprottin úr.

[Ingibjörg Axelma Axelsdóttir, 9.12.2012 kl. 15:31]

Ef það má ekki ganga út frá því að hún hafi framið sjálfsmorð vegna þess að hún hafi átt við einhver andleg vandamál að stríða, eins og margur annar, má þá gera ráð fyrir því að hún hafi framið sjálfsmorð vegna þess að hún var indversk?

Má þá ekki allt eins benda á að hún var kaþólikki og að það hefur aldrei verið staðfest hvort hún dó af slysförum eða féll fyrir eigin hendi?

[Pétur (IP-tala skráð) 9.12.2012 kl. 16:15]

Það er rétt, Ingibjörg, að það er ekki búið að staðfesta sjálfsmorð, en Scotland Yard hefur líka útilokað að hún hafi verið drepin, svo að sjálfsmorð vegna áfalls vegna hrekksins er líklegast. Hins vegar veit ég ekki hvers vegna þú skrifar að hún hafi verið kaþólikki, það kemur hvergi fram í fréttum. Ef hún hefur tekið kaþólska trú vegna þess að hún giftist Benedict Bardoza, veit ég ekki, en það þýðir ekki að hún hafi gefið indverskar hefðir upp á bátinn.

Jacintha Saldanha

Líka er út í hött að ætla, að enginn fremji sjálfsmorð nema hann/hún sé andlega veikur, með ólæknandi sjúkdóm eða eitthvað tilsvarandi, bara af því að sjálfsvíg eru ekki framin á Íslandi nema þannig sé háttað. Það er íslenzkur aulaháttur að heimfæra alla heimsbyggðina upp á þetta sker hér. Það er vitað mál, að í mörgum ríkjum í Asíu og víðar, eru sjálfsvíg vegna álitshnekkis tíð, sbr. Japan.

[Ingibjörg Axelma Axelsdóttir, 9.12.2012 kl. 17:39]

Samkvæmt fréttum erlendis er hún kaþólsk, kemur fram að hún sækir kirkju reglulega.

Helstu ástæður fyrir sjálfsmorðum í Asíu telja m.a. þunglyndi, erfiðleikar í kjölfar atvinnumissis, félagslegur þrýstingur, heimilisofbeldi, kynbundin kúgun, fíkniefnaneysla og geðsjúkdómar sem eru annaðhvort arfgengir eða áunnir fyrir ástæður taldar upp hér á undan.

Allt eru þetta þættir sem stuðla að eða hreinlega valda andlegum skaða.

Það er íslenskur aulaháttur að sjálfsmorðstíðni og ástæður fyrir sjálfsmorði séu eitthvað öðruvísi hérna en annarsstaðar.

Og hvað varðar indverskan uppruna hennar á hann varla við, þar sem hún er fædd inn í og uppalin í Konkani. En það er fjölmenningarsamfélag innan Indlands, sem verður fyrir miklum áhrifum frá kristni, íslam og hindúisma til blands. Svo ekki hefðbundinn indverskur uppruni.

Scotland Yard hefur útilokað morð já, en ekki slysfarir. Hún fannst meðvitundarlaus nálægt vinnustað sínum, gæti hafa fengið hjartastopp t.d.

[Jens Guð, 9.12.2012 kl. 22:00]

  Ég tek ekki afgerandi afstöðu til þessa atburðar.  Hinsvegar er lotning í Bretlandi fyrir kóngafólkinu mér framandi.  Kóngafólkið er dýrkað eins og hálfguðir.  Fyrir nokkrum árum, reyndar kannski 20 eða 30, var gerð skoðanakönnun í Bretlandi um æðstu ósk þarlendra.  Forsendan var sú að óskin væri raunhæf (ekki skemmtiferð til Mars,  ódauðleiki eða slíkt).  Sú ósk sem varð efst á blaði var að lenda í garðveislu með drottningunni.

  Í vor skrapp ég til Skotlands.  Þar var í fjölmiðlum hávær umræða um hugsanlegt sjálfstæði Skotlands.  Áberandi var í umræðunni að aðskilnaðarsinnar tóku fram að þeir vildu samt hafa drottninguna áfram sem þjóðhöfðingja.  Þeim rökum fylgdi iðulega lofsöngur um dáleiti viðkomandi á drottningunni. 

[Pétur (IP-tala skráð) 9.12.2012 kl. 22:02]

Nú er komið fram, að Mel Greig sé kannski að fá taugaáfall yfir gagnrýninni á sig, enda þótt hún hafi ekki verið rekin og þótt þátturinn hafi bara tímabundið verið tekinn af dagskrá. Að vísu braut útvarpsstöðin áströlsk fjarskiptalög með þessu uppátæki (og hefur gert það áður), en óvíst er hvort stöðin fái sekt. Ég vona bara að Mel Greig og Michael Christian taki afleiðingum gjörða sinna, eða amk. þjáist af sektarkennd það sem þau eiga eftir ólifað.

Annars hefur álíka gerzt hér á Íslandi, þegar upplognar ásakanir gegn saklausum manni í sorpsneplinum DV hafði þær afleiðingar, af því að birt voru persónuauðkenni, að maðurinn svipti sig lífi. Þeir sem upphaflega höfðu ásakað hann voru hæstánægðir því að þeir græddu á því og blaðasnápurinn M.T. sem bar ábyrgð á birtingunni, náði sér víst furðu fljótt. Svona lifir íslenzka sorppressan á lygum og rógburði, ekki síður en sú brezka eða ástralska.

[Ingibjörg Axelma Axelsdóttir, 9.12.2012 kl. 22:08]

Þú gagnrýnir fjölmiðla en tekur á sama tíma þátt í sirkusnum sem hefur verið í kringum þetta mál?

Ég ætla þá að gera fastlega ráð fyrir því að þú eigir eftir að verða sérstaklega aumur á samviskunni ef það kemur svo í ljós að hún hafi alls ekki svipt sig lífi.

[Pétur (IP-tala skráð) 9.12.2012 kl. 22:20]

"Þú gagnrýnir fjölmiðla en tekur á sama tíma þátt í sirkusnum sem hefur verið í kringum þetta mál"

Ég veit ekki hvað þú átt við. Í öllu sem ég hef skrifað á þessari síðu hef ég verið sjálfum mér samkvæmur.

"Ég ætla þá að gera fastlega ráð fyrir því að þú eigir eftir að verða sérstaklega aumur á samviskunni ef það kemur svo í ljós að hún hafi alls ekki svipt sig lífi."

Nei. Samvizka mín er hrein.

[Ingibjörg Axelma Axelsdóttir, 9.12.2012 kl. 22:28]

Þú talaðir fyrst um andlegt ástand Mel Greig vegna gagnrýni varðandi þetta, og vonar að hún þjáist af sektarkennd yfir einhverju sem hugsanlega er ekki að kenna.

Svo víkur þú að því að fjölmiðlar hérna heima og úti hafi gert sér mat úr upplognum ásökunum sem varð þess valdandi að manneskja svipti sig lífi.

Ef Mel Greig fremur sjálfsmorð, ætlar þú að vera ánægður?

Og ef það kemur svo í ljós að Jacintha heitin hafi fengið hjartastopp og dáið, ætlar þú þá að skammast þín fyrir að hafa tekið þátt í fjölmiðlasirkusnum, eða ætlar þú að "ná þér furðu fljótt"?

Og ef sú verður raunin, hvern á þá að sækja til saka fyrir sjálfsmorð Mel Greig?

Því ef Jacintha stytti sér ekki aldur, þá eru útvarpsmennirnir ekki sekir um það sem þau hafa verið sökuð um hér og annarsstaðar, annað en að villa á sér heimildir.

[Pétur (IP-tala skráð) 9.12.2012 kl. 23:32]

Heyrðu Ingibjörg, ég hef hvergi sagzt vona að Mel Greig stytti sér aldur, og það er mjög ólíklegt að hún geri það. Reynslan sýnir að starfsmenn svona æsifregnafjölmiðla (hvort sem um 2Day FM, News of the World/Sun/Daily Mail eða þá DV sé að ræða) hafa mjög þykka skel gagnvart óförum fórnarlamba sinna. Ég tel ekki að Mel hafi neina sektarkennd yfir dauða Jacinthu, heldur hafi frekar bugazt undir gagnrýninni sem hún og Michael hafa fengið.

Þegar ég skrifaði, að ég vonaði að hún tæki afleiðingum gjörða sinna, þá var ég frekar að hugsa um að hún gerði yfirbót. En það er víst til of mikils mælzt. En það er tilgangslaust fyrir mig að skrifa meira á þessum þræði um þetta mál eða svara fleirum af þínum getgátum, fyrr en niðurstaða krufningarinnar sé ljós. Pues hasta luego.

[Ingibjörg Axelma Axelsdóttir, 10.12.2012 kl. 00:00]

Ég ætlaði alls ekki að gefa í skyn að þú hafir sagt það, og þykir fyrir því ef það kom þannig út.

Þessi spurning átti aðeins að vera í samhengi við það sem þú skrifaðir í heild.

Persónulega þori ég ekki að segja hvort Mel hafi einhverja sektarkennd yfir þessum atburði, en ef ég væri í sömu sporum, myndi ég svo sannarlega hafa hana.

[Ingibjörg Axelma Axelsdóttir, 10.12.2012 kl. 00:01]

Að því sögðu er spurningin samt gild. Svo við bíðum bara þar til dánarorsök verða ljós.

[Axel Jóhann Hallgrímsson, 10.12.2012 kl. 09:29]

Svona umræða getur hæglega þróast í risastóran Lúkas og hefur þegar náð þeirri lægð erlendis þar sem útvarpsfólkinu hafa borist hótanir. Það er undarlegt að fólk, sem það gerir, skuli ekki átta sig á því að með því er það sjálft komið á enn lægra plan en útvarpsfólkið.

[Ásthildur Cesil Þórðardóttir, 10.12.2012 kl. 21:33]

Það sem ég skil ekki er af hverju fólk er að verja þennan gjörning útvarpsfólksins. Að mínu mati stóðu þau sig afar illa, og urðu til þess afar sennilega að manneskja tók sitt eigið líf.

Það er faktum sem ekki verður deilt um. Það er gott að heyra að þau sem ollu þessu taka á sig sök með því að skammast sín, og svo í framhaldinu verða þau reynslunni ríkari um hvað er hægt að ganga langt í óþverrafíflalátum. Batnandi mönnum er jú best að lifa.

Ég skil ekki alveg á hvaða forsendum þú Ingibjörg mín, velur að verja þetta fólk frá a til ö. Þau eiga það ekki skilið. Ekki allavega að mínu mati, þeirra atferli er algjörlega óafsakanlegt, bara til að ná í frétt, rústuðu þau heilli fjölskyldu.

Það er svo annað mál með málið sem Pétur nefnir af því að ég þekkti vel til, og vissi að sá maður var enganveginn saklaus. Hann hafði lagt líf margra í rúst, og til dæmis voru tveir ungir menn sem reyndu að svifta sig lífi í kjölfar umfjöllunarinnar.

Ég þekkti þennan mann, og hann var um margt flottur og ofarlega í samfélaginu. Einmitt þess vegna þoldi hann ekki umfjöllunina og vildi frekar taka sitt eigið líf, en að taka afleiðingunum. Og reyndar kom í ljós að hann hafði svift sig lífið áður en DV kom út. Hann vissi af umfjölluninni. Og í þessu tilviki sem öðru þarf auðvitað eins og sagt er aðgát skal höfð í nærveru sálar.

Þetta var synd vegna fjölskyldu hans. En forsvarsmenn Dv voru hengdir fyrir það eitt að segja sannleikann, að vísu erfiðan og með háskalegum afleiðingum. Og í því tilfelli má segja að þar sé samanburðurinn, en það nær ekki lengra.

Að mínu mati er ekki hægt að bera þessi tvö tilvik saman, þar sem það er einfaldlega ekki sambærileg mál. Hann vissi að hann var sekur um það sem kom fram, hún aftur á móti var einungis að reyna að hjálpa þeim sem hún hélt að væri fjölskyldan.

Það er erfitt að tala um þetta gamla mál, því ég veit að með því að segja þetta er ég að ýfa upp sár sem ekki hafa gróið.

En samt sem áður þarf stundum að segja sannleikann, þó hann sé sár.

Auðvitað er það sorglegt að fréttakonan sé að brotna undan gjörðum sínum, en það er eingöngu um að kenna hennar eigin barnaskap, eða fíkn í að skúbba fréttum, með hvaða meðulum sem þurfti. Það þarf hún að díla við, og við það getur enginn hjálpað henni, nema auðvitað sálfræðingur. En af hverju er karlfréttamaðurinn ekki að brotna yfir þessu líka?

Getur verið að hann taki þetta ekki eins inn á sig eins og kvenmaðurinn? Er þar með komin sama gamla sagan um samviskusemi kvenna?

Ég er alveg tilbúin til að draga til baka þá skoðun mína að það eigi að dæma þessi tvö fyrir morð, en jafnframt vil ég að þau hljóti makleg málalok fyrir sitt athæfi.

En endilega hættið að verja þennan gjörning og reyna að koma sökinni á þá sem fyrir þessu varð. Vegna þess að hún; væri ekki heil á geði, væri í tímabundinni rökleysu eða að hún ætti sjálf einhvern þátt í því sem gerðist.

Það er bara ekki þannig. Hún átti það ekki skilið að deyja, og hún átti það ekki skilið að vera sökuð um veikleika, eða að þetta væri með einhverju hætti henni að kenna til að hvítþvo fréttamenn sem með afar óbilgirnum hætti settu lífið á spil til að ná sér í skúbbfrétt.

Sorrý ég get bara aldei samþykkt slíkan þankagang.

Þannig snýr þetta við mér.

[Pétur (IP-tala skráð) 12.12.2012 kl. 22:18]

Ingibjörg Axelma, það er nú komið fram að hún hengdi sig í þjónustuíbúð sinni og skildi skrifleg skilaboð til fjölskyldu sinnar. Allt bendir til að símtalið, sem var útvarpað og síðan endurtekið á netinu og fjölmiðlum aftur og aftur hafi verið orsökin fyrir því að hún valdi að stytta sér aldur og etv. skammir frá yfirmönnum sínum (þ.e. margföld niðurlæging), og ekki nein andleg veikindi eins og þú heldur fram. Ég stend við allt sem ég hef skrifað áður varðandi hverjir eiga sökina.

Sjá: http://www.dailymail.co.uk/news/article-2245881/Royal-Hoax-Nurse-Jacintha-Saldanha-left-note-hanged-flat.html

[Ingibjörg Axelma Axelsdóttir, 13.12.2012 kl. 22:18]

Afsakið hvað ég er sein að svara.

Pétur, ég veit ekki hvort ég hoppaði óvart yfir það, en ég sá ekkert um að hún hafi fengið mikið af skömmum frá yfirmönnum sínum. En ef að það er staðreyndin, á þá að sækja þá til saka fyrir morðið á henni?

Hvað með fjölmiðlana sem spiluðu þessa upptöku aftur og aftur og aftur og aftur, á að sækja þá til saka?

Hvað með yfirmenn á þessari útvarpsstöð? Þetta var tekið upp og geymt áður en þetta var birt, og þeir gáfu leyfi. Á að sækja þá til saka líka?

Ég stend við það sem ég sagði hér að ofan, að ég tel ábyrgðina ekki vera á herðum útvarpsmannanna.

Og hvað varðar geðsjúkdóma, þá hafa rannsóknir verið gerðar á einstaklingum sem hafa gert tilraunir við eða tekist að fremja sjálfsmorð vegna skammar. Niðurstaðan í mörgum þeirra er sú að fólk (og þá eru konur einmitt í miklum meirihluta) sem að hefur skammar tilhneigingu (shame-prone) er oftast með Boarderline Personality Syndrome. En á sama tíma voru engin skýr merki um tengingu á milli skammarinnar og sjálfsvígs, heldur sjúkdómurinn.

En þessar rannsóknir gengu einmitt þvert á móti þeirri trú að skömm væri kveikjan að sjálfsmorðshugleiðingum.

Ég er ekki að reyna að tala Jacinthu niður með því að gefa í skyn að hún hafi líklega þjáðst af einhversskonar geðsjúkdómi, heldur þvert á móti. Fordómar í þjóðfélaginu eru oft þannig að fólk forðast að leita sér hjálpar eða lifir jafnvel í afneitun með veikindi sín, sem því ætti að vera frjálst að geta talað um, fordómalaust.

Og þetta segi ég, sem sjálf er ekki alveg andlega heil.

Og Ásthildur, ég er ekki að verja útvarpsmennina að neinu öðru leyti en að ég telji það rangt að þau verði sótt til saka fyrir þetta. Ég get ekki séð að neinu réttlæti verði náð með því.

Jacintha ákvað það sjálf að taka eigið líf. Skilgreiningin á sjálfsmorði er einmitt "Meðvituð ákvörðun um að binda enda á eigið líf". Það er ekki hægt að láta annað fólk taka ábyrgð á þeirri ákvörðun.

Að sækja útvarpsmennina til saka fyrir að villa á sér heimildum á forsendum upplýsingaöflunnar er allt annað mál, og á hiklaust að gera það.

[Pétur (IP-tala skráð) 16.12.2012 kl. 13:52]

Þegar börn eru lögð í einelti í skólum og þau taka síðan sitt eigið líf, þá er ábyrgðin gerendanna og skólastjórnenda sem vissu af eineltinu, en gerðu ekkert. Hins vegar hefur aldrei neinn gerandi eineltis verið ákærður fyrir neitt. Sem er miður.

Ástralska útvarpsfólið er kannski ekki eins sekt og eineltisgerendur, en það verður að axla ábyrgð. Það er ekki nóg að útvarpsstöðin gefi fjölskyldunni "skaðabætur", heldur verður að reka Mel og Michael úr starfi til frambúðar, svo og þann yfirmann sem leyfði þetta. Auðvitað ætti líka að sækja þau til saka fyrir að villa á sér heimildir, en eitthvað segir mér, að það verði aldrei gert. Síðan fellur þetta mál í gleymsku í Ástralíu þangað til eitthvað svipað gerist aftur.