Ánægjuvogin. - Ánægja er auði betri.

Já ánægjuvogin hvernig er hún mæld?  Ég heyri þetta stundum í auglýsingum og hugsa sem svo hvernig er þessi ánægjuvog mæld?

Hér er mín ánægjuvog. 

Þessi stúlka er of feit, en hún er ánægð og hún ætlar að grennast af heilsufarsástæðum auðvitað, en hennar kúr er allt öðruvísi en annara, hún stundar kynlíf með unnusta sínum sjö sinnum á dag. Það er hennar trimm fyrir daginn.

Þessi elska er hins vegar allt of grönn, en hún er ánægð.  Hún er með afar sjaldgæfan sjúkdóm sem veldur því að hún getur ekki fitnað.  Hún hefur tekið þá ákvörðun að fara í skóla og ræða við börn um útlit og hvað það er sem gefur lífinu gildi.  Henni var alls ekki hugað líf,  í viðtali grét móðir hennar af stolti yfir hvað dóttirinn hefur náð langt í lífinu.  Sjálf segir hún; árangri mínum í því sem ég er að gera er að þakka útliti mínu.  Það er það sem hefur áhrif. 

Ég var í matarboði í fyrradag, skrapp í frábærlega eldað læri hjá syni okkar Ella og tengdadóttur, málið er að þau búa í Mosfellsbæ.  Ég lagði af stað eftir hádegið og kom í matinn kl. 7.  eftir mat var svo haldið heim aftur, sem sagt 1000 km í matarboð ekki svo slæmt.  Reyndar var ástæðan líka að sækja minn elskulega eiginmann sem var að koma frá Noregi. 

Yndislegt að hitta litlu drengina þeirra barnabörnin okkar, hér er Davíð Elías.

Og Arnar Mílos, ég gerði þá auðvitað alveg kolbrjálaða í leik rétt fyrir svefninn  En ömmu mega svoleiðis auðvitað. En þetta var afskaplega ánægjulegur dagur.

Svona í framhaldi af skóumræðunni hans Jens um daginn þá er hér mynd af þeim skóm sem ég myndi fá mér hehehehe...

Tveir yndislegir herramenn fengu að gista hjá ömmu í fyrradag, þeir Aron Máni og Kristján Logi í heimsókn frá Noregi. Þeir eru auðvitað flottastir.

Og þá var auðvitað grillað fyrst afi er komin heim.

Einkar ánægjulegur dagur í gær.

Og það var etið á sig gat.

Já ánægjan er auði betri. Það mætti hin valdasjúki Steingrímur J. og fleiri taka til sín og ekki síður útrásarvíkingarnir. Hið einfalda yndæla heimilislíf og hversdagurinn og að fá að njóta þess sem bara ER, það er það sem skiptir máli og hressir og bætir sálina.

Mamma litla stendur sig rosalega vel

Svo á ég von á bæði Hönnu Sól og Ásthildi Cesil um mánaðarmótin og þá er allt fullkomnað.

Athugasemdir

[Jóhann Elíasson, 20.7.2012 kl. 12:26]

Til hamingju með að vera búin að fá hann Ella þinn heim.  Eigum við ekki að vera ánægð með okkur eins og við erum?????  Til dæmis á ég engan minn líkan... 

[Ásthildur Cesil Þórðardóttir, 20.7.2012 kl. 12:33]

Nákvæmlega ég sömuleiðis, við erum bara eins og við erum, flott og fín

[Dísa (IP-tala skráð) 20.7.2012 kl. 13:13]

Yndislegtað þú ert búin að fá Ella heim og ég tala nú ekki um að fá prinsessurnar . En við erum öll best eins og við erum og eigum ekki að breyta nema sú þörf komi innan frá. Allavega vil ég bara hafa þig eins og þú ert, yndisleg .

[Ásthildur Cesil Þórðardóttir, 20.7.2012 kl. 13:27]

Takk elskuleg mín, sömuleiðis Við verðum alltaf bestu vinkonurnar.

[Dagný, 20.7.2012 kl. 14:32]

Gleðikveðja til þín og þinna Ásthildur mín. Gott að karlinn þinn er heima. Njóttu sem best.

[Ásthildur Cesil Þórðardóttir, 20.7.2012 kl. 14:38]

Takk elsku Dagný mín

[Anna Ragna Alexandersdóttir, 20.7.2012 kl. 15:56]

[Vilhjálmur Stefánsson, 20.7.2012 kl. 16:57]

Ásthildur..Hvað voruð þið með á grillinu??Var þetta Æðafugl? Æðafuglinn er altaf bestur í Djúpinu..

[Ásthildur Cesil Þórðardóttir, 20.7.2012 kl. 17:21]

Takk Anna Ragna mín

Vilhjálmur von að þú spyrjir, nei þetta er fjallalamb að norðan, svona kryddað og bragðgott en dökkt eins og sjófugl.

[Hrönn Sigurðardóttir, 20.7.2012 kl. 17:33]

1000 km er langt í matarboð :) Flott að Elli þinn er kominn heim aftur ♥

[Jens Guð, 20.7.2012 kl. 22:51]

  Frábærlega gaman að skoða myndir að vanda hér.  Kisukrúttin eru yndisleg.  Lífið er gott þrátt fyrir allt.  Efstu myndirnar eru stuðandi.  Ég sá um daginn myndband frá konunni sem er með hrörnunarsjúkdóminn.  Hún kvartaði undan myndbandi þar sem hún var úthrópuð sem ljótasta kona heims.  Það var sárt að horfa á myndbandið.  Á móti vóg að hún ákvað að berjast og gera gott úr sínu vandamáli með góðum árangri.

[Helga Kristjánsdóttir, 20.7.2012 kl. 23:43]

Aumingja konan,en hún sýnir hetjulund. Skórnir nýtast í sundi greinilega,þið eruð yndislegir æringjar,bestu kveðjur og knús.

[Anna Benkovic Mikaelsdóttir, 21.7.2012 kl. 02:15]

kæra vinkona, ég veit hversu gott er að sækja þig heim!

takk fyrir lifið sjálft í myndum

Þín Anna

ps....  http://blog.pressan.is/stefano/2012/07/20/rodd-skynseminnar/#respond

[Kidda, 21.7.2012 kl. 10:49]

Þessi mikla keyrsla í matarboðið hefur verið þess virði :)

Það er víst ýmislegt sem ömmur komast upp með að gera með ömmubörnunum sínum :)

Njóttu þess að hafa Ella heima hjá þér <3

[Ásthildur Cesil Þórðardóttir, 21.7.2012 kl. 10:53]

Takk Hrönn mín, jamm dálítið langt EN.... hvað gerir maður ekki fyrir ánægjuna?

Takk Jens minn, já ég horfði á þetta myndband, og þessi kona er svo sannarlega hetja, hún er ekki nema 23 ára gömul, en hún er elskuð og virt af fjölskyldu sinni og það er það sem skiptir öllu máli

Já Helga mín ég hugsa bara að það væri svo sem ágætt að nota þá í sundi, en ef til vill væri fótastaðan ekki nógu góð hehehehe

Takk elsku Anna mín, þú ert alltaf jafn yndæl, takk fyrir linkinn las hann og er sammála því sem þar stendur.

[Ásdís Sigurðardóttir, 21.7.2012 kl. 11:36]

Yndislegt eins og alltaf, til lukku með afð hafa fengi Ella þinn heim.

[Ásthildur Cesil Þórðardóttir, 21.7.2012 kl. 11:44]

Takk Ásdís mín