Meiri brandara?

Jamm, þegar forseti vor synjaði lögum um Icesave og stóð svona brilliant vel í viðtali í Bretlandi, ákváðu Jóhanna, Steingrímur og Össur að þau gætu nú gert betur.  Þau skunduðu.. nei Össur og Steingrímur flugu út, Jóhanna tók bara upp símann, og eftir því sem Ingvi Hrafn sagði var skellt á hana bæði frá Brown og Jan Peter.  En sum sé Steingrímur fór sem eldibrandur um alla Skandinavíu, rætti þar við sína kollega og sagði þeim réttilega frá sjónarmiðum ríkisstjórnarinnar að þau ætluðu að standa við sitt.  Og það væri svo sem ágætt að kollegarnir reyndu nú að hjálpa til við að hræða mörlandann nógu mikið til þess að þeir þyrðu ekki að segja nei. Össur gerði líka sitt besta. (you ain´t seen nothing yet) eða þannig.

En það gleymdist sum sé að ræða við hollenskan almenning.  Forsetinn hafði jú komið jarðskálftum við á Englandi, en það gleymdist alveg í hasar stjórnarmanna að það þyrfti líka eitthvað svona brilliant viðtöl í Hollandi.

Það gæti nefnilega komið af stað samúðaröldu í Hollandi líkt og gerðist í Bretlandi, svo það væri að æra óstöðugan að fara að fá einhverjar óæskilega samúðarbylgjur líka frá Hollandi.  Hvað eigum við líka að gera við alla þessa samúð, þegar Gólið er að hræða litlu kindurnar heima á Íslandi til að samþykkja Icesave.  Svo við komumst nú örugglega inn í ESB, sem er blautur draumur Samfylkingarinnar og Steingrímur og nokkrir meðreiðarsveinar hans hafa af einhverjum ástæðum ákveðið að gera að sínum líka.

Nei svoleiðis má nú ekki fara að rugga bátnum of mikið.  Og hvað er svo fólk líka að blaðra svona af sjálfsdáðum eins og þessi hollenski blaðamaður hvað vill hann eiginlega upp á dekk?

Nei þá þarf nú aldeilis að fara að þagga niður í svona röddum, gefa út yfirlýsingu (skothelda) til að halda molbúunum við efnið.  Þeir eru hvort eð er svoddan einfeldningar og kjánar að það er auðveldasti hlutur í heimi að hræða þá til hlýðni við valdið ekki satt?

Kynna þarf sjónarmið Íslands betur

Athugasemdir

[Jóna Kolbrún Garðarsdóttir, 13.1.2010 kl. 01:06]

  Stjórnarliðar hafa staðið sig frábærlega í því að sannfæra nágrannaþjóðirnar um það að ætlunin sé að borga IceSlave í topp, hvort sem við þurfum þess eða ekki!!! 

[Ásthildur Cesil Þórðardóttir, 13.1.2010 kl. 01:17]

Jamm nákvæmlega.  Pisst!! hvað er að þessu fólki, ég skil þetta bara ekki?

[Þórarinn Þ Gíslason (IP-tala skráð) 13.1.2010 kl. 01:22]

Sæl Ásthildur.

Já, margt ótrúlegt er að gerast.

Kveðja.

[Ásthildur Cesil Þórðardóttir, 13.1.2010 kl. 01:30]

Einmitt Þói minn það er eitthvað oní strompnum sem að ekki lyktar vel......

[Jenný Stefanía Jensdóttir, 13.1.2010 kl. 02:42]

Sæl vinkona, kannski þurfa þau "pólitískt" kortér til að átta sig á, því sem velmeinandi og hugsandi fólk hefur haldið fram frá þeirri mínútu sem Svavar skilaði af sér.

Vonandi verður hið pólitíska kortér ekki þeim að endanlegum aldurtila.

Kúlukveðja.

[, 13.1.2010 kl. 07:47]

 

[Kidda, 13.1.2010 kl. 09:35]

Það er að verða soldið skrautlegt þegar erlendir blaðamenn og fleiri fara að taka upp okkar málstað en enginn eða fáir hafa gert það héðan í þetta rúma ár sem kreppan hefur staðið yfir. Það verða sennilega erlendir talsmenn okkar sem bjarga okkur en ekki stjórnin.

Knús í kærleikskúlu

[Jóhann Elíasson, 13.1.2010 kl. 09:39]

Þetta "pólitíska korter" mætti nú verða nokkuð langt hjá þessu liði.  Ég get bara ekki með nokkru móti séð, miðað við fyrri "störf" ríkisstjórnar fólksins, að þetta "pólitíska korter" dugi þeim að neinu leiti.

[Ásthildur Cesil Þórðardóttir, 13.1.2010 kl. 10:26]

Við skulum vona ekki Jenný mín.  En ég er farið að hallast að því að þau geti ekki setið áfram í ríkisstjórn.  þau hafa sýnt af sér þann hroka og valdbeitingu við að troða Icesave ofan í kokið á okkur að það hálfa væri nóg.

Jamm Dagný mín, þetta eru aulabrandarar.

Stjórnin bjargar engu héðan af Kidda mín.  Því fyrr sem hún fer á Bessastaði og segir af sér því betra.  En það er alveg á hreinu að það þýðir ekkert fyrir Sjalla og Framsókn að sækjast eftir stjórnarmyndun, það yrði allt vitlaust, og er nóg komið fyrir.   Nei nú þarf forsetinn að setja saman utanþingsstjórn og senda alþingi heim.  Spillingarfýlan leggur langar leiðir frá Alþingishúsinu.

Pólitíska korterið er bæði liðið og fuðrað upp í vantraust og vitfyrringu.

[Ásdís Sigurðardóttir, 13.1.2010 kl. 11:28]

[, 13.1.2010 kl. 14:10]

Við virðumst vera bundin af ákvörðun Geirs Haarde og Ingibjargar Sólveigar þegar þau ákváðu að við færum samningaleið en ekki dómstólaleið. Svo nú er spennandi að sjá hvernig fer það er að segja ef það verður eithvað af þesari kostningu. Mér virðist nú vera að allir stjórnmálaflokkar vilji núna gera nýjan samninga áður en til kostningarinnar kemur. Kanski hefði bara verið betra að velja dómstólaleiðina á sínum tíma. En svo er bara þetta með EES sem við erum í og erum jú svolítið bundin þeim lögum sem þar gilda. Ef við aftur á móti hundsum þetta allt og ákveðum að borga ekki neitt eins og mér virðist vera rosalega hávær krafa núna í landinu og auðvita vill enginn borga þetta í raun þá segja sumir að við komum til með að tapa mjög á því í alþjóðlegum viðskyptum og ég vil nú ekki hugsa það dæmi til enda. Við getum þó þakkað fyrir hvað við erum lánsöm að geta verið sjálfbær í því að eiga ofan í okkur og á . Mér hefur blöskrað alveg umræðan hér á mbl og skítkastið út í núverandi stjórn sem hefur verið ansi ljót á köflum . kveðja Áslaug

[, 13.1.2010 kl. 14:11]

Sorrý Ingibjargar Sólrúnar ég sé að ég hef skifað nafnið hennar vittlaust. kveðja Áslaug

[Ásthildur Cesil Þórðardóttir, 13.1.2010 kl. 14:14]

Áslaug það hefur marg komið fram meira að segja frá Ingibjörg Sólrúnu að það sem þau voru með í höndum var ekki undirritaður samningur heldur meira minnispunktar.  Það þýðir ekki að berja hausnum svona við steinin eins og stjórnvöld gera.  Meira að segja margir fræðingar innan Hollands og Englands taka undir þetta.  Ekki vera svona föst í einhverjum frösum sem óttafullir ríkisstjórnarmenn reyna að verja sig með.  Ef svo væri ekki, væri ekki að fara fram þjóðaratkvæðagreiðsla.  UM hvað?  Við skulum ekki láta blekkja okkur svona.