Drukknir eldri borgarar.

Æ svona frekar ósmekklegt innlegg þessa ágæta frambjóðenda um eldri borgara, og ýmislegt þarna sem hann hefði sennilega betur ósagt látið.  En svona er þetta í von um athygli segja menn oft meira en gott þykir.

Ég hef oft hér á yngri árum farið í hópferðalög með ýmsum ferðafélögum, og ég hef ekki orðið vör við þessa hel-drykkju eldri borgara.  Hvað þá að það hafi gengið svo langt að þeir hafi verið hættulegir barnabörnum sem þeim hefur verið trúað fyrir, þannig að foreldrar hafi þurft að koma og sækja börnin.  Þetta er svo sem ekki útilokað en ja hérna hér, hann lætur eins og þetta sé daglegt brauð.

Ég hef raunar enga trú á því að foreldrar treysti ömmu og afa fyrir börnunum sinum ef þau eiga við vandamál að stríða, þannig að þau hleypi börnunum sínum til útlanda með afa og ömmu, ef það er einhver hætta á að afi og amma bara detti íðað og geti ekki sinnt sínum barnabörnum.  Og engin þarf að segja mér að ef afi og amma eiga við slík vandamál að etja að þeim sér treyst fyrir barnabörnunum, og annað ... fólk verður ekki alkólistar bara við að komast í ódýrt brennivín.

Þannig að já Sigurður þetta er ódýrt skot og þér til skammar.

„Drukku frá sér ráð og rænu“

Ég mun segja mig úr Neytendasamtökunum.

Þegar ég heyrði þennan fréttaflutning frá Neytendasamtökunum ákvað ég að segja mig úr þeim samtökum.  Er ekki búin að því en mun gera það á næstu dögum.  Ef þessi samtök eru svona langt burt frá raunveruleikanum og þetta sýnir, vil ég ekki vera þar innan búðar lengur.  Skammtíma hugsun að öllu leyti, sér í lagi þegar tekið er tillit til þess að það hefur ekki verið reynsla allra landa að vöruverð lækki, sumstaðar hefur það hækkað, og svo í annan stað þar sem þau tala um meira vöruúrval, þýðir ekkert annað en innflutning á hráu kjöti með allri þeirri hættu sem við það skapast.

Og ég verð að segja það, þegar ég er lengur en mánuð erlendis í ESB löndum er ég orðin svo þreytt á kjötborðum þar að það er tilhlökkun að komast í kjötborðið í Samkaupum á Ísafirði. 

Nei hingað og ekki lengra Neytendasamtök, hér segi ég pass.

Gengu út af fundi starfshópsins