Trukkar, mótmæli og undirlægjuháttur.

Ég hef verið að hugsa um aðgerðir trukkabílstjóra og svo 4x4 jeppabíla eigenda og tilraunir þeirra til að fá stjórnvöld til að svara kalli þeirra.  Og allt í einu skil ég af hverju við erum svona aftarlega á merinni með alla verkalýðsbaráttu og samstöðu um kaup og kjör.

Málið er að um leið og einhver gerir frábæra hluti eins og að mótmæla svo  eftir er tekið, þá byrjar neikórinn, og um leið og mótmælin fara að reyna á hversdagshetjurnar, þá æpa þær og skrækja.

Hvenær hafa mótmæli sem skipta máli, eða verkföll skilað árangri ef þau hafa ekki komið við neinn ?  Það er nefnilega þungamiðjan í svona að gerðum að þrýstingur verði á stjórnvöld að kippa hlutunum í lag.  Og þrýstingurinn þarf að koma frá fólkinu, almenningi þér og mér.

En nei í stað þess að standa með frumkvöðlunum eða jafnvel ganga svo langt að taka þátt með þeim, þá er byrjað að rakka þá niður og skammast, kalla mennina öllum illum nöfnum.  Ótrúleg sveitamennska að mínu mati.

Svo hef ég líka grun um að heimavarnarlið sjálfstæðisflokksins kyndi undir.  Maður þekkir fingraförin hér og þar, forkólfar og flokkshestar fara að setja fram allskonar skít og rakka niður forsvarsmenn, koma með allskonar sögur af stað, eins og þeir fá endurgreiddan virðisaukaskattinn, og hinn almenni borgari greiði benzínið fyrir þá. 

Þetta gera þeir ef einhver er óþægur ljár í þúfu, þá byrjar söngurinn.  Ég held að þetta sé skipulagt og hannað til þess að hafa áhrif og drepa niður mótmæli.  En það er mín skoðun. Enda hefur þetta þau áhrif að sauðirnir sem við erum, hættum að hugsa um óréttlætið sem við öll erum beitt með alltof hárri álagningu ríkisins og förum að vinna gegn þeim sem eru í raun að vinna fyrir okkur, trukkabílstjóra sem vilja lækkun á olíu og benzín álagningu,

Ég hugsa að þetta sé einsdæmi, hvergi hefur maður séð almenning vinna svona gegn þeim sem standa í baráttu til heilla fyrir heildina. 

Ég heimsótti fyrir mörgum árum Florence á Ítalíu, þar voru sorphreinsunarmenn í verkfalli, höfðu verið það í nokkrar vikur, ruslið út um allt og pestin alla að drepa.  Fólkir var reitt við stjórnvöld, fyrir að gera ekkert í að málunum, en ekki við sorphreinsunarmennina sjálfa.

Ég held að við þurfum að fara að tileinka okkur annan hugsunarhátt, og hætta þessari valdsdýrkun, kyssa á vöndinn og smjaðra fyrir ráðamönnum.  Þeir eru ekkert merkilegri en við, og ber skylda til að ræða við almenning.  Málið er að þeim finnst sjálfum að þeir séu hafnir yfir pöpulinn.  Það er allavega að sjá og heyra í tilsvörum þeirra og áhugaleysi um málefnin hér heima, meðan þau flengjast heimsálfanna á milli í einkaþotum.

Nei nú ættum við að standa saman og láta þetta fólk finna að okkur er alvara, ástandið er óásættanlegt, og að við viljum breytingar.  Ekki endilega komast í öryggisráðið, heldur að þau bretti upp ermarnar og farið að hugsa um málin sem þeim var trúað fyrir hér heima, eins og kosningaloforðin til dæmis. 
En nú er hægt að komast fram hjá þeim líka, með því að segja að Það sé ekki hægt að ræða þau, eða að lagabókstafurinn leyfi þeim ekki að gera eins og þau vilja helst.  Þvílíkt og annað eins.

Fundið upp til að komast hjá því að tala við okkur, standa skil á sínu og stjórna landinu eins og þau voru kosin til.  Já maður er aldeilis orðin sár og svekktur yfir þessu ástandi, og hvar er liðið? jú Þau eru hér og þar um heiminn, eða rétt að fara eða rétt ókomin.  Er ekki komið nóg ?

Stundum er maður út úr korti.

Ég hef ekkert komist á netið í dag.  Það tekur tíma að setja fólk inn í málin skal ég segja ykkur, jafnvel þó manneskjan sé dugleg og drífandi.  Elli fór í morgun á æfingu hjá Karlakórnum Erni á Núp í Dýrafirði, þeir eru að æfa sig fyrir ferðina til Ungverjalands. 

En við fórum á afmælishátíð í Leikskólanum Tjarnabæ, ég var með myndavélina og tók fullt af flottum myndum af fólki og verkum barnanna, komst svo að því þegar ég kom heim, að það var ekkert kort í vélinni.  Það er farið að slá út í fyrir mér, þegar ég hef svona mikið að stússast, ég er grútsvekkt yfir þessu.  En ég er ákveðin í að taka myndir af því sem börnin hafa verið að vinna að, á mánudaginn, því þar var margt mjög gott og áhugavert. 

En það sem var merkilegast í þessu öllu var, að í dag í skólanum, í einu litlu herbergi voru manneskur frá 6 löndum, eða 7 eftir því hvernig talið er; þar var fólk frá Ástralíu, Íslandi, Póllandi, Slóveníu, Litháen og Thailandi, og svo er Ásthildur litla fædd í Austurríki. Allir í sátt og samlyndi og sem ein heild, allir sem einn.  Fólk hér hugsar öðruvísi finnst mér, þetta er meira norm en annað.  Og fólk veit og sér að allir eru eins inn við beinið, hvernig sem húðlitur og tungumálið er.

Ára er frá borg við sjóinn man ekki nafnið, og nenni ekki að gá núna, en í þessari borg sem er bara smáborg á þeirra mælikvarða, búa jafnmargir og á öllu Íslandi, eða 300.000 manns.  Nú í kvöld var hún orðin lasinn blessunin og hafði áhyggjur af því.  Annars er hún kát og glöð.  En leiðist frekar.  Gerir það bara fyrir mig að vera hér í hálfan mánuð að hjálpa til.  Vonandi verður hún orðin hress á morgun. 

En ég tók svo sem nokkrar myndir hér í kúlunni eftir að mistökin urðu ljós.  Jamm ég er frekar svekkt og leið yfir þessu, og orkulaus svo það sé bara eins og það er. 

Sú litla sagði skýrt í kvöld Sigurjón Dagur.  Við Sigga mamma hans litum hvor á aðra og trúðum þessu varla, en jú, hún sagði þetta svona. 

Hjalað við álfa og engla, þetta barn talar ýmsar tungur.... ef út í það er farið hehehe, svarar meira að segja á rússnesku, ef svo ber undir.

Svo er það prinsessan, hún þarf hjálp við skotauið, eins og Öskubuska

Jamm það þarf að reima

Svo getur maður dansað á ballinu á eftir. 

Enda er maður voða fín ... eða þannig sko !

Meðan þeir sem jarðbundnari eru vökva, blómin... en fatan hún lekur elsku amma elsku amma.

Og sumir horfa íbyggnir út í heiminn.

Því misjafnt hafast mennirnir að.

En allir hjálpast samt að í lokin, enda er það sem mestu máli skiptir.   

Mömmublogg og krúttfærsla.

Jæja þessi dagur hefur verið annasamur, en hann er að kveldi komin, og komin helgi, svo við getum stillt saman strengina fjölskyldan. 

Ára náði ágætlega til stelpnanna strax, Ásthildur er seinteknari, og ég sá að hún fylgdist með þessari nýju stúlku.  Litháenar tala rússnesku sem annað tungumál, svo ég sagði við Áru, svona hugdetta, vegna Rómínu hinnar rússnesku; Ára talaðu við Ásthildi á rússnesku.  Hún sagði nokkrar setningar og ég sá strax á barninu að hún varð áhugasöm.  Nokkru seinna, þegar meiri friður var komin á, bað ég hana að tala aftur við hana á rússnesku.  Hún spurði hana spurninga, og barnið svaraði með jái á rússnesku. Sem sagt hún skildi rússnesku, því Rómína hefur greinilega talað sitt eigið tungumál við hana, þegar þær voru tvær saman.  Og auðvitað er Ára komin mikið áleiðis að vinna Ásthildi, þegar þær mætast þarna í sama tungumáli.  En Ásthildur er reyndar farin að segja ýmislegt, til dæmis, hættuþessu, já, nei, bíddu, og mörg fleiri orð.  En eitt sinn þegar hún stóð við baðdyrnar og hélt að afi sinn væri þar inni, sagði hún; afastelpa, alveg greinilega, og í eins tóni og afi hennar segir til hennar. 

Systurnar, ef þið haldið eitt augnablik að þær séu óbundnar í framsætinu hjá mér, þá er það rangt, við vorum einfaldlega að bíða eftir að afi kæmi á sínum bíl, því stólarnir þeirra voru í honum.  En við ætluðum saman í bæinn.

Þær fengu sér snjó og svona.

Amma má ég taka eina mynd, sagði Hanna Sól, ég vil taka mynd af kúlunni  Það var bara dálítið önnur kúla sem kom á myndina.

Svo komi Sigurjón Dagur í heimsókn, og þau leika sér vel saman, þessi tvö.

Jamm, það er ýmislegt brallað, hér er verið að horfa á sjónvarpið.

Fullorðnafólkið við eldhúsborðið.

Ásthildur vill helst vera uppi á borði.

Þá er maður örugglega miðsvæðis

Þessi tvö eru alveg að sigla inn í unglingaveikina.  Ólöf Dagmar er að fara í útilegu hjá skátunum.

en Ásthildur hjálpar afa við að skrúfa eitthvað saman.

Við grilluðum reyndar, og þá var gaman að leika sér í garðskálanum.

Nýjasta prinsessutískan heheheeh.

Þetta er barnið sem fór í vaskinn.

Og svo upp á borð.

Tilbúin undir kartöflumjölsbaðið sitt svona undir svefninn.

Svo ein svona listræn í lokin.   Litla skottið hennar ömmu, sem er sofnuð.

Kúlan og veðrið.

Aupairin er komin, og még líst mjög vel á hana.  Gefur af sér góðan þokka, og er ákveðin.  Ég fór inn á flugvöll og var spennt að sjá karakterinn sem kæmi.  En ég sá enga stúlku sem skar sig úr fjöldanum, fannst að ég hlyti að sjá einhverja hikandi eða óframfærna stúlku, sem þekkti engan.  En það kom enginn slík.  Svo ég beið róleg.  Loks sá ég unga stúlku sem ég hafði reyndar komið auga á þegar hún kom út úr vélinni, og hugað þetta gæti verið hún, en nei, þessi er örugglega kunnug, því hún gengur svo ákveðið.  En bíðið við, þegar ég sé að hún er að skima líka í kring um sig, banka ég í öxlina á henni, ertu íslendingur ?  No, are you from Litháen ? Yes. 

Reyndar er hún komin á kaf í að þrífa og laga til, bara svona strax, og það eru engin vetlingatök, þarna er vön manneskja á ferð get ég sagt ykkur.

Ég fór líka til læknis í morgun, vegna verks í vinstri armi, ég fékk ibufen og var að gefa loforð um að halda ekki svona mikið á smábörnum  En ég er orðin frekar slæm í hendinni, það lagast örugglega fljótlega núna.

Hún kemur inn til mín, lítur í kring um sig og dæsir;

Ég hér þarftu ekkert að gera, þetta er mitt herbergi og mitt rusl allt saman.

Hún horfir á mig örstutta stund og segir síðan, en gólfið ég verð að þrífa gólfið

Amma bakaði pizzur í gær, sá speltpizzubrauð í bónus og ákvað að prófa. Það var bara gott, alveg tilbúið bara að setja gumsið á og í ofninn.  Hér eru afi og Ásthildur að fá sér pizzu með skinku og pepperoni og mikið af osti.

Hanna Sól fékk sér líka bita.

Taktu líka mynd af mér sagði stubburinn stóri.

Kartöflumjölsbaðið hennar Ásthildar, það heppnaðist bara mjög vel.

Það var frí í leikskólanum í morgun, svo við vorum rólegar.  Vitabix með sykri það er málið.

Og Ásthildur alltaf með einhvern fatnað.

Svona get ég verið, sagði Hanna Sól.

Svona getur þetta verið stundum, en bara stutt í einu.

Oftast er bara svo gaman.

Og hér er prakkarasvipurinn hennar.  hehehe

En Árelía (Ára) var ekki lengi að byrja að taka til. 

Veðrið er ágætt eins og sjá má.

Eigið góðan dag mín kæru. 

Lítil pæja og vorboðar.

Já það er aðeins að lagast veðrið, Elli minn þarf að fara suður í augnskoðun, en það hefur ekki gefið að fljúga, en nú á vélin að koma hálf þrjú, þá kemur fyrsta aupairinn líka, hún er frá Litháen, og mun vera hér í hálfan mánuð, eða þar til önnur kemur sem er frá Þýskalandi. 

Sú litla er ennþá lasinn og er farin að verða pirruð á þessu öllu, er samt voða dugleg. Og sú stóra er ótrúlega góð og dugleg.

Já hún er dálítið stúrinn núna blessunin.

en það hýrnar yfir henni að fá rúsínur og cherios í skál.

Svo er að máta húfuna, en hún er farin á runtinn með stóra frænda sínum, þar getur hún sofið.

eins og sjá má miðað við  myndina í gær, þá hefur veðrið lagast, vonandi verður flogið.

en í dag blómstraði Zakúrakirsuberjatréð mitt.

Bráðum verður það allt þakið knúppum, flott ekki satt.

Þessi elska brosir líka fallega við mér, þarna frammi.

Og rósamandlan er alveg að fara að opna sig.  Svo kemur þetta eitt af öðru, þetta er fallegasti tíminn í garðskálanum mínum.

En nú kemur þessi Litháenska sem sagt í dag, og verður í hálfan mánuð.  Það léttir á mér vonandi.  En þið munuð nú heyra allt af því.  Knús á ykkur inn í daginn.

Krúttfærsla og daglegt veður.

Jæja loksins smá break, börnin sofnuð og ég í tómarúmi.  Sú litla var með meiri hita í dag en í gær, en hún svaf vel eftir kartöflumjölsbaðið, en hún dormaði langt fram eftir morgninum, en ég mátti ekki víkja frá henni samt sem áður.  Sárlasin litla skinnið.  Sú stóra fór í leikskólann í galadressi hehehe.... og við skiptumst á börnum svona yfir daginn við sonur minn Ingi Þór.  Ég stakk upp á því við hann að hann stofnaði svona vöggustofu á hjólum, með rútu fulla af barnastólum tæki þessi litlu börn og rúntaði með þau í svona þrjá tíma þau virðast sofa svo vel í akstri.  annað eins hefur nú verið fundið upp.  Mæli með þessu. 

En hér er hið daglega veður, ekkert meira um það að segja, myndin talar sínu máli.

Ekki satt.

Jamm hún fékk galadress frá Sóley Ebbu, og hún elskar þennan kjól, og hún er líka svo flott, var einhver að tala um stjörnur ?

Nú eða fyrirsætur ?

Verið að búa sig undir rauð teppið  Flott sú stóra mín.

Ef þið haldið að það sé ekki menning á þessu heimili þá er það röng ályktun, hér er verið að spila; I just called to say I love you, stórsveitaræfing, svo er lúðrarsveitaræfing og svo karlakóraæfinar.

Sóley Ebba semur lög og spilar, hún þarf bara að heyra lag einu sinni og þá spilar hún það, með hljómum og alles ótrúlega tónelsk þessi stelpa.

En það er líka alvara lífsins, hér er tekist á um landafræði.

Meira að segja prinsessur þurfa að bursta tennurnar sínar.

Hrmm hún fór í leikskólann í galadressinu, það var ekkert um annað að ræða, hér er ráðsmaðurinn að hjálpa prinsessunni í skóna  Vill til að þær eru frábærar fóstrurnar á leikskólanum í Tjarnarborg.

Bless amma mín

En það eru fleiri fyrirsætur í fjölskyldunni, sumar eru bara aðeins öðruvísi  Hafa ekki sama smekk eða þannig.

en kunna engu síða að pósa.

Jamm stóra systir var bara nokkuð hrifinn og líka pabbi.

Aðrir létu sér bara nægja teppið eins og í smáfólkinu.  Hún var ósköp lítil í dag þessi elska, en hún fékk kartöflumjölsbað undir svefninn núna áðan, svo vonandi svíar það aðeins á kláðan í fjand... bólunum.

en prinsessur þurfa líka að skipta á bleyjum.

Því bangsar þurfa líka aðstoð.

Taktu líka mynd af mér, sagði þessi stubbur.

Amma þessi þarf líka bleyju, sagði Aron.

Að lokum ein lítil subbinn ömmustúlka, sem segir Góða nótt.

Góð grein í Fréttablaðinu og list frá Kína.

Langar að benda á góða grein sem Jóhannes Bjarni Guðmundsson formaður Félags íslenskra atvinnuflugmanna skrifaði í Fréttablaðið þann 7. apríl s.l.

Flugvöllur og fólk Umræðan Skipulagsmál Það er fagnaðarefni að núverandi stjórnvöld, bæði borgarstjórn og ríkisstjórn, vilji festa Reykjavíkurflugvöll í sessi.UmræðanSkipulagsmálÞað er fagnaðarefni að núverandi stjórnvöld, bæði borgarstjórn og ríkisstjórn, vilji festa Reykjavíkurflugvöll í sessi. Nauðsynlegt er að eyða þeirri skipulagslegu óvissu sem hefur ríkt og losa þá starfsemi sem er við völlinn úr þeirri spennitreyju sem hún hefur verið í til þessa. Áætlanir yfirvalda um að hefja loks byggingu samgöngumiðstöðvar er skref í þessa átt og sérstaklega ánægjulegt.Flugvöllur í Vatnsmýrinni er samgöngumiðstöð þjóðarinnar, sem tryggir þjóðinni gott og öruggt aðgengi að höfuðborginni þar sem er að finna þungamiðju stjórnsýslu, viðskipta og heilbrigðisþjónustu. Allt of lengi hefur hávær minnihluti (sbr. nýlegar skoðanakannanir) haft sig í frammi og talað um að flugvöllurinn og starfsemi sem honum tengist eigi að víkja fyrir öðru mikilvægara, að þeirra mati. Vatnsmýrin er sögð svo dýrmæt sem byggingarland að "þjóðhagsleg hagkvæmni" kalli á að þarna rísi íbúðabyggð. Þegar menn setja upp slík reikningsdæmi og fá út "þjóðhagslega hagkvæmni", leyfi ég mér að stórefast um þær fjölmörgu forsendur sem liggja til grundvallar slíkum útreikningum. Það vakti t.a.m. óskipta athygli að allar verðlaunatillögur í samkeppni um framtíðarskipulag í Vatnsmýri nýverið, gerðu ráð fyrir lágreistri byggð, keimlíkri þeirri sem fyrir er í miðborginni. Er slíkt í samræmi við forsendur sem heyrst hafa um tuttugu þúsund manna byggð?Meira en mannvirkiReykjavíkurflugvöllur er annað og meira en þarft mannvirki í höfuðborginni. Á Reykjavíkurflugvelli starfa ekki færri en um 500 manns við störf sem tengjast beint þeirri flugstarfsemi sem þar fer fram; farþegaflugi, kennsluflugi, sjúkraflugi og útsýnis- og leiguflugi. Fjölmörg fjárfest verulega í aðstöðu á vellinum, ekki hvað síst á allra síðustu árum, enda hefur staðsetningin verulegt gildi fyrir reksturinn. Þetta á sérstaklega við þegar litið er til þess hagræðis í tíma og kostnaði fyrir sveitarfélög, stofnanir og fyrirtæki sem ferðast til og frá borginni. Þetta hefur verið staðfest m.a. með síaukinni umferð um flugvöllinn á síðustu árum.Flugvöllurinn í Vatnsmýrinni er afar vel staðsettur með tilliti til veðurfars og atvinnuflugmenn þekkja vel hversu mikilvægt hlutverk vallarins er sem varaflugvöllur. Í því sambandi styðja Reykjavíkur- og Keflavíkurflugvöllur hvor annan sérlega vel, en standa mjög höllum fæti einir og sér. Þetta hefur verið staðfest oft í vetur, þegar reynt hefur á varaflugvöll í slæmum veðrum - hvort sem er fyrir innanlandsflug eða millilandaflug. Væru ekki tveir nothæfir flugvellir á suðvesturhorni landsins, þýddi það skert öryggi og verulegan aukinn kostnað flugrekendur. Þá liggur fyrir að með tilliti til almannavarna, er ekki boðlegt að hafa einungis einn flugvöll þar sem mikill meirihluti landsmanna býr.Fleiri flugvelliÞað væri þjóðráð að bæta við flugvelli í nágrenni borgarinnar OG halda Reykjavíkurflugvelli. Það liggur fyrir vilji til að búa til flugbraut í nágrenni Reykjavíkur til að nota í æfinga- og kennsluflugi. Slíkt er þarfaþing og um leið ætti að gera þá braut þannig úr garði að hún gæti nýst t.d. sem varabraut í útsynningi fyrir innanlandsflugið. Öryggisnefnd FÍA hefur ítrekað bent á nauðsyn þess að hafa til reiðu braut á suðvesturhorninu sem liggur suðvestur/norðaustur og ekki hvað síst þar sem samsvarandi braut hefur verið lokað í Keflavík! Það er eðlileg krafa flugmanna að slík braut sé til reiðu á svæðinu - öryggisins vegna. Slík braut kæmi þá í stað sambærilegrar brautar á Reykjavíkurflugvelli og losaði þá um leið byggingarland í Vatnsmýrinni.Á undanförnum vikum og mánuðum hefur mikið verið spáð og spekúlerað um mögulegan flutning Reykjavíkurflugvallar. Persónulega tel ég að það að ætla sér að færa starfsemi Reykjavíkurflugvallar upp á Hólmsheiði eða til Keflavíkur yrði mikil afturför; óásættanlegt fyrir fyrirtækin á vellinum og illgerlegt. En það vantar veðurfarsupplýsingar og fleiri gögn til að taka upplýsta afstöðu um önnur möguleg flugvallarstæði. Ekki síst í ljósi þess, eigum við að virða tilveru Reykjavíkurflugvallar og þau fyrirtæki og það fólk sem þar starfar, með því að tala ekki um að völlurinn sé það ómerkilegur að hann skuli víkja. Þvert á móti eigum við að hlúa að flugvellinum og virða atvinnustarfsemina sem þar er. Hún er ekki síður mikilvæg en arkitektúr og kaffihúsamenning í miðborginni.

Höfundur er flugmaður og formaður Félags íslenskra atvinnuflugmanna (FÍA).fyrirtæki hafa

Svo svona til gaman þá er hér frétt í sama blaði: 

Naktar gínur ollu hjartaáfalli Kína Kínverski listamaðurinn Liu Jin náði heldur betur að vekja athygli með listagjörningi sínum í Shanghai um helgina.Kína Kínverski listamaðurinn Liu Jin náði heldur betur að vekja athygli með listagjörningi sínum í Shanghai um helgina. Hann átti hins vegar ekki beinlínis von á að áhorfendur fengju hjartaáfall við að líta verkið augum.Verkið kallaðist Særðir englar og samanstóð af nokkrum gínum í fullri stærð sem héngu utan á skýjakljúfum með vængi á bakinu.Vegfarendur rak í rogastans þegar þeir urðu varir við gínurnar enda töldu flestir að hér væru á ferðinni menn af holdi og blóði sem ætluðu sér að stökkva til jarðar.Lögreglu bárust fjölmargar ábendingar frá skelfingu lostnum borgarbúum og slökkviliðið var kallað á staðinn til að bjarga fólkinu sem reyndist þegar betur var að gáð ekki mennskt.Líklega tók þó enginn verkið jafn nærri sér og öldruð kona sem fékk hjartaáfall þegar hún sá gínurnar. Hún var flutt í snarhasti á sjúkrahús til aðhlynningar. - þoHér er myndin. Þetta minnir mig á annan kínverskan listamann sem er að sýna í Vín.Hér er mynd af hans skúlptúr.Ætli einhver hafi fengið hjartaslag af þessari innrás  

Kúlulíf

Já lífið heldur áfram eða þannig.  Ég segi við ungar mömmur, núna man ég þetta allt saman, hvernig það er að vera ungamamma, með lítil börn í pilsfaldinum, geta ekki hreyft sig spönn frá rassi af því að þessar litlu manneskjur vilja bara hafa mömmu/ömmu hjá sér, og helst vera í fanginu á henni.  Líka mest af því að litla fólkið er með hita og lasið.  Við settum litlu dömuna í kartöflumjöls bað í kvöld áður en við settum hana í rúmið, ég á von á að það svíi á kláðann.  Hún var grafkyrr meðan við veltum henni upp úr kartöflumjöli, og smurðum því allstaðar.  Hún er sofnuð núna, en Úlfi og Hönnu Sól var boðið í pizzur heima hjá Inga Þór.  Ég er svo heppin að eiga svo góða að, Júlli og Sigga fóru yfir húsið, og þrifu, þar sem allt var komið úr skorðum  Svona er maður heppinn að eiga góða að.

Þau fengu að fara í heitapottinn, reyndar fór Hana Sól með afa í sund á Suðureyri, kríjaði það út úr honum á leiðinni til Suðureyrar, af því að hann gleymdi snuddunni heima hehehehe  Sú stutta, snýr afa alveg 180° ef því er að skipta. 

Reyndar tók Ingi Þór þessar heitupotta myndir, hann er listrænn í sér. Og hefur fengið viðurkenningar fyrir myndirnar sínar.

Hér er ein, en svo vinnur hann með þær á listrænan hátt eins og Maddý vinkona mín. 

Hér eru Kristján Logi og Hanna Sól í góðum fíling.

Meðan amma og Ásthildur elda matinn ef ykkur finnst amma sjúskuð, þá er það náttúrulega út af því að vera mikið vakandi í nótt plús að vakna kl. hálf sex í morgunn með litlu skvísunni.  Við fylgjumst að í þessum veikindum sko

Bólur og spekulasjónir, hún segir ýmislegt, í dag þegar Úlfur var á klóinu bankaði hún á dyrnar og sagði skiljanlega; afastelpa.  Hún segir nefnilega ýmislegt meira en bojda bodja sjibju sjibbju sem ég held að sé rússneska, hún segir til dæmis takk fyrir, og ýmislegt annað ef maður leggur sig eftir því. 

Manni myndi ekki líða vel með svona bólur út um allt, en þessi litla hetja reynir að vera sterk. 

Knús á ykkur öll og góða nótt  Reyni að fara blogghringinn seinna í kvöld ef ég orka

Daglegt veður og lífið í kúlunni.

Jæja smábreak, Úlfur er komin heim og getur aðeins haft auga með þeirri stuttu.  Svo er Ingi að droppa iinn milli ferða á rútunni.

En við áttum góða stund frammi í garðskála í gærdag, það er alveg að koma besti tíminn þar, knúpparnir alveg að springa út.

Þó eru börnin fallegustu knúpparnir mínir.

 

Evíta og pabbi.

töffarinn Ásthildur Cesil.

Mamma sko!!! segir Sigurjón Dagurábúðarmikill.

Ég get alveg sagt ykkur að samverustundum fjölskyldunnar í garðskálanum fer að fjölga upp úr þessu, svoleiðis er það bara.  Hér er komið suðurEvrópskt vor.

 

Ofurhetjan Kristján Logi Spiderman.

Prinsessan Hanna Sól og allir sem eru í ævintýrinu hér núna.  Ævintýrin gerast þar sem við viljum láta þau gerast.  Það er eðli þeirra, og það er enginn hætta á að börnin taki ekki undir með okkur

Þessi var tekinn í morgun, Hanna Sól tilbúin og er að bíða eftir afa sínum.

Ásthildur færir henni skóna.

Takk litla mín segir Hanna Sól fullorðinslega.  Ekki fá flog mamma, hún fékk þessa skó gefins og finnst gott að vera í þeim hehehehe....

Og svo þarf að hjálpa stóru systur í skóna, svo hún verði alveg til þegar afi kemur.

Mín er aðeins farin að festa augu á barnaefni í sjónvarpinu.

Og Úlfur og Dr. Spock eru ekki þeir einu sem hafa gaman af gulum hönskum  Hún er á leið út í vagn, en hún sofnaði ekki.  Ekki fyrr en Ingi Þór tók hana um borð í rútuna og setti hana í barnastólinn þá sofnaði hún eins og skot. Hún vaknaði samt fyrir hálf sex í morgun, og vakti mikið í nótt, þar sem hana klæjaði svo mikið. Ég bar á hana krem, og létti henni eitthvað við það.  En svo vildi hún helst sofa ofan á mér, eða hálf yfir magan á mér hehehe... svo það var frekar lítið um svefn.  En þetta kemur allt saman.  Henni batnar fljótt, og þá fer hún á leikskólann og amman verður aðeins frjálsari.

Veðrið er ágætt, dálítið kallt, en sólin brýst fram öðru hverju.

Svona er nú búið að vera hér.  Knús á ykkur og takk fyrir að líta við, þó svo ég sé svona þrælupptekinn.   

Mömmublogg og hið daglega veður.

Sólin hefur brotist fram hér og skín eins og henni sé borgað fyrir það. 

Já sólin er að komast í gegn.

Yndislegt veður hér í dag, eins og sjá má.

En við vöknuðum í morgun og litla Ásthildur varð að vera heima, því hún er með hlaupabóluna, svo afi þurfti að fara með stóru stelpuna okkar á leikskólann.

Þær léku sér samt svolitið saman í morgun og voru svo góðar.

Amma komdu að sjá hvað Ásthildur er góð við mig.

Knúsí knús.

Og koss

Svolítið að dröslast líka.

Og dansa. 

Svo þarf maður aðeins að velta sér og prófa nýja hluti.

Já Hanna Sól að verða alveg tilbúin á leikskólann.

Ásthildur grallarast við afa við morgunverðarborðið.

Svona gerir maður þegar maður er ógislega fyndinn og allir hlæja að manni hehehe.

Svo kíkti Evíta litla við með pabba sínum í morgun.

Fóstran hennar var veik í dag, svo hún þurfti að fara með pabba í vinnuna, en hún er svo dugleg.

Þær léku sér aðeins við kisu hann Brand.

Svo þarf maður aðeins að kíkja í spegil.

Það eru svona stelpur þar nefnilega, sem eru áhugaverðar.

Jafnvel fleiri en ein.

En í gær kom Ingi Þór með stelpurnar um kl. 6 um kvöldið, svo ég fékk gott frí.  Ég bauð honum í mat, og svo pabba gamla eins og venjulega.  Það var líf og fjör hjá okkur. 

Tílskudaman þarf náttúrulega að hafa húfuna öðruvísi, hún er jú tískudama.

Afi og langafi.

Hér er Aron Máni, komin úr sveitinni.

Og það var náttúrulega farið í fjársjóðskistuna góðu, og klætt sig upp á

Kristján Logi stórglæsilegur hershöfðingi.

Rótað í kistunni.

Einhverra hluta vegna eru gulir hanskar allt í einu orðnir töff

en Birta situr bara stillt og prúð.

Sóley Ebba með húfuna sem hún saumaði sjálf.  Þau gera öll svona og svo púða.  Stubburinn kom hróðugur heim með húfu og púða núna áðan. 

Hér er svo kjúklingurinn, öll skræpótt í framan.  En hún vaknaði kl. hálf sex í morgun og neitaði að sofna aftur.  Uns Ingi Þór tók hana með sér í bílinn og þá sofnaði hún eins og skot.  Þess vegna hef ég komist í tölvuna.  Því ég kemst ekki spönn frá rassi með þessa litlu dúllu.   

Þess vegna kemst ég ekki blogghringinn strax allavega, og vona að mér fyrirgefist það.  Vonandi eigið þið góðan og blessaðan dag.