Kúlublues og .....

Ojæja veðrið er að skána, við hættum við að fara í Reykjanes af ýmsum ástæðum, ein var sú að faðir minn elskulegur fór á spítala fyrir helgina, hann fékk svo leyfi til að fara heim til sín í dag, og við skiptumst á systkinin að dvelja hjá honum þangað til hann átti að fara yfir aftur.  Hann er svo mikil hetja að þó hann sé lasinn, þá þarf hann alltaf að vera riddaralegur.  Hann fær sem betur fer sennilega að fara heim aftur á mánudaginn.

En svona er lífið.  Ég sé ekki eftir þeim tíma sem ég eyði með föður mínum.  Sá tími sem við systkinin gáfum okkur til að vera hjá móður okkar í sínu stríði kenndi okkur að það að hlú að sínum nánustu er ómetanlegt svona eftir á. 

En að deginum í dag.

Hvítir hestar eru inn á þessu heimili í dag.

Litlir og stórir, Hanna Sól skammtar, þú mátt hafa þennan Sigurjón Dagur.

Þetta er eiginlega það sem ég kalla framlengingu á sumrinu, garðskálinn, þótt svalt sé úti, getum við grillað og verið léttklætt í garðskálanum, hér sért að Ásthildur hefur dýft öðrum fæti í tjörnina  En við grilluðum lax í kvöld og komumst að því að Litháar borða lax mest bara ofan á brauð.

Hér er skipst á upplýsingum, Elli kennir Jorgu íslensku, og hún kennir honum litháensku, það er gaman að sitja og spjalla saman um okkar ólíka bakgrunn og aðstæður. 

Já það er notalegt inni í garðskálanum, þið sem viljið lengra sumar, ekki spurning fá Einar Þorstein til að hanna kúluhús, með innigarði, og þið fáið 6mán. lengra sumar.

Það er bara ekki flóknara en það elskurnar.

Ég held að við hreinsum tjörnina á morgun, við gerum það alltaf einu sinni á ári.  Eins og sést hér er litli vökvarinn byrjaður aftur að "vökva" hehehehehe

Já nú verður upplýst um leyndarmál.  Það var nefnilega skipt á rúmunum í kvöld  Og þær litlu voru að hjálpa til, og það var roooooooooooosalega gaman.

´

Líka að hoppa, skríða undir lakið og bara þetta var sko FJÖR!!!

Jamm sumir hoppa ekki mikið og eru aðeins varfærnari með fæturna á jörðinni, ef svo má segja.

 

Hér er verið að spá í ýmislegt, eins og verðlag í Litháen og á Íslandi.  600 kall fyrir sigarettupakkann úbbs !!  ég verð að hætta að reykja Sigarettur eru fjórum sinnum dýrari hér ..hehehehe... maður getur fengið þrjár vodkaflöskur í Litháen fyrir eina á Íslandi.  Ig allt er voða dýrt hér miðað við .... þar.

En það er virkilega gaman að skiptast á upplýsingum og upplifa fólk í öðrum löndum svona náið.  Hún er að verða eins og ein af fjölskyldunni, og það er rosalega góð tilfinning fyrir okkur öll, litlu.. stóru fjölskylduna í kúlunni.

Kúlufjör.

Það snjóaði í gær, það hefur sem betur fer allt tekið upp aftur birrrrrr.

Við ætluðum inn í Reykjanes í dag, en erum sennilega hætt við.   Það er lítið gaman að vera með börn í hálfgerðri útilegu í svona veðri.  Þó maður sé auðvitað í herbergjum.  En svona getur nú gerst, og þetta var hvítasunnuhret, þau koma svo sem ekki á óvart.

Í hárgreiðslu.

Voða fín stúlka.

 

Sumir hafa einfaldlega önnur áhugamál.

Veðrir er svona la la la ..  Mætti vera betra samt.

Komin heim úr leikskólanum og þá er hægt að bregða sér í eitthvað notalegra.

Það er líka gaman að hoppa í ömmu rúmi.

Það er eiginlega lang notalegast.

Feðgar á ferð.

Og mæðgur líka.

Og bara fjölskyldur

Og notalegur mömmuknús.

Þetta eru myndir frá því í gær.  Eigið góðan laugardag elskurnar.

Smáföstudagshugleiðing -ömmur-

Ömmur fyrr og nú.

Hér áður voru ömmur.... ömmur, svona eldri konur sem höfðu lifað sitt fegursta, höfðu gefið allt af sér sem þær gátu fyrst börnum og svo barnabörnum. Þær voru heima prjónuðu sokka, klæddust fallegum búningum og svo framvegis.

Fullaf af lífsreynslu miðluðu þær komandi kynslóðum af reynslu sinni, voru reffilegar og glæsilegar engu að síður.  Bara á annan hátt en nú er.

Svona voru þær heima við.  Þetta var á tímum stórfjölskyldunnar, þar sem allir unnu saman.

Í dag er þetta öðru vísi svona úti frá séð.  Ömmurnar líta öðru vísi út, hafa önnur sjónarmið og aðra siði......

Svona líta nýjar ömmur út, en þær eru samt þarna fyrir barnabörnin miðla þeim af reynslu sinni og gefa þeim sennilega alveg heilmikið.

En ömmur eru og verða alltaf ömmur ekki satt ?

Talandi um vinkonur.

Þá fékk ég svo fallega kveðju inn á gestabókina mína, að mér fannst ég verða að setja hana inn hérlíka.

Ég var að leita að mynd af okkur sokkabandskerlunum, en fann bara ekki neina viðeigandi við þetta innlegg. 

Takk fyrir þetta innlegg Ingunn mín elskuleg.  Það gladdi mig mikið að lesa það.  Knús og kossar til þín frá mér.

Ég veit að ég á myndir af okkur, og ætla að setja inn ef ég finn. 

 

Kveðja frá gamalli sokkabandssöngkonu ;-)

Hæ elsku Ásthildur mín. Veistu það að dagurinn minn byrjar á því að athuga póstinn minn og þar á eftir....þín síða:-) Dagurinn er hreinlega ekki byrjaður hjá mér fyrr en ég er búin að kíkja á ykkur í kúluhúsinu... ég dáist svo að ykkur, hef reyndar alltaf gert, alveg frá því við vorum saman að syngja og sprella í Sokkabandinu forðum daga, mikið var gaman þá :-)Það er svo mikið og gaman að gerast hjá ykkur... og erfitt líka... dáist að ykkur að taka að ykkur öll þessi yndislegu börn sem ekki væsir um. Dáist líka svo mikið að börnunum ykkar, kraftmikið fólk sem veit hvað það vill og ef það fer út fyrir "brautina" þá kemur það sér inn á hana aftur.... super krakkar sem þið eigið elskurnar. Það var svo gaman að hitta ykkur í Laugardalnum fyrir hvað... einu eða tveimur árum síðan... og mér líður svo vel með að vídeospólurnar okkar eru í þinni vörslu..loksins... þó mig langi nú pínu pons í afrit af þeim ;-) Sokkabandstímabilið var eitt af mínum bestu tímabilum í lífinu.... það var svo gaman og gefandi að vera með ykkur stelpunum og sérstaklega þér Ásthildur mín. Nú og svo sakaði ekki að múrararnir okkar, pabbi minn og Elli þinn störfuðu svolítið saman (nýbúin að horfa á vídeo úr afmæli hjá pabba á Dalbrautinni í Hnífsdal... líklega þegar hann varð fimmtugur.... 20 ár síðan því hann hefði orðið/verður sjötugur núna þann 14. maí nk... þá var sko ekta vestfirsk partý...) ég á fullt af myndum þaðan...verð að senda þér nokkrar af ykkur heiðurshjónum - Ásthildi og Ella ;-) Þetta er víst orðið of langt til að vera smá klausa í gestabók en mig langar að segja svo margt Ásthildur mín... þú kenndir mér svo margt, komst mér út úr skel og varst mín besta trúnaðarvinkona á tímabili... betri leiðbeinanda hef ég ekki enn fengið :-) Ég óska þér og ykkur alls hins besta (ætti eiginlega að vera í vinnu hjá þér þar sem ég lærði í Gartnerskolen Söhus í Danmark blómaskreytingar og garðyrkjufræði en blessað bakið mitt leyfir ekkert skemmtilegt lengur ! Ég var spurð um daginn hvort mig langaði ekki að heimsækja Hnífsdalinn og allt þar um kring aftur ... ég sagði "nei" ég hef ekker þar að sækja en auðvitað er það bull!! Hefurðu séð síðuna www.hnifsdalur.blogcentral.is Það eru krakkar fædd frá 1970-1980 úr Hnífsdal sem ætla að hittast í sumar, margar skemmtilegar myndir þar og þau eru svo yndisleg þessar elskur, þau ætla að minnast Bubba míns með nokkurs konar legsteini um hann hjá týnda sjómanninum í kirkjugarðinum í Hnífsdal, ég hef sko tárast yfir minna tilefni.... féll eiginlega alveg saman að vita hversu víða hans er minnst... dásamlegt :-) Jæja elskan, ég kann ekkert á svona blogg, datt bara inn á gestabókina þína og ætla svo að reyna að senda þetta.. veit ekkert hvort þetta kemst til skila ... tölvuhæns.. það er ég !! Takk fyrir allt Ásthildur mín, ég lærði nýjar víddir við að kynnast þér, þú ert og verður alltaf "uppáhaldsstelpan" mín... ég á margar góðar og glæsilegar minningar frá okkar samskiptum og þinni trú á mér... ótrúlegt elskan og milljónfalt TAKK fyrir að leyfa mér að vera með á sínum tíma ;-) Flott lögin þín á síðunni, ég fékk svona smá flash back... oh það var svo gaman á æfingunum hjá okkur og tónleikunum... lögin þín hér á síðunni eru frábær og bara frábær :-) Skilaðu kveðju til Ella og barnanna og knús til elsku litlu skottana sem maður sér á hverjum degi á síðunni þinni :-) Það væri gaman að heyra frá þér Ásthildur mín...  Hafðu það alltaf sem best elskan og margfalt knús og kram í kúluhúsið fallega frá Ingunni Björgvinsd. - fyrrv. söngkonu Sokkabandsins hahahhaha :-))))

Ingunn Bjorgvinsdottir (Óskráður, IP-tala skráð), fös. 9. maí 2008

Til heiðurs afmælisbarns.

Árið 1944, þann 9. maí fæddist stúlkubarn á Ísafirði.  Það hefur ekki verið skráð í aðrar bækur en skýrslur sjúkrahússins og svo kirkjubækur, nema svona skýrslur og dót sem fylgir okkur alla leið.  En þessari stúlku átti ég eftir að kynnast, þegar ég hafði aldur til.  Hún var nefnilega nágranni minn frá barnsaldri og þangað til hún flutti úr foreldrahúsum.  Og við vorum skólasystur, bekkjasystur og vinkonur.  Svona vinir sem þurfa ekki endilega að hittast til að vináttan endist.  Hún bara er, og verður meðan við báðar lifum.  Dísa vinkona mín á sem sagt afmæli í dag.  Hún er frábær vinkona og ég var nær daglegur heimilisgestur á hennar heimili.  Enda mamma hennar frábær manneskja sem var gaman að spjalla við, hláturmild og bakaði bestu kleinur í heimi.  Ég man ennþá hlátur hennar, sem var dillandi.

En Dísa vinkona mín býr í Reykjavík í dag, hún svarar stundum í færslunum hjá mér.  Svo að ég sé og heyri meira af henni í dag, en í mörg ár á undan.  Svona getur tæknin fært mann nær hvort öðru.

Ég vildi bara segia innilega til hamingju með afmælið Dísa mín.  Megi allir góðir vættir vera með þér og vernda, og megir þú eiga gleðilegan afmælisdag

Knús á þig vinkona mín.

Hið daglega veður, gróðrarvinna og allt hitt.

Dagurinn í dag var fallegur, en frekar kaldur miðað við undanfarna daga. En hann var góður til útivinnu.  Ég fór hamförum í dag með casoron, round up og klippur, já og járnkarl hehehe... ég set nefnilega niður græðlinga með járnkarlsaðferðinni.  Snemma á vorin, áður er rakinn fer úr jörðinni, er nefnilega upplagt að taka græðlinga af plöntum sem eru duglegar að róta sig og setja þær niður þar sem nóg pláss er fyrir þær með járnkarli.  Það þarf bara að gæta þess að þjappa nægilega vel niður jarðveginn við þær.   Ég hef komið til mörgum svona plöntum á opnum svæðum í bænum, þar sem þær prýða nú landslagið, í stað þess að vera fleygt eins og einhverju rusli. Ætli ég hafi ekki sett niður svona um 70 stykki í dag.  Svo er bara að vona að þær lifi sem flestar.  Mér er nefnilega meinilla við að henda plöntum.  Sérstaklega þegar það gengur svo vel að koma þeim til, með þessari aðferð á þessum tíma.

Járnkarlinn var rosalega þungur, svo nú er ég alveg búínn á því.  Fór í vel heitt bað, með róandi  baðsalti.  En þá vildu þær litlu endilega koma með ömmu ofan í baðið.  Hehehehe... ég gat ekki neitað þeim, svo við lágum allar í marineringu eftir vinnuna. 

Jorga mín fór sjálf og sótti stelpurnar.  Ég hef farið með henni, hún hefur fengið að aka bílinn undanfarið, ég hef bara setið með sem aukahlutur, til öryggis fyrir hana.  Í fyrramálið fer hún alveg sjálf með þær. 

Nú er ég klædd og komin á ról, Jorga búin að greiða mér líka.

Svona ósköp sætt systraknús.

Og sú stutta lítur mikið upp til stóru systur.

Hún fær sér Veetabix með sykri, þ.e. grófum sykri.

Meðan skottið reynir að taka um dollu af afaskyri, eins og þessi tegund er köllluð á þessu heimili af öllum barnabörnunum.

Aron Máni og Hanna Sól, að hrossast.

eins og ég sagði var veðrið afar gott, en dálítið kaldara en í gær. 

Það hafði verið smárigningarúði í nótt, en hafði stytt upp í morgun,  það komu samt dropar síðdegis aftur, vonandi ekkert til að slá á Round upið.

Og ein kvöldmynd.

Það er bara gott gróðrarveður, þegar svona viðrar. 

Ég segi bara góða nótt elskurnar, vonandi hafið þið það öll gott knús á ykkur inn í nóttina. Ég ætla mér að fara blogghringinn á morgun.  Hlakka til að lesa það sem þið eruð að pæla í dag.

Dagurinn í dag.

Jamm hér er veðrið gott, vonandi kólnar ekki mikið.

Ahuginn leynir sér ekki, þau eru að skoða einn fiskinn hennar ömmu, hann dó í dag blessaður.

Á meðan læddi þessi sér út á sokkaleistunum.

Sniglarnir eru sko ekki einu töffararnir á Íslandi.

Svo er gott að horfa aðeins á sjónvarpið.

Meðan fröken fix fær sér smá spaghetti.

Svona áður en hún leggur sig.

Þetta er hitamóða, þegar heitt loftið kemur yfir kalda jörðina.  Það var bara mjög hlýtt í dag.

Páskarósin mín komin alveg upp úr snjónum og brosir við mér.

Og vorlaukarnir lífga svo sannarlega upp á garðinn svona áður en nokkuð annað.

Aldrei má köttur slappa af, án þess að þú sért komin til að taka mynd

 

Eigið gott kvöld og knús á ykkur öll inn í nóttina.

 

 

 

Kúlan og allt sem henni fylgir.

Jamm hér er allt að vorast og verða yndislegra og betra, sumarið við næsta horn.

Snjórinn fer fljótt og vel, skíðasvæðið að verða snjólaust, og allursnjór farin úr byggð.

Þessi litla stubba er ótrúlega skapstór, og lætur ekki sinn hlut.  Vill til að Jorga er þolinmóð.

Fallegur morgun ekki satt.

Hanna Sól komin á leikskólann, annars má ég víst ekki birta svona myndir að ungunum á leikskólanum, nema með leyfi foreldra.  Þau eru bara svo flott þessar elskur.

Bak vil luktar dyr... eru skólasystkin Ásthildar.

Þessi er tileinkuð Sigrúnu bloggvinkonu, aðalgatan á Suðureyri með elskaðan Göltinn i baksýn. Suðureyri böðuð sól.

Þar sem við höfðum skilað af okkur börnunum á leikskólan heyrðum við lögreglusýrenur í þorpinu, þar kom löggubíll á rosalegri ferð og sjúkrabíll á eftir, ég mundaði náttúrulega myndavélina.

Út stökk löggumann með tækið góða, hjartahnoðtækið, sem bjargað hefur nokkrum mannslífum núna bara á stuttum tíma.

en allt fór vel, það var bara gamall sjómaður sem hafði dottið í sjóinn.  Hann var fluttur á sjúkrahúsið til aðhlynningar og ég frétti svo að hann væri komin heim, annars hefðu þessar myndir ekki birst hér.  Ég myndi aldrei setja inn myndir af slystað þar sem dauðaslys hefði átt sér stað, nógur er sársaukin samt hjá aðstandendum, þó ekki bætist við fréttaþyrstir blaðamenn og ljósmyndarar.

Börn að leik á skólalóðinni.  Halló amma glumdi þar líka, ég er vel þekkt hehehehehe.

Ég fór að láta skipta um dekk á bílnum mínum, nú eru engir naglar lengur. 

Við fórum í sund á Suðureyri stelpurnar og Jorga, þegar hún áttaði sig á því að þetta var útilaug, varð hún angistarfull, það er allof kallt sagði hún, ætlarðu virkilega í útisundlaut ?

Já hún er heit, sagði ég.  Hún horfði á mig í forundran, ókey, sagði hún svo, ég ætla að prófa.

Svo varð hún aldeilis hissa á hve heitt vatnið var.

Og; mikið er sjórinn hreinn við ströndina, sagði hún.  Já glöggt er gests augað.

Þetta eru vorboðar.

Og grasið farið að grænka.

Svo var náttúrulega grillað.

Hún er eins og amma sín, sagði afi, vill endilega naga beinin. hehehe

Jóhanni bloggvini fannst haninn flottur, Úlfu datt í hug að setja upp prik fyrir hann, við kjallaradyrnar.  Skepnan byrjar að gala kl. 4 á morgnana, og svo galast þeir á, hanarnir þessi stóri upp á lóð, og þessi litli í garðskálanum.  Ég keypti eyrnatappa í dag fyrir alla fjölskylduna

Það kom í ljós að Jorga okkar er hárgreiðsludama, hún fléttaði Hönnu Sól í dag.

Sæt saman.

Líka sætar saman.

Kvöldfegurð, fjallið himininn skýin mynda orku sem maður tekur inn og nýtir sér endalaust.

Afi og Sólin gantast.

Hér sést fléttan hennar Jorgu. 

En ég segi bara knús á ykkur öll inn í nóttina.  Það fer að verða meira að gera hjá mér í vorverkum, en ég vil ekki missa af ykkur, og ætla mér því að reyna að vera dugleg að heimsækja ykkur og senda inn myndirnar mínar.  Þið eruð öll svo yndæl.  Knús á ykkur inn í nóttina.

 

Tíminn og ég framhald. (smá mömmó)

Tíminn og ég er svo sannarlega réttnefni.  Hafði bókstaflega engann í gær, hvað þá orku.  Þetta stendur samt allt til bóta, því Peran mín er heillasending, ljúf og hlý og dugleg, hún kemur stelpunum vel að sér, og kann tökinn, enda móðir sjálf.

'Eg ætla að svara ykkur í kvöld, og fara blogghringinn.  En núna langar mig að setja inn myndirnar frá því í gær, sem ég hafði ekki orku til að setja inn þá.  Knús á ykkur öll inn í daginn, og svörin ykkar gleðja mig mikið, þó ég hafi ekki haft tíma til að svara þeim.

Veðrið var fallegt í gær, og er ennþá fallegra í dag, með sól og hlýju.

Speglunin segir bara eitt   LOGN.

Stúlkurnar tilbúnar í leikskólann.

Prinsessan opnar sínar dyr sjálf.

Sú stutta fær ókeypis burð.

Mér finnst öll störf jafn þýðingarmikill, og auðvitað á að kynna börnunum sem flest störf, hér er starfskynning í ruslasöfnun.

Og auðvitað glumdi við Halló amma!, því allstaðar á ég hauka í horni.

Já veðrið er hið fegursta hér á hjara veraldar.

Það má segja að þetta sé alþjóðlegur vinnustaður, Pólland, Ísland og Litháen. Svo bætist við kona frá Portúgal í vikunni.  Þessi þrjú eru harðdugleg í prikluninni.

Afi minn er múrari, þess vegna tékka ég á hvort hellurnar eru fastar fyrir.

Maður þarf að fá sér fisk í matinn.

en við borðum samt úti í garðskála.

Svo þarf maður aðeins að sulla, það tilheyrir þessum aldursflokki.

Og spjalla við afa, djúbbi djúbbi, dí.

Leikræn tjáning, þessar eru fyrir Lilju bloggvinkonu mína og Elvar Loga, hefurðu séð dramatískara leikrit ?  Act alone? Elvar Logi, hún er örugglega liðtæk á Act alone vikuna hjá þér ekki satt ?

Hærra til þín !

Með hádramatískum endi  Sem betur fer var myndavélin við hliðina á mér.  Því þetta var alveg dásamlega flott móment.

Jorga nær henni mjög vel að sér, sem er þýðinarmikið, því yfirleitt tekur það viku að ná henni á sitt band.

Prinsessurnar mínar vilja klifra upp á allt, hvar sem er.  Jafnvel upp á matarborð.

Hér er rómantísk tjarnamynd, hér er verið að skoða fiskana.  Prakkarann og fleiri. Þeir eru vaknaðir til lífsins, eftir svefn vetursins.

Og enn ein falleg kvöldmynd. ég hugsa til ykkar, og bæði fer blogghring og les svörin ykkar í kvöld.  Knús á ykur öll. 

Tíminn og ég...... eða þannig.

Hér er ennþá verið að fljúga í þessum rituðu orðum, en það var ekki flogið í dag, austanátt og þvert á brautina.  En hér var risamót um helgina, Blakmót, og svo Fossavatnsgangann, og bara á blakmótinu voru um 700 manns, og eitthvað hefur nú komið af skíðagöngufólki, allstaðar að úr heiminum í Fossavatnsgönguna.  Svo það voru áætlaðar 11 flugvélar hingað í dag.  En eins og allir sem þekkja til vita, þá kemur yfirleitt logn á kvöldin, og núna er orðið svo bjart frameftir, að það var hægt að fljúga í kvöld.  Vonandi hafa allir náð til síns heima. 

Hér er peran mín, ég er viss um að okkur mun líka vel við hana, og vonandi líkar henni vel við okkur.  Hún lofar allavega góðu, ljúf og dugleg.  En það mun koma í ljós.

Töffarinn og prakkarinn Ásthildur Cesil á leið í afmæli til Isaacs Loga.  Hanna Sól, og Úlfur fóru í sund með pabba Úlfs, og fjölskyldu.

Jamm það var dálítið hráslagalegt í Hnífsdal í dag.

En inni var auðvitað notalegt og gaman.

Ömmustrákur á tryllitæki sem hann fékk frá mömmu og pabba.  En það kom í ljós að drengurinn er karlremba, því hann vildi ekki að Ásthildur æki gröfunni, en lánaði góðfúslega öðrum strák græjuna

Isobel ömmuprinsessa.

Litlu systkinin. 

Þessi er fullur...................................................................... af sælgæti og bíður þess að vera laminn i spað.  En við þurftum að fara, því ég var búin að bjóða hluta af fjölskyldunni minni að borða með okkur, þau voru að flytja í dag og í gær.

Það er gaman að leika sér í góðu tómi.

Þessi er sett inn fyrir Hnífsdölsku vinina mína, skólinn og kapellan.

Hott hott á hesti !!!

Sigurjón Dagur með mömmu sinni.

Sóley Ebba spilar á píanóið.

Hanna Sól inn í ömmuskáp.

Og Ásthildur líka inn í ömmuskáp.

Þessi glæsilegi hani er nýjasta gæludýrið..... eða þannig, hann er dverghænsni, og það voru engar hænur eftir hjá honum í hænsnakofanum, og stóri haninn lagði hann í einelti, svo við ákváðum að taka hann niður í garðskála, þar unir hann vel hag sínum, galar að vísu hátt ef Brandur er einhversstaðar nálægt, og svo galar hann hátt og snjallt á morgnanna, svo ekki þarf lengur á vekjaraklukku að halda.  Mætti seinka honum aðeins, hann byrjar kl. fimm

en ef einhver þekkir til og veit af dverghænum einhversstaðar, sem þurfa nýtt heimili og glæsilegan hana, þá endilega hafið samband. 

Kamelíufrúin mér sýnir á sér flottustu hliðina ever.  Glæsileg og flott.

Og svo borðuðum við saman angi af fjölskyldunni minni.  Auðvitað læri með tilheyrandi.  En ég vona að nú fari aðeins að slakna á í kring um mig.  Mér lýst allavega vel á þessa ungu konu sem er komin hingað langa leið til að hjálpa mér, og ég er þakklát fyrir það. 

Og ég segi bara góða nótt mínir elskulegu bloggvinir og aðrir lesendur sem hingað koma inn.  Knús á ykkur öll.