Nakinn maður og annar í kjólfötum.

Verð nú bara að segja hvurslags kjánagangur er í gangi. Við fæddumst öll nakinn og líkami okkar er bara eins og hann er sem við flest þekkjum.  Ég skil vel baráttu kvenna með free the nipple, og gott hjá þeim, en um leið vil ég bara segja af hverju mega karlar ekki Opinbera getnaðarlim sinn.  Og þá er ég komin að því sem ef til vill mestu skiptir.  Við konur erum í baráttu í því að veita kynfæri okkar viðurkenningu.  Það eru píkusögur, heilaðu píkuna og hvað sem er.  En málið er að við þurfum að finna upp nafn á þetta ágæta kynfæri okkar sem veitir þá virðingu sem þarf.  Það eru til ótal nöfn á þetta kynfæri, píka, pjása, pussa, kussa, láfa, kunta og ég veit ekki hvað, allt niðurlægjandi nöfn.  En svo höfum við jafn flott nafn á lim karlmanna sem er getnaðarlimur, það er einhvað svo flott og gott nafn.  Við þurfum að fá eitthvað svipað gefandi nafn á okkar flotta og glæsilega kynfæri.  Eitthvað sem skapar viðlíka virðingu og getnaðarlimur.  Fyrr getum við ekki endurheimt virðingu á okkar flottasta kynfæri.  Nöfn vinsamlegast vel þegin.  

Beraði kynfæri sín á Austurvelli

Við viljum samninga og ekker vesen. Segi og skrifa.

Málið er frú Þórunn Sveinbjarnadóttir er að við almúginn,alla vega ég treysti þér engan veginn til að var hlutlaus í þessu máli. Einhvern veginn finnst mér að allt sem þú kemur nálægt sé einvernveginn smurt af veseni.  Svo ég segi það hreint út þá máttu vita að þarna úti ef fullt af örvæntingafullu fólki sem þarf á meðhöndlun fræðimanna að halda.  Það hefur sáralítið með Samfylkinguna að gera eða framgang hennar.  Þannig að ef þú á einhvern hátt ert að gera að því skóna að hygla þínu fólki með þessu sem þú ert að gera þá mun það koma nákvæmlega fram í það sem það er. Þú og þitt lið eruð að dansa á línunni, og ég er ekki að afsaka samningsskort stjórnvalda á neinn hátt,við eitt dauðsfall af völdum verkfalls mun svo sannarlega verða til þess að öll samúð fólks mun hverfa.  Gerið ykkur bara grein fyrir því að  hér eru mannslíf í hættu og helvítis pólitíkinn hefur ekkert með það að gera.  Bara það að ég skuli hugsa svona segir ákveðna hluti um hvað fólk eins og ég er að hugsa um flokkinn þinn, sem er nánast kominn ofan í ruslakörfuna hjá mér. 

„Reyna að svelta okkur til hlýðni“

Árnaðaróskir til allra landsmanna.

Þetta eru sannarlega góðar fréttir og allir virðast vera ánægðir með útkomuna.  Nú ríður á að alþingismenn og ráðherrar taki sig saman og vinni hlið við hlið við að komast sem farsælast út úr þessu. 

Ég er viss um að tíminn undanfarið og harkan í umræðunni verður til þess að loksins læri alþingisþjónar okkar hvar þeirra tryggð á að liggja og það er hjá almenningi í landinu sem hefur ráðið þá til þessara mikilvægu starfa. 

Mér sýnist líka að hér hafi loksins fagmennskann ráðið úrslitum, ekki einhverjir flokkshestar og kunningjar eins og svo oft hefur borið við í okkar litla samfélagi. 

Það er líka frekar óþægilegt þegar menn fara að rífast um hverjir hafi nú náð þessu markmiði, það skiptir nefnilega engu máli.  Það sem skiptir öllu máli er að við fáum loksins grænt ljós til framtíðar, jafnvel að fá ástvini okkar aftur heim í tímans rás.  

Mér heyrist líka að Bjarni Benediktsson haldi haus og sjái hvað mikilvægast er að gera í framhaldinu.  Hann hefur komið vel út úr þessu máli yfirvegaður og rökfastur. 

Stjórnarandstaðan hefur líka getað glaðst, þó sumir geri það með tregðu. Það er okkur landsmönnum öllum mjög mikilvægt að ráðamenn leggi alla misklíð til hliðar og bretti upp ermar og standi saman um að byggja upp aftur það sem tapast hefur.  Það þarf að ljúka samningum við launafólk sem er í verkfalli.  Sjúkt fólk á mikið undir því að vel takist til, sumir jafnvel lífsvon sína.  

Ég sá ríka ástæðu til að óska okkur öllum til hamingju með þennan árangur og jafnvel nýtt upphaf og betri vinnubragða á alþingi.  

 

 

 

 

 

 

 

 

 

 

 

 

 

 

 

 

 

Eigið góðan dag elskurnar. 

 

 

 

Góð samstaða þingsins mikilvæg

Plús til Pírata.

Nákvæmlega Helgi Hrafn, þarna skilur að Pírata og fjór-fimmflokkinn, sem telja aðalmálið að ríkisstjórnin komist ekki upp með slíka sigra.  

Þetta er nefnilega aðalmálið, við erum öll í samab báti og þurfum að standa saman í þessu máli sem öðrum.  Hvað sem pólitíkinni vindur fram.  Það er vilji fólksins, almennings í þessu landi, sem er orðið langþreytt á helgreipum pólitíkusa sem standa sveittir hver í sínu horni og reyna að reka hnífasettið í bakið á pólitískum andstæðingum.  

Ég hef einmitt grun um að þannig sé málinu háttað hjá stjórnarandstöðunni, annara en pírata, að þvælast fyrir í kjarasamningum svo hægt sé að leggja stein í götu stjórnarinnar.  

Þetta er ekki mín óska stjórn, og vissulega hef ég miklar áhyggjur af ýmsum áherslum hennar, eins og sjávarútvegsmálunum, náttúruverndarmálunum og tilhneygingu til að hygla stórgrósserum og útvegsgreifum.  En heldur þetta fólk eiginlega að við séum búin að gleyma hinni norrænu velferðarstjórn?  Afhendingu Steingríms á bönkunum og sparisjóðunum?  Eða þrengingu þeirra og niðurskurði á öryrkja og aldraða? Eða stirfni Jóhönnu til að leita samráðs við stjórnarandstöðuna?

Nei, það er nákvæmlega þess vegna sem fylgið til fjór-fimm flokksins fer jafnmikið dvínandi og ríkisstjórnarflokkana, skýr krafa um eitthvað annað.  

Hlustaði á drottningar viðtal við Guðmund Steingrímsson í morgun og er ennþá með æluna upp í háls.  

Nei fólk vill breytingar og það held ég allavega að þær breytingar eru ekki með Viðreisn sama graut í sömu skál og Sjálfstæðisflokkurinn bara með smá ESB ívafi.  Ó nei.  Fólk vill sanngirni, lýðræði og jöfnuð.  Hvert það framboð sem lofar slíku og stendur við það mun hljóta brautargengi.  

Fólk er einfaldlega búið að fá nóg.  

Látum eins og fólk og leysum þann hnút sem verkfallið er og er að sliga sjúklinga sem eiga allt sitt undir því að fá meðferð sem eykur þeim lífslíkur.  Við erum nefnilega að gambla með líf og limi fólks sem á sér ekki aðra von en að fá meðferð.  Allt annað skiptir minna máli.  Þetta fólk er hetjur að mínu áliti og ég óska þess að þetta verkfall leysist sem fyrst svo fólkið sem virkilega þarf sárlega á aðstoð að halda fái hana.  

Í því sambandi verður plott Samfylkingarinnar um að koma þessari ríkisstjórn frá afskaplega lítilfjörleg og andstyggileg. 

„Við erum öll í sama bátnum“

Smá yfirlýsing frá mér til ykkar.

Kæru vinir og þið sem hafið verið viðskiptavinir mínir til margra ára.  Ég þarf að segja ykkur dáítið.  Það er erfitt og ég hef reynt að draga það eins og ég get.  En hjá því verður ekki komist.  

Ég hef átt erfiðan vetur og vor, margt hefur farið illa hjá mér, og lamað starfsþrek mitt.  Ég hef samt sem áður gert allt sem ég hef getað til að standa mig.  Brotist upp í gróðurhús í hvaða veðri sem er og þungum snjó til að gera mitt besta.  En það hefur gengið illa.  Bæði með plöntur sem ég hef yfirvetrað hingað til og viðhaldið þannig, meðan ég var úti fór rafmagnið af húsinu og þær plöntur sem áttu að vera til staðar í vor drápust.  Sáningin gekk sömuleiðis illa og margt annað sem ég nenni ekki að ræða. 

Þetta hefur legið ótrúlega þungt á mér í allt vor.  Þannig að ég tók sjálfa mig á eintal og sagði að þetta bara dygði ekki.  Ég þyrfti fyrst og fremst að hugsa um sjálfa mig og það sem mér væri fyrir bestu.  Og það varð úr að ég verð ekki með opna tíma í garðplöntusölunni eins og alltaf áður, ekki með það úrval sem ég þarf að hafa og ekki með úthaldið sem ég þarf á að halda.

 

 

 

 

 

 

 

 

 

 

 

 

Þess vegna mun ég ekki vera með séstaka opnunartíma uppfrá, heldur einbeita mér að því að vinna í garðinum mínum. 

Þið eruð eftir sem áður velkomin að koma og skoða það sem til er, eða leita ráða eins og verið hefur. Ég verð mestmegnir einhvarsstaðar á lóðinni, annars er síminn minn 6187751(reyni að muna að hafa hann á mér )

 

 

 

 

 

 

 

 

 

 

 

 

Þetta er ekki auðvelt fyrir mig að segja svona opinberlega.  En ég vil ekki þurfa að skammast mín fyrir að hafa ekki staðið mig sem skyldi, hverju sem það er að kenna, það skiptir heldur ekki máli. 

 

 

 

 

 

 

 

 

 

 

 

 

Ég vil bara eiga þetta sumar til að sleikja sárin og gera það sem mér lætur best að hlú að blómunum mínum og skila skömminni sem ég finn fyrir.  Hún á ekki heima í hjartanu mínu.  Ég tek bara á þessu eins vel og ég get.  

 

 

 

 

 

 

 

 

 

 

 

 

Vona að þið sýnið mér skilning í þessu.  Ég hef reyndar hengipetuníur, og stjúpur sem eru þó ekki nógu langt komnar eins og er.  Enda er varla komið vor ennþá. 

 

 

 

 

 

 

 

 

 

 

 

 

Já þetta er það sem ég ætlaði að segja og nú hef ég brotið odd af oflæti mínu og viðurkennt vanmátt minn.  En ég held að svona ítrekuð áföll lami mann smátt og smátt og geri allt erfiðara.  En ég er þannig manneskja að ég verð að fá að vera ég sjálf og segja hreint út hvernig málin eru.  Mér þykir vænt um ykkur öll sem hafið alltaf sýnt mér hlýhug og komið í garðplöntustöðina mína og spjallað og dáðst að bæði fjölbreytninni og fallegu blómunum mínum. 

Þetta eru enginn endalok, aðeins breyting meðan ég hugsa mitt ráð. 

 

 

 

 

 

 

 

 

 

 

 

 

 

 

 

 

 

Svo á ég líka von á að fá að hafa barnabörnin mín í sumar, jafnvel meira en verið hefur.  Þau eru það besta sem ég á.  <3

Eigið góðan dag elskurnar.  

 

Guggan verður alltaf gul.

Þarf ekki bara að gefa þessari elsku "GULA PJALDIÐ"?  Það ætti að kveikja í honum... eða þannig. 

Útilokar ekki lög á verkfall

Var umsóknin brot á íslenskum lögum?

Hér er innslag frá Tryggva Helgasyni: 

Í upphafi var fólki sagt að Alþingi hefði sent bréf til ESB, með ósk um "könnunarviðræður" fyrir "hugsanlega" umsókn (seinna) um formlega aðild og inngöngu í Evrópu-bandalagið. Þetta reyndust ósannindi, því seinna var það svo upplýst að í bréfinu stóð "MJÖG SKÝRT" að þar var óskað formlega eftir - "fullri aðild og inngöngu" - Íslands í ríkjasamband Evrópu. Þjóðin var aldrei spurð, né heldur boðið að sína vilja sinn um það (í þjóðaratkvæðagreiðslu), hvort hún (þjóðin) vildi, eða vildi ekki, ganga inn í ESB. Þetta umsóknarbréf var því (samkvæmt mínu mati), klárlega brot á Íslendsku Stjórnarskránni, sem og brot á almennum lögum um fullveldi Íslands. Því eins á Alþingi - (einnig, samkvæmt mínu mati) - að nálgast málið frá þeim sjónarhóli og draga umsóknina til baka þar sem ólöglega hafi verið að henni staðið. Og í framhaldi af því á svo ríkissaksóknari (og ef til vill fleiri) að fá málið til meðferðar og kanna hvort ástæða sé til frekari sakfellingar. Þarf ekki að skoða það mál hvort umsóknin hafi verið ólögleg vegna innihald bréfsins sem sent var? Ef fólki hefur verið sagt að hér væri einungis um "könnunarviðræður að ræða, og "hugsanlega" umsókn seinna. Þá er bréfið sem fór, þar sem rætt var um að óskað hafi verið eftir fullri aðild lygi og óheiðarleiki sem ekki er boðlegur alþingi Íslands. Þetta mál verður að rannsaka í ljósi þessa og virkilega skoða hvort tilefni sé til að fá það í hendur saksóknara ríkisins. Set hér inn líka ágæta færslu Gunnars Rögnvaldssonar: http://tilveran-i-esb.blog.is/blog/tilveran-i-esb/entry/1772635/

Telur Ísland enn umsóknarríki

Já það er gott að geta farið í drottningaviðtöl.

Það er gott hjá þér að hleypa gleði inn í líf þitt og byrja upp á nýtt ágæta Þórey, og leiðinlegt að þetta skyldi koma upp á erfiðum tíma fyrir þig.  Það er samt eitthvað sem ekki passar fyrir minn smekk.  Þannig er að ef ég er með hreina samvisku þá á ég ekki í einhverju sálarstríði um mál sem sannarlega er ekki mitt mál.  Og að auki, ef þú varst svona viss um að Gísli var saklaus, af hverju að spyrja hann mörgum sinnum, (það á líka við um Hönnu Birnu)  þið  afneituðuð báðar tilvist skjalsins sem reyndist svo vera nákvæmlega inn í ráðuneytinu.  Það var reynt að klína sökinni á Rauðakrossinn og útlendingastofnum.  Ef þú varst svona náinn samstarfsmaður Hönnu Birnu hlýtur þú að hafa fylgst með því máli og vitað að skjalið fannst einmitt hjá ykkur ásamt lekanum.  Ég er með ákveðna kenningu um hvernig þetta mál æxlaðist, og þar kemur núverandi lögreglustjóri Reykjavíkur sterkt inn ásamt ykkur.  

 

Og þegar fyrrverandi innanríkisráðherra neitaði tilvist þessa skjals á alþingi hlýtur þú að hafa vitað að það var ekki sannleikanum samkvæmt.  Hvort sem þú vilt kannast við það eða ekki, þá liggur þetta fyrir, þvi miður fyrir þig og þinn fyrrverandi yfirmann.  Þetta hefur aldrei verið útskýrt nægjanlega.  

Og þegar þú fórst í mál við DV, með kröfu um hörðustu refsingu sem til væri, fórstu alveg með það að mínu mati, og ef einhver samúð hefði verið með þér, fauk út hún út í veður og vind. 

En sem sagt ég óska þér alls góðs í nýju lífi og megi þér farnast sem allra best.  En mundu bara að þó sannleikurinn muni aldrei koma upp, þá mun hann naga þá sem þekkja hann.  Og ef þér hefur liðið svona illa út af fólkinu sem lenti í lekanum, þá er það pínu skrýtið að þú skyldir ekki á neinn hátt bregðast við og sýna þeim samúð meðan á þessu stóð.  

Mundu líka að það eru ekki allir sem fá drottningaviðtöl í mest lesnu blöðum landsins til að réttlæta sjálfa sig og aðra.  Sumir eiga enga slíka að, og þegar reynt var að eyðileggja þann stuðning frá almenningi sem þetta blessað fólk var að fá með leka, þá var það bara andstyggilegt.  

Ákvað að hleypa gleði inn í lífið

Rifrildi, þras og merkilegheit hafa aldrei getað leitt til friðar.

Málið er að það er ekki hægt að kenna einum eða tveimur mönnum um þetta ástand.  Þetta er mál ykkar allra sem sitjið á þingi og eigið að vinna fyrir þjóð ykkar.  Það lagast ekkert með gífuryrðum eins og fyrirsögnin hér ber með sér.  Þau eru ekki til að bæta ástandið.  

Þú er líka fljótur að gleyma Steingrímur, eigum við nokkuð að fara að ryfja upp viðskilnað vinstristjórnarinnar?  Eða öll málin sem ekki fóru í gegn?

Það þýðir einfaldlega ekki að karpa svona og senda skeyti á milli, það er ykkur öllum til minnkunnar, ekki bara stjórnarliðum heldur líka minnihlutanum sem virðist vera að auka á vandann með allskonar pillum og hugsa sér til hreyfings með að komast nú að aftur. 

Ég vona að enginn ykkar gömlu fjórflokkana komist í þá aðstöðu að mynda meirihluta hvor með öðrum.  Þið eruð einfaldlega búið spil, þið eruð orðin svo samsoðin spillingunni og lélegum vinnubrögðum að við almenningur eða allavega eins og ég upplifi hann erum löngu orðin dauðleið á ykkur öllum, ekki bara sjálfstæðis- og framsókn.  

Nú hafið þið haft tækifæri til að setjast niður, allir flokkar og ræða saman af skilningi og taka ákvarðanir sem eru til hagsbóta fyrir þjóðina sem byggir þetta land, en ekki bara hugsa um ykkar eigin frama og hyglun vina og vandamanna.  

Einmitt þess vegna er svo grátlegt að horfa upp á þennan sandkassaleik ykkar, þar sem hver hönd er upp á móti annari, og enginn vill gefa neitt eftir.  Þið eruð eiginlega bara ekki í stöðu til þess að láta svona meðan landið og miðin brenna.  Meðan auðmönnum og sægreifum er hyglað á okkar kostnað.  

Ég á eiginlega ekki orð, oft hefur verið tekist á um málefni, en þetta sem við horfum upp á núna er svo fáránlegt að ég skammast mín fyrir að vita af ykkur sitjandi þarna í boði þjóðarinnar.

 

 

 

 

 

 

 

 

 

 

Ég get vel skilið að minnihlutinn sé reiður og sár, þar sem meirihlutinn sýnir ,margir hverjir,ótrúlega óbilgirni og þráa.  "Við eigum að ráða af því að við erum meirihlutinn"

Þetta er bara ekki spurning um það hverjir eiga að fá að ráða, þetta er spurning um skynsamlegar niðurstöður og samvinnu.  Ef þið alþingismenn getið ekki skilið það, eigið þið einfaldlega að fara frá borði og leyfa öðrum að spreyta sig á vandamálunum.  Þolinmæði þjóðarinnar er kominn að þolmörkum. 

 

 

 

 

 

 

 

 

 

 

 

 

 

Vona að mér fyrirgefist að taka þessa mynd traustataki. 

Ég veit að ekkert ykkar eru vondar manneskjur fjarri því, og sennilega viljið þið reyna að gera vel.  En þið eruð bara því miður orðin svo samdauna sjálfum ykkur og þeim anda sem svífur yfir alþingi, að þið eruð kominn út úr öllum takti við okkur hin.  Búin að gleyma hverjum þið eigið að þjóna.  Það er ykkar að setja réttlátar reglur sem samfélagið getur unnið út frá, þið eigið ekki að vera að vasast í að hygla fólki sem borgar vel undir borðið.  Þið eruð í vinnu hjá okkur öllum.  

Ef til vill ætti að taka hana Sólveigu Vögnu til fyrirmyndar og hreinsa andrúmsloftið í þessu forbannaða húsi ég held að það sé alveg rétt hjá henni að illir andar hafa lagt það undir sig og nærast eins og púkinn á fjósbitanum við hvert rifrildið og illskunnar sem frá ykkur kemur. 

 

 

 

 

 

 

 

 

 

 

Það er komin tími til að þið takið ykkur tak og farið að ræða saman af virðingu og sanngirni. Þetta er einfaldlega orðið full langt gengið í orðaskaki, hræsni og fíflaskap sem er ekki  samboðið fólki sem gerir sig út fyrir að vinna fyrir þjóð sína.  Ykkar er að setja reglur og lög til að fara eftir fyrir alla þjóðina, en ekki eitthvað sem einhverjir mútar ykkur til að gera, eins og stundum virðist vera.

Og allt þetta þegar fólk á ekki fyrir mat, fólk er að taka sitt eigið líf vegna örvæntingar um framtíðina.  Skammist ykkakr bara og farið að vinna vinnuna ykkar eins og fólk.  

 

„Krakki með bensínbrúsa og eldspýtur“

Kæru vinir, vandamenn, nördar og reiknishausar.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Þetta eru teikningar af kúlunni frá Einari Þorsteini Ásgeirssyni.

Við höfum ákveðið að byggja garðskálann upp aftur, þar sem ekki verður búandi í húsinu án hans.  Málið er að arkitekginn Einar Þorsteinn Ásgeirsson er ný látinn, blessuð sé minning hans, svo það er frekar erfitt að púsla þessu saman.  Reyndar vorum við svo óheppinn að maðurinn minn sagði upp tryggingunum í nóvember en óhappið gerðist svo í desember, en það er önnur saga. 

Mig langar til að spyrja hvort einhver sé þarna úti sem treystir sér til að hjálpa okkur með að púsla þessu rétt saman aftur.  Þetta er fimmdeiling og þríhyrningarnir misjafnlega stórir eftir því. Þá er ég að meina að finna réttu stærðirnar í þríhyrningunum og hvernig þeim er raðað saman. 

 

 

 

 

 

 

 

 

 

 

 

 

 

Þessi mynd er tekinn í fyrra sumar meðan allt var í lagi.  

 

 

 

 

 

 

 

 

 

 

 

 

Svona lítur þetta út núna.  

 

 

 

 

 

 

 

 

 

 

 

 

Eins og sést er þetta ekki mjög kræsilegt.  Svo ef einhver snillingur er þarna úti sem hafur gaman af að takast á við púsluspil, væri vel þegið að fá að heyra í slíkum.  síminn hans Ella míns er 6987751.  gmailið mitt er [e-mail].  

Vona að einhver svari þessu kalli mínu.  Eigið góðan dag. 

P.s. Hér eru tveir linkar á kúluhús. 

http://sci-toys.com/scitoys/scitoys/mathematics/dome/dome.html

 

https://www.google.com/search?client=opera&q=how+to+build+a+geodesic+dome&sourceid=opera&ie=UTF-8&oe=UTF-8

...