Má ég bjóða ykkur á veitingahús í Bratizlava.

Já hér er yndælis veður, og við erum að spá í að fara í dýragarðinn með telpurnar.  En mér datt í hug svona að bjóða ykkur til Bratizlava á kósý veitingastað og fá góða súpu, svona mitt í snjónum og rokinu heima.  Þessi veitingastaður er í kjallara, eins og reyndar margir barir og veitingastaðir í þessari gömlu menningarborg.

Þessi lofar góðu, við skulum kíkja hér inn.

Já hér er allavega mjög notalegt.

Best að taka upp gleraugun því þjónninn er að koma.

Hér er margt ansi skrautlegt, bara að maturinn sé góður.

Sumum finnst þetta örugglega vera ofhlaðið af skrauti og allskonar gömlu dóti.

Hér er svo matseðilinn, hann er auðvitað allur á slavnesku, svo maður verður bara að þróa sig áfram, með hvað er á boðstólum.

Og jú við fengum þessa fínu ungversku gúllashsúpu, sem smakkaðist vel, og er heit og notaleg.

 

Svo er náttúrulega hægt að halda áfram að líka í kring um sig.  Þetta er eiginlega alveg ótrúlegt, ég hef ekki séð svona yfirfullan veitingastað áður af öllu öðru en mat og mataráhöldum og svoleiðis.

En það er skemmtilegt að skoða þetta.

 

Litagleðin er líka ríkjandi hér.

Svo er að borga og koma sér út.   Þetta var saðsöm og notaleg stund, verði ykkur að góðu. 

Athugasemdir

[Steinunn Helga Sigurðardóttir, 30.1.2008 kl. 14:24]

lítur spennandi út, hvar ertu kona, !

Kærleikur og Ljós til þín

steina

[Ásta Björk Solis, 30.1.2008 kl. 16:26]

Eg spyr bara lika hvar ert thu  ?Skemtilegar  myndir

[Anna Ólafsdóttir (anno) (IP-tala skráð) 30.1.2008 kl. 17:04]

Ein spurning:Hvar hefur þú ekki verið?

- en líka - Takk fyrir myndir

[Ásthildur Cesil Þórðardóttir, 30.1.2008 kl. 17:36]

Ég er í Vín ennþá elskurnar, en þessar myndir voru teknar fyrir um það bil ári, þegar ég var hér síðast, þá fórum við til Bratizlava.  En ég hef ekki verið í Timbuktú, Langbortistan, ekki í Asíu, nema rétt skrapp yfir Bosborusund, þegar ég var í Tyrklandi  

[Ásthildur Cesil Þórðardóttir, 30.1.2008 kl. 19:25]

Ég kem heim þann 7. febrúar

[Kidda (IP-tala skráð) 30.1.2008 kl. 21:04]

Hm. í hvaða landi vorum við að fá okkur súpuna? Get bara ekki kveikt á perunni

[Ásthildur Cesil Þórðardóttir, 30.1.2008 kl. 21:19]

Í Slóvakíu Kidda mín.  Þessari sem einu sinni hét Tékkóslóvakía og skiptist svo niður í Tékkland og Slóvakíu, Prag er höfuðborgin í Tékklandi og Bratizlava höfuðborgin í Slóvakíu.   Fannst þér hún annars ekki bara góð súpan ?

[Margrét St Hafsteinsdóttir, 30.1.2008 kl. 21:32]

Þú ert algjör heimshornaflakkari Ásthildur mín! Alltaf gaman að kíkja við hjá þér og sjá frábærar myndir og skemmtileg og áhugaverð skrif.  Hvert ætlarðu svo næst?  Knús

[Ásdís Sigurðardóttir, 30.1.2008 kl. 23:30]

Þetta minnir mig rosalega á krúttlegan stað sem við hjónin fórum á saman í litlum  bæ rétt við Rín þegar við vorum á ferð frá Lux til Sviss. Yndislegur staður, guð hvað ég öfunda þig að vera úti.

[Kristín Katla Árnadóttir, 30.1.2008 kl. 23:40]

En æðislegt hjá ykkur þú ert yndisleg kona elsku Ásthildur mín Takk fyrir allt á blogginu mínu . Takk fyrir orkuna sem þú gafst mér.

[Ásthildur Cesil Þórðardóttir, 31.1.2008 kl. 07:31]

Elsku Katla mín til þess eru vinir

Já Ásdís mín sennilega eru margir svipaðir staðir til, hér eru margir svona kjallarastaðir allstaðar í miðEvrópu, Póllandi, Þýskalandi, Austurrík, Slóveníu og víðar. 

Margrét mín næst fer ég sennilega til Júgóslavíu, er bókuð þangað í byrjun júní, ef ég fer ekki til Vínar seinna í vor til að horfa á kirsuberjatrén blómstra. 

[Ásthildur Cesil Þórðardóttir, 31.1.2008 kl. 16:26]

Ætti ef til vill að fresta ferðinni Inga Brá mín  En veistu að það besta við kvefi er hvítlaukur, salla hann niður og borða bara hráan.  Svínvirkar.  Góðan bata.