12. maí 2007.

Megi þessi dagur verða okkur öllum til heilla.  Verður hann skráður á spjöld sögunnar?  Það er okkar val. 

Í dag þann 12. maí eigum við möguleika á því að breyta kjörum okkar og daglegu lífi.  Ég held að við eigum raunverulega möguleika á því að segja upp þeim herrum sem stjórnað hafa landinu núna í 12 ár.

Þessir herramenn eru dauðhræddir í dag við að missa völdin.  Og það er allt eins víst að þeir láti það bitna á okkur sem hafa talað út, eftir kosningarnar hafi þeir til þess möguleika.  Það virðist því miður vera svo.  Það sýnir saga undanfarin ár.  Hræðsla fólks við að segja meiningu sína og jafnvel gefa upp hug sinn um hvað það ætli að kjósa.   Eða halda menn virkilega að nær 40 % þjóðarinnar sé í vafa ennþá hvað þeir ætli að kjósa ?  Ég held ekki.

En ég ætla ekki að vera með leiðindi.  Ég óska þess að niðurstaðan í dag hver sem hún verður, muni verða okkur öllum til hagsbóta.  Að gæfan fylgi okkur og ég bið allar vættir landsins að gefa okkur skynsemi til að gera rétt. 

Ég tók fullt af flottum myndum í gær.  Af torginu þar sem mikið var um að vera, Samfylkingin var að grilla, ég tók mynd af Bryndísi minni Friðgeirs með fangið fullt af rósum sem hún var að útbýtta, og ég tók myndir af Kristni H.  Þar sem hann var að gefa mönnum í soðið fyrir Frjálslynda flokkinn.  Ég tók mynd af konunni hans henni Elsu Friðfinns þar sem hún var að setja helíum í blöðrur og gefa litlum börnum.  Og ég tók myndir af öllum og var rosalega ánægð með sjálfa mig, þangað til ég kom heim og ætlaði að setja kubbinn í tölvuna.  Hann var nefnilega þar ennþá síðan í fyrradag.

Þettar fallegu myndir geymi ég því bara í huganum.  Én ég lofa að ég skal hafa kubbinn í myndavélinni í dag.   Og setja hér inn myndir af því sem fyrir augu mín ber. 

Og ég segi bara megi þessi dagur vera okkur öllum gleðilegur.  Hvar sem við stöndum í baráttunni.  Eða eins og sagt er; Megi sá besti vinna. 

Og svo auðvitað gleðilegan Júróvísjóndag hehehe....

Athugasemdir

[Kristín Katla Árnadóttir, 12.5.2007 kl. 11:08]

Hafðu góðan dag Ásthildur mín.

[Hrönn Sigurðardóttir, 12.5.2007 kl. 11:08]

fínar myndir hjá þér

[Ásthildur Cesil Þórðardóttir, 12.5.2007 kl. 11:18]

Takk Kristín Katla mín. Ég sendi þér líka góðar óskir.

Já finnst þér ekki Hrönn mín.   Þessar hugarmyndir eru mjög flottar

[Merlin, 12.5.2007 kl. 11:40]

Ææ óheppin varstu en eigðu góðan og skemmtilegann dag .. og kvöld

[Ásthildur Cesil Þórðardóttir, 12.5.2007 kl. 11:55]

Takk Merlín mín. 

[Ásdís Sigurðardóttir, 12.5.2007 kl. 13:16]

Þú lýstir myndunum svo vel að ég sá þetta allt fyrir mér    eigðu sem bestan dag og megi draumar þínir rætast.

[Ásthildur Cesil Þórðardóttir, 12.5.2007 kl. 13:39]

Takk Ásdís mín.  Og stórt knús til þín.

[Jenný Anna Baldursdóttir, 12.5.2007 kl. 13:59]

Já í þessu tilfelli voru myndir óþarfar, ég fann sumarlyktina á meðan ég las.  Smútsj.

[Ásthildur Cesil Þórðardóttir, 12.5.2007 kl. 14:14]

Æði hehehehe.....

[Margrét St Hafsteinsdóttir, 12.5.2007 kl. 18:51]

Myndrænn texti hjá þér þannig að þú komst þessu vel til skila  Eigðu góðan dag og kvöld og við vonum að nú taki við breytingar í Íslensku samfélagi til hagsbóta fyrir alla og þá meina ég alla

[Anna Benkovic Mikaelsdóttir, 12.5.2007 kl. 23:39]

Stjórnin fallin og fallegt lag vann júrovisjon, ekki fræiksjov....óska okkuröllum til hamingju

[Steinunn Helga Sigurðardóttir, 13.5.2007 kl. 05:58]

vonandi fóru kosningarnar vel !

ljós til þín cesil.

steina 

[Ásthildur Cesil Þórðardóttir, 13.5.2007 kl. 10:37]

Ég er sátt við Júróið, en ekki kosningarnar.  En ég tek því sem að höndum bar, og óska sigruvegurum til hamingju.  Við erum líka sigurvegarar í Frjálslynda flokknum, því við héldum okkar strikið þó Margrét hafi reynt að setja skarð í okkar raðir.  Hún má nú naga sig í handarbökin blessuni, því ef hún hefði tekið boði um að vera í fyrsta sæti suður, þá væri hún á alþingi í dag.