Búa tvær þjóðir í þessu landi ?

 

 Alþýðukonan vinkona mín kom í dag með pistil sem hún bað mig að birta fyrir sig. 

Hér kemur hann:

Ég landsbyggðarmanneskjan velti því stundum fyrir mér hvort höfuðborgarbúar geri sér grein fyrir því, að við landsbyggðarfólk búum viði annan veruleika heldur en það.  Ég held ekki !

Við erum hins vegar neydd til þess daglega að horfa upp á þennan blákalda veruleika, þegar við göngum í gegnum þorpin okkar, og lítum yfirgefin hús, auðar götur, lokaðar búðir og tóm fiskvinnsluhús.

Fólk hefur misst vinnuna, tapað aleigunni og glatað voninni.

Ef þetta hefði gerst á einum degi, hefðu allir áttað sig strax.  En þannig var það ekki. Þetta læddist aftan að okkur, eins og öll lymska gerir.

Ég spyr  -   Hver tók sér það vald á hendur að koma okkur í þessa stöðu ?  Ég trúi því ekki að þjóðin sé samþykk svona valdníðslu.  Hafið það í huga, það erum við í dag en röðin gæti komið að ykkur á morgun.

Við erum fiskveiðiþjóð, því megum við aldrei gleyma.

Nýtum auðlind okkar af skynsemi, en ekki af græðgi. 

Núna á laugardaginn 12. maí er hugsanlega okkar síðasta tækifæri til þess að snúa þessari óheilla þróunn við. Látum það ekki úr greipum okkar ganga.  Söfnum liði og kjósum rétt.

 Að lokum langar mig að vapra framm einni spurningu: Er það ekki hættulegt lýðræðinu, þegar tveir of líkir flokkar fara með völdin.  erum við þá ekki farin að hallast að einræði oog hagsmunagæslan stefnir öll í eina átt.

Í lýðræðiþjóðfélagi er það skylda okkar að hafa skoðanir, o gbera saman bækur okkar.  Annars höfum við ekkert með þetta lýðræði að gera.   

 Fisk á diskinn minn í dag á Silfurtorgi kl. þrjú.  Sjáumst !

Athugasemdir

[Jenný Anna Baldursdóttir, 11.5.2007 kl. 14:01]

Heyr, heyr og verði ykkur að góðu.

[Sigfús Þ. Sigmundsson, 11.5.2007 kl. 14:20]

Takið endilega þátt í æsispennandi kosningagetraun: http://sigfus.blog.is/blog/sigfus/entry/207012/

[Ásthildur Cesil Þórðardóttir, 11.5.2007 kl. 15:53]

Skoða það Sigfús minn. Takk Jenný mín.

[Anna Ólafsdóttir (anno) (IP-tala skráð) 11.5.2007 kl. 16:12]

„Er það ekki hættulegt lýðræðinu, þegar tveir of líkir flokkar fara með völdin“ JÚÚÚ!!!! og sérstaklega þegar þeir gera það í áratugi eins og er raunin núna - þessum ætlum við nefnilega að breyta á morgun

[Ásthildur Cesil Þórðardóttir, 11.5.2007 kl. 16:53]

Yess!

[Anna Benkovic Mikaelsdóttir, 11.5.2007 kl. 17:04]

já þetta er vandamálið í hnotskurn!