Listi Frjálslyndra í Norðvesturkjördæmi.

Jæja ég var búin að lofa að birta listann.  Hann kemur hér með.  Ég er virkilega ánægð með allt þetta ágæta fólk sem hefur ákveðið að vera á listanum.

Það er mikill hugur í fólki og við erum ákveðin í að taka vel á í baráttunni.  Oft var þörf en nú er nauðsyn.  Það er gott að listinn er kominn, þá er að setjast niður og skerpa á þeim baráttumálum sem munu verða á oddinum. 

Ég er viss um að þar verða nokkur mál sérstaklega.  En það eru atvinnumálin, fiskveiðistjórnunarkerfið, velferðarmál og aðbúnaður aldraðra og öryrkja og málefni innflytjenda í sinni bestu mynd.  Hlú að þeim sem hingað vilja koma og þeirra sem hafa sest hér að. 

Þau málefni sem sameina Kaffibandalagið eru velferðarmál og umhverfismál í víðum skilningi.  Jöfnuður í þjóðfélaginu og að jafna aðstöðu fólks í landinu öllu.  Þetta eru göfug markmið og ættu að vera auðveld í framkvæmd ef vilji er fyrir hendi að framkvæma.  Þessir þrír flokkar hafa sýnt að þeir hafa vilja til að breyta.  Þeir hafa löngum talað einum rómi, og ég treysti þeim til að halda því áfram eftir kosningar.  En til þess þurfa þeir að fá meirihluta atkvæða landsmanna.

Mesti hræðsluáróðurinn er að það geti engin stjórnað nema Sjálfstæðisflokkurinn, þá ættu menn að muna að þeir eru búnir að vera við völd í 16 ár.  Og það er langt í frá að allt sé í lagi, þó auðvitað hafi margt gott verið gert.  Það er hægt að breyta til, án þess að heimurinn fari á hvolf.

Hér er svo listinn gjörið svo vel:

Listi Frjálslynda flokksins fyrir Norðvesturkjördæmi í alþingiskosningum þann 12 maí 2007. 

1.                  Guðjón Arnar Kristjánsson. Alþingismaður. Ísafirði

2.                  Kristinn H. Gunnarsson. Alþingismaður. Bolungarvík.

3.                  Þórunn Kolbeins Matthíasdóttir. Menntunarfræðingur og ráðgjafi Akranesi.

4.                  Ragnheiður Ólafsdóttir, Öryrki og og listamaður Akranesi.

5.                  Anna Margrét Guðbrandsdóttir.  Heilbrigðis- og aðhlynningarstarfsmaður við Heilbrigðisstofnunina á Sauðárkróki.  Sauðárkróki.

6.                  Guðmundur Björn Hagalínsson, Bóndi og formaður eldri borgara í Önundarfirði, Flateyri.

7.                  Brynja Úlfarsdóttir. Stuðningsfulltrúi, Ólafsvík.

8.                  Helgi Helgason.  Bóndi.  Borgarfirði.

9.                  Gunnlaugur Guðmundsson.  Bóndi, Söndum Miðfirði Húnaþingi Vestra.

10.              Lýður Árnason. Heilbrigðisstarfsmaður, Bolungarvík.

11.              Hanna Þrúður Þórðardóttir.  Heimavinnandi húsmóðir.  Sauðárkróki.

12.              Páll Jens Reynisson.  Véla- og iðnaðarverkfræðinemi við H.Í. Hólmavík.

13.              Sæmundur T. Halldórsson.  Verkamaður, Akranesi.

14.              Dóróthea Guðrún Sigvaldadóttir.  Verslunarrekandi, Dalabyggð.

15.              Þorsteinn Árnason.  Vélverkfræðingur, Andakílsárvirkjun, Borgarfirði.

16.              Þorsteinn Sigurjónsson.  Bóndi, Reykjum Hrútafirði.

17.              Rannveig Bjarnadóttir. Stuðningsfulltrúi, Akranesi.

18.              Pétur Bjarnason. Framkvæmdastjóri og varaþingmaður.  

 

Athugasemdir

[Ásthildur Cesil Þórðardóttir, 20.3.2007 kl. 17:30]

Jú þarna er margt góðra manna og kvenna.  Kraftmikið fólk.

[Rannveig (IP-tala skráð) 20.3.2007 kl. 17:52]

Það er nokkuð ljóst að þetta fólk á eftir að gera góða hluti.Seigi bara áfram til sigurs.

Kveðja.

[Ásthildur Cesil Þórðardóttir, 20.3.2007 kl. 18:23]

Takk Rannveig mín.

[Anna Benkovic Mikaelsdóttir, 20.3.2007 kl. 19:04]

...hvar ert þú???

[Ásthildur Cesil Þórðardóttir, 20.3.2007 kl. 19:46]

Ég er manneskjan á bak við tjöldin mín kæra.

[Anna Benkovic Mikaelsdóttir, 20.3.2007 kl. 19:55]

hahahahahahahaha....kæra

[Kristín Katla Árnadóttir, 20.3.2007 kl. 20:13]

Þetta er góður listi Ásthildur mín

[Katrín, 20.3.2007 kl. 20:26]

Mér sýnist ykkur hafa gengið vel og gaman að sjá svo marga fulltrúa hins almenna kjósenda á framboðslista.l  Eru yfirleitt notaðir bara upp á punt hjá gömlu fjórflokkunum.   Baráttan verður  hörð og hart sótt að okkur úr öllum áttum en okkar leið er beint áfram og uppávið

[Karolina , 20.3.2007 kl. 21:10]

spurning um að skella sér í framboð Ásthildur

[Ásthildur Cesil Þórðardóttir, 20.3.2007 kl. 21:25]

Hehehe ...

Já ég er ánægð með listann eins og hann liggur fyrir.

Maður á ef til vill eftir að skella sér í framboð.  En núna ætla ég að vera í bakvarðasveitinni og ýta á eftir mínum mönnum.  Takk samt fyrir traustið. 

[Anna Ólafsdóttir (anno) (IP-tala skráð) 20.3.2007 kl. 21:54]

Hvert fór Sigurjón, sá skörulegi þingmaður?

[Ásthildur Cesil Þórðardóttir, 20.3.2007 kl. 22:04]

Takk Hanna Birna mín.

Sigurjón fór í Norðaustur kjördæmi vegna fjölmargra áskorana. Við söknum hans heilmikið hér.  Því hann var svo sannarlega duglegur bæði við að vinna í þinginu og svo að fara um sveitir og tala við fólkið í kjördæminu.   

[Guðrún María Óskarsdóttir., 20.3.2007 kl. 23:55]

Til hamingju Cesil með listann.

kveðja.gmaria.

[Ásthildur Cesil Þórðardóttir, 21.3.2007 kl. 10:57]

Takk fyrir það Gmaría mín.