Þakka ber fyrir það sem vel er gert.

Þessi kastljósþáttur og viðtalið við Tolla Morteins er einhver uppbyggilegasta og jákvæðasta frétt sem ég hef séð lengi. Þessi þáttur og viðtalið ætti að vera skylduáhorf allra þeirra sem hafa með málefni fanga og fíkla að gera. http://www.ruv.is/frett/hugleidir-med-fongum-a-litla-hrauni   

Og þessi hlið hefði átt að koma svo miklu miklu fyrr. 

Meðan niðurrifsöfl setja samfélagið á annan endan og engin takmörk virðast vera á klúðri og afglapahætti kerfisins, þá kemur svona perla. 

Ég segi bara meira svona takk Tolli, og takk Kastljósmenn fyrir að sýna þessu áhuga og koma þessari jákvæðu hlið út í samfélagið.  

Það er rétt sem Tolli segir við þykjumst vera í stöðugri þróun sem manneskjur en í þessum málum hefur ekkert breyst og við erum ennþá við sama heygarðshornið og fyrir áratugum. 

 

 

Athugasemdir

[Jens Guð, 27.11.2014 kl. 00:05]

  Ég kvitta undir hvert orð.  Tolli er góður hugsjónamaður,  fórnfús og réttsýnn.  Einnig frábær og allt að því ofvirkur listmálari.  Við vorum skólabræður í Myndlista- og handíðaskóla Íslands fyrir meira en aldarfjórðungi.  Við vorum ekki í sama árgangi og áttum meiri samleið í pönkrokkinu en í myndlistinni.  Ég hef alltaf haft miklar mætur á Tolla.      

[Ásthildur Cesil Þórðardóttir, 27.11.2014 kl. 07:35]

Það eru einmitt svona menn sem fá mann til að hafa tiltrú á mannkyninu. 

[Elín Sigurðardóttir (IP-tala skráð) 27.11.2014 kl. 14:01]

Ég velti því fyrir mér í hve miklum mæli menn fari úr ólöglegum fíkniefnum yfir í lögleg fíkniefni.  Ekki fara þeir allir yfir í hugleiðsluna?  Ég minni á viðtal við Gunnar Jökul Hákonarson sem sagði löglegt læknadóp langhættulegasta dópið.  Hefur þessi fullyrðing hans verið rædd einhvers staðar?  Varla á AA fundum?  Eða hjá SÁÁ?      

http://www.landlaeknir.is/um-embaettid/frettir/frett/item25254/Avisunum-a-tauga--og-gedlyf-a-Islandi-hefur-fjolgad-fra-2003-til-2013

[Ásthildur Cesil Þórðardóttir, 27.11.2014 kl. 15:37]

Sammála því, og fíklar eru hraktir út í slíkt, vegna þess að það er jú löglegt, en málið er að til þess að læknadóp megi þrífast vel þarf; óheiðarlega lækna, slakt eftirlit með fólki sem fer milli lækna og fær lyf til að selja.  Það er ekki langt síðan vinkona mín dó, vegna ávísana í of miklum mæli frá sérfræðingi, sem gerði hana að fíkli og við hélt síðan fíkninni með því að ávísa endalaust á hana, sem endaði með of stórum skammti.  Og það virðist ekkert vera gert til að ná þessum manni, veit ekki einu sinni hvort hann missir læknaleyfið, sem þyrfti að hafa gerst strax. 

[Elín Sigurðardóttir (IP-tala skráð) 27.11.2014 kl. 16:43]

Leitt að heyra með vinkonu þína.  Hvers vegna situr þessi læknir ekki inni?  Hann fær ekki einu sinni tækifæri til að hugleiða afleiðingar gjörða sinna með Tolla.  Þetta er óréttlátt.  

[Ásthildur Cesil Þórðardóttir, 27.11.2014 kl. 20:54]

Já það er algjörlega óréttlátt, faðir þessarar vinkonu minnar hefur verið að berjast fyrir því að þessi sérfræðingur yrði sóttur til saka og vonandi tekst honum að hnika málinu í þann farveg að maðurinn fái sína refsingu.

[Ásthildur Cesil Þórðardóttir, 27.11.2014 kl. 21:00]

Sjá hér: http://www.visir.is/lest-vegna-lyfjafiknar---laeknirinn-daeldi-lyfjum-i-dottur-mina-/article/2014710119937

[Elín Sigurðardóttir (IP-tala skráð) 27.11.2014 kl. 22:54]

Þeir fara seint í fangelsi stærstu dópsalarnir.  Því hlýtur markmiðið vera að ná hinum út.  Annað væri hreinlega óréttlátt.   

http://www.ruv.is/frett/fleiri-born-fa-orvandi-lyf-samhlida-roandi

[Ásthildur Cesil Þórðardóttir, 28.11.2014 kl. 06:37]

Sorglegur lestur.