Já Elísabet mín, þannig er nú það.

Þú ert svo flott Elísabet mín, ef Dabbi hefði ekki farið í framboð, hefði ég kosið þig.  Það er eiginlega synd að fólk taki svona frumkvæðið af manni, en svona er það bara.  Þú og Sturla eru eiginlega flottustu frambjóðendurnir.  Því miður fyrir mig rétt eins og bandaríkjamenn þarf ég að kjósa einhvern annann sem gagnast því að sumir nái ekki kjöri, annað væri eiginlega óþolandi fyrir mig.  Ég veit ekki hvernig ég á að skilgreina mig í þessu samhengi hvort ég er að svíkja sjálfa mig, hvort ég er meðvirk meira en góðu hófi gegnir.  En ég er bara svo fjandi þreytt á bulli, spillingu og vantrausti og ekki síst fláræði og undirferli.  Ég bara vil ekki svoleiðs og ef stefnir í slíkt þá þarf ég að kjósa þann sem nýtur mests fylgis í þessu.

Og þar með er ég að fara gegn sjálfri mér og það sem ég trúi á, og vegna þess að minn flokkur er í sömu sporum.  Ég hef nefnilega ákveðið að ljá krafta mína til  Dögunar framboðs um sanngirni, réttlæti og lýðræði og vil auðvita að sem flestir kjósi það framboð sem nákvæmlega lýtur sömu lögmálum, telst ekki með í framboðum vegna þess að valdamenn eru sennilega hræddir við það sem við stöndum fyrir, sama og hjá þér og Sturlu.

Nú sá ég í dag á Hringbraut að flokkurinn loksins var nefndur í slíkri könnun og fékk 15% atkvæða, það er eiginlega breakthrough hjá flokknum.  Nákvæmlega þess vegna skil ég svo vel afstöðu ykkar sem fáið ekki hljómgrunn í forsetakosningum. 

Þess vegna er ég glöð, vegna þess að þessi flokkur sem er búin að starfa núna frá 2012 er loksina að komast í gegn um múrinn.  

Ég held svei mér þá að fjölmiðlar og ég undanskil engan, reyni að velja sér kandídata til að láta fól kjósa og reyni að hygla þeim á kostnað annara.  Þetta er ekki lýðræðislegt og alls ekki í anda fjórða valdsina.  En svona er þetta nú samt því miður.  

Ef þú værir í einhverju öðru framboði og einhver gamall einvaldur væri ekki á dagskrá, myndi ég kjósa þig í botn.  

En ég vil taka fram að ég tel Guðna mann sem er vel að þessu embætti komin og mun örugglega gera því góð skil.  

En gangi þér samt vel.  

Veit ekki alveg af hverju ég er að setja þetta á blogg, en ég er eiginlega búin að fá nóg af því stjórnafari sem er hér og búin að fá nóg af falsi, fláræði, undirferli og þaulsetu fólks sem vill ekki láta af völdum, þó þau viti fullvel að þeirra tími er liðinn. 

Stundum pirruð en annars fullkomin