Mér sýnist......

Mál vera að þróast á þann veg, að það verði tveir flokkar í næstu kosningum.  Það verður ESBaðildarflokkur og ekki ESBaðildarflokkur.  Við erum í raun og veru að klofna upp í tvær fylkingar, og þessar fylkingar eru að verða ljósari eftir því sem tíminn líður.

Ég hef ekki skipt mér af þessari ESBumræðu, og viljað vera hlutlaus.  En eftir því sem krafan vex um ESBaðild því ákveðnari er ég í því að vilja EKKI ganga í þetta samband.

Ég sé að málin eru að þróast þannig að annað hvort ertu með eða á móti ESB.  En ég vil samt ekki flokka mig með Geir Haarde og spillingaröflunum í Sjálfstæðisflokknum. Ég vil einfaldlega ekki fara úr einu einræðinu í annað. 

Það má svo sem mín vegna kanna aðild, og sjá hvað er í stöðunni, en ég er ansi hrædd um að inn í þeim pakka séu óásættanleg atriði um sjálfstæði þjóðar sem ekki er hægt að sætta sig við.

Ég vona því að þessi umræða fari fram, en á heilbrigðum grundvelli, sem mér sýnist að ætli ekki að vera, þar sem ÖLLU er nú tjaldað til af júrósinnum, að mæla með aðild, troða því ofan í kokið á okkur að ekkert annað sé í stöðunni.

Málið er að fólk eins og Ingibjörg Sólrún hefur ekkert skynbragð á til dæmis sjávarútvegsmál, hún er dæmigert borgarbarn sem hefur í raun og veru engan skilning á málefnum dreyfbýlisins.  Ekki frekar en borgarbarnið Geir H. Haarde.  Þeim þykir því léttvægt hvað gerist með fiskimiðinn okkar og aðrar náttúruaulindir, þó þau lendi í höndum útlendinga.  Þau halda eins og svo margir borgarbúar að peningar verði til í Kringlum og Smáralindum.  Eða jafnvel álverum.  Þau hafa engan sans fyrir því hvar peningarnir verða til, eða hvað gerist ef landsbyggðin leggst af.  Þetta er hættulegt sjónarmið, og því miður eru margir af landsbyggðinni sem láta glepjast af þeirra sýn. 

Ég er sennilega einhverskonar þjóðernissinni.  Og dreyfbýlistútta og er stolt af því.  En ég hef ákveðið að setja niður hælana og vinna gegn ESBaðild. Það eru skiptar skoðanir í mínum flokki um þá aðild, en flestir eru sama sinnis og ég hvað það varðar, sérstaklega vegna áhyggna af stöðu sjávarútvegs, en flokkurinn er fyrst og fremst stofnaður utan um réttinn til nytja á auðlindum sjávar. Þó margt annað sé þar innanborðs.

Ég tel að ESB þjóni ekki okkar hagsmunum.  Við erum vel sett með okkar auðlindir, við erum vel staðsett milli tveggja stórra hagsmunaaðila, og getum hallað okkur sitt á hvað, og notið þess besta frá báðum.  Ef við höldum rétt á spilum.

Það sem ég hef heyrt á fólki hér um hvers vegna það vill inn í ESB, er fyrst og fremst til að koma spilltum stjórnmálamönnum frá völdum.  'Eg segi, það bara dugir ekki til, við þurfum að koma þeim frá, og svo má skoða málið. 

Þess vegna finnst mér svo mikilvægt það sem er að gerast núna, með friðsamlegum mótmælum á Austurvelli og borgarafundum, hræringar sem munu skila okkur áleiðis í að losna við spillinguna, þó það taki tíma.  Þegar við höfum náð þem árangri að koma því liði burt, þá mun líka hverfa, að margra mati ástæðan til að koma sér inn í aðra spillingu og ánauð, sem er þátttaka í apparatinu ESB. 

Við höfum þá framtíðarsýn að vera sjálfstæð þroskuð þjóð, sem getur í krafi auðlinda sinna, hvort sem það eru náttúruauðlindir, eða sú auðlind sem flest í mannauði landsins að geta verið sjálfum okkur næg.  Við þurfum ekki að vera flottust, ríkust, hamingjusömust eða mest áberandi af öllum.  við þurfum að vera stolt af því sem við höfum, þakka fyrir það sem við eigum, láta okkur nægja það sem er, og það er ekki svo lítið.  Þá getum við svo vel unað við okkar án þess að þurfa að vera hluti af risastóru batteríi, þar sem við myndum vera pínulítil peð, og þurfa að lúta öllu sem þar verður samþykkt.  Er ekki betra að vera stór fiskur í lítilli tjörn, en að vera lítið skítseiði í stórri tjörn.

OG ég get sagt ykkur sem dreyfbýlistútta að JÚ... það er svo miklu miklu betra.  

Athugasemdir

[alva (IP-tala skráð) 18.11.2008 kl. 00:33]

Alveg sammála þér.  Það væru mistök að fara í ESB.

[Laufey B Waage, 18.11.2008 kl. 08:36]

Ég hef alltaf verið á því að taka upp evruna. En til þess þurfum við að ganga í ESB, og þá mundum við missa landhelgina. Svo ég er tvístígandi, en finnst þó þetta með fiskimiðin það mikilvægt, að ég stíg þyngra í þann fótinn að hafna ESB. Svo ég er sammála þér mín kæra. Ég hef líka lengi saknað þeirrar velgengni sem við áttum að fagna í fiskveiðimálum, áður en þetta fáránlega kvótakerfi var sett á.

[Linda Linnet Hilmarsdóttir, 18.11.2008 kl. 09:05]

Góðan daginn elsku Ásthildur og aðrir íbúar í fallega Kúluhúsiknúskveðjur

[Jón Steinar Ragnarsson, 18.11.2008 kl. 11:38]

Það er verið að kasta sandi í augu fólks með þessu til að dreifa athygli frá stórfenglegum glæp, sem hefur átt sér stað og á sér stað. Skrifa smá um það á blogginu mínu.

[Kidda (IP-tala skráð) 18.11.2008 kl. 11:41]

Veit það eitt að ég er ekki tilbúin til þess að selja mig eða landið mitt fyrir eitthvað falskt öryggi.

Knús í kúluna

[Ásthildur Cesil Þórðardóttir, 18.11.2008 kl. 11:42]

Já Jón Steinar, það er svo mikið um smjörklípur þessa dagana að það hálfa væri nóg.  Maður fer að missa sjónar á réttlætinu, sem má ekki gerast. 

Knús á þig Linda mín

Já einmitt Laufey mín, við höfum horft upp á dreyfbýlið lognast út af, og það sorglega er að druslan sem kallast sjávarútvegsráðherra er alinn upp í sjávarþorpi og hefði átt að vita betur.  En hann kaus að sleikja valdið, og var auðvita umbunað vel.

Því fleiri því betra Alva mín.

[Ásthildur Cesil Þórðardóttir, 18.11.2008 kl. 11:47]

Jón Steinar ég var að lesa greinina þína, ég vona svo sannarlega að þetta verði gripið á lofti og kannað af þar til bæru fólki.  Gott hjá þér að koma þessu á framfæri.

[Rannveig H, 18.11.2008 kl. 12:45]

Ég hugsaði á tímabili að það væri allt í lagi að sækja um aðild,ég vildi vita hvað hægt væri að semja um.(vita hvað væri í pakkanum) En fjandinn fjarri mér í dag vil ég ekki einu sinni vita hvað er í pakkanum, því ég treysti ESB álíka og núverandi stjórnvöldum. Kúgun og enn meiri kúgun. En annan gjaldmiðil verðum við að fá það er nokkuð ljóst, en það þarf enga ESB aðild til þess. Greinin hans Jóns Steinars er góð og þín líka.

[Jenný Anna Baldursdóttir, 18.11.2008 kl. 13:09]

Ég er ferlega ráðvillt í þessu máli.

Er að hugsa þetta.

[Ásthildur Cesil Þórðardóttir, 18.11.2008 kl. 14:07]

Takk Rannveig mín, ég er að komast á þessa skoðun líka.  Það er sama rassgatið undir öllum þessum jakkafötum og bindum. 

Gott að hugsa Jenný mín.

[, 19.11.2008 kl. 00:59]

Eins og talað frá mínu hjarta - takk fyrir