Gamlar myndir og hið daglega veður.

Ég fékk senda mynd í dag frá kærum vini og LL félaga Lúðvíki Jóelssyni, hún var tekinn árið sem við sýndum Sexurnar, man ekki nákvæmlega hvaða ár það var, á eftir að gá að því, en hún er tekinn á Snæfellsnesi, við fórum með sýninguna í hálfsmánaðarferðalag alla leið til Borgarness í suður og Sauðárkróks til norðurs.  Það var æðislega gaman, þetta hefur verið um 1970.

En hér er myndin.

Hér eru svo í gamni tvær aðrar frá sýningunni.

Við Lúlli, en leikritið heitir á frummálinu Boeng Boeng, og fjallar um mann sem er í ástarsambandi við þrjár flugfreyjur, sem allar lenda sitt á hvorum deginum.  Bráðskemmtilegt þangað til allt flugið fer í flækju og þær koma allar sama daginn.  Lúlli leikur svo vin mannsins sem þvælist óvart í heimsókn.

Sævar Helgason frá Keflavík var leikstjórinn og lék líka aðalhlutverkið, og við vorum náttúrulega allar skotnar í honum

Takk Lúlli minn fyrir þessa sendingu hún gladdi mig mikið.

 

Svo að hinu daglega veðri.  Hér er núna alveg dásamlegt veður sól, hvítur snjór og logn. 

En myndirnar tala sínu máli.

Njótið dagsins mín kæru.

Athugasemdir

[Haukur Nikulásson, 21.2.2008 kl. 16:05]

Segi eins og Gréta að þessar myndir eru óborganlegar.

[Jóhann Elíasson, 21.2.2008 kl. 17:47]

Gréta er búin að segja mest allt sem ég ætlaði að segja.

[Laufey B Waage, 21.2.2008 kl. 18:26]

Gaman að þessum gömlu myndum. Hverjar eru hinar leikkonurnar?

[Ásthildur Cesil Þórðardóttir, 21.2.2008 kl. 18:36]

Hinar leikkonurnar eru Guðrún Eyþórs, hún lést langt fyrir aldur fram,  dóttir Eyþórs Stefánssonar tónskálds á Sauðárkróki, sem lék í fjölda ára með LL, og var formaður LL.  Þórunn Jónsdóttir og Sigurborg Benediktsdóttir, Obba. 

Takk Gréta, Haukur og Jóhann, já það er gaman að þessum gömlu myndum. 

[Huld S. Ringsted, 21.2.2008 kl. 19:37]

Alltaf gaman að sjá svona gamlar myndir. Ég verð nú að segja að þegar ég sé svona fallegar snjómyndir í góðu veðri þá sættist ég næstum við snjóinn

Ég skilaði knúsinu til Kötlu, hún er yndisleg kona

[Ásthildur Cesil Þórðardóttir, 21.2.2008 kl. 20:04]

Já snjórinn getur verið fallegur.  Takk Huld mín, já hún er yndisleg manneskja hún Katla okkar. 

[Guðborg Eyjólfsdóttir, 21.2.2008 kl. 20:09]

Æðinslegar myndirnar frá Ísafirði og gaman líka að sjá þessar gömlu myndir :)

[Ásthildur Cesil Þórðardóttir, 21.2.2008 kl. 20:34]

Taakk Guðborg mín.

[Þorkell Sigurjónsson, 21.2.2008 kl. 20:42]

Vetrarmyndirnar eru frábærar, en ég sem Eyjamaður og ekki mikið fyrir snjó er hrifnari af blóma myndum.  Einu sinni hefi ég orðið svo frægur, þegar ég var í Gagganum að stíga á svið.
Léttleikinn og gamanið skín út úr leikaramyndunum þínum og hefur ábyggilega verið gaman hjá ykkur.       Kveðja.

[Dísa (IP-tala skráð) 21.2.2008 kl. 20:48]

Örfá ár síðan við vorum svona ungar. Furðulegt að eiga fullorðin börn og barnabörn. Eins og mágkona mömmu segir, við eldumst ekkert, en skelfilega eru speglar orðnir lélegir. Gaman að sjá þessar myndir.

Ekki síður veðurmyndirnar. Birtutíminn er lengri þegar snjórinn er.

[Jóhanna Magnúsar- og Völudóttir , 21.2.2008 kl. 20:57]

Frábærar myndir!  ... Þú ert svaka flott!  ... þá og nú

[Ásthildur Cesil Þórðardóttir, 21.2.2008 kl. 21:05]

Mín er ánægjan Blue mín.

Já ég var einmitt að setja inn grænar myndir rétt í þessu Þorkell

Dísa, mamma þín sagði einu sinni um hvernig það er að eldast, fyrst spyr maður hver er mamma þín, svo spyr maður hver er amma þín, en þegar maður þarf að spyrja hver er langamma þín, þá er maður sennilega orðin nokkuð gamall

Takk Jóhanna mín.