Bæjarferð.

Við dömurnar á öllum aldri fórum í miðbæjarferð í dag eftir hjólatúrinn, og þegar við vorum búnar að hvílast aðeins, þá var haldið af stað aftur, og nú lá leiðin niður á Stefansplatz, aðaltorg Vínar.

Og hvað sá ég svo í bakaríinu hér rétt við tankinn, jú bollur að vísu án rjóma, en allt annað var til staðar.  Bara að þeyta rjóma og bæta inn í.

Í lestinni voru svo rauðakrossmenn, ætli þeir hafi ekki verið á leiðinni til Íslands að moka snjó ?

´

Á torginu má sjá hvernig þeir austurríkismenn blanda saman ólíkum kúltúr í húsagerð.  Sumum finnst þetta gott mál, aðrir eru algjörlega á móti þessari blöndun.

Dómkirkjan er algjört augnayndi.

Frekar algeng sjón hér og í fleiri borgum.  Oftast stúdentar sem eru að drýgja tekjur sínar.

En húsin hér eru yfirleitt afskaplega fallegar byggingar.

Og hér er einn lítill póný, hann er ekki hár í loftinu þessi.

Þessi er dálítið yfirlýst hjá mé, en þetta er minnismerki um svartadauða sem geisaði hér eins og annarstaðar.

Falleg götumynd, svona er Vín í hnotskurn.

Hver sagði að hesturinn hennar Línu Langsokks væri uppdiktuð ævintýrapersóna ?

Hér eru svo alvöru hestar.  Það er mikið af svona á götunum hér.

Íslenska sendiráðið svolítið blurrý hjá mér.

Hér er svo búð sem farandi er inn í, gömul frá árinu 1828, matvörubúð, þar sem fæst nánast allt frá öllum heimshornum, nema skata og hákarl.

Ekkert smáflott, þetta er brot af vínbirgðunum.

Þessi er vörumerkið fyrir kaffið.  Sá sem stofnaði þessa verslun hét Júlíus Meinl.  Sjá hér

http://www.meinlamgraben.at/meinl.aspx Eitthvað til að skoða.

Smábrot af ostadeildinni.

Og fiskurinn, þessi skötuselur brosir breitt, en við hlið hans var stærðar þorskur.

Þetta er svo Demel, lang elsta kaffihúsið í Austurríki og þó víðar væri leitað.

Og þetta er ein útstillingin í glugganum þar, og ég veit að þið trúið því ekki en þetta er kaka, húðuð með marsípani.

Hér er svo konungshöllin. Reyndar keisarahöllin, eða keisaraynjuhöllin.

Og fyrir framan hana eru rómverskar rústir.

Þetta hús er síðan mjög frægt, því að er fyrsta húsið sem byggt er án augnabrúna, (skrauts) það þótti alveg hræðilega ljótt svona án skreytinga, hvað ætli þeir myndu segja í dag yfir blokkunum sem eru að rísa allstaðar svo forljótar.

Jamm og þá er það skrautið á höllinni, það sem snýr að hallartorginu.

Og hér bíða hestar og ökumenn í röðum eftir að aka túrhestum um borgina.

Og það er byrjað að rökkva í Vín.

Og himnagalleríið opið.

Hér göngum við fram hjá nýlistasafninu, og sjáum karlana hvítu.  Listamaðurinn er kínverskur.

Hér er kynning á honum.

Þjóðleikhúsið.

Og þreyttar dömur á leiðinni heim.

Við komum samt við á kínveskum veitingastað sem er í tanknum rétt við innganginn.  Við höfum borðað hér nokkrum sinnum áður, og þær framreiðslustúlkurnar eru farnar að þekkja okkur.

Og svo er pantað, ég fékk mér pekingönd, nammi namm, það er mjög góður matur hér, og það kostaði bara 60 evrur fyrir okkur fimm, með forrétti, bjór og tipsi.

Hér er reyndar aðstoðað við að komast inn, og svo tóku þær Ásthildi fram í eldhús, svo við gætum borðað í friði.  Sannarlega flott þjónusta.

Það var misjafnt sem við vildum gera þegar heim kom, Trölli vildi bara skoða naggrísina.

Hann elskar þá nefnilega eins og sjá má.

Aðrir fóru í bað og svona.

En allir höfðu það notalegt eftir velheppnaðan dag, fyrst hjólatúr út í náttúruna, og svo bæjarferð. 

Athugasemdir

[Kristín Katla Árnadóttir, 5.2.2008 kl. 22:34]

Mikið er gaman að sjá þessar myndir þær koma manni í gott skap. Takk fyrir þetta elsku Ásthildur mín.

[Ásthildur Cesil Þórðardóttir, 5.2.2008 kl. 22:37]

Takk Sjálf Katla mín.

[Maddý (IP-tala skráð) 5.2.2008 kl. 23:21]

Ég verð veik að skoða þessar myndir!!!  Hvað kostar flugfarið og er hægt að komast í bed and breakfast sem er pottþétt í lagi?  Langar að komast með mína myndavél í þetta myndagózenland!

[Ásthildur Cesil Þórðardóttir, 5.2.2008 kl. 23:31]

Ókey hingað vantar aupair eftir miðjan apríl.  Lítið kaup, en frábær fjölskylda.  Og þú getur tekið myndir út og suður, og ég er ekki að grínast.

[Ásdís Sigurðardóttir, 5.2.2008 kl. 23:31]

ÆÐISLEGAR myndir, takk enn og aftur fyrir að taka okkur með svona daglega í skemmtiferðir.  Ég skítféll fyrir fílnum enda safna ég þeim.  Hefði örugglega reynt að stela þessum og þó? 

[Ásthildur Cesil Þórðardóttir, 5.2.2008 kl. 23:32]

Þessi fíll er nammigrís

[Kidda (IP-tala skráð) 5.2.2008 kl. 23:55]

Það er naumast dugnaðurinn, fyrst skógarferð og svo bæjarferð.

Enn og aftur, takk fyrir að taka okkur með þér í ferðalag.

[Ásthildur Cesil Þórðardóttir, 6.2.2008 kl. 08:30]

Alltaf gott að hafa góðan félagsskap

[Sigrún Davíðs (IP-tala skráð) 6.2.2008 kl. 11:39]

Sæl og blessuð Ásthildur og kærar þakkir fyrir síðast og góð kynni. Við erum búnar að vera skoða bloggið þitt undanfarið og finnst þú ótrúlega dugleg og afkastamikil. Það var gaman að lesa um Dóminikanska Rep. og flottar myndir. Ætlum að hafa Dóminikanskt kvöld eftir 2 vikur með myndum og tónlist að ógleymdum góðum mat. Hafðu það áfram gott og skemmtilegt í Vín. Kærar kveðjur - Sigrún og Brynja

[Sigurður Hólmar Karlsson, 6.2.2008 kl. 11:46]

Sæl Ásthildur mín

Það er svo gaman að lesa bloggið þitt

Þú ert frábær bloggari

[Jenný Anna Baldursdóttir, 6.2.2008 kl. 11:50]

Ég er bókstaflega hræð yfir myndunum frá Austurríkiog Nýlistasafnið, mennirnir hvítu, ég fer nærri því að gráta, upplifunin er svo sterk.  Þetta verð ég að sjá berum augum.  Þvílíkt sem mannshugurinn er frábær.  Milljón kossar með að leyfa mér að taka þátt.

[Huld S. Ringsted, 6.2.2008 kl. 11:58]

Ofsalega eru falleg gömlu húsin þeirra þarna og bara allt umhverfið svona iðandi af margslungnu mannlífi!! Þarna þarf ég að koma einhvern tímann.

[Jóhanna Magnúsar- og Völudóttir , 6.2.2008 kl. 13:21]

Girnilegt bakarí ! .. namminamminammm....

[Ásthildur Cesil Þórðardóttir, 6.2.2008 kl. 13:34]

Blessuð Sigrún mín, það var virkilega gaman að kynnast ykkur þarna úti.  Mín er ánægjan ef þið hafið haft gaman af myndunum .  Flott hjá ykkur að halda Dominiskt kvöld, góða skemmtun til ykkar allra.

Takk Siggi minn.

Jenný mín gaman að heyra.  Það er dásamlegt að sjá þetta.  Og bara svo margt margt annað frábært hér.

Já Huld mín, það er virkilega skemmtilegt að skoða allt hér, svo ólíkt, en bara eitthvað svo mikið Vín.

Takk Blue mín.  Já þetta var frábær bæjarferð.

Sammála þér Halla mín, það á að skreyta húsin, þau eru ekki bara íverustaður, heldur líka listaverk, ef vel er að verki staðið.

Hehehe Jóhanna mín, já þetta er girnilegt.

[Solla Guðjóns, 6.2.2008 kl. 18:23]

Þvílík lystaverk þessar byggingar.

[Ásta Björk Solis, 6.2.2008 kl. 22:31]

Ekkert smaflottar myndir hja ther,greynilega mikil orkan i ykkur thettad hefur orugglega verid heilsdagsferd,og vel thess virdi

[Margrét St Hafsteinsdóttir, 6.2.2008 kl. 23:52]

Æðislegar myndir og allt sem þú skrifar. Takk fyrir að leyfa okkur að fylgjast með þér á ferð um borgina og á þínum ferðalögum út um heiminn

[Sigurður Þór Guðjónsson, 7.2.2008 kl. 01:03]

Flott, flott! Ég var í Vín og Austurríki í haust og fæ nú bara nostalgíu.

[Ásthildur Cesil Þórðardóttir, 7.2.2008 kl. 01:13]

Mín er ánægjan mín kæru.  Gaman að heyra Sigurður minn og velkomin hér inn til mín.