Hið daglega veður.

Það var hræðilega hvasst í nótt.  Og sérstakega í morgun.  En það hefur lægt mikið sem betur fer. En spáð öðru eins á morgun. Vonandi fer þessu samt að lægja það er komið nóg af öllu þessu logni að flýta sér.

Það er skaplegra veður núna,

Skýin dálítið úfinn eins og gengur.

En eins og veðrið var í gær, þá er bara notalegt að grípa í spil.

En ég er búin að koma kortum og jólagjöfum sem eiga að fara utan í póstinn, og það er svo sem ágætt. 

En þá er bara að bíta í jaxlinn og harka af sér næstu lægð. 

Athugasemdir

[Huld S. Ringsted, 13.12.2007 kl. 14:53]

Svona rok og leiðindi eru alltaf ömurleg, þó var ekki líkt því eins slæmt hjá okkur og hjá ykkur.

[Ásthildur Cesil Þórðardóttir, 13.12.2007 kl. 14:54]

Nei sem betur fer, nóg var nú samt Huld mín.

[Matthilda M. Eyvindsd Tórshamar, 13.12.2007 kl. 15:17]

Það er nú þegar búið að auglýsa að Herjólfur fari ekki fyrri ferð á morgun, vegna veðurs.

[Maddý (IP-tala skráð) 13.12.2007 kl. 15:35]

Ertu að segja þetta satt??  Aftur á morgun??  Við hljótum að eiga orðið inni rjómatíð í  þegar þessum látum linnir!!

Gaman að skoða myndirnar þínar sem lýsa vel drunganum í veðrinu og svo þessi hlýlega innimynd eins og rúsína í pylsuendanum ...

[Ásthildur Cesil Þórðardóttir, 13.12.2007 kl. 16:12]

Takk Madddý mín.  Þú ert nú flottust með myndirnar. 

Já Matthilda, það er eins gott að við förum að taka mark á veðurspánum. 

[Þórarinn Þ Gíslason (IP-tala skráð) 13.12.2007 kl. 16:29]

Það er ekki gaman á ÍSAFIRÐI þegar KÁRI REIÐIST.Það veit ég og þú.     

Aldrei gleymi ég suð-vestan fárviðrinu sem varð heima í árslok 67 eða byrjun 68. Þegar eyrin var bara grjót og þari daginn eftir og eitt og annað komið úr fjöru og inn í bæ.Og ég man að í veðrinu sjálfu þegar stóru bátarnir þurftu að fara úr höfninni og norður fyrir eyrina.Já það var svakleg sjón að fylgjast með hverjum og einum bát.Hvort þeir næðu beygjunni út úr höfninni,í kolsvarta byl og brjáluðu ofsveðri.Þeir kölluðu ekki allt ömmu sína sjómennirnir þá, sem fóru út með bátana. Skyldi enginn eiga myndir eða myndabút af þessu?

[Ásthildur Cesil Þórðardóttir, 13.12.2007 kl. 16:43]

Það væri gaman að vita Þói minn, við auglýsum hér með eftir því hvort einhver á myndir frá þessu fárviðri.