Til Hamingju Freyja.

Með að vera valin kona ársins hjá Nýju Lífi.  Það er svo sannarlega gleðilegt að fólk hefur tekið eftir þér og þinni baráttu fyrir að fá að vera þú sjálf.  Ég tók eftir auglýsingu frá þér hér fyrr í sumar.  Þar sem þú tekur fram að þú viljir vera eins sjálfstæð og þú framast getur.

Mér fannst líka frábært af þér þegar þú fórst um landið og heimsóttir skóla og ræddir við fólk um fötlun þína og hvernig þú höndlar þitt daglega líf.  Þú er ein af þessum hversdagshetjum, sem skilja eftir sig djúpt spor, vekur upp vonir annara sem eiga við svipaða erfiðleika að stríða, og peppar upp þá sem hrekjast vonlitlir um veröldina.

Svo sannarlega ertu vel að þessum heiðri komin.  Og innilega til hamingju.

Freyja er kona ársins hjá Nýju lífi

Athugasemdir

[Huld S. Ringsted, 12.12.2007 kl. 19:35]

Ef einhver á þennan heiður skilinn þá er það hún. Hún er algjör hetja!

[Kolbrún Baldursdóttir, 12.12.2007 kl. 19:55]

Tek sannarlega til undir þetta. Stórkostleg manneskja, áræðin, kraftmikil og afburðagreind svo mikið er víst. Hún getur kennt okkur margt.

[Benedikt Halldórsson, 12.12.2007 kl. 20:41]

Hún er Íslendingur ársins í mínum huga!

[Ásthildur Cesil Þórðardóttir, 12.12.2007 kl. 21:00]

Það er stundum svo ótrúlegt hvað fólk getur áorkað, þó allskonar ytri fötlun geri því erfitt fyrir.  En þörf lexía fyrir okkur hin, að leiða hugan að því að það er ekkert sjálfgefið í heimi hér.

[Kristín Katla Árnadóttir, 12.12.2007 kl. 21:32]

Hún er allger hetja í mínum huga þessi elska.

[Anna Ólafsdóttir (anno) (IP-tala skráð) 12.12.2007 kl. 23:04]

Yndislega falleg hetja, jafnt að utan sem innan. Engin verðskuldaði þennan titil meir en hún

[Guðrún María Óskarsdóttir., 13.12.2007 kl. 02:07]

Eigi einhver þennan heiður skilinn þá er það örugglega hún sem kona.

kv.gmaria.

[Maddý (IP-tala skráð) 13.12.2007 kl. 07:36]

Ég er svo glöð að hún var valin, þvílík kona, hetja!! 

[Ásthildur Cesil Þórðardóttir, 13.12.2007 kl. 09:15]

Ég veit ekki hvort ljósmyndara og myndatökumenn eru feimnir við hana, en það er alltaf teknar myndir af henni svona á hlið.  Það sem ég meina, af hverju beina þeir ekki myndavélunum að andliti hennar, og setja það í mynd, þannig að hún geti horft beint í myndavélina.  Þetta er stórfalleg stelpa, og alveg þess verði að hún sé í mynd eins og aðrir.  Og svo held ég að hún geti talað lika  Í næsta viðtali vil ég sjá almennilega framan í hana, að myndavélunum sé beint þannig að hún geti talað beint framan í okkur, með fullri reisn. 

[Sigurður Hólmar Karlsson, 13.12.2007 kl. 11:31]

Hún á sko vel þennan heiður skilið fyrir baráttu sýna fyrir rétti fatlaðra og stuðla að því að samfélagið geri ráð fyrir öllum.

En hef aldrei séð svona mikla umræðu um konu ársins enda kannski ekkert verið að velta því fyrir mér

En ég held líka að það megi ekki fjalla þannig um þetta sé vegna þess að hún er fötluð og dugleg.

Heldu bara af því  hún manneskja með ríka réttlætiskennd

Þannig lít ég á þessa útnefningu og óska Freyju til hamingju með titilinn

[Anna Benkovic Mikaelsdóttir, 13.12.2007 kl. 12:10]

...já hún er falleg

[Solla Guðjóns, 13.12.2007 kl. 13:00]

Hjartanlega sammála ykkur