Mýrarbolti - nú er lag. - asthildurcesil.blog.is

1.8.2007 | 17:16

Mýrarbolti - nú er lag.

Jamm nú er lag að bregða sér í Mýrarbolta. En hann verður haldinn hér í Tunguskógi á helginni. sjá hér:

Mýrarboltinn 2007, 3. - 5. ágúst

Nú þegar mánuður er í Evrópumeistaramótið í mýrarknattspyrnu er undirbúningur kominn á fullt skrið. Hálfdán Bjarki Hálfdánsson hefur verið ráðinn drullusokkur mótsins og mun hafa yfirumsjón með öllu sem því við kemur. Eins og alkunna er verður mótið nú haldið í fjórða sinn og eins og undanfarin ár verður leikið á eina viðurkennda keppnissvæði landsins, í Tunguskógi í Skutulsfirði.

Umgjörð mótsins verður stærri og glæstari en nokkru sinni fyrr. Að líkindum verður leikið á í það minnsta fjórum keppnisvöllum, en þar að auki stendur til að bjóða keppendum og áhangendum upp á ýmiskonar afþreyingu meðan á móti stendur.

Að móti loknu verður haldið lokahóf, að líkindum í Edinborgarhúsinu á Ísafirði, en ljóst varð í fyrra að mýrarknattspyrnumenn yrðu að kveðja Skíðaskálann í Tungudal þar sem ólíklegt er að hann rúmi þessa miklu veislu í framtíðinni.

Nánari upplýsingar um mótið og skráningar á það má nálgast á þessari síðu. Þá má reikna má með talsvert tíðari fréttaflutningi af framgangi mála héðan í frá.

Upplýsingar um skráningu

Aldurstakmark á mótið er 18 ár!

Þessar myndir eru úr BB. En þar er linkur á Myrarboltan. http://www.myrarbolti.com/

Drullusokkar og aðrir íþróttamenn hvernig væri að skella sér á þessa ísfirsku hátíð.

Flokkur: Bloggar | Facebook

Athugasemdir

Tvöföld færsla eða er ég komin með aðkenningu að einhverju? Hm...

Jenný Anna Baldursdóttir, 1.8.2007 kl. 18:22

Hæ púkalína. Flottur rass á gaurnum. Já það er gott að löggan er að passa hvorn annan, þeir gætu þá kannski leyft Reykvíkingum að drekka úti í friði eða hvað?? Leyfið bara vertunum að ákveða svona hluti sjálfa eins og með reykingar o.þ.h. (hræddur kall)

Ásdís Sigurðardóttir, 1.8.2007 kl. 18:33

Ha tvöföld ég sé bara eina, ef til vill er ég komin með als....... hrollur

Púkalína skrýtið að þú skulir nefna það Ásdís mín, en það er nefnilega líka Hlíðavegspúkamót í gangi á helginni. Það er alsherjar veisla hjá Hlíðarvegspúkum, skemmtun sem berst víða, ég held að ég verði að vera með myndavélina á lofti þessa helgi.

Og ekki talandi um að á laugardaginn er ein af mínum uppáhaldsfrænkum og bloggvinkona Sunnubarnið að gifta sig, á sunnudaginn mun ég halda Hildi Cesil undir skírn, og á Mánudaginn mun ég halda Evítu Cesil undir skírn, svo það verður nóg að gera hjá mér þessa helgi. En sem sagt Mýrarboltin, ég held að flest börnin mín ætli að taka þátt.