Að mínu mati á að upplýsa um og ræða opinskátt um stjórnsýsluna. Fólk er ekki heilagt þó það séu kjörnir fulltrúar okkar á Alþingi, þvert á móti ber að upplýsa okkur um ef grunur er um að valdi sé misbeitt.

Ég held nú að allir hafi séð að þarna var eitthvað á ferðinni sem ekki var samkvæmt góðri stjórnsýslu.  Ég get því ekki séð að þarna hafi verið rangfært.  Þekki það svo sem ekki alveg nógu vel.  En það virðist bara ekki mega taka á spillingu í stjórnkerfinu.  Þar reyna allir að verja og vernda hvor annan.  Við eigum rétt á að fá vitneskju um það sem er verið að bralla í bakið á okkur. 

Minni El Salvadorisku fjölskyldu var til dæmis ekki bent á að það væri hægt að sækja um dvalarleyfi með þessum hætti,  og hafa þau oft átt bágt gegnum tíðina, vegna þess að barnabarnið þeirra er sífellt að fá bréf um að hún þurfi að endursækja um dvalarleyfi, svo hefur það gengið í 6 ár.  Eins og ég gat um hér áður.  Sjá hér; http://asthildurcesil.blog.is/blog/asthildurcesil/entry/230487/

 En það gæti verið að þeirra mál kæmist í umræðuna.  Segi ekki meir. 

Siðareglur brotnar í umfjöllun um tengdadóttur Jónínu

Athugasemdir

[Þarfagreinir, 19.6.2007 kl. 16:23]

Algjörlega sammála. Og við megum alls ekki gleyma því að þarna var afhjúpuð mismunun. Mér er andskotans sama hvernig reynt er að réttlæta þetta; dæmið af stelpunni frá El Salvador er aðeins eitt af mörgum um fólk sem fékk ekki sömu meðferð og hugsanleg tilvonandi tengdardóttir Jónínu.

[Kristín M. Jóhannsdóttir, 19.6.2007 kl. 16:35]

Tek undir það sem þú segir Ásthildur. Það var alveg greinilegt að Helgi Seljan hafði ekki óhreinasta mjölið í pokahorninu.

[Jenný Anna Baldursdóttir, 19.6.2007 kl. 16:53]

Merkileg niðurstaða er það ekki?  Hvað ætli komi út úr þessu?

[Ásthildur Cesil Þórðardóttir, 19.6.2007 kl. 16:57]

Einmitt við eigum og verðum að halda svona hlutum til haga.   Það er svo gott að rifja það upp í okkar litla gullfiskaminni rétt fyrir kosningar. 

[Ásthildur Cesil Þórðardóttir, 19.6.2007 kl. 17:01]

Ég var mjög ánægð með Helga Seljan þarna í kastljósinu með Jónínu.  Hann var kurteis en fastur fyrir. 

[Gizmo, 19.6.2007 kl. 17:37]

Arngrímur, endilega rifjaðu betur upp fyrir okkur þetta með Valgerði og Indlandsferðina.  Hef ekki heyrt um þetta er hefði mikinn áhuga á því

[Solla Guðjóns, 19.6.2007 kl. 18:46]

Algerlega sammála ykkur.Mér finnst það nú liggja alveg ljóst fyrir hver var sekur í þessu máliÞað var pttþétt ekki Helgi Seljan.