Nýjir fjölskyldumeðlimir í kúlunni.

Við þrifum tjörnina í dag.  Ástæðan var tvíþætt, í fyrsta lagi þá er hún yfirleitt þrifinn á þessum tíma, en svo var líka að ég kom heim með nýja fjölskyldumeðlimi úr Reykjavikurferðinni.  Nýja Koja.  Vegna sviplegs fráfalls nokkurra þeirra í vetur. 

Það verður að segjast eins og það er að enginn var jafn spenntur fyrir fiskunum og Brandur.  Hann vomaði yfir fötunni sem þeir voru í og gott ef hann sleikti ekki út um.  En hann vissi að þetta var tabú mál, gaf mér bara skrýtið auga og labbaði burt með reisn, og gaf mér svo aftur hornauga þegar hann nálgaðist útidyrnar.  Ha!!!  ég hef svo sem engan áhuga á þessum kvikendum, hugaði hann með sér.  Fyrst maður má ekki éta þá, þá eru þeir einskis virði. 

Hér eru gömlu brýnin.  Þar má sjá Prakkaran þarna til hægri figubolluna þá hehehe.

 

 

Hér er svo hluti af litlu krílunum sem voru að eignast nýtt heimili.  Þeir virka ef til vill svipaðir á stærð og bollurnar.   En þeir eru bara pínkupons litlir.  Svona eins og hausinn á þeim stóru.  Ég vona að þeir eigi góða daga í tjörninni, og það er eitt sem víst er.  Ef þeir tímgast eðlilega og eru hraustir, þá munu þeir lifa minn dag.  Því þeir geta orðið 50 - 60 ára.  Ég býð þá bara velkomna í tjörnina.

Reyndar eru þarna mjög flottir fiskar, nokkrir svartir og aðrir gylltir, og svo líka nokkrir gullfiskar.  Þetta er gott samfélag.  Og það sem skiptir mestu máli, tjörnin er hrein og fín.  Mikið sullerí búið að vera í dag.  Jamm vorið er í kúlunni.  Ekki spurning um það

Athugasemdir

[Ásthildur Cesil Þórðardóttir, 25.5.2007 kl. 20:55]

Botti litli.  Já það var sorglegt.  Þeir eru bara ferlega skemmtilegir þessar elskur.  En ég ætla að taka fóðrið til endurskoðunar.  Og gefa þeim meira grænmeti. 

[Margrét St Hafsteinsdóttir, 25.5.2007 kl. 22:39]

Gaman að þessu hjá þér Ásthildur  Yngri sonur minn fékk gullfiska í stórri kúlu frá vinum sínum í afmælisgjöf í fyrra. Svo er það ég sem hugsa um þá og hef gaman af. Svo mikil krútt

[Ásdís Sigurðardóttir, 25.5.2007 kl. 22:52]

Það lifir nú allt hjá þér, ég hef trú á því að þegar ég loksins kem mér vestur, þá fái ég að sjá þessa fiska stærri.

[Anna Ólafsdóttir (anno) (IP-tala skráð) 25.5.2007 kl. 23:42]

Sendu nú smápart af vorinu hingað austur yfir til mín - af því þú ert svo væn og góð 

[Kristín Katla Árnadóttir, 25.5.2007 kl. 23:53]

Æi hvað það var sorglegt að hann skildi deyja elsku litli fiskurinn Ásthildur mín.

[Hrönn Sigurðardóttir, 26.5.2007 kl. 00:54]

Flottir fiskar - Til hamingju með þá!

[Steinunn Helga Sigurðardóttir, 26.5.2007 kl. 05:56]

flottir fiskar. það er gaman og róandi að skoða fiska og líf þeirra. maður fer í hugleiðsluástanda á að horfa og horfa og horfa.

hafðu fallegan laugardag

ljós til þí kæra

steina 

[Ásthildur Cesil Þórðardóttir, 26.5.2007 kl. 09:27]

Takk stúlkur mínar .  Ég skal með ánægju senda þér vor Anna mín.  Já það er róandi að horfa á þá.  Og sérstaklega þegar tjörnin er svonna hrein og fín.  Sömuleiðis Steinunn mín.

[Saumakonan, 26.5.2007 kl. 11:38]

löngu tímabært innlitskvitt á laugardagsmorgni.... eigðu góðan dag ljúfan

[Ásthildur Cesil Þórðardóttir, 26.5.2007 kl. 12:08]

Sömuleiðis Saumakona mín. 

[Guðsteinn Haukur Barkarson, 26.5.2007 kl. 12:13]

Þetta eru fallegir fiskar sem hæfa fallegri konu. Alltaf gaman að koma á bloggið þitt Ásthildur, þú hefur alltaf birt fallega hluti í orði og í myndum. Guð blessi þig ævinlega Ásthildur !  

[Ásthildur Cesil Þórðardóttir, 26.5.2007 kl. 12:43]

Takk fyrir Guðsteinn minn. 

[Skafti Elíasson, 26.5.2007 kl. 20:51]

Er ekki kominn tími til að stækka tjörnina til suð-vesturs og láta pabba setja bogabrú úr steinum ?

[Ragnheiður Ólafsdóttir, 26.5.2007 kl. 21:14]

Ásthildur mín gott að þú fékkst nýja fiska öll endurnýjun er nauðsynleg, sama í hvaða formi er.  En talað er um að þar sem fiskar séu þá myndist gott Feng Shui  sérlega ef fleirri eru rauðir og einn svartur, það kemur þér og þínum til góða að hafa jákvæða orku í kringum sig og hana hefur þú alla tíð skapað en gera má gott betra.

[Ásthildur Cesil Þórðardóttir, 26.5.2007 kl. 21:53]

Skafti þú segir nokkuð, en sú brú yrði ekki krossuð því leiðin er lokuð minn kæri

Ragnheiður, þú segir nokkuð FengShui, ég hef einmitt verið að horfa á fiskana mína og sumir þeirra eru mikið rauðir.  Að vísu eru þrír svartir, en þeir sjást illa, þar sem botnin er svartur.  Hvað segir þú svo um þessa gulllituðu ? elskuleg

[Ragnheiður Ólafsdóttir, 26.5.2007 kl. 22:37]

Orange liturinn á við sólina og gullliturinn einnig svo bæði orange og gull litirnir eiga við guðdóminn og sólaruppkomuna en svartur þarf að vera einn því hann er svo sterkur táknar jarðartenginguna svo það þarf að vera tenging milli himins og jarðar til að hafa fullkomið jafnvæi og mig minnir að það þurfi að vera 8 orange og/ eða gull og 1 svartur samkvæmt Feng Shui. Svo þú getur skipt fiskunum þínum í fleiri tjarnir eða ker.

Eigðu yndislega Hvítasunnu í kúluhúsinu þínu  með fsllegu fiskana þína blómin og fjölskylduna.

[Saumakonan, 27.5.2007 kl. 09:29]

Fiskarnir þínir minntu mig á fiska sem við áttum einu sinni....     það er alltaf talað um gullfiskaminni (semsagt þegar maður man ekki neitt stundinni lengur) en þeir hafa sko minni!   Vorum með 2 Slörfiska og sá stærri hét Ljóni... hann var alveg kostulegur því ef ég KLAPPAÐI honum ekki á hverjum degi þegar ég gaf þeim mat þá fór hann í FÝLU!!    Ef klappið gleymdist þá synti hann bara í burtu frá mér og vildi ekki sjá mig í þónokkurn tíma eftirá sama hvað maður reyndi að kjassa og lokka   Endaði nú með að hann tók mig í sátt og kom upp að yfirborðinu til að fá klappið sitt og gæluyrðin hehehehe    Ég hafði aldrei vitað til þess áður að fiskar vildu KLAPP og strokur og það fyndna var að hann var BARA svona við mig en ekki bóndann sem átti þá nú áður en ég kom til sögunnar.    Það var ekki laust við að tárin rynnu þegar aldurinn tók sinn toll og Ljóni greyið dó

Eigðu góðan Hvítasunnudag ljúfan mín og njóttu þess að fylgjast með fallegu fiskunum þínum

[Ásthildur Cesil Þórðardóttir, 27.5.2007 kl. 13:45]

Takk fyrir góðar óskir elskulegar og sömuleiðis.  Já Jóhanna mín þessir koj geta orðið svona gamlir.  Sem betur fer lifa allir mínir litlu ennþá, nema einn sem ekki þoldi flutninginn.  Þeir eru hinir sprækustu og finnst heimurinn hafa stækkað allverulega miðað við fiskabúrið. 

Þetta er hávísindalegur fróðleikur Ragnheiður mín takk fyrir þetta.  Mér finnst gaman að heyra svona. 

Haha Saumakona kúnstugur fiskur að tarna.  Klapp á bakið.  En ef til vill eru fiskar meiri tilfinningaverur en við höfum haldið hingað til.  Í polli við Suðureyri eru eða voru þorskar og ýsur sem var gefið þarna.  Við gáfum þeim oft afbeitu og slíkt sem maður fékk í beitningaskúrunum.  Þeir komu syndandi um leið og þeir heyrðu bílana stoppa og biðu eftir að fá í gogginn.  Og maður mátti klappa þeim.  Þetta voru boldungs stórir þorskar, og þeir voru sko ekkert smeikir við mann.  Og voru kyrrir meðan þeim var klappað.  það var hin mesta skemmtun að fara með krakkana og gefa þorskunum.