Forsetaframboðin.

25.3.2016 | 12:18

Nú þegar hafa 14. aðilar tilkynnt framboð til forseta. Og enn fleiri liggja undir feldi. Þetta er eiginlega orðin brandari. Þó frambjóðendur líti auðvitað ekki þannig á málið.

Ég hef verið alveg ákveðin í að fara ekki á kjörstað í þessum kosningum, þar sem mér lýst ekki á úrvalið.

En þar sem ég virði kosningaréttinn mikils, finnst mér eiginlega að ég geti ekki setið heima.

Ég fór því að skoða hvaða frambjóðanda mér hugnaöist best í þetta æðsta embætti þjóðarinnar.

Og loks hefur komið upp nafn sem ég held að ég geti sætt mig við.

Sá frambjóðandi er kona, hún er mikil baráttukona og hefur marga fjöruna sopið í sínu lífi, en alltaf staðið keik upp aftur.

Hún er kona sem við getum verið stolt af, íslensk alþýðukona, rithöfundur og verið verðlaunuð sem slík. Og hún þorir að vera hún sjálf. Myndi aldrei verða nein puntudúkka sem gerði eitthvað sem ekki samræmist samvisku hennar.

Já ég er að tala um Elísabetu Kristínu Jökulsdóttur.

Hún er svo sannarlega hetja tekur því sem hún upplifir lifir af reisn og er ekki hrædd við að deila því meö okkur hinum. Hún er einfaldlega ein af okkur.

Með pennan að vopni.

Já Elísabet Kristín Jökulsdóttir, ég hef ákveðið að gefa þér mitt atkvæði í komandi kosningum, ég tel að þú munir standa þig vel, einörð ákveðin og sterk Íslensk alþýðukona.

Þetta vottast hér með.

Flokkur: Bloggar | Facebook

Athugasemdir

Ég gæti sagt það sama. Ég get varla séð meirihlutann af þessu fólki fyrir mér á Bessastöðum. Það væri kannske einna helst Guðmund Franklín, en þó veit ég ekki. Ég hef verið að segja, að Alþingi þurfi að fara að breyta forsetakafla stjórnarskrárinnar með þessu áframhaldi, enda var Ólafur Ragnar líka að kalla eftir því sjálfur fyrir nokkrum árum í þingsetningarræðu. Með þessu áframhaldi gæti hálf þjóðin boðið sig fram til forseta, og sá, sem væri efstur, yrði ekki forseti nema með 10% atkvæða á bak við sig eða eitthvað um það. Það væri alveg ótækt, enda hefði hann ekki umboð til eins eða neins. Við gætum alveg átt von á að sjá 10 manns til viðbótar bjóða sig fram þess vegna. Það myndi gera okkur erfiðara fyrir að velja úr hópnum þann, sem okkur fyndist helst koma til greina, eða við gætum séð fyrir okkur á Bessastöðum. Hins vegar verður mjög vandasamt að taka við af Ólafi Ragnari, eins og hann er búinn að breyta forsetaembættinu, auk þess sem þetta fólk verður krafið svara og afstöðu til ýmissa þjóðþrifamála eins og t.d. ESB, svo eitthvað sé nefnt. Það verður að fara að móta einhverja stefnu varðandi forsetakjör, hlutverk forsetans og fleira varðandi forsetaembættið. Þetta gengur ekki lengur. Gleðilega páska!

Guðbjörg Snót Jónsdóttir (IP-tala skráð) 25.3.2016 kl. 13:01

Sæl Ásthildur Cesil - sem og aðrir gestir, þínir !

Ásthildur Cesil !

Elísabet: þessi annarrs ágæta jafnaldra mín (misminni mig ekki), hefir akkúrat ekkert frekar til brunns að bera, umfram aðra meðframbjóðendur sína, t.d. Sturlu Jónsson, sem RAUNVERULEGA hefir att kappi við ógeðslegt kerfi burgeisanna:: hérlendis, þ.m.t. átt rökræður við píreygða flónið á Bessastöðum, sem þar hefir setið í tæp 20 ár / Í SÍNA ÞÁGU OG SINNA, vel: að merkja.

Elísabet - er sjálfsagt vel liðin, innan raða menntamanna snobb liðsins, ekki minnist ég þess alla vegana, að hún hafi verið í einhverri sérstakri baráttu framlínu Verkafólks eða Iðnaðarmanna t.d., helztu burðarása tannhjóla ísl. samfélags, t.d.

Hrafn bróðir hennar: aftur á móti, ætti skildar alls lags vegtyllur og frama, fyrir óeigingjarnt starf sitt:: jafnt: vestur á Ströndum, þar sem hann og hans fjölskylda hafa lagt mannlífinu þar ómetanlegt lið á undanförnum árum, ekki bara í Skák starfinu, heldur og svo miklu fleirru, sem kunnugt er.

Þá munum við - drifkraft Hrafns og ósérplægni, í þágu Grænlenzkra ungmenna, í Skákinni, sem og á öðrum sviðum, og hvernig Hrafn hefir leitazt við, að efla tengzl samlanda okkar og skilning, á aðstæðum Grænlendinga, sem ekki búa við síður ógeðfellda veðráttu og náttúrulega harðneskju en við, að flestu leyti.

Annarrs: var ekki meining mín, að gera lítið úr ýmsum þeim kostum, sem Elísabet hefir til að bera, fjarri því, en, ....... líkt og með aðra frambjóðendur, að Bessastaða fígúruverkinu, á hún ekkert erindi þangað, fremur en Sturla Jónsson, og þau hin:: eða sá núsitjandi, Ólafur Ragnar Grímsson.

Samfélag - innan við Þrjú Hundruð Þúsunda manna, sem Íslendingar eru, hafa einfaldlega ekki efni né aðstæður til, að bera uppi þetta fígúruhlutverk, sem verið hefir gegnum sneytt, frá árinu 1944.

Ódýrt: Ríkisstjóra hlutverk Sveins Björnssonar á sínum tíma, hefði verið fullgott, fyrir fámennið hérlenda, Ásthildur mín.

Árið 1978 - þegar ég öðlaðizt kosningarétt minn, ákvað ég þá þegar, að nýta mér EKKI atkvæði mitt til forseta kosningannna, og hef staðið við það allar götur síðan, og mun gera, á meðan ég tóri.

Vil bara: vera mér sjálfum samkvæmur þar, sem annarrsstaðar, fornvinkona góð.

Með beztu kveðjum vestur í fjörðu - sem endranær /

Óskar Helgi Helgason (IP-tala skráð) 25.3.2016 kl. 13:04

Sammála þér Guðbjörg mín, það þarf virkilega að vanda betur reglur um forsetaembættið. Þetta er eins og fólk segir orðið hálfgerður skrípaleikur og allt laust í reipunum kring um kosningarnar og umgjörðina um forsetann.

Ásthildur Cesil Þórðardóttir, 25.3.2016 kl. 13:57

Takk fyrir þitt innlegg Óskar minn, ég er alveg sammála þér með að Sturla Jónsson er duglegur maður og allra athygli verður. En ég hef ákveðið að styðja Elísabetu, sérstakleg vegna þess að hún hefur þurft að standa í allskona erfiðleikum í sínu lífi og komið heil út úr því. M.a. ofbeldissambandi. Það er heldur enginn ljóður á henni að vera listamaður. Aðalmálið er að hún er sjálfstæð og lætur engann stjórna sér. Það er besti kostur sem nokkur getur haft í svona embætti.

Ásthildur Cesil Þórðardóttir, 25.3.2016 kl. 14:01

Komið þið sælar - á ný !

Ásthildur Cesil !

Enda: bar ég hvergi brigður á, ýmsa þá mannkosti, sem Elísabet hefir til að bera, að sönnu.

En - finnst þér VIRKILEGA til vinnandi, að halda þessu RÁNDÝRA skraut skrumi og fígúruverki til streitu, þar:: suður á Álptanesi, ágæta fornvinkona ?

Er ekki: nægilegt, bruðlið og óráðsían í ísl. stjórnsýslu fyrir / eða hvað, Ásthildur mín ?

Svo - ekki sé talað um VIÐBJÓÐINN, sem þrífst í kringum þá Sigmund Davíð og Bjarna, ÓHUGANLEGRI hlutir (daglegar gripdeildir þeirra, úr okkar vösum - sem annarra heiðarlegra samborgara okkar, LANGT: umfram eðlilega 10 prósenta skattheimtu, beina og óbeina), en Mafían suður á Síkiley er janvel að bardúsa við - og:: er þá all nokkuð mikið sagt, svo sem !!!

Ekki síðri kveðjur - hinum fyrri, vitaskuld /

Óskar Helgi Helgason (IP-tala skráð) 25.3.2016 kl. 14:15

Það má alveg skoða að leggja þetta embætti niður mín vegna. Málið er bara að það er ekki búið að því, og meðan svo er verðum við víst að leika með ekki satt? Þess vegna hallast ég að því að kjósa konu sem bruðlar ekki með eitt eða neitt.

Ásthildur Cesil Þórðardóttir, 25.3.2016 kl. 14:47

Nú verður sett einkun á getu landsmanna til að hugsa og kjósa. Núverandi Forseti hefur greinilega séð Gnarrista væðinguna í embættum í höfuðborginni og mun hafa gaman að úr fjarlægð, að þessari endemis rugl-pólitík sem nú herskar.

Eyjólfur Jónsson, 25.3.2016 kl. 21:37