Við getum alveg ráðið ferðinni, ef við bara stöndum saman.

Þetta  með lýðskrumið er nú þegar byrjað.  En ég hef skrifað undir þessa söfnun, því  mér þykir málið gott og þarft.  Hér er ekki verið að lasta neinn, heldur ítreka vilja þjóðarinnar sem vill, samkvæmt skoðanakönnunum veita meira fé í heilbrigðiskerfið en nú er gert.

Einnig er því haldið fram að ekki sé til fé.  En má þá ekki benda á allskonar bruðl á öðrum vettvangi, svo sem eins og að setja milljarða í banka í Kína?  Veita milljónum í að flytja gamlan grjótgarð sem mörgum finnst ekki vera fornminjar.  Selja vinum og vandamönnum fyrirtæki úr Landsbankanum þar sem þeir græða milljarða á milljarða ofan?  Það er nefnilega til nóg fé í ríkisstjóði til að laga margt ófermdarástandið í landinu, en það er bara þannig að því fé skal eytt á annan hátt.  Til að hygla sér og sínum.  

Ég virði það við ríkisstjórnina að hún hefur gert vel í fjármálum landsins, og hvort sem það er þeim að þakka eða ekki, þá er landið að rísa.  En þá kemur alltaf þetta að hygla þeim sem eiga mikið undir sér nú þegar.

Ég mun ekki gleyma neitun þeirra á afturvirkru greiðslu til aldraðra og öryrkja og vona að þeir sem í hlut eiga geri það ekki heldur.  

Ég er ekki að segja að þetta séu vondir menn, en þeir eru svo sannarlega spilltir og hafa engan skilning á hvernig sumir hópar í samfélaginu hafa það.

Stjórnarandstaðan málaði sig út í horg á síðasta kjörtímabili, svo mjög fáir taka mark á þeim í dag.  Þetta ætti að kenna pólitíkusum frammtíðarinnar að það borgar sig ekki að svíkja kjósendur, og þvísíður ljúga að þeim í beinni útsendingu daginn fyrir kosningar.  

Þetta fræga gullfiskaminni er á undanhaldi, og kjósendur hafa breyst margir hverjir þannig að þeir eru loksins farnir að hugsa um sjálfa sig og sína framtíð og barnanna sinna, en ekki einhverja fagurgala sem svo standast sjaldnast.  

Ég held nefnilega að þrátt fyrir allt hafi "hrunið" kennt okkur miklu meira en við gerum okkur grein fyrir.  En það sárast er að við gætum öll haft það svo gott, ef allir fengju sama tækifæri og okkur væri ekki mismunað  svona mikið.  

Og það gengur ekki heldur lengur að reyna að afvegaleiða okkur með því að ráðamenn séu einmitt að vinna faglega, þegar blasir við klíkan og fyrirgreiðslan.  Við erum hvorki blind né heyrnarlaus, nema nokkrir sem verja allt sem frá forystunni kemur, og þá er ég að tala um flokksdindla í öllum flokkum.

Forystumenn stjórnmálaflokkanna skálka nefnilega í því skjóli að vera alltaf varðir í bak og fyrir af "sínum mönnum" hvernig sem þeir haga sér.  Ef menn gerðu það ekki, væri ástandið betra en það er í dag.  Þá væru menn frekar látnir bera ábyrgð á gjörðum sínum.  

En vonandi kemur sá dagur að okkur auðnast að kveða niður þessa endalausu spillingu, sérhagsmuna gæslu og klikuskap.   

Reiknar með ásökunum um lýðskrum

Athugasemdir

[Örn Johnson ´43 (IP-tala skráð) 22.1.2016 kl. 17:19]

Þetta er mikil lesning en mig langar til að gera athugasemdir. Í fyrsta lagi þá hefur engum milljörðum verið veitt í banka í Kína. Líklega borgum við ekki meira en 500 miljónir þarna inn, bíðum aðeins með að fullyrða nokkuð meira. Svo hefur ríkið ekki lagt peninga í að flytja grótgarð og mun ekki gera, hann var fluttur á vegum byggingaraðilana.

Svo er þessi hugsjón þín og fleiri ágæt ef framkvæmd fylgdi máli. Stofnaðu nú bankareikning á mánudaginn fyrir þessa hugsjón Kára og leggðu inn þinn hluta, svona 500 þúsund á hvern skattgreiðanda, en ég geri ráð fyrir að þú sért einn af þeim. Þá fyrst er eitthvað að marka þig, það er enginn vandi að skrifa undir e-ð og hlaupa svo frá öllu og vera stikkfrí og láta bara aðra borga sínar hugsjónir. Annað er hreint lýðskrum. Sendu mér afrit af bankakvittuninni, takk. 

[Óskar Guðmundsson, 22.1.2016 kl. 18:21]

Þetta eru 30-40 milljarðar.

Hvar ætlarðu að finna þá?

[Ásthildur Cesil Þórðardóttir, 22.1.2016 kl. 18:38]

Örn "líklega borgum við ekki meira en 500 milljónir".  Ég er að nefna dæmi um bruðl, ekki annað.  Ég er ekkert að fullyrða meira en þú í þessu.  Ég er að hafa skoðun og ég tel mig svo sannarlega hafa lagt mitt af mörkum til samfélagsins í þau mörgu ár sem ég hef borgað mína skatta og skyldur, rúmlega 50 ár eða svo.  Þannig að ég hef nú þegar lagt inn það sem mér ber.  Því er ég ekki að "hlaupa frá" neinu og vera "stikkfrí" Meiri rembingurinn í þér verð ég að segja.   

Aumingjans karlarnir ætlið þið að segja mér að það sé ekki til peningar til að hafa gott heilbrigðiskerfi?

Má líka benda á að útgerðarmenn hafa fengið kvótann á gjafvirði þó það sé í stjórnarskrá að fiskurinn sé sameign þjóðarinnar.  Og svo má lengi telja. 

[Örn Johnson ´43 (IP-tala skráð) 22.1.2016 kl. 22:52]

Ásthildur, ég hef séð það áður að það er ekki hægt að rökræða við þig. Dæmi:

1) Fjárfestingar eru bruðl, sbr. Asíska bankann, engin rök fylgja hjá þér.

2) Þú borgar ekki lengur skatta, ok, löggilt gamalmenni eins og ég, en ef þú átt afkomendur þá gæti verið að einhver þeirra borgaði skatta til ríkisins, sem ég ætla bara rétt að vona. Á þá á að leggja kr. 500.000.- á ári á hvern þeirra? Þú ert þá sammála því, gott mál.

3)Hækka fiskveiðigjöld, þú ert að segja með öðrum orðum, leggjum niður allar smáútgerðir sem er hægfara afleiðing þess og reyndin verður að þeir stóru bara yfirtaka þá. Þessi skoðun þín á örugglega ekki upp á borðið í dreifbýli landsins.

[Stefán Örn Valdimarsson (IP-tala skráð) 23.1.2016 kl. 11:44]

Afhverju ekki 20% af landsframleiðslu? Næsti gæti svo komið með lista upp á 25% af VLF og afhverju ekki að smella í einn lista fyrir menntakerfið?  Eru ekki 10% hæfileg þar?  Ekki megum við gleyma öryrkjum og öldruðum.Væri ekki passlegt að krefjast 20% þar?  Vegakerfið er nú líka frekar dapurt og lögreglan eitthvað vantar þar. Ég er viss um að fullt af fólki myndi skrifa undir alla þessa lista og einhvern vegin grunar mig að nafn Ásthildar yrði þar ofarlega á blaði.

[Húsari. (IP-tala skráð) 23.1.2016 kl. 22:56]

Ekki hugnast mér þetta, Ásthildur!

 

Meginvandi LSH er stjórnunarvandi og það tvöfalda kerfi

sem þar er að hluta orðin staðreynd þar sem fjármagn ræður hvort menn

geti fengið bót meina sinna. Að ausa frekar í þá botnlausu hít
þjónar engum tilgangi.

Miklu frekar hefði verið að krefjast þess af LSH
að leysa augljósan stjórnunarvanda þar innan veggja.

 

Upp með seðlabúntin og þú stendur fremst í röðinni! Nei takk!!

 

[Erla Magna Alexandersdóttir, 26.1.2016 kl. 21:51]

OK --- BARA  --- NOKKRIR MiLjARÐAR TIL KINA----- EN SAMT - FYRIR HVERN- HVER VEIT TIL HVERS OG ÞURFA KINVERJAR ÞESSA PENINGA--- EN ER ÞESSI GJÖRNINGUR TI ALMENNINGS Á ÍSLANDI '? DAUÐVONAFÓLKI ? eða peningagæðgi valdhafa ?

 Stjórnun á Landspítala er önnur Ella-- eg hef verið þar í 30 ár og lengur með mínu sjúka fólki- sem dó fyrir afglöp- viljum við þannig stjórn á lifi fólks- eða viljum við hjálpa þurfandi yfirstjórnendum- fávísum um annað en PENINGA ?

[Ásthildur Cesil Þórðardóttir, 30.1.2016 kl. 09:31]

Örn mikið er það nú slæmt að ekki sé hægt að rökræða við mig.  Ég hef ekki heldur séð nein rök fyrir því að taka þátt í þessum kínverska banka.  Og meðan svo er finnst mér þetta bruðl með fé sem er ekki í hendi, meðan vantar mikið á í heilbrigðiskerfinu.  Þessir menn eru jú að vinna fyrir almenning í landinu. Í orði allavega, en sennilega ekki á borði.

Ég á börn og barnabörn en því miður eru þau flest flúin til Noregs og Austurríkis.  Svo það væri dálítið langsótt að sækja peninga til þeirra.  Annars eru þetta þunn rök með að senda börnunum reikninginn.  Hef svo sem heyrt slíkt áður.  Það má spara ýmisleglt í þjóðarbúinu ef menn slepptu gæluverkefnum.  

Með smábátana segi ég nú bara ég hef hvergi sagt að hækka veiðigjöld.  Ég vil að kvótinn sé innheimtur af þeim sem fengu hann gefins, það eru ekki smábátaeigendur, þeir verða annað hvort að kaupa sér kvóta fyrir morðfjár eða leiga hann af útgerðarmönnum sem hafa sölsað undir sig kvótann með aðstoð undanfarinna ríkisstjórna, eða allt síðan framsalið var sett á til að bjarga bönkunum.

Ríkið á að hafa eignarhald á kvótanum og leiga hann fyrir sanngjarnt verð til báta og ekki síður sveitarfélaga.  Til x margra ára.  Og svo á að leifa frjálsar handværaveiðar.   

[Ásthildur Cesil Þórðardóttir, 30.1.2016 kl. 09:31]

Stefán þetta er bull og þú veist það.  

[Ásthildur Cesil Þórðardóttir, 30.1.2016 kl. 09:36]

Húsari góður það getur vel verið að þarna sé stjórnunarvandi á ferðinni, þá verður að gera þá kröfu að það sé lagað.  Held reyndar að unnið hafi veri að því.  Ég þurfti að fara í rannsókn um daginn á spítalann í Fossvoginum, þar var allt fólk á þönum og maður lá í sjúkrarúmi frammi á gangi þar sem fólk sat og beið eftir læknum.  Mér finnst það ekki ásættanlegt.  Svo leiðist mér frekar þegar fólk reynir að tala niður til mín, af því að vera á öndverðri skoðun.  Þetta á við alla þrjá sem svara nú síðast.  Fyrir utan Erlu.  

[Ásthildur Cesil Þórðardóttir, 30.1.2016 kl. 09:37]

Erla mín, ég hef ekki séð neinn rökstuðning fyrir því að borga með í þessum kínverska banka.   Sennilega enn eitt gæluverkefnið til að vera stórir strákar að leika sér með peningana okkar.  

[Guðrún Emilía Guðnadóttir, 31.1.2016 kl. 09:52]

Ásthildur mín vertu ekkert að svara því sem er ekki svara vert.
Kærleik í Kúlu

[Ásthildur Cesil Þórðardóttir, 31.1.2016 kl. 10:00]

Knús á þig á móti Milla mín.