Góður og gefandi dagur þrátt fyrir allt.

Ég vil byrja á að óska Sjálfstæðirmönnum og Vinstri grænum til hamingju með góða kosningaútkomu.  Mér þykir einsýnt að þessir tveir flokkar taki áskoruninni og myndi næstu ríkisstjórn.  En ég spái líka stjórnarkreppu og kosningum aftir eftir 2 ár.

En dagurinn var góður hjá mér, ég fór á skrifstofuna til að hitta mína menn um morguninn.  Um þrjú tvö leytið fór ég með mínum manni að kjósa.  Á kjörstað gat að líta þessa ungu hressu menn í glímutökum. 

 Jamm og ein góð sveifla fyrir ljósmyndarann.

 

Klukkan þrjú fór ég á yndislega tónleika með Íris Kramer og Hrólfi Vagnssyni, þau eru listamenn á heimsmælikvarða.  Litróf kölluðu þau tónleika sína og með þeim fylgdi litaspjald, þar sem maður átti að merkja við hvaða litur passaði fyrir hvaða lag. 

En á lagaskránni voru mörg yndisleg lög.

La Fiesta

Figaro

Meditango

Dinosauros

Caravan

Interactive Imrovisation og Tango, frá þeim sjálfum

Tante Anni Prima

Libertango

Sofðu unga ástin mín.

Spain.

Og allt þetta spilað á takkaharmonikku, trompet og fleiri blásturhljófæri og kassatrommu hvað sem hún nú heitir á tæknimáli. 

 Hér spilar Hrólfur Dinosauros, ótrúlega flott lag

 Þetta er sennilega eina hljóðfærið þessarar tegundar á Íslandi.  Gaman að heyra leikið á hana. 

 Takturinn sleginn.  Sjáið hve þau eru yndisleg.  Falleg hjón og glæsileg. 

 Hér sjáum við skólastjóra Tónlistarskólans Sigríði Ragnar, systur Hjálmar H. ræða við Hrólf í pásunni.

 Hér er gömul kempa Óli Kitt fyrrverandi bæjarstjóri í Bolungarvík og pabbi Eddu Borg.  mikill jassari.  Og Sigríður Ragnar.

 Uppákoma hjá þeim hjónum Interactive Imrovisation

 

 Tilþrif í blues.

 

 

 Hér má sjá Kristinn H. Gunnarsson, systur hans og bloggvinkonu Katrínu Gunnars og Elsu B. Friðfinnsdóttur.  Við bíðum hér eftir fyrstu tölum.  Kristinn er sem betur fer inni á Alþingi.  Við héldum sjó þrátt fyrir allt.  Þó við misstum góða menn út af þingi.  En þeir koma bara tvíelfdir næst.  

 Svona var veðrið í gær svolítið villt.  Ég er líka þannig í dag. En ég veit að lífið heldur áfram.  Nú fer maður að huga að blómaræktinni aftur og getur gefið því allan tímann. 

Ég get samt ekki skilið af hverju þetta fór svona.  Mér finnst vera eitthvað að í íslenskri þjóðarsál.  Eitthvað sem ég vona að við þroskumst upp úr.  Því fyrr verðum við ekki lýðræðisríki.  Meðan við látum plata okkur svona kosningar eftir kosningar og notum ekki samstöðuna til að breyta.  Þá gerist ekki neitt. 

Ég held samt sem áður að róðurinn verði ekki léttur núna hjá valdhöfum.  Loforðin eru til staðar.  Og við verðum á sjá til þess að við þau loforð verði staðið.  Ég giska samt á að það verði kosningar aftur eftir 2 ár.  Þá verður sennilega komið í ljós að inneign var ekki til fyrir öllum loforðunum.  Og að "góðærið" var fullt af lofti.

En vonandi eigum við öll góðan dag.

Athugasemdir

[Guðsteinn Haukur Barkarson, 13.5.2007 kl. 12:00]

Til hamingju með koma Kristni H. Gunnarsýni inn, ég hefði samt viljað sjá þig sem næsta forsætisráðherra Áshildur mín. Þá hefði landinu fyrst verið stjórnað með hjartanu, en ekki einungis til þess að þjóna mammón, eins og það lítur út núna. Guð blessi þig og þína fjölskyldu, þú ert alltaf í bænum mínum.

[Ásthildur Cesil Þórðardóttir, 13.5.2007 kl. 12:20]

Takk kærlega fyrir þetta Guðsteinn minn. 

[Jenný Anna Baldursdóttir, 13.5.2007 kl. 12:34]

Ásthildur mín til hamingju, þetta hélst bara þokkalega hjá ykkur!!!  Ég reikna nú ekki með því einu sinni að þessi stjórn haldi áfram í óbreyttri mynd.  Það væri beinlínis aðför að lýðræðinu.

[Ásthildur Cesil Þórðardóttir, 13.5.2007 kl. 12:43]

Já ég segi það sama.  Það verður dapurlegt.  Ég held að þeir reyni það ekki.  Þó veit maður aldrei.

[Heiða Þórðar, 13.5.2007 kl. 13:51]

Ásthildur þú ert yndisleg; Til hamingju með það

[Ásthildur Cesil Þórðardóttir, 13.5.2007 kl. 13:59]

Takk elsku Heiða mín. 

[Anna Ólafsdóttir (anno) (IP-tala skráð) 13.5.2007 kl. 15:13]

Til hamingju með árangurinn í kjördæminu, Ásthildur. Kristinn er náttúrulega alveg ótrúlegur! Ég held að honum hljóti að hafa þótt sætt að fella byggðastofnunarforstjórann eftir það sem farið hefur þeirra á milli undanfarið.

[Ásthildur Cesil Þórðardóttir, 13.5.2007 kl. 15:28]

Já ég hugsa bara að hann sé ánægður með það.  Við erum bara glöð með að hann fór inn.  Kristinn er mjög vandaður maður.  Það hefur maður kynnst þessar vikur.  Og alveg stálheiðarlegur.  Þeir eru flottir saman hann og Guðjón Arnar.  Og Grétar Mar er harðjaxl líka.  Það má líka segja um Jón Magnússon.  Þetta eru allt sterkir menn.  Ég hlakka til að sjá hvað verður.  Ég er alveg klár á að Sjálfstæðismenn geta ekki haldið áfram með Framsókn með eins manns mun.  Sennilega fara þeir með Samfylkingunni, eða Vinstri gænum.  En þá skiptir allavega um kúrs.  Það er ekki hægt annað eftir stóru orðin.  Það hlýtur að verða meiri mannúð. 

[Magnús Paul Korntop, 13.5.2007 kl. 15:32]

Til lukku með árangurinn Ásthildur,en ég tel að stjórn Sjálfstæðismanna með annaðhvort Samfylkingu eða Vinstri-grænum sé næst á dagskrá.

Gaman að sjá alla þessa jaxla frá ykkur inni.

[Anna Benkovic Mikaelsdóttir, 13.5.2007 kl. 15:36]

já nú verða áherslubreytingar á 'islandinu!

[Katrín, 13.5.2007 kl. 15:55]

Kæra vinkona þetta tókst á endasprettinum enda Vestfirðingar frægir fyrir þann sprett.  Það náðist að knésetja framsókn í þetta skiptið og næst verður það stóri flokkurinn.  Til hamingju vinkona og við öll frjálslynd

[Ásthildur Cesil Þórðardóttir, 13.5.2007 kl. 16:04]

Takk öll.  Já svo sannarlega tókst þetta á endasprettinum.  Ég var að tala við Kristinn H. rétt áðan og ég sagði við hann í gamni að það hefði verið hans sæti sem kom og fór.  Því hann var jú í öðru sæti hjá Framsókn síðast, og er nú inni sem Frjálslyndur.  Ég vil óska Sigurjóni og Magnúsi Þór alls góðs, og ég vona svon sannarlega að þeir komi inn aftur í næstu kosningum.  Því það sem þarna sannaðist er að VIÐ ERUM KOMIN TIL AÐ VERA.  Það eru skýrustu skilaboðin fyrir okkur í þessum kosningum.