Já það er gott að geta farið í drottningaviðtöl.

Það er gott hjá þér að hleypa gleði inn í líf þitt og byrja upp á nýtt ágæta Þórey, og leiðinlegt að þetta skyldi koma upp á erfiðum tíma fyrir þig.  Það er samt eitthvað sem ekki passar fyrir minn smekk.  Þannig er að ef ég er með hreina samvisku þá á ég ekki í einhverju sálarstríði um mál sem sannarlega er ekki mitt mál.  Og að auki, ef þú varst svona viss um að Gísli var saklaus, af hverju að spyrja hann mörgum sinnum, (það á líka við um Hönnu Birnu)  þið  afneituðuð báðar tilvist skjalsins sem reyndist svo vera nákvæmlega inn í ráðuneytinu.  Það var reynt að klína sökinni á Rauðakrossinn og útlendingastofnum.  Ef þú varst svona náinn samstarfsmaður Hönnu Birnu hlýtur þú að hafa fylgst með því máli og vitað að skjalið fannst einmitt hjá ykkur ásamt lekanum.  Ég er með ákveðna kenningu um hvernig þetta mál æxlaðist, og þar kemur núverandi lögreglustjóri Reykjavíkur sterkt inn ásamt ykkur.  

 

Og þegar fyrrverandi innanríkisráðherra neitaði tilvist þessa skjals á alþingi hlýtur þú að hafa vitað að það var ekki sannleikanum samkvæmt.  Hvort sem þú vilt kannast við það eða ekki, þá liggur þetta fyrir, þvi miður fyrir þig og þinn fyrrverandi yfirmann.  Þetta hefur aldrei verið útskýrt nægjanlega.  

Og þegar þú fórst í mál við DV, með kröfu um hörðustu refsingu sem til væri, fórstu alveg með það að mínu mati, og ef einhver samúð hefði verið með þér, fauk út hún út í veður og vind. 

En sem sagt ég óska þér alls góðs í nýju lífi og megi þér farnast sem allra best.  En mundu bara að þó sannleikurinn muni aldrei koma upp, þá mun hann naga þá sem þekkja hann.  Og ef þér hefur liðið svona illa út af fólkinu sem lenti í lekanum, þá er það pínu skrýtið að þú skyldir ekki á neinn hátt bregðast við og sýna þeim samúð meðan á þessu stóð.  

Mundu líka að það eru ekki allir sem fá drottningaviðtöl í mest lesnu blöðum landsins til að réttlæta sjálfa sig og aðra.  Sumir eiga enga slíka að, og þegar reynt var að eyðileggja þann stuðning frá almenningi sem þetta blessað fólk var að fá með leka, þá var það bara andstyggilegt.  

Ákvað að hleypa gleði inn í lífið

Athugasemdir

[Jens Guð, 31.5.2015 kl. 19:41]

  Allt stangast á hvers annars horn.  Upptalning er löng samantekt.  En látum nægja að sinni að staldra við tvær fullyrðingar.  Önnur er sú að þær stöllur hafi algjörlega í sakleysi trúað og treyst orðum GF.  Hin er sú að hafa engu að síður þráspurt hann daglega um það hvort að hann væri sá ómerkilegi lygari sem nú hefur verið afhjúpaður.  

  Önnur hvor nefndra fullyrðinga stemmir ekki. Ekki fremur en svo margt annað í viðtalinu og öllu ferli lekamálsins frá fyrsta degi.

[Ásthildur Cesil Þórðardóttir, 31.5.2015 kl. 19:46]

Einmitt Jens, þetta viðtal er fullt af svona villum, sem segja manni að þetta er bara eins og það lítur út fyrir að vera Drottningarviðtal eins og þau gerast best. 

[Sigurður K Hjaltested (IP-tala skráð) 31.5.2015 kl. 20:56]

Sæl Ásthildur.

Langt síðan éf hef haft tíma til að koma hér við á blogginu.

En það er önnur saga.

Hins vegar er þetta sem þú ert hér um að fjalla, algjör hneisa.

Heldur þetta fólk allt, sem á að vera í vinnu fyrir okkur, að

það geti endalaust skitið á okkur með svona fáránlegum

"drottningarviðtölum".

Hvenær ætla þessar druslur, stjórnmálamenn og embættismenn" að

læra það, að við búum á árinu 2015..??

Heldur þetta fólk virkilega, að hægt sé henda í okkur almúgan svona

þvælu, og vona að við gleymum því sem á undan sé gengið..??

Hún hefði betur fyrir sig, aldrei látið sjá sig aftur og leyft

okkur að vera í friði fyrir hennar líkum.

Ástandið í okkar þjóðfélagi er slikt, vegna fólks eins og hennar,

er orðið óþolandi og við þurfum ekki meira á svona fólki að halda.

M.b.kv.

[Jónas Ómar Snorrason, 31.5.2015 kl. 21:04]

Ásthildur, ég eiginlega vona að þú svarir mér einlæglega. Hver eru rökin þín fyrir andstöðu þinni við ESB. Ég veit að þessi pistill fjallar ekki um það mál, en samt hvað er það sem þér ekki líkar. Ég vil heiðarlegt svar, ekki framsjallasvar?? Koma svo!!!

[Ásthildur Cesil Þórðardóttir, 31.5.2015 kl. 21:35]

http://ec.europa.eu/enlargement/pdf/publication/20110725_understanding_enlargement_en.pdf Hefur þú kynnt þér þessi skjöl Jónas?  Ég get ekki gefið þér framsjallasvar, því ég aðhyllist hvorki Framsókn né Sjálstæðisflokki.  En það sem ég hef kynnt mér um þetta mál er þannig vaxið að ég hef miklar efasemdir um að við séum betur komin þarna inni.  Í þessu enlargmement kemur skýrt fram að það verði ekki gefinn neinn afsláttur á umráð yfir sjávarauðlindinni, þeir viðurkenna að þeir hreinlega geti það ekki, því það þurfi jafnt yfir alla að ganga.  Og þó Malta og einhver smáríki hafi fengi einhverskonar undanþágu á smákóð við hafnirnar hjá sér, þá er það TÍMABUNDIÐ.  ESB hefur aldrei farið í launkofa með hvað felst í aðild.  Og þeir hafa alla tíð tekið það skýrt fram að hér sé um aðlögun en ekki samningaviðræður að ræða.  Málið er að þetta skjal hefur aldrei verið þýtt fyrir okkur því það hentaði ekki Samfylkingunni og Vinstri grænum á sínum tíma.  

Þeir róa því á þau mið að um kosningasvik sé að ræða, þegar það hefur legið fyrir lengi að málið var sett á ís á vakt Össurar og norrænu velferðarstjórnarinnar.  Vegna þess að þeir gátu ekki orðið við skipun ESB um að færa yfirráð sjávarauðlindarinnar til Brussel.  Þess vegna var ekki hægt að opna kaflan um sjávarútveginn. Því hann stangaðist á við stjórnarskrá Íslands. 

Og þetta er fyrir utan allt sem mínir vinir í Austurríki, Þýskalandi, Danmörku og Svíþjóð segja mér.  Og ég bara veit að Austurríkismenn munu aldrei samþykkja meiri samruna Evrópu, þeir eru nú þegar orðnir langþreyttir á því að borga fyrir aðgang landa eins og Spánar, Grikklands og Ítalíu og fleiri landa, með hækkuðum sköttum á almenning.  

Og svo núna síðast bara í fyrrakvöld þegar þýskir vinir mínir sátu hér hjá mér í elshúsinu og ég sagði þeim að umsóknarferlinu hefði verið slitið, og þeir óskuðu Íslendingum til hamingju með það.  Vinur minn sem er sólarorkusérfræðingur hefur verið beðinn um að gerast umboðsmaður (lobbísiti að eigin sögn í gríni) smærri fyrirtækja í Þýskalandi vegna þess að slík eiga í vök að verjart.  Það er lagt allt kapp á að gefa stórfyrirtækjum gott brautargengi, og reyna að útiloka hina.  Þetta er bjúrókrat andskotans þarna, sem rekið er af lobbístum sem eru á mála hjá fyrirtækjum til að ota sínum tota.  Það er EKKERT LÝÐRÆÐISLEGT VIÐ ESB, ÞVÍ MIÐUR. 

[Helga Kristjánsdóttir, 1.6.2015 kl. 00:34]

Mín í gamla gírnum.

[Anna Sigríður Guðmundsdóttir, 1.6.2015 kl. 15:07]

Áshildur. Ég hef gert nokkrar tilraunir til að lesa þetta viðtal. En það er einhvers konar óskiljanlegur áhugaskortur hjá mér, að lesa þessa stuttmynda-ævisögu augnabliksins múgæsandi og Mammon-fjölmiðlavarða.

Ég hef verið orðuð við að vera forvitnasta manneskja sem sumir hafa unnið með, og þess vegna skil ég ekki þennan forvitnisskort minn í máli þessarar konu?

En ég fæ oft svörin löngu seinna, frá annarri vídd. Það gildir líklega í þessu máli. Hvort sem hjálpar-upplýsinga-andarnir okkar miklu og góðu heita Óðinn, eða einhverju öðru nafni, þá standa þeir vaktina yfir okkur fjölmiðlanna ó-upplýstu vesalingunum á jörðinni. Og standa vaktina miklu betur en andlausu Mammon-þrælandi fjölmiðlaþjónar blekkinganna.

M.b.kv. 

[Ásthildur Cesil Þórðardóttir, 1.6.2015 kl. 16:11]

Já Anna Sigríður, það er gott að vita af því að yfir okkur eru verndarar sem stundum láta vita af sér.  ÉG er þakklát fyrir það